• April 15, 2024
  • Ang Diyaryong Pinagkakatiwalaan

Archive for March, 2021

Mga lugar na naka-granular lockdown, tututukan ng IATF

Posted on: March 31st, 2021 by @peoplesbalita No Comments

MAGPAPATUPAD ang pamahalaan nang mas mahigpit na pagmo-monitor sa iba’t ibang mga lugar na nasa ilalim ng granular lockdown.

 

Sinabi ni Presidential Spokesperson Harry Roque, ito’y sa harap na rin ng gagawin nang pagbabahay- bahay ng mga taga DOH at mga nasa barangay upang madetermina ang mga mayroon ng sintomas ng virus.

 

Importante ayon kay Sec. Roque na agad na mai-isolate ang mga may symptoms bilang paraan na rin upang mapigilan ang pagkalat pa ng virus.

 

Sa kabilang dako, target naman ng gobyerno na makapagsagawa ng 100 test kada araw gamit na rin ang antigen test.

 

Inihayag ni Roque na ito ang kanilang gagamiting test para sa mga masusuyod ng ikakasang pagbabahay -bahay sa ilalim ng Coordinated Operations to Defeat Epidemic o CODE.

 

“Ito po’y gagamitin lalung-lalo na doon sa CODE, ito po iyong pagbabahay-bahay na naghahanap tayo ng mga may sintomas at itong mga may sintomas ay iti-test at ia-isolate. At siyempre po titingnan natin iyong mga areas na under granular lockdown din ‘no. Ito po iyong mga areas talaga kung saan magbabahay-bahay ang DOH at ang mga lokal na opisyales, naghahanap po ng mga mamamayan natin na mayroong mga sintomas para ma-test at ma-isolate,” anito.

 

Samantala, tinatayang, 500,000 antigen test kits ang nabili na para mag a-augment sa RT-PCR o swab test.

 

“Alam mo iyong mga nakalipas na araw parang nag-release po ng 35,000 PCR tests ang ating national government sa iba’t ibang lokal na pamahalaan dito lang sa Metro Manila dahil nga dito sa pagtaas ng numero ‘no. At alam po natin na habang tumataas ang numero, mas marami pang tests na kinakailangang gawin natin kada araw. So ngayon nga ‘no, from one testing lab mayroon na tayong 51,000 tests per day pero para po mapababa natin iyong tinatawag na R-0, kinakailangan maging at least 100,000 iyan ‘no.

 

Kaya nga nag-augment na  tayo ‘no. Mayroon kasi namang brand ng antigen test na napakataas ng efficacy rate na inaprubahan din ng ating FDA at DOH at iyon nga po, bibili na tayo ng 500,000 ng antigen testing kits to augment our RT-PCR,” litaniya ni Sec. Roque. (Bishop Jesus “Jemba” M. Basco)

Sec. Roque, binuweltahan si Dr. Leachon na 80% gustong maging Health Secretary

Posted on: March 31st, 2021 by @peoplesbalita No Comments

“Siyempre, sasabihin niya dahil 80% gusto niyang maging Secretary of Health”!

 

Ito ang buweltang pahayag ni Presidential Spokesperson Harry Roque sa ginawang pagkontra ni Dr. Anthony Leachon sa kanyang sinabi na ang mga variant ng COVID-19 ang dapat sisihin sa muling pagpapatupad ng Enhanced Community Quarantine sa NCR plus at hindi ang kapalpakan ng gobyerno.

 

Nauna na kasing sinabi ni Sec.Roque na hindi palpak ang gobyerno sa pagtugon sa COVID-19 pero sadyang nagkaroon lang ng mutation ang virus kaya dumami lalo ang kaso ng impeksyon.

 

Kinontra naman nito ni Dr. Leachon, dating adviser ng task force ng gobyerno laban sa COVID-19.

 

“This is about 80 percent leadership problem,” ani Leachon ukol sa pagtaas ng kaso ng COVID.

 

“This is all about leadership and if only we could do something about it and we’re given this opportunity to correct the mistakes, I think we should actually step up on the plate right now considering the people are waiting for results,” dagdag pa niya.

 

Giit pa ni Leachon na mas malala pa ang sitwasyon sa bansa ngayon kumpara noong 2020.

 

“I think we are back to square one but worse than last year given that our problems are not only COVID but we also have non-COVID cases right now,” ayon pa sa eksperto.

 

Sinita niya rin ang “excellent” grade ng gobyerno para sa kanilang COVID-19 response dahil maaari umano itong magpalabas ng maling pag-iisip sa publiko.

 

“If you say we are excellent in terms of our pandemic response, why are we on ECQ right now?” ani Leachon.

 

“Basically, that sends a wrong signal to the community because that will lead to even further non-compliance to the health protocols.” (Daris Jose)

Pilipinas bumaba ang ratings sa pagiging masayahin – research

Posted on: March 31st, 2021 by @peoplesbalita No Comments

Bumaba ang ratings ng Pilipinas sa dami ng mga Filipino na masaya ngayong 2021.

 

 

Ayon 2021 World Happiness REport ng United Nations na sa pang number 61 na ang ranking ng Pilipinas mula sa dating pang-52 noong 2020.

 

Gumamit ang researchers ng Gallup data kung saan tinatanong ang mga tao na i-rate ang kanilang sariling kasiyahan.

 

 

Nagbigay din ang mga kabilang sa research ng ratings kung gaano sila kasaya sa usapin ng gross domestic product, social support, personal freedom at levels of corruption ng bansa.

 

 

Noong taong 2017 hanggang 2019 ay nasa pang-42 na lugar ang Pilipinas sa dami ng mga masasayang tao.

JANINE at JC, relate na relate sa pinagdaanan ng characters nila sa ‘Dito at Doon’

Posted on: March 31st, 2021 by @peoplesbalita No Comments

TIYAK na marami ang makaka-relate sa napapanahong pelikula ng TBA Studios na pinagbibidahan nina Janine Gutierrez at JC Santos, ang Dito At Doon na mula sa mahusay na direksyon ni JP Habac.

 

 

Sa pamamagitan ng online press screening, isa kami sa unang nakapanood ng lockdown movie na mula sa panulat nina Alexandra Gonzales at Kristin Parreno Barrameda, na talaga namang tututukan mo ang mga kaganapan sa karakter nina Janine at JC na sina Len at Caloy.

 

 

Sa virtual presscon ng Dito At Doon, natanong ang dalawang bida kung saan eksena sila naka-relate sa pelikula.

 

 

“May isang eksena doon, na kung saan frontliner ang mommy ni Len (played by Lotlot de Leon), tapos hindi niya alam kung ano ang magiging resulta, tapos nakaharap siya sa laptop niya.  Hindi alam kung ano ang magiging reaksyon, kung ano ang gagawin niya doon dahil nasa bahay lang siya… nandoon siya sa balcony.

 

 

“I think, naka-relate ako doon, what if, ano ang magiging reaksyon ko, kung may family na nagkaroon (ng Covid-19) o naging suspect, parang nasa ere ka nun tapos ‘di alam kung anong mangyayari,” tugon ni JC.

 

 

Sagot naman ni Janine, “medyo light lang, mayroong isang eksena doon na tinanong ako doon ng nanay ko kung sino ang bago kong kaibigan (sabay pakita ng picture ni Lotlot sa kanyang cellphone).

 

 

“Sa picture na ito, ganyan po talaga siya makatingin sa totoong buhay.  At marami palang naka-relate.  Iba talaga ang mga nanay ‘no, parang may psychic power sila.

 

 

“Di ba kung makatingin ang nanay, iba talaga eh.  Saka yun nanay ko, medyo kinilabutan ako habang pinapanood ko yun eksena namin.”

 

 

Marami ngang isyu ang natalakay sa Dito At Doon, tulad pakikipagrelasyon sa panahon ng pandemya, ang e-numan (online inuman) na nauso, pagluluto, paghahalaman, relasyon sa pamilya at kaibigan, at ang matatapang na pagsagot sa social media posts, na isa na ginawa ng character ni Janine, na kahit nahihirapan at matapang pa rin hinarap ang mga pagsubok.

 

 

Mapapansin ang kakaibang style ni Direk JP na kahit ang buong cast ay manghang-mangha nang mapanood na nila ang kabuuan ng ipinagmamalaki nilang pelikula.

 

 

Pag-amin ni Janine, “’yun pagka-edit at kung paano ginawa ang pelikula, like I can see, wala pa akong napapanood na pelikula na ganon.

 

 

“Sinabi ko nga kay Direk JP ang galing ng ginawa niya sa mga usapan through phone or naka-zoom lang, like ko siya.”

 

 

Dagdag pa niya, “kinakabahan ako, pag-premiere night, so, wala rin pala, kahit sa virtual, kinakabahan pa rin ako, pero, I was surprised, even I knew the story, na-hook pa rin ako.”

 

 

Say naman ni JC, “medyo natakot ako, sabi ko, dapat maganda yun pelikula namin, pero nang napanood ko na, ang sarap ng feeling pagkatapos.”

 

 

Napakahusay rito nina Janine at JC, dahil mararamdaman mo talaga sa kanila ang character nina Len at Caloy,  ang ganda ng kanilang chemistry.

 

 

Nakakakilig din yung eksenang nakahubad si JC sa sinabihan siya ni Janine ng, ‘bakit ka nakahubo, magdamit ka nga,’ at habang nagluluto ay nagpi-flex ng sexy body si Caloy, may hirit si Len, ‘bakit ko pa kailangan magluto kung may ulam na’, na hindi agad nakuha ng karakter ni JC na may pagka-slow, tawa talaga kami nang tawa, for sure, marami makaka-relate at kung ganun naman ang magtuturo sa ‘yo na magluto ng sinigang, pipilitin mong galingan at sarapan.

 

 

May kilig din nang kantahan ni JC si Janine ng isang Visayan song.

 

 

Nag-share naman si Janine na nag-isip talaga ng mga bagay na nakakakilig para magawa ang mga eksena, pero pag-amin niya, ang huli raw niyang ‘super kilig moment’ at nang mag-tweet si Ms. Regine Velasquez-Alcasid na nakatatawa, akala raw ng Songbird na maganda na siya that day, pero noong nakasalubong niya si Janine sa ABS, hindi na pala.

 

 

Pansin din namin na hanggang sa pelikulang Dito At Doon, nandoon pa rin ang pagiging matapang ni Janine, na bukas na bukas ang isip sa nangyayari sa bansa na dulot ng pandemya at kung ano ang ginagawa ng ating gobyerno.

 

 

Anyway, bukod kina Janine at JC, parehong mahusay din sina Yesh Burce at Victor Anastacio bilang ang magdyowang kaibigan nila na sina Jo at Mark, nakadagdag sila ng saya at lalo pang nagpaganda sa pelikula na hopefully marami ang makapanood sa online streaming simula ngayong araw, March 31 sa pamamagitan ng KTX.ph, iWant TFC, Cinema 76 @ Home at Ticket2Me.

 

 

Gustung-gusto rin namin ang pagkakalapat ng theme song na “Nakikinig Ka Ba Sa Akin” ng Ben & Ben, saktong-sakto talaga sa Dito At Doon, may kurot na talagang tagos na tagos.   Kuwento pa ni Direk JP, nagkataon na kaibigan niya ang isa sa member ng sikat na banda at napagbigyan naman sila ng isang magandang kanta na bagay na bagay sa pinagdaanan nina Len at Caloy sa pelikula.

 

 

Tiyak na marami rin ang magre-react sa ending na Dito At Doon na kahit kami ay hindi ‘yun inasahan kaya malamang sa malamang, gugustuhin ng makakapanood na magkaroon ito sequel o part 2.

 

 

Kaya ‘wag ninyong palalampasin ang napakagandang obra na ito ni JP Habac na kung saan isa si Paulo Avelino sa nag-produce.

GOVT SERVICES SA NAVOTAS MAAARING ISARA

Posted on: March 31st, 2021 by @peoplesbalita No Comments

Dahil sa patuloy na pagtaas ng mga kaso ng COVID-19, inihayag ni Mayor Toby Tiangco na maaari pansamantalang  ipa-shutdown muna ang government services sa lungsod.

 

 

Aniya, lima sa 18 barangay halls na kinabibilangan ng San Jose, Bangkulasi, San Rafael Village, North Bay Boulevard North, at North Bay Boulevard South-Proper ang pansamantalang naka-lockdown para disinfection upang mapigilan ang pagkalat ng virus matapos ilan sa kanilang mga empleyado ang nagpositibo sa COVID-10.

 

 

“Our barangay official and employees underwent swab test from March 13-19. Among those tested, 142 turned out positive, forcing us to close some barangay halls,” ani Tiangco.

 

 

“Because of the lockdowns, services of the barangays have been affected. There were fewer tanods to patrol alleys and streets, or garbage collectors to pick up wastes,” aniya.

 

 

“Even our city hall and the out-patient department of the Navotas City Hospital had to close down for two weeks due to COVID cases. If this continues, we will soon face the difficulty of providing basic services to our constituents,” sabi pa niya.

 

 

Inulit ni Tiangco ang kanyang panawagan sa publiko na sundin ang mga safety protocol tulad ng wastong pagsusuot ng face mask at face Shield, 1-2 meter social distancing, paghuhugas ng kamay, at pananatili sa bahay hangga’t maaari. (Richard Mesa)

NCR, Bulacan, Cavite, Laguna at Rizal mananatili sa ECQ hanggang Abril 4, 2021.

Posted on: March 31st, 2021 by @peoplesbalita No Comments

MANANATILI sa ilalim ng Enhanced Community Quarantine (ECQ) classification ang National Capital Region (NCR), Bulacan, Cavite, Laguna at Rizal hanggang Abril 4, 2021.

 

Inanunsyo ni Pangulong Rodrigo Roa Duterte sa kanyang Talk To The People, Lunes ng gabi na ang Santiago City ay isinailalim niya sa Modified Enhanced Community Quarantine (MECQ) simula Abril 1 hanggang Abril 30, 2021; habang ang Quirino Province ay isinailalim din niya sa MECQ mula Abril 1 hanggang Abril 15, 2021.

 

Para sa Luzon, ang buong Cordillera Administrative Region (CAR); Cagayan, Isabela, at Nueva Vizcaya sa Region II; at Batangas ay nasa ilalim naman sa General Community Quarantine (GCQ) hanggang Abril 30, 2021.

 

At nasa ilalim naman ng GCQ para sa buong buwan ng Abril ay ang Tacloban City para sa Visayas; at Iligan City, Davao City, at Lanao del Sur para sa Mindanao.

 

Ang lahat ng iba pang lugar ay isasailalim naman sa Modified General Community Quarantine (MGCQ) para sa buong buwan ng Abril. (Daris Jose)

10,000 bagong COVID-19 cases naitala sa Pilipinas; total 731K

Posted on: March 31st, 2021 by @peoplesbalita No Comments

Pumalo na sa lampas 10,000 ang bilang ng naitalang bagong kaso ng COVID-19 sa Pilipinas.

 

 

Ayon sa Department of Health (DOH), tinatayang 10,016 ang nadagdag sa COVID-19 cases ng bansa ngayong araw, March 29. Kaya naman umakyat na ang total sa 731,894.

 

 

“3 labs were not able to submit their data to the COVID-19 Document Repository System (CDRS) on March 28, 2021.”

 

 

Nasa 115,495 naman ang mga active cases o mga nagpapagaling.

 

 

Halos 96% sa mga ito ang mild cases; 2.4% ang mga asymptomatic cases; 0.7% ang mga severe at critical cases; at 0.41% ang moderate cases.

 

 

Sa tala ng DOH, 18% na ang positivity rate o bilang ng mga nag-positibo mula sa 28,492 na nagpa-test sa COVID kahapon.

 

 

Ayon sa WHO, dapat hindi lumampas sa 5% ang positivity rate ng isang bansa sa COVID.

 

 

Nadagdagan naman ng 78 ang bilang ng mga gumaling, kaya nasa 603,213 na ang total recoveries.

 

 

Habang 16 ang nadagdag sa mga total deaths na ngayon ay 13,186 na.

 

 

“Of the 16 deaths, 6 occurred in March 2021 (38%), 1 in January 2021 (6%), 1 in December 2020 (6%), 1 in November 2020 (6%), 3 in October 2020 (19%), 2 in July 2020 (12%), 1 in June 2020 (6%), and 1 in April 2020 (6%). Deaths were from NCR (9 or 56%), CAR (2 or 12%), Region 3 (1 or 6%), Region 6 (1 or 6%), Region 4A (1 or 6%), Region 5 (1 or 6%), and CARAGA (1 or 6%).”

 

 

“14 duplicates were removed from the total case count. Of these, 8 are recoveries. Moreover, 11 cases that were previously tagged as recoveries were reclassified as deaths after final validation.”

 

 

Kung hihimayin ang datos ng DOH, ngayon ang ika-siyam na araw na nag-ulat ang bansa ng higit 7,000 bagong kaso ng COVID-19.

 

 

Nagsimula ito noong March 19 at patuloy na tumaas sa mga nakalipas na araw. (Gene Adsuara)

6 arestado sa tupada sa Valenzuela

Posted on: March 31st, 2021 by @peoplesbalita No Comments

Anim katao kabilang ang tatlong senior citizen at isang bebot ang arestado matapos salakayin ng pulisya ang isang illegal na tupadahan sa Valenzuela city.

 

 

Kinilala ni Northern Police District (NPD) PBGEN Nelson Bondoc ang mga naaresto na si Francisco Valenzona Jr., 61, Hermande De Jesus, 61, Willington Grefalda, 73, Jay-Jay Samonte, 31, Larry George Diamante, 27, Fish Vendor at Mary Jane Dupalco, 32, fish vendor.

 

 

Ayon kay PBGEN Bondoc, nakatanggap ng impormasyon mula sa confidential informant ang mga operatiba ng NPD District Special Operation Unit (DSOU) hinggil sa nagaganap na illegal na tupadahan sa Galas St., Brgy. Bignay, Valenzuela City.

 

 

Kaagad bumuo ng team ang mga operatiba ng DSOU sa pangunguna ni DSOU OIC PMAJ Amor Cerillo sa ilalim ng pangangasiwa ni PLTCOL Allan Umipig, kasama ang 4th MFC-RMFB NCRPO sa pangunguna ni company commander PLT Abe Lunggami.

 

 

Dakong alas-11:30 ng umaga nang salakayin ng pinagsamang team sa pamumuno ni PMAJ Cerillo ang naturang lugar na nagresulta sa pagkakaaresto sa mga suspek.

 

 

Ani PSSg Allan Reyes na kasama sa operation, narekober ng team sa lugar ang dalawang panabong na manok na may tari at P2,300 bet money sa magkakaibang domination na nakuha naman sa collector kasador na si Valenzona. (Richard Mesa)

Sec. Andanar, personal na kinumpirma na tinamaan ng Covid- 19

Posted on: March 31st, 2021 by @peoplesbalita No Comments

KINUMPIRMA mismo ni Presidential Communications Operations Office (PCOO) Secretary Martin Andanar na positibo siya sa Covid-19 at isang asymptomatic.

 

Sa kalatas na ipinalabas ni Andanar, nakasaad dito na kaagad siyang nag-isolate at nag-home quarantine.

 

“I would like to confirm that I have, unfortunately, tested positive for COVID-19. Though I am asymptomatic, I was immediately isolated and placed on home quarantine,” anito.

 

Nasabihan na rin aniya ang mga taong kanyang nakahalubilo.

 

“Contact tracing of those I have interacted with has also been done in accordance to the rules set by our authorities, and to ensure the safety of my staff, of my family, and of the public,” ani Andanar.

 

Tiniyak naman niya na siya ay okay at ipagpapatuloy ang kanyang trabaho at gampanan ang kanyang tungkulin kabilang na ang pagho-host ng regular shows para ipaalam sa publiko ang mga nangyayari sa bansa habang nagpapagaling mula sa virus.

 

Samantala, nakiusap naman si Andanar na huwag patulan ang mga malicious gossip mongers, na kumakalat ngayon sa pamamagitan ng text messages.

 

Giit nito, hindi niya nilabag ang travel restrictions, “as these strict protocols are in place for our safety, more importantly, I would never jeopardize the well-being of others.”

 

Sa ngayon, pinaalalahanan niya ang lahat na mag-ingat dahil madaling kapitan ng COVID-19 ang kahit na sinuman.

 

Tinawagan din niya ng pansin ang mga nasa ilalim ng ECQ na maging bigilante at sundin ang extra measure na itinakda ng pamahalaan.

 

“Anyone can be infected, which is why we need to strictly adhere to the safety protocols. I also call on those in areas under ECQ to be extra vigilant and to follow the extra measures set in place by our government, they are for everyone’s safety,” ang panawagan ni Andanar. (Daris Jose)

22.9 milyon benepisaryo ang mabibigyan ng ayuda sa ECQ areas

Posted on: March 31st, 2021 by @peoplesbalita No Comments

AABOT lamang sa 22.9 million beneficiaries ang mabibigyan ng ayuda ng pamahalaan sa ilalim ng Expanded Social Amelioration Program (SAP).

 

Ang mga benepisaryong ito ay nasa lugar ng nasa ng ilalim ng Enhanced Community Quarantine (ECQ) sa loob ng isang linggo.

 

Sinabi ni DBM Sec. Wendel Avisado na base ito sa population statistics mula DSWD at NEDA.

 

“Bale po sa puntong iyan, we are guided by data given to us both by DSWD and NEDA. And based on the latest population statistics from NEDA, there are estimated 22.9 million beneficiaries which correspond to the 80% low income population in NCR, Bulacan, Rizal, Cavite and Laguna,” ayon kay Avisado.

 

“So, iyon ‘yung ano.. ‘yon ang pinagbabasehan natin. So, hindi  lahat kundi base  sa datos na ibinigay sa atin ng NEDA at DSWD,” dagdag na pahayag ni Avisado.

 

Nauna rito, tiniyak ng Kalihim na may inilaan na silang pondo para sa special amelioration assistance sa mga lugar na apektado ng Enhanced Community Quarantine.

 

Aniya, kasalukuyan pa itong nire-review ng office of the executive secretary  at inaasahang sa loob ng araw na ito ay maianunsyo ng office of the President ang mga detalye hinggil dito.

 

Kasama rito kung sino sino ang kwalipikadong benepisyaryo, magkano ang ibibigay  at kung kada pamilya ba ito o kada indibidwal.

 

Una rito ay inianunsyo ni Senador Christopher Lawrence Bong Go sa Laging Handa public briefing na nasa 23 bilyong piso ang available na pondo para sa Expanded Social Amelioration Program ng pamahalaan.

 

Ayon kay Go, ang Expanded SAP ay maaaring ibigay in kind sa kada pamilya o indibidwal.

 

May nauna na ring pahayag si DILG Usec Jonathan Malaya na pinag-aaralan sa ngayon kung ang pondong ito galing sa national government ay pwedeng irekta nang ibigay o ibaba sa mga LGU at hindi na idaan pa sa DSWD.

 

Ito aniya ay para sa layuning mas mabilis na maibigay sa mga kwalipikadong benepisyaryo ang pondo.

 

Samantala, muling nakiusap si Go sa national government na bilisan na ang pagbibigay ng ayuda sa mga residenteng nakatira sa NCR, Rizal, Bulacan, Cavite at Laguna na naka-ECQ o Enhanced Community Quarantine (ECQ) simula ngayong araw, Marso 29 hanggang Abril 4, 2021.

 

“Tulungan natin sa lalong madaling panahon ang ating mga kababayan upang makaraos sila sa hirap, lalo na ‘yung mga naninirahan sa NCR, Rizal, Bulacan, Cavite at Laguna na naka-ECQ,” ayon kay Go.

 

Giit nito, gawin na ang lahat ng makakaya na makapag-abot ng tulong sa lahat ng nangangailangan para walang magutom.

 

“Habang pinipilit natin silang manatili sa kanilang mga pamamahay, siguraduhin din dapat natin na mayroong laman ang kanilang tiyan,” ang pahayag ni Go.

 

Sa bawat araw na lumilipas kung saan nakakulong at limitado ang galaw ng mga tao para matigil ang pagkalat ng sakit, isang araw din na bawas ito sa kita na dapat ipapakain nila sa kanilang mga pamilya, lalo na ‘yung mga “isang kahig, isang tuka”.

 

Kung kaya’t ang anumang available na pondo na pwedeng gamitin ng gobyerno na pang-ayuda ay ibigay na sa mga ito.

 

Ilatag na rin aniya dapat ng mga ahensya, sa tulong din ng mga LGUs, ang mga mekanismo kung paano ito maipapamahagi sa bawat kwalipikadong pamamahay o indibidwal sa paraang maayos, mabilis, at walang bahid ng pulitika o korapsyon.

 

Samantala, nakiusap naman si Go sa mga mamamayang Filipino na apektado ng ECQ.

 

“Para naman sa ating mga kababayang apektado, konting tiis lang po. Hindi kayo pababayaan ng gobyernong palaging nagmamalasakit sa inyo,” anito..

 

Ang pakiusap pa rin niya ay patuloy lang na magbayanihan upang mapagaan ang hirap na pinapasan ng buong sambayanan.

 

“Ang inyong kooperasyon at pagmamalasakit sa kapwa ay makapagliligtas ng buhay ng kapwa nating Pilipino,” diing pahayag ni Go. (Daris Jose)