• March 28, 2024
  • Ang Diyaryong Pinagkakatiwalaan

Archive for March, 2022

MRT-3, tiniyak na ‘di magtataas ng singil sa pasahe matapos ang 1-mo. free ride

Posted on: March 31st, 2022 by @peoplesbalita No Comments

MULING  iginiit ng pamunuan ng Metro Rail Transit Line 3 (MRT-3) na hindi magkakaroon ng pagtaas sa singil sa pamasahe sa tren ang naturang railway pagkatapos ng isang buwang pagpapatupad ng libreng sakay dito.

 

 

Ipinahayag ito ni MRT-3 acting general manager Michael Capati na kasabay ng pagsasabing mananatili sa P13 hanggang P28 ang presyo ng pamasahe sa MRT-3.

 

 

Magpapatuloy din na entitled sa 20% discount ang mga kababayan nating senior citizen at persons with disability.

 

 

Paliwanag ni Capati, tutulungan ng pamalahaan ang MRT-3 upang mabawi ang isang buwang pagkawala ng kanilang kita dahil sa libreng sakay program mula sa P7-billion na pondong ipinagkaloob sa kanila ng Kongreso.

 

 

Magtatagal hanggang sa April 30 ang programang libreng sakay sa MRT-3 na nagdulot naman ng mahahabang pila ng mga pasahero dito dahilan kung bakit may ilang mga commuters ang pinili na lamang na sumakay sa EDSA Bus Carousel na inaasahan ding magpapatuloy sa pagbibigay ng libreng sakay na serbisyo sa susunod na linggo.

Kinumpirma ng DOF na hindi pa bayad ang mga Marcos sa utang nilang estate tax

Posted on: March 31st, 2022 by @peoplesbalita No Comments

TINAWAG ni Pangulong Rodrigo Duterte ang pansin ng Bureau of Internal Revenue (BIR) patungkol sa hindi pa nakukulektang estate tax ng personalidad na hindi niya pinangalanan — ito habang naiipit ang pamilya ni presidential bet Ferdinand “Bongbong” Marcos Jr. sa P203.8 bilyong estate tax issue.

 

 

Nabanggit ng pangulo ang isyu habang ipinagtatanggol ang desisyon niyang ipagpatuloy ang operation ng kontrobersyal na electronic sabong o “e-sabong” para pagkakitaan ng gobyerno.

 

 

“Ako baka nagdududa kayo bakit hindi ko hininto [ang e-sabong]. Hindi ko ho hininto kasi kailangan ng pera sa e-sabong ng gobyerno. I’ll make it public now, it’s P640 million a month. And in a year’s time, it’s billion plus,” ani Duterte, na wala pa ring ineendorso sa pagkapresidente ngayon.

 

 

“Saan tayo maghanap ng pera ng ganoon na kadali na siguro? Sa taxation natin, so ang gobyerno can only prod. Hindi naman kailangan ng reminder sa Malacañan.”

 

 

Ika-28 ng Pebrero nang maghain ng resolusyon ang Senado para himukin ang Philippine Amusement and Gaming Corp. (PAGCOR) na isuspindi ang operation ng mga online sabungan matapos mawala nang parang bula ang nasa 31 kataong itinuturing may kinalaman sa e-sabong industry.

 

 

Pagdadahilan ni Duterte, pwede naman daw kasing magkaroon ng mga krimen at patayan kaugnay ng kahit na anong bagay pati na sa mga ligal na pasugalan gaya ng mga casino. Dahil dito, hindi na raw kailangang i-single out ang e-sabong lalo na’t kumikita rito ang gobyerno.

 

 

“Nandiyan ‘yung BIR so tanungin natin ‘yang BIR bakit hanggang ngayon hindi nakolekta ‘yung estate tax. So ‘yan ang ano diyan,” dagdag ni Duterte.

 

 

“[Maraming pumunta dito, hindi ko na sabihin kung sino — nanghihingi ng suporta kaya late kami ngayon nag-umpisa… [Siyempre I had to talk to them, taas ng kamay nila. Well, ang buhay ng pulitiko.”

 

 

Inilutang ni Duterte ang isyu ng uncollected excise tax ngayong bilyun-bilyong excise tax ng mga naiwan ng yumaong napatalsik na pangulo, bagay na ipinupukol ngayon ng iba’t ibang 2022 presidential candidates laban kay Bongbong.

 

 

Sa kabila nito, iginigiit ni BBM na “hindi muna ito kinokolekta sa kanila” dahil hindi pa raw malinaw kung magkano ang sisingilin sa kanila. Aniya, pamumulitika lang ito lalo na’t ibinabato ito ngayong eleksyon. Ito’y kahit nagpadala na ng demand letter ang BIR sa kanila noong Disyembre 2021 na bayaran ang utang.

 

 

Sa sobrang laki ng estate tax na ito — o ‘yung buwis na kinokolekta ng gobyerno para mailipat ang naiwang kayamanan ng namatay papunta sa naulilang mamanahan — ilang kandidato at grupo na ang nagsabing malaki ang magagawa ng bilyones para mapakinabangan ng publiko.

 

 

Una nang sinabi ni presidential candidate Manila Mayor Francisco “Isko Moreno” Domagoso na kaya nitong magpakain sa 59.7 milyong Pilipino araw-araw sa loob ng isang taon kung makokolekta ito ng BIR.

 

 

Ayon naman kay Anakpawis national president Ariel Casilao, pwedeng gamitin ang P203 bilyon para pandagdag sa ayudang ibibigay ng gobyerno ngayong kasagsagan ng oil prices hikes. Kung hahati-hatiin daw ang halaga, makakukuha ng P1,816 ayuda ang bawat Pilipino — malayo sa P500 lang na ibibigay ng gobyerno.

 

 

Itinutulak din ngayon ng Department of Finance na kolektahin ng BIR ang estate tax ng mga Marcos para makapag-generate ng mas malaking revenue ang gobyerno para mapadali ang buhay ng mga Pinoy ngayong may oil crisis.

 

 

Samantala, kahapon ay kinumpirma ng Department of Finance  na hindi pa bayad ang mga Marcos sa utang nilang estate tax.

 

 

“BIR is collecting and demanded payment from the Marcos Estate Administrators. They have not paid, ” ani Secretary Carlos Dominguez III.

 

 

BIR will continue to consolidate the titles in favor of the government on those properties which have been levied upon. The procedure may take time as it involves selling at public auction to convert to cash. Bottomline, Marcos does not take any steps to settle and paybecause of pending litigation. (Daris Jose)

Mahigit 10-M Ukrainians nakaalis na sa kanilang bansa simula nang lusubin ng Russia ang Ukraine

Posted on: March 31st, 2022 by @peoplesbalita No Comments

NASA mahigit 10 milyon na mga Ukrainians na ang iniwan ang kani-kanilang mga tahanan para umalis sa bansa simula nang lusubin ito ng Russia.

 

 

Ayon kay UN Humanitarian Affairs Deputy Emergency Coordinator Joyce Msuya, mahigit sa kalahati ng populasyong ito ay pawang mga kabataan.

 

 

Aabot sa 6.5 milyon sa mga ito ang internally displaced habang nasa 3.9 million naman ang nakatawid na sa mga borders patungo sa karatig na bansa nito.

 

 

Iniulat din ni Msuya na patuloy din ang pagtaas ng humanitarian aid sa lugar araw-araw.

 

 

Sa katunayan ay nasa mahigit 1,230 daw na United Nations personnel ang kasalukuyang nasa Ukraine habang nasa mahigit 100 humanitarian organizations naman mula sa buong bansa ang nagtutulong-tulong para sa humanitarian aid dito.

 

 

Noong Marso 18, ay naipadala ng UN convoy ang nasa 130 tons ng mga medical supplies, tubig, ready-to-eat meals, at iba pa, para sa 35,000 katao.

 

 

Habang noong Lunes naman ay nakarating na rin ang UN convoy sa Kharkiv upang magpaabot din ng pagkain, at iba pang essential relief items na ipinamamahagi naman ng Ukraine Red Cross.

 

 

Samantala, aminado naman si Msuya na kinakailangan nila ng isang detalyado at makatotohanang kasunduan sa humanitarian ceasefires upang maipagpatuloy nila ang pag-aabot ng tulong para sa mga taong naaapektuhan ng digmaan sa pagitan ng dalawang bansa.

Gilas Pilipinas naka-focus na sa SEA Games

Posted on: March 31st, 2022 by @peoplesbalita No Comments

NAKATUON  na ang atensiyon ng mga Gilas Pilipinas sa nalalapit na 31st Southeast Asian Games.

 

 

Karamihan kasi sa mga manlalaro na kinuha ng Gilas Pilipinas ay mga PBA players.

 

 

Sinabi ni Gilas player Matthew Wright na dapat hindi hayaan ng Gilas ang pagiging dominante nila sa SEA Games.

 

 

Itinuturing kasi na ang Gilas bilang Team USA na mayroong malalakas na manlalaro.

 

 

Pagtitiyak na sa mga nakuhang PBA players ay sanay na ang mga ito o mayroong mga chemistry sa isa’t-isa.

 

 

Aminado ito na ilan sa mga malalakas na koponan na kanilang makakalaban ay ang Thailand at Vietnam na nag-improve na sa kanilang manlalaro.

 

 

Magsisimula ang SEA Games ng Mayo 12 hanggang 23.

Feel the Adrenaline Rush of ‘Top Gun: Maverick’ in New Official Trailer

Posted on: March 31st, 2022 by @peoplesbalita No Comments

GUARANTEED adrenaline rush.

 

 

Paramount Pictures’ Top Gun: Maverick is finally coming to cinemas across the Philippines May 25.

 

 

Watch the NEW official trailer below: https://www.youtube.com/watch?v=JPH9ewUvHYE

 

 

About Top Gun: Maverick

 

 

After more than thirty years of service as one of the Navy’s top aviators, Pete “Maverick” Mitchell (Tom Cruise) is where he belongs, pushing the envelope as a courageous test pilot and dodging the advancement in rank that would ground him.

 

 

When he finds himself training a detachment of Top Gun graduates for a specialized mission the likes of which no living pilot has ever seen, Maverick encounters Lt. Bradley Bradshaw (Miles Teller), call sign: “Rooster,” the son of Maverick’s late friend and Radar Intercept Officer Lt. Nick Bradshaw, aka “Goose”.

 

 

Facing an uncertain future and confronting the ghosts of his past, Maverick is drawn into a confrontation with his own deepest fears, culminating in a mission that demands the ultimate sacrifice from those who will be chosen to fly it.

 

 

Directed by Joseph Kosinski, Top Gun: Maverick stars Tom Cruise, Miles Teller, Jennifer Connelly, Jon Hamm, Glen Powell, Lewis Pullman, Charles Parnell, Bashir Salahuddin, Monica Barbaro, Jay Ellis, Danny Ramirez, Greg Tarzan Davis with Ed Harris.

 

 

The film is written by Ehren Kruger and Eric Warren Singer and Christopher McQuarrie, based on the characters created by Jim Cash & Jack Epps, Jr.  Produced by Jerry Bruckheimer, Tom Cruise, Christopher McQuarrie, and David Ellison.

 

 

Top Gun: Maverick is distributed in the Philippines by Paramount Pictures through Columbia Pictures.

 

 

Follow on TwitterInstagram, and YouTube. Connect with #TopGun and tag @paramountpicsph

(ROHN ROMULO)

China nagpatupad muli ng COVID-19 restrictions dahil sa patuloy na paglobo ng mga dinadapuan ng virus

Posted on: March 31st, 2022 by @peoplesbalita No Comments

MAS hinigpitan pa ng Shanghai, China ang COVID-19 restrictions matapos ang patuloy na paglobo ng mga nadapuan.

 

 

Nagpatupad na rin sila ng lockdown para magpatupad ng testing sa mga residente.

 

 

Aabot sa mahigit 26 milyon katao ang apektado dahil sa ipinatupad na lockdown kung saan pinagbawalan ang mga ito na lumabas.

 

 

Mayroong 4,381 kasi na asymptomatic cases ang naitala at 96 symptomatic mula pa noong Marso 28.

 

 

Mayroong 17,000 testing personnel mula sa Shanghai at katabing rehiyon kung saan naglagay ang mga ito ng 6,300 station na magsasagawa ng 8.26 milyon test.

“Guko” nalambat sa baril at shabu sa Navotas

Posted on: March 31st, 2022 by @peoplesbalita No Comments

REHAS na bakal ang kinasadlakan ng isang mangingisda matapos makuhanan ng baril at shabu makaraang masita dahil walang suot na damit habang naglalakad sa Navotas City.

 

 

Kinilala ni Navotas police chief Col. Dexter Ollaging ang naarestong suspek na si Angelito Jaime alyas “Guko”, 20, (user/listed) ng 95 B. Cruz St., Brgy. Tangos North.

 

 

Ayon kay Col. Ollaging, dakong ala-una ng madaling araw, nagpapatrolya ang mga tauhan ng Navotas Police Sub-Station 2 sa ilalim ng pangangasiwa ni PLT Genere Sanchez nang maispatan nila ang suspek na walang damit habang naglalakad sa kahabaan ng A. Cruz St., Brgy. Tangos South.

 

 

Nang lapitan ng mga pulis, nakita nila ang isang improvised gun na nakasukbit sa bewang ng suspek na naging dahilan upang arestuhin siya ng mga parak.

 

 

Narekober sa suspek ang naturang improvised gun na may isang bala at isang transparent plastic sachet na naglalaman ng tinatayang nasa P2,040 halaga ng hinihinalang shabu.

 

 

Nahaharap ang mga suspek sa kasong paglabag sa RA 9165 at RA 10591 in relation to Omnibus Election Code of the Philippines. (Richard Mesa)

4 NA INDIBIDWAL, INARESTO SA ANTI-KFR AT GUNRUNNING OPERATION

Posted on: March 31st, 2022 by @peoplesbalita No Comments

NAARESTO ng mga ahente ng National Bureau of Investigation (NBI) ang apat na indibidwal na bahagi ng sindikato na responsible sa kidnap for ransom at pagpatay sa mga Chinese national.

 

 

Kinilala ni NBI OIC-Director Eric B. Distor  ang naaresto na Chinese national na sina Li Tao Tao at Huang Bao Jian na naaresto sa isang Chinese restaurant sa Pasay City dahil sa pagbebenta ng 3 di lisensyadong  baril na Glock 22 cal. 40, Glock 30 cal. 45 at Springfield XD-9 Subcompact 9mm; Marck Rovel De Ocampo alias Erick Isaytono de Ocampo na itinurong gun supplier.

 

 

Bunsod nito, isang follow up operation ang ginawa sa Aseana City sa Parañaque laban sa financier at leader ng crime group na parehong dayuhan.

 

 

Nabatid na nang ipag-utos ng operatibang NBI-IOD ang mga suspek na lumabas mula sa kanilang tinted na sasakyan, tumanggi ang mga ito at pinaharurot ang kanilang sasakyan.

 

 

Dahil dito, nagkaroon ng putukan kung saan nakatakas ang mga suspek. Nag-alarma naman ang mga operatiba sa PNP na arestuhin ang mga suspek kung makita ang kanilang sasakyan sa kanilang area of responsibility.

 

 

Hanggang sa nalaman ng NBI-IOD na ang nasabing sasakyan ay natagpuan sa isang parking area kung saan si Yu Jingdong, isang Chinese national ay isinugod sa ospital matapos na tamaan ng bala sa palitan ng putukan habang ang isang Sy Tuan Dat, isang Vietnamese ay natagpuang patay sa sasakyan.

 

 

Matatandaan  din na noong February 15, 2022, si Yu JingDong ay inaresto sa Okada Hotel dahil sa illegal possession of firearms at ammunition at kinasuhan sa Parañaque Prosecutors Office.

 

 

Sa nasabi ring buwan, Mark Rovel de Ocampo  alias Erick Isaytono De Ocampo ay kinasuhan ng Kidnapping for Ransom at Serious Illegal Detention sa ilalim ng  Article 267 of the Revised Penal Code, R.A.8353 (Rape) at paglabag sa R.A. 10591 (Comprehensive Firearms and Ammunition Regulation Act of 2012 at  Sec 261 ng  BP 881 (Omnibus Election Code in relation to Comelec Resolution No.120728). (GENE ADSUARA )

PRAYER RALLY SA COMELEC, GINAWA

Posted on: March 31st, 2022 by @peoplesbalita No Comments

PINANGUNAHAN  ni Fr.Robert Reyes ang prayer rally kasama ang ilang grupo sa harap ng tanggapan ng Commission on Elections  sa Intramuros, Maynila ngayong Miyerkules upang ipagdasal na maisagawa ng mga nakaupo ang patas at malinis na halalan sa Mayo 9.

 

 

Partikular na ipinagdasal ni Fr. Reyes kasama si Fr. Flavie Villanueva at mga miyembro  Urban Poor Associates (UPA) na magabayan ang Comelec , maging ligtas at mailayo sa anumang anomalya tulad ng pandaraya, pagbebenta ng boto, panlilinlang at pagkilng sa mga makapangyarihang kandidato.

 

 

Ipinagdasal din ng running priest na magawa ng mga komisyuner at kanilang mga kawani ang kanilang trabaho ng maayos nang walang pagkiling sa kandidato dahil sila ang pinaka-importanteng sangay  ng pamahalaan ngayong eleksyon.

 

 

Umaasa rin ito na  mangunguna ang Comelec na madepensahan at maingatan ng Comelec ang mga balota at proseso sa gagawing halalan gwyundin ang pagbibilang ng boto.

 

 

Hiniling din ng Pari sa lahat ng Pilipino  na ipagdasal ang nalalapit na eleksyon upang magkaroon ng pangulo na siyang tutulong upang maiahaon sa kahirapan, korupsyon, karahasan at pansariling interes sa pulitika ang ating bansa. (GENE ADSUARA )

PDu30, ikakampanya ang mga PDP-Laban bets sa Cebu

Posted on: March 31st, 2022 by @peoplesbalita No Comments

SA KABILA nang hindi pa inaanunsyo ni Pangulong Rodrigo Roa Duterte ang napipisil niya bilang kanyang successor, sasama ang Chief Executive sa mga kandidato ng ruling PDP-Laban party sa serye ng campaign sorties, simula  Marso 31.

 

 

“That will be the first public appearance of PRRD to endorse the candidacy of PDP-Laban,” ayon kay Cabinet Secretary and PDP-Laban secretary general Melvin Matibag.

 

 

Aniya ang event ay gaganapin sa Lapu-Lapu City sa Cebu, itinuturing na “the most vote-rich province” base sa data ng Commission on Elections (Comelec).

 

 

“We are planning probably more or less 24 more areas that the President will appear to endorse the senatorial candidates of PDP-Laban and also those candidates who are being endorsed and adopted by PDP-Laban, and the local candidates as well,” dagdag na pahayag ni Matibag.

 

 

Noong nakaraang linggo, pormal na inendorso ng PDP-Laban faction na pinangungunahan ni Energy Secretary Alfonso Cusi at suportado ni Pangulong Rodrigo Roa Duterte ang kandidatura ni presidential candidate Ferdinand “Bongbong” Marcos, Jr., dalawang buwan matapos na ianunsyo nito ang pagsuporta sa kanyang running mate na si presidential daughter and Davao City Mayor Sara Duterte.

 

 

Sinabi ng mga opisyal ng partido na ang desisyon nila ay hindi katumbas ng pag-endorso ni Pangulong Duterte, chairman ng partido. Subalit sinabi naman ni dating spokesperson ng Chief Executive, senatorial candidate Salvador Panelo, na hindi na kailangan pang magsalita ng Pangulo sa bagay na ito.

 

 

“Sa tingin ko, alam niyo, hindi na kailangan ng hayagang endorsement sapagka’t malinaw naman na sa kanyang mga pahayag, sinasabi niya na ‘yung mga sinulong niyang reporma sa gobyerno ay kailangang maipagpatuloy,” ayon kay Panelo.

 

 

“Ibig pong sabihin kung sino ang nanunumpa at nagsusulong ng pagpapatuloy ng pagbabago na sinimulan niya, ‘yun ang kanyang gustong maging presidente. Kung sino ang nanawagan ng pagkakaisa, ‘yun din ang gusto niya sapagka’t siya ho, number one na matagal na, paulit-ulit sinasabi niya, magkaisa na tayo,” dagdag na pahayag nito.

 

 

Sa kabilang dako, sa loob ng Cusi faction, may ilang miyembro nito ang nagpahayag ng kanilang personal preference para sa ibang kandidato.

 

 

Gaya na lamang ni Eastern Samar Governor Ben Evardone, party’s vice president for the Visayas, ay inendorso si Vice President Leni Robredo habang si PDP-Laban senatorial candidate at dating Agrarian Reform secretary John Castriciones ay nagpahayag naman ng kanyang pagsuporta kay Manila Mayor Francisco “Isko Moreno” Domagoso.

 

 

Sinabi ni Matibag na ang party leadership ay nagpadala ng notices para makipag-usap sa mga ito. (Daris Jose)