• April 15, 2024
  • Ang Diyaryong Pinagkakatiwalaan

Archive for September, 2023

Ads September 30, 2023

Posted on: September 30th, 2023 by @peoplesbalita No Comments

Lumayo muna sa sexy image dahil sa bagong serye: SID, masaya na muling makatrabaho sina DENNIS at BEA

Posted on: September 30th, 2023 by @peoplesbalita No Comments

ANG linis at ang bangong tingnan ni Sid Lucero ngayon dahil sa role niya as Roald sa ‘Love Before Sunrise.’

 

 

 

Malayo na sa sexy image niya laging nakahubad at balbas-sarado sa mga pelikulang ginawa niya for Vivamax.

 

 

 

Ngayon ay parati na siyang ahit at may suot na damit dahil siya ang ka-love triangle nila Dennis Trillo at Bea Alonzo.

 

 

 

Nakatrabaho na noong 2010 ni Sid si Bea sa pelikulang ‘Miss You Like Crazy’. Si Dennis naman ay nakasama niya sa telefantasya na ‘Etheria: Ang Ikalimang Kaharian Ng Encantadia’ noong 2005.

 

 

 

“Kaya somehow I know kung paano silang magtrabahong dalawa. Ang saya lang na after so many years, nakasama ko ulit silang dalawa. Mas mature na kaming tatlo ngayon,” sey ni Sid.

 

 

 

Aabangan ng fans ang confrontations nila Dennis at Sid sa ‘Love Before Sunrise’. Sa pinasilip na trailer ng serye sa SM Megamall Cinema, pinalakpakan ng marami ang away nila dahil sa pagmamahal kay Bea na biro ng marami ay ang haba-haba ng hair!

 

 

 

***

 

 

 

SOBRANG proud si Wilma Doesnt dahil sa pagrampa ng kanyang panganay na anak na si Asiana sa nakaraang Bench Fashion Week 2023.

 

 

 

Tunay ngang sumusunod sa yapak ni Wilma ang kanyang anak sa pagiging isang fashion model.

 

 

 

Bago nag-showbiz si Wilma noong 1999, ilang taon din siyang naging runway at editorial model.

 

 

 

Sa Instagram, pinost ng ‘Abot-Kamay Na Pangarap’ star ang photo ni Asiana at nilagyan niya ng caption na: “Ayyyyy… anyare… ung isang itik ko ohhhhh… palakad lakad ka jan nak ha… proud momma here…buti na lang talaga nagmana ka sa NANAY MO. Good job nak!!!! Emilia Asiana Dassent ibuhhhhhh…libre mo naman ako maniped hahahahaha.”

 

 

 

***

 

 

 

PUMANAW na sa edad na 82 ang British-Irish actor na si Michael Gambon, na nakilala dahil sa kanyang pagganap bilang si Professor Albus Dumbledore sa anim na Harry Potter films.

 

 

 

Mapayapang pumanaw sa ospital si Gambon, batay sa pahayag na inilabas ng pamilya.

 

 

 

Nagsimula ang career ni Gambon sa pag-arte sa entablado noong 1960s, at kinalaunan ay napanood na siya sa telebisyon at pelikula. Kabilang sa mga pelikula niyq ay The Cook, the Thief, His Wife & Her Lover” at The King’s Speech.

 

 

 

Lumawak ang audience niya nang palitan niya ang pumanaw na aktor na si Richard Harris bilang Dumbledore noong 2004.

 

 

 

Tumigil sa pag-arte sa teatro si Gambon noong 2015 dahil sa long-term memory problems, pero nagpatuloy siya sa paggawa ng pelikula hanggang noong 2019.

 

 

(RUEL J. MENDOZA)

Kahanga-hanga ang tapang sa pagsagot sa mga isyu: CARLA, muling binanggit na matagal ng wish na makatrabaho si PIOLO

Posted on: September 30th, 2023 by @peoplesbalita No Comments

HANGANG-HANGA kami sa Kapuso Primetime Goddess na si Carla Abellana na buong tapang na sinagot ang mga tanong na ibinato sa kanya ng entertainment press na dumalo sa bonggang contract signing para sa bago niyang talent management, ang All Access to Artists, Inc. (Triple A).

 

 

Bihira na kasi ngayon sa mga mediacon na hindi pagbabawalan o lilimitahan ang pagtatanong ng management ng artista. Na sa tingin namin, tama lang na ‘wag diktahan o pangunahan, dahil nasa artista naman yun kung type niyang sagutin o hindi ang isyung itatanong sa kanya.

 

 

At dito mo nga labis na hahangaan si Carla, nasagot at naitawid naman niya ito ng buong ningning, kaya happy lahat ng dumalo dahil maraming masusulat at malaman ang mga videos na ipo-post.

 

 

Anyway, dumalo ang Presidente at Chief Executive Officer ng Triple A na si Direk Mike Tuviera, Ms. Jacqui Cara, head of Operations at isa sa execom na si Mr. Jojo Oconer para sa naturang contract signing, na pinaghandaan talaga, mula sa venue, pagkain at inumin, at may bonggang pa-raffle pa.

 

 

Isa nga sa natanong ay kung naka-move on na nga si Carla sa dating asawa na si Tom Rodriguez. Base sa kanyang aura, okay na okay na si Carla at napatawad na niya ang aktor, at hindi ito ang dahilan ng kanyang paglipat ng management.

 

 

Although, maliit lang naman ang mundo ng showbiz, magkikita at magkikita rin sila. Pero hindi siya ang unang babati at ayaw na niya munang makasaya sa ano mang projects, na understandable naman.

 

 

Binanggit uli ni Carla na matagal ng wish na maka-work si Piolo Pascual.

 

 

“Isa po sa pangarap ko Piolo Pascual po, matagal ko ng pangarap ‘yun! Whether pelikula o teleserye kahit ano po,” nangingiting sabi ni Carla.

 

 

Ipinahayag din niya sa mediacon na noong May 2023 pa nag-expire ang kontrata niya sa GMA-7 at isa nga ‘yun sa pinag-uusapan ngayon kanyang bagong management na magpatuloy ang pagiging Kapuso niya.

 

 

Na sa tingin namin, hindi naman basta-basta pakakawalan ng Kapuso Network ang isa sa mahuhusay nilang aktres at host.

 

 

Kahit na biglang lumabas ang isyu na posible raw na mag-guest siya sa serye ni Coco Martin na “FPJ’s Batang Quiapo”.

 

 

Kaya reaction niya ng matanong sa presscon, “Oh my gosh! Ha-hahahaha! Kung bibigyan po ako ng opportunity why not? My goodness I would like to be part of Batang Quiapo pero wala naman pong offer, wala pong inaalok sa akin maging part ng Batang Quiapo.

 

 

“Sa ngayon wala naman pong kahit na anong offer na maging parte ng kahit anong proyekto, pero kung aalukin po ako, yayain po ako, magiging open po ako ro’n.”

 

 

At dahil nga parte na siya ng Triple A, excited na siya Carla na makatrabaho ‘yung iba’t ibang artista, lalo na ang mga aktor na ‘di pa niya nakakasama, Kapuso man o taga-ibang istasyon.

 

 

Sa ngayon siguradong mapapanood pa si Carla sa GMA-7 dahil sa upcoming series na “Stolen Life” na eere ngayon Nobyembre.

 

 

Muli niyang makakatambal si Gabby Concepcion, kasama sina Ms. Celia Rodriguez at Beauty Gonzales,

 

 

Nakatrabaho ni Carla si Gabby noong 2015 sa seryeng “Because Of You”.

 

 

Pinuri naman ni Carla ang kaniyang co-star na si Beauty na para sa kanyang ay isang ‘passionate artist.’

 

 

“Working with Beauty Gonzalez has been such, oh my gosh!, a wonderful experience. I’ve learned so much from her. Napaka-passionate na artista, maliit na eksena, malaking eksena bigay todo siya.

 

 

“Never half lang ang kaniyang performance, talagang todo! Ibang klase and talagang ‘yung energy niya laging full, hindi siya nandadaya.

 

 

“Ayaw niya ng so-so ‘yung kaniyang performance and she has taught me a lot about ‘yung ano talaga ‘yung importance nung aming trabaho.”

 

 

Ang ‘Stolen Life’ na tungkol sa babaena “mananakawan” ng buhay dahil sa astral projection, ay mula sa direksyon ni Jerry Sineneng.

 

(ROHN ROMULO)

APPLE ORIGINAL FILMS UNVEILS NEW FEATURETTE, “AN INSIDE LOOK”, FOR MARTIN SCORSESE’S HIGHLY ANTICIPATED “KILLERS OF THE FLOWER MOON”

Posted on: September 30th, 2023 by @peoplesbalita No Comments

APPLE Original Films has unveiled a new featurette, “An Inside Look”,  for Martin Scorsese’s highly anticipated “Killers of the Flower Moon.” Starring Leonardo DiCaprio, Robert De Niro and Lily Gladstone, “Killers of the Flower Moon” will premiere in theaters around the world, including IMAX® theaters, on October 18.

Watch the featurette below: https://www.youtube.com/watch?v=0kMqhNgM58Y

At the turn of the 20th century, oil brought a fortune to the Osage Nation, who became some of the richest people in the world overnight. The wealth of these Native Americans immediately attracted white interlopers, who manipulated, extorted, and stole as much Osage money as they could before resorting to murder.

Based on a true story and told through the improbable romance of Ernest Burkhart (Leonardo DiCaprio) and Mollie Kyle (Lily Gladstone), “Killers of the Flower Moon” is an epic western crime saga, where real love crosses paths with unspeakable betrayal. Also starring Robert De Niro and Jesse Plemons, “Killers of the Flower Moon” is directed by Academy Award winner Martin Scorsese from a screenplay by Eric Roth and Martin Scorsese, based on David Grann’s best-selling book.

Hailing from Apple Studios, “Killers of the Flower Moon” was produced alongside Imperative Entertainment, Sikelia Productions and Appian Way. Producers are Martin Scorsese, Dan Friedkin, Bradley Thomas and Daniel Lupi, with Leonardo DiCaprio, Rick Yorn, Adam Sommer, Marianne Bower, Lisa Frechette, John Atwood, Shea Kammer and Niels Juul serving as executive producers.

Director: Martin Scorsese

Cast: Leonardo DiCaprio, Robert De Niro, Jesse Plemons, Lily Gladstone, Tantoo Cardinal, John Lithgow, Brendan Fraser, Cara Jade Myers, JaNae Collins, Jillian Dion, William Belleau, Louis Cancelmi, Tatanka Means, Michael Abbot Jr., Pat Healy, Scott Shepard, Jason Isbell, Sturgill Simpson

Writers: Eric Roth, Martin Scorsese

Producers: Martin Scorsese, Dan Friedkin, Bradley Thomas, Daniel Lupi

Exec. Producers: Leonardo DiCaprio, Rick Yorn, Adam Somner, Marianne Bower, Lisa Frechette, John Atwood, Shea Kammer, Niels Juul

“Killers of the Flower Moon” is distributed in the Philippines by Paramount Pictures through Columbia Pictures. Connect with #KillersOfTheFlowerMoon and tag paramountpicsph

(ROHN ROMULO)

Dahil na-deny ang apela sa 12-day suspension ng ‘It’s Showtime’: Nagagalit kay MTRCB Chair LALA, mas lalong dumami

Posted on: September 30th, 2023 by @peoplesbalita No Comments

MAS lalong marami ang nagagalit ngayon kay Chairwoman Lala Sotto ng MTRCB.

 

 

Ang dahilan, dahil sa ang naging decision pa rin ng MTRCB ay tuloy ang 12 airing days suspension ng It’s Showtime. At denied ang Motion for Reconsideration na hinain ng It’s Showtime.

 

 

Nakakausap namin si Chair Lala kaya alam namin where she is coming from. Alam din namin na wala siyang kinalaman o hands-off siya sa kahit anong decision na nabubuo ng board pagdating sa lahat ng mga noontime shows.

 

 

Pero, obviously, tila bingi ang mga supporters, lalo na ng IS sa mga ganitong dahilan.

 

 

Ayon kay Lala nang makausap namin, “We don’t want to he swayed with the opinion of others. We are not here to please or get approval from other people.

 

 

“We’re here to uphold our mandate. I’m not here to please other people. I’m here to do my job and uphold our mandate.”

 

 

Sabi rin niya, “Marami rin opinion na i-cancel ko na ang It’s Showtime, pakikinggan ko rin ba ‘yon? May mga nagsasabing dapat i-extend pa ang suspension, susundin ko rin ba ‘yon? We must always remember that everything is subject to the interpretation and judgment of the board.”

 

 

Pero sabi nga namin, siya ‘yung ‘damn if you do and damn if you don’t’ sa ilang netizens dahil ang nakikita lang talaga sa kanya, ‘yung relationship niya sa mga host ng TV5’s ‘E.A.T.’

 

 

 

***

 

 

NGAYONG Lunes, October 2 na ang pagbabalik muli ng itinuturing na isa sa pinaka-masaya at matagumpay na game show sa bansa, ang ‘Family Feud’ sa GMA-7.

 

 

Naitanong namin kay Dingdong kung may pagkakataon na ba na may gusto siyang manalong grupo, pero natalo at ano ang naging reaksyon niya?

 

 

“Oo nga, medyo obvious minsan ‘yon, e. Minsan nga, kulang na lang, ibigay ko na ang sagot, e. Actually, binibigay ko, hindi niyo lang nakikita,” natatawang biro niya.

 

 

At sabi niya rin, “Meron talaga, meron talaga.

 

 

“Lalo na minsan, may mga guest na, hindi ko alam, baka bad day lang sila or sadyang hindi lang sila excited or kinabahan. Gustong-gusto nilang manalo. Kung gusto nila, gusto ko rin na manalo sila.

 

 

“Pero siyempre, ito yung laro na kahit hanggang sa dulo, biglang may magsusurpresa sa ‘yo. Kahit sino ka, pwede ka pa rin manalo.

 

 

“Minsan, nangyayari ‘yon.”

 

 

Bukod sa ‘Family Feud’ at ‘Amazing Earth’, siya rin ang host ng ‘The Voice Generations’. Halatang natuwa naman si Dingdong nang malaman niya ang naging komento sa kanya ni Johnny Manahan, ang director naman ng singing contest bilang host.

 

 

Ayon dito, alam daw niyang mahusay na actor si Dingdong, pero, nasurpresa siya sa husay rin nito bilang isang host.

 

 

“Hay naku, nakakakilig naman malaman ‘yon,” masayang sabi niya.

 

 

“Sa totoo lang, kinabahan ako no’ng una kong maka-trabaho si Mr. M. Kasi siyempre, alam ko na siya talaga ang nag-direk ng ‘The Voice’ for season 1.

 

 

“So alam ko, may certain level of expectation siya para sa isang host and ako, bilang new host of the franchise, siyempre, I want it also na kahit papaano, meet the expectation na sana, magawa ko ng maayos. And happy ako na pumasa naman ako sa kanya.”

 

(ROSE GARCIA)

Ang reunion na pinakahihintay ng lahat: PIA, masayang pinost ang muling pagkikita nila ni Miss Columbia ARIADNA

Posted on: September 29th, 2023 by @peoplesbalita No Comments

KAHIT kami ay nagulat at natuwa na makita ang litrato na magkasama sina Pia Wurtzbach at Ariadna Gutierrez!

 

 

Well sino ba naman ang makakalimot sa nangyari noong Miss Universe 2015 kung saan nagkamali si Steve Harvey ng announcement ng winner, na sa halip na Philippines ang tawagin niya ay Colombia ang inanunsiyo niyang nagwagi bilang pinakamagandang babae sa buong universe noong taong iyon.

 

 

At heto nga, kailan lamang ay nag-post si Pia sa kanyang Instagram account ng larawan kung saan magkasama sila ni Ariadna na naglalakad sa isang kalye sa Paris.

 

 

Ginanap kasi doon ang Paris Fashion Week kaya naroroon ang dalawang beauties.

 

 

“The reunion you’ve all been waiting for,” ang caption ni Queen Pia sa kanyang post na nilagyan ni Ariadna ng comment na “Almost 8 years!”

 

 

Maging si Ariadna ay nag-post ng lirato nila ni Pia sa kanyang IG account na may caption na…

 

 

“It’s been almost 8 years since the last time we were together. So happy to see you again. When time makes sure you meet the right people once again.”
Nagbubunyi ang mga beauty pageant afficionados sa muling pagkikita ng dalawa.
***
 

AYAW paawat ni Alden Richards! Bakit?

 

 

Si Alden kasi ang pinakabagong Board of Trustees member ng Movie Workers Welfare Foundation, Inc. o MOWELFUND.

 

 

Sa mga hindi pa nakakaalam, ang MOWELFUND ay organisasyon na nagbibigay-tulong at suporta (kadalasan ay pinansiyal) sa lahat ng miyembro nito na nasa industriya ng pelikula.

 

 

“Naghahanap na talaga ako ng ways kung paano ba ako makakapagbigay pabalik sa isang industriya na nagpabago ng buhay ko. Iyon, binigay sa akin ni Lord si MOWELFUND,” pahayag ni Alden.

 

 

Ang president at CEO ng organisasyon ay si Rez Cortez, ang ilan sa mga board members nito ay sina Gina Alajar at Boots Anson Roa, na dumalo din sa oath-taking ni Alden.

 

 

Samantala, isa pang ganap ni Alden ay ang pagiging… direktor!

 

 

Di ba kasi may pelikula ang Asia’s Multimedia Star kung saan isa rin siya sa producer (with his Myriad Corporation) at ito yung ‘Five Breakups And A Romance’ nila ni Julia Montes

 

 

And during the shoot, nilapitan si Alden ng direktor ng pelikula, si Irene Villamor at kinausap na siya, si Alden, ang maging direktor ng isang eksena.

 

 

“Si direk Irene came up to me, nasa Singapore kami nun, ‘I-direk mo yan,’ tapos umalis. ‘Ok po.’

 

 

“Tayo agad ako, punta ako sa AD (Assistant Director), punta ako sa DOP (Director of Photography) namin.

 

 

“Ganun siya e. Pupuntahan namin yung location, babasahin namin yung script, ano yung elements na incorporated sa script na puwedeng maging additional detail for the scene, the framings, the blockings of the actors, basta lahat ‘yun,” kuwento ni Alden.

 

 

Sa October 18 ang showing ng pelikula kung saan personal choice ni Alden na gumanap bilang ina niya ang mahusay na aktres na si Lotlot de Leon.

 

 

(ROMMEL L. GONZALES)

Natanggap agad dahil mahal at nirerespeto: RICKY, emosyonal nang balikan kung paano nag-out si RIKKI MAE

Posted on: September 29th, 2023 by @peoplesbalita No Comments

NAGSIMULA nang mag-shooting ang Kapuso Royal Couple na sina Dingdong Dantes at Marian Rivera ng movie nilang “Rewind”,” na entry sa 2023 Metro Manila Film Festival sa December.

 

 

Ayon kay Dingdong, dahil sa iba pang mga works nila, nagiging bonding time na rin nilang mag-asawa iyon.  Minsan nga ay nag-post sila na nagti-Tiktok sa set, na siyang naging first collaboration nilang mag-asawa.

 

 

Pero excited na raw sila sa kanilang project, after four years na hindi sila nagtambal sa movie.

 

 

“Excited kami sa project na ito,” sabi ni Dingdong.

 

 

“Three months na lamang, December na. At nakatutuwang malaman na marami pa rin palang producers ang gustong gumawa ng pelikula at maipalabas sa mga sinehan.”

 

 

Inisa-isa ni Dingdong ang mga movies na sabi’y papasok na sa festival.  “Merong entry si Pipo (Tirso Cruz III, nakasama sa ‘Royal Blood’) with Ms. Vilma Santos at Christopher de Leon.

 

 

“May entry rin sina Ms. Sharon Cuneta at si Alden Richards.  Ibabalik din ng Regal Films and “Shake, Rattle & Roll.”  Nakatutuwa, dahil we belong to this industry at iisa lamang naman ang gusto natin, na mabuhay muli ang industriyang ito, at bumalik ang mga manonood sa mga sinehan.

 

 

“Kaya wish namin ni Marian this December, lumabas na ang mga tao, at tangkilikin ang Pelikulang Pilipino.  Kaya it’s our hope and our prayer, na mag-normalize na ang lahat after this pandemic, at bumalik na ang mga manonood sa ating mga sinehan.”

 

 

                                                            ***

 

 

NAGING special guest ni Boy Abunda last Tuesday, September 26, sa“Fast T alk with Boy Abunda,” ang mahusay na actor at director, si Ricky Davao.

 

 

First time nitong nagpahayag ng tungkol sa paghihiwalay nila ng dating asawang si Jackie Lou Blanco, 23 years ago.  Hindi raw nila kagustuhan pareho ang kanilang paghihiwalay, wala sa kanilang plano.

 

 

“We have to accept, move on and continue living, be positive, dahil mahirap pagdaanan ang isang break-up.  Pero nagbabago rin ang mga break-ups sa paglipas ng panahon at nag-mature na rin ang tao.

 

 

“Pero I’m in love now, at naniniwala ako sa second chance,” nakangiting pahayag ni Direk Ricky

 

 

Sa ngayon, sa kabila ng paghihiwalay nina Jackie at Direk Ricky, co-parenting pa rin sila sa mga anak nila.  Doon na rin inamin ni Direk Ricky kung paano inamin ng kanilang anak na si Rikki Mae na member siya ng LGBTQ+ community.

 

 

“Something happened in her school, nabalitaan ko at nagalit ako,” emosyonal na kuwento niya.

 

 

“Sa bahay, nag-aayos ako ng shoes, nagalit ako, binato ko, hindi ko naman siya tinamaan, at umiyak na siya, maluha-luha rin ako.  Kinabukasan, binigyan ako ni Rikki Mae ng sulat, pag-amin tungkol sa pagkatao niya.

 

 

“She’s different daw at part nga ng LGBT+ community.  Of course, natanggap ko naman agad, because I love her, and I respect her.  So, whatever that will make her happy.”

 

 

Napapanood ngayon si Direk Ricky na umaarte sa “Love Before Sunrise” nina Dennis Trillo at Bea Alonzo, gabi-gabi after ng “Maging Sino Ka Man” sa GMA-7.

(NORA V. CALDERON)

Lalaban sila ni Heaven sa ‘2023 Asian Academy Creative Awards’: ARJO, tinanghal na National Winner for Best Actor in a Leading Role

Posted on: September 29th, 2023 by @peoplesbalita No Comments

SUNUD-SUNOD ang pagdating ng magagandang balita para sa mahusay aktor at Congressman ng QC na si Arjo Atayde.

 

Kahapon, September 28, in-annouce na ang National Winners ng mga bansa sa Asya na maglalaban-laban naman ‘2023 Asian Academy Creative Awards’.
Ang Grand Awards at Gala Final ay sa December 7, 2023 at gaganapin sa historic Chijmes Hall ng Singapore.

 

Si Arjo nga ang nagwagi ng Best Actor in a Leading Role dahil sa napakahusay niyang pagganap sa series na ‘Cattleya Killer’ na napili ring Best Drama Series ng bansa para sa 2022.

 

Muli ngang makikipagtunggali si Arjo sa mga mahuhusay ding aktor sa Asya at matatandaang nakapag-uwi na siya ng Best Actor trophy sa mula 3rd Asian Academy Creative Awards 2020 para sa series na ‘Bagman.’

 

Kapansin-pansin nga ang mahusay niyang pagganap sa ‘Cattleya Killer’ kaya ‘di na nakapagtataka na siya ang hirangin na National Winner at malakas ang laban niya. Let’s hope na masungkit niya uli ang naturang acting award.
Recently, ay na-nominate din siya sa Asia Content Awards & Global OTT Awards bilang Best Lead Actor para rin sa naturang series na prinoduce ng ABS-CBN International Productions, Prime Video at Nathan Studios.

 

Katatapos lang din ng North American premiere ng movie niya na ‘Topakk’ last September 23 & 23 sa Austin, Texas.
Samantala si Heaven Peralejo ang tinanghal na PH Best Actress in a Leading Role dahil din sa mahusay niyang pagganap sa MMFF 2022 entry na ‘Nanahimik ang Gabi (A Silent Night)’ ng Rein Entertainment Productions na napapanood sa Amazon Prime Video.

 

Ang naturang sexy suspense-thriller naman ang nagwagi ng Best Feature Film.

 

Kapapanalo lang din ni Heaven ng Best Actress sa 39th Luna Awards ng Film Academy of the Philippines (FAP), kaya palaban din siya dito sa AACA.

 

Ang co-actor niyang si Mon Confiado sa movie ang waging Best Actor in a Supporting Role, na nanalo rin sa MMFF 2022.

 

Last year ay si Jodi Sta. Maria ang nanalong Best Actress para drama series na “The Broken Marriage Vow.” Kaya abang-abang kung magba-back-to-back win ang Pilipinas.

 

 

Narito pa ang ibang National Winners sa para 2023 AACA:

BEST ACTOR/ACTRESS IN A COMEDY ROLE – Isabelle Daza – ‘K-LOVE’
BEST ACTRESS IN A SUPPORTING ROLE – Sue Ramirez – ‘K-LOVE’
BEST ADAPTATION OF AN EXISTING FORMAT – ‘Flower Of Evil’
BEST ANIMATED PROGRAMME OR SERIES (2D OR 3D) – ‘Voltes V: Legacy’
BEST VISUAL OR SPECIAL FX IN TV SERIES OR FEATURE FILM – ‘Voltes V: Legacy’
BEST DIRECTION (FICTION) – Onat Diaz – ‘Dirty Linen’
BEST ENTERTAINMENT HOST – Manila Luzon – ‘Dragden With Manila Luzon’
BEST NON SCRIPTED ENTERTAINMENT – ‘Dragden With Manila Luzon’
BEST MUSIC OR DANCE PROGRAMME- ‘ASAP NATIN ‘TO’
BEST GENERAL ENTERTAINMENT, GAME OR QUIZ PROGRAMME – ‘EVERYBODY, SING!’

 

Para sa complete list bisitahin lang ang kanilang website: https://www.asianacademycreativeawards.com.

 

 

(ROHN ROMULO)

Mga Bulakenyong magsasaka, makikinabang mula sa tatlong ‘solar-powered irrigation system’ ng DA-NIA

Posted on: September 29th, 2023 by @peoplesbalita No Comments

LUNGSOD NG MALOLOS – May 1,434 Bulakenyong magsasaka ang makikinabang mula sa nakumpletong tatlong solar pump irrigation na proyekto ng Department of Agriculture – National Irrigation Administration na inanunsyo sa ginanap na presentasyon ng Solar Irrigation Projects sa NIA Regional Office III sa Brgy. Tambubong, San Rafael, Bulacan noong Biyernes.

 

 

Ang nasabing tatlong proyektong irigasyon na may kabuuang pondong inilaan na P98.6 milyon ay matatagpuan sa Brgy. Sampaloc sa San Rafael at mga Brgy. Tibagan at Malamig sa Bustos.

 

 

Sinabi ni NIA Region III Regional Manager at concurrent OIC Deputy Administrator for Engineering and Operation Sector Inh. Josephine Salazar na ang nasabing pilot solar project sa Brgy. Sampaloc, San Rafael ay may mga solar panel na nakainstila sa ibabaw ng mga irrigation canal.  Pinapagaan nito ang epekto nang paggamit sa mga lupaing pangsaka para sa solar installation nang sa gayon ay mas maraming oportunidad ang mga magsasaka na magamit ang lupain para sa kanilang mga pananim upang lumago ang kita. Sa pamamagitan ng teknolohiyang ito na pinagsamang solar panel, pambomba, electronic controls para sa operasyon, kongkretong mga kanal, mga tangke ng tubig, conveyance structures, at pump houses, mas matipid na sistema kumpara sa mga de-gasolina na pambomba ang hatid nito sa mga magsasaka.

 

 

Buhat nang simulan ang operasyon ng Kapatiran Solar Pump Irrigation System, higit kalahati ng taunang konsumo sa elektrisidad ang nabawas.  Dahil sa naging tagumpay ng proyekto, dalawa pang katulad na modelo ang itinayo sa ibang lugar  – BUSPAN Solar Pump Irrigation System sa Brgy. Malamig at ANBUSPA Solar Pump Irrigation System sa Brgy. Tibagan, parehong nasa bayan ng Bustos.

 

 

“Irrigation is the backbone of agriculture. Together, let us continuously work as we support our President Ferdinand R. Marcos, Jr. on his agenda of achieving full food sufficient country bilang ito po ang kanyang top priority,” dagdag pa niya.

 

 

Gayundin, sinabi ni NIA Administrator Eduardo Guillen na makatutulong ang proyektong irigasyon sa pagbawas sa kagutuman at pagresolba sa problema ng implasyon o pagbaba ng halaga ng salapi.

 

 

Samantala, sa ngalan ng Pamahalaang Panlalawigan ng Bulacan, pinasalamatan ni Bise Gob. Alexis C. Castro ang NIA para sa paglulunsad ng nasabing malaking proyekto sa Bulacan.

 

 

“Nagpapasalamat po tayo dahil sa malaking tulong na ito sa mga magsasaka natin na mabiyayaan ng programang ito,” ani Castro.

 

 

Dumalo din sa okasyon upang magbigay ng kanilang suporta sina Tagapagsalita ng Kapulungan ng mga Kinatawan Ferdinand Martin Romualdez, mga miyembro ng Kapulungan ng mga Kinatawan Edvic Yap, Erwin Tulfo, Elizaldy Co at Lorna Silverio, Punong Bayan ng San Rafael Mayor Mark Cholo Violago at iba pa.

8 aplikante sa inisyal na listahan ng kandidato para sa Maharlika Investment Corp.-DBM

Posted on: September 29th, 2023 by @peoplesbalita No Comments
MAY walong aplikante ang nagsumite ng kanilang aplikasyon para maging bahagi ng board of directors ng Maharlika Investment Corp. (MIC). 
Sinabi ni Budget Secretary Amenah Pangandaman  na “Yung info na nabigay sakin nung una, but this was two weeks ago when we started, parang there’s already seven to eight… Private mostly, walang government.”
Ang MIC  ay isang government-owned company  na inatasan na mangasiwa sa Maharlika Investment Fund (MIF), paglalagakan ng mga government resources na i- invest sa high-impact projects, real estate, at financial instruments.
Nanawagan ang Presidential Communications Office  ng aplikasyon at nominasyon noong Setyembre 12, 2023, na may requirements at clarifications  na nakapaskil sa Department of Budget and Management (DBM) website.
Ang deadline para sa aplikasyon ay sa Setyembre 7.
Winika ni Pangandaman na ang rekomendasyon ay nakatakdang isumite kay Pangulong Ferdinand  Marcos Jr. sa susunod na Lunes, Oktubre 2.
Aniya, may tatlo na ang nagsumite para sa  posisyon ng pangulo at  CEO, subalit may ibang aplikasyon ang natanggap matapos na magbigay ng update ang Kalihim.
“The advisory body for the MIC counts as members the secretaries of the DBM and the National Economic and Development Authority (NEDA), and the national treasurer,” ayon sa DBM.
“The MIC Board counts as members the Department of Finance (DOF) Secretary as the ex-officio chairperson, along with the respective president and CEOs of the Land Bank of the Philippines and the Development Bank of the Philippines,” ayon pa rin sa departamento.
Sa kabilang dako, ang anim na kandidato na irerekomenda kay Pangulong MArcos ay kinabibilangan ng  MIC president at CEO, dalawang regular directors, at tatlong  independent directors. (Daris Jose)