• April 15, 2024
  • Ang Diyaryong Pinagkakatiwalaan

Archive for December, 2020

‘Expanded’ travel ban vs 20 bansang may bagong COVID variant, ipatutupad ng PH – Duque

Posted on: December 30th, 2020 by @peoplesbalita No Comments

Inanunsyo ni Health Sec. Francisco Duque III na hindi na papayagang makapasok sa Pilipinas ang mga biyahero na manggagaling sa 20 bansang nakapagtala na ng bagong variant ng COVID-19.

 

Ayon kay Duque, epektibo ang expanded travel ban simula alas-12:01 ng hatinggabi ng Disyembre 30 at tatagal hanggang Enero 15, 2021.

 

Ang mga bansang ito ay ang mga sumusunod: United Kingdom, Switzerland, Denmark, Hong Kong, Ireland, Japan, Australia, South Africa, Israel, Netherlands, Canada, France, South Korea, Singapore, Germany, Iceland, Italy, Spain, Lebanon, at Sweden.

 

Sakop aniya sa naturang ban ang lahat ng mga biyahero, mapa-Pinoy man o banyaga.

 

Para naman sa mga pasaherong in-transit na, sinabi ni Duque na makakapasok pa rin ang mga ito pero kailangan nilang sumailalim sa 14-day mandatory quarantine sa mga accredited facilities.

 

Ito aniya ay kahit negatibo ang mga ito sa kanilang RT-PCR test.

 

Hindi naman aniya kasama sa ban ang mga returning overseas Filipino workers.

 

“Except for OFWs. ’Yun ang gusto ng pangulo na ang mga OFWs, ang mga kababayan natin hayaan silang makapasok but they will have to undergo strict 14-day quarantine,” wika ni Duque. (Daris Jose)

Spence, ipapaubaya na kay Pacquiao kung kailan siya interesadong lumaban

Posted on: December 30th, 2020 by @peoplesbalita No Comments

Ipapaubaya na lamang ni WBC at IBF vhampion Errol Spence Jr kay Filipino boxing champion Manny Pacquiao kung pipiliin ba siya nito na makaharap.

 

Sinabi nito na hindi naman ito nagmamadali na makaharap ang fighting senator subalit kung piliin naman siya sa 2021 ay hindi na ito tatanggi.

 

Bukod kasi kay Pacquiao ay ilang boksingero ang nakalinya rin gaya nina Yordenis Ugas, Keith Thurman at Shawn Porter.

 

Huling lumaban si Spence ay noong talunin niya si Danny Garcia noong nakaraang buwan.

 

Kung saan binati pa siya ni Pacquiao.

 

Magugunitang ibinahagi ni Pacquiao na interesado itong makaharap si UFC fighter Conor McGregor sa susunod na taon.

PDu30, inaprubahan na ang pagpapalabas ng gratuity pay para sa job order at contract of service workers sa pamahalaan

Posted on: December 30th, 2020 by @peoplesbalita No Comments

INAPRUBAHAN na ni Pangulong Rodrigo Roa Duterte ang pagpapalabas ng gratuity pay para sa job order at contract of service workers sa pamahalaan bilang pagkilala sa kanilang serbisyo ngayong taon sa gitna ng COVID-19 pandemic.

 

Sa ilalim ng Administrative Order No. 38, mabibigyan ang mga contractual at job order workers sa gobyerno ng one-time gratuity pay na P3,000 para sa kanilang serbisyo ngayong 2020.

 

Nakasaad na saklaw dito ang mga informal workers sa national government agencies, state universities and colleges, government-owned or controlled corporations, at local water districts.

 

napag-alam na ang mga ito ay hindi entitled sa personal economic relief allowance, mid-year at year-end bonuses, at performance-based bonus.

 

Ang one-time pay ay ibibigay sa mga nagtrabaho ng apat na buwan ng “satisfactory” performance sa serbisyo as of December 15, 2020.

 

Pero para naman sa mga nagbigay ng serbisyo nang hindi pa aabot sa apat na buwan ay mabibigyan pa rin ng gratuity pay sa pro-rata basis.

 

“Under Administrative Order 38, all job order and contractual workers who have rendered at least four months of “satisfactory performance of services” as of December 15, 2020 may receive a gratuity pay not exceeding P3,000 each. The gratuity pay for those who have rendered less than four months of service is as follows: not exceeding P2,000 (3 months or more but less than 4 months); not exceeding P1,500 (2 months or more but less than 3 months); and not exceeding P1,000 (less than 2 months). Covered by the order are those employed by the national government agencies, state universities and colleges, government-owned or-controlled corporations, and local water districts,” ayon sa AO.

 

Kaya, hinikayat ni Pangulong Duterte ang local government units na mag-provide ng gratuity pay sa mga manggagawang ito.

 

“Granting a year-end gratuity pay to COS [contract of service] and JO [job order] workers is a well-deserved recognition of their hard work in implementing programs, projects and activities, including those which are part of the emergency COVID-19 response efforts of the government,” nakasaad pa rin sa AO.

 

Sakali naman at kapusin o kulang, ang mga ahensiya ay maaaring mag-request sa Department of Budget and Management ng karagdagang pondo na sisingilin sa identified savings gaya ng mga ahensiya na “subject to the approval of the President.”

 

Nito lamang nakaraang linggo ay inaprubahan ni Pangulong Duterte ang pagpapalabas ng pondo para i-cover ang service recognition incentive ng hanggang P10,000 para sa regular, contractual o casual employees. (Bishop Jesus “Jemba” M. Basco)

Pinoy karateka James De Los Santos, grand winner uli sa online karate tourney

Posted on: December 30th, 2020 by @peoplesbalita No Comments

Muli na namang nangibabaw sa buong mundo ang Filipino karateka champion na si Orencio James De Los Santos.

 

Ito’t mayapos itinanghal si De Los Santos bilang grand winner sa E-Karate Games 2020 kung saan tinalo nito si Wasmuel Wado ng Belgium.

 

Sa panayam kay Delos Santos, sinabi nito na ito na ang kanyang ika-36 gold medal at best Christmas gift aniya na kanyang natanggap.

 

Napag-alaman na si Delos Santos ay ang No. 1 sa Virtual Kata World Rankings at mayroon ng 15,710 points.

MM, extended sa ilalim ng GCQ hanggang Enero 31, 2021

Posted on: December 30th, 2020 by @peoplesbalita No Comments

PINALAWIG ni Pangulong Rodrigo Roa Duterte ang General Community Quarantine ang Metro Manila ng hanggang Enero 31, 2021.

Bukod sa MM, isinailalim din sa GCQ ang Santiago City in Isabela, Batangas, Iloilo, Tacloban, Lanao del Sur, Iligan City, Davao City at Davao del Norte.

Ang nalalabing bahagi ng bansa ay nasa ilalim naman ng modified GCQ.

Samantala, hinikayat naman ni Pangulong Duterte ang mga Filipino na manatili sa kanilang bahay kung hindi naman kinakailangan na lumabas.

“The rule is kung maaaring hindi ka lumabas ng bahay, ‘wag ka na lumabas. Kung marami kang utang, ‘wag kang lumabas talaga mas lalo na. Kung mayroon kang inano na anak na babae na niloko mo, ‘wag ka rin lumabas talaga so it’s a stay home if it’s really possible, kung kaya mo lang. It’s for your own good and the washing of hands,” ayon sa Pangulo. (Daris Jose)

Skyway 3 libre ang toll sa loob ng 1 buwan

Posted on: December 30th, 2020 by @peoplesbalita No Comments

Ang mga motorista na dadaan sa 18-kilometer Skyway Stage 3 ay walang babayaran na toll sa loob ng isang buwan na gagawin para sa soft opening nito.

 

Ayon kay San Miguel Corp. (SMC) president at chief operating officer Ramon Ang, ang SMC ay naglaan ng apat (4) na lanes ng expressway kung saan maaaring gamitin ng mga motorista na dadaan dito na siyang magdudugtong sa northern at southern parts ng Metro Manila.

 

“We are glad to finally open Skyway 3 even on a limited capacity. While this is only a partial opening, given the scale and importance of the project, this is significant development,” wika ni Ang.

 

Samantala bubuksan naman nila ang pitong (7) lanes ng Skyway 3 mula Buendia, sa Makati hanggang North Luzon Expressway (NLEX) simula sa darating na Jan.14.

 

Sinabi pa rin ni Ang na dapat sana ay noon pa nila binuksan ang nasabing Skyway3 subalit dahil sa mga nakaraang bagyo ay naantala ang curing ng concrete at ang paglalagay ng asphalt.

 

“We cannot rush the curing of concrete and preparation for asphalt because these have to be given enough time and have to be given enough time and have to be done according to the highest specifications to ensure quality and safety,” dagdag ni Ang.

 

Pinasalamatan ni Ang ang Duterte administration sa suporta na binigay nila sa loob ng tatlong (3) taon na tuloy tuloy na pagtatayo ng expressway.

 

“We believe it will be the key to our economic recovery after the pandemic,” saad ni Ang.

 

Kasama sa kanyang pinasalamatan ay ang mga economic team ni President Duterte na pinangungunahan ni Finance Secretary Carlos Dominguez III, Transportation Secretary Arthur Tugade, at Public Works and Highways Secretary Mark Villar gawin ang malaking infrastructure development ng pamahalaan sa ilalim ng Build Build Build program at sa pagtulong upang mapadali ang pagtatapos ng Skyway 3.

 

Sinabi pa rin ni Ang na ang mga issues tungkol sa right-of-way na dati pang nakakasagabal sa pagtatayo ng nasabing project ay nagawan ng paraan sa ilalim ng administration ni President Duterte.

 

Si Villar naman ang siyang naging responsible upang magawan ng paraan na mapagdugtong ang end point ng Skyway 3 hanggang NLEX.

 

“The project is the result of so many hard work and contributions of so many stakeholders. We especially thank President Duterte and his economic managers for their continued push for infrastructure development to create growth and make life easier for more Filipinos,” wika pa rin ni Ang.

 

Ang Skyway 3 ay makakabawas ng travel time sa pagitan ng Makati at Northern Manila ng 20 minuto na lamang at ang Alabang papuntang NLEX ay magaging 30 minuto naman.

 

Inaasahang magiging alternatibong ruta ang Skyway 3 para sa EDSA para sa mga motorista na nagbibiyahe sa pagitan ng mga lungsod sa Metro Manila na makakatulong upang mabawasan ang pagsisikip ng trapiko sa mga pangunahing daanan sa Metro Manila.  (LASACMAR)

Publiko dapat na mag-ingat sa mga mamantikang pagkain ngayong holidays – DOH

Posted on: December 30th, 2020 by @peoplesbalita No Comments

Bukod sa banta ng coronavirus disease (COVID-19), pinaalalahanan din ng Department of Health (DOH) ang publiko laban sa mga sakit na madalas lumalabas kapag year-end holiday.

 

“Marami tayong sakit katulad ng hypertension, hypercholesterolemia, emphysema,” ani Health Sec. Francisco Duque III.

 

Paliwanag ng kalihim, nakukuha ang mga naturang sakit kapag walang ang indibidwal ay kontrol sa pagkain ng mamantikang lutuin at labis na paninigarilyo.

 

“Yung mga nagsasabi na, minsan-minsan lang ito, hindi totoo ‘yan.”

 

“Parang mga kalawang yan na babara sa inyong daluyan ng dugo.”

 

Ayon kay Duque, ang labis na pagkain ng mga matatab at mamantikang pagkain ay maaaring magdulot ng komplikasyon sa utak, puso, at kidney.

 

“Dapat mag-iingat tayo, yung prevention sa COVID-19… an ounce of prevention is always better than a pound of cure.”

Una nang inalerto ng Philippine General Hospital ang mga kapwa pagamutan ukol sa inaasahan ding pag-dagsa ng non-COVID-19 patients pagkatapos ng holiday season.

Nitong araw, umabot na sa 464,004 ang total coronavirus cases sa Pilipinas.

Ina ni Maine sa pekeng video scandal ng anak: ‘Di makatarungan

Posted on: December 30th, 2020 by @peoplesbalita No Comments

Hindi napigilan ng ina ni Maine Mendoza na maging emosyonal nang tuluyang dumulog sa tanggapan ng National Bureau of Investigation (NBI)-Cyber Crime Division kaugnay ng kumalat na video scandal umano ng aktres kamakailan.

 

Ngayong araw, December 28, nang magtungo sa NBI ang ina ni Maine na si Mrs. Mary Ann Mendoza kasama ang abogado ng 25-year-old TV host-actress para paimbestigahan ang kumakalat na sex video.

 

Hiling ng kampo ni Maine na maparusahan ang nasa likod ng pagpapakalat ng pekeng malaswang video.

 

Ito’y bagama’t una nang inamin ng girlfriend ni Arjo Atayde na kamukha niya ang babae sa video ngunit edited na raw gamit ang tinatawag na deepfake technology.

 

“Lumagay man kayo sa ‘min bilang magulang, siguro mararamdaman niyo rin yung sakit, yung nararamdaman naming mga pamilya niya,” naiiyak na sambit ng nakatatandang Mendoza.

 

Sa panig ng NBI, nangako ang Cyber-Crime Investigator na si Victor Lorenzo na masusi silang mag-iimbestiga kaugnay ng isyu.

 

Dumulog kahapon sa National Bureau of Investigation (NBI) ang  kampo ng Kapuso celebrity na si Maine Mendoza para paimbestigahan ang kumakalat na video scandal sa social media.

 

Nagtungo ang abogado at ang ina ng aktres kay NBI Cyber Crime Division chief Victor Lorenzo para maghain ng reklamo.

 

Una nang napaulat ang pagtanggi ni Mendoza na siya ang nasa video scandal subalit kamukhang-kamukha umano niya ito kaya siya kinilabutan nang mapanood

 

Pati ang manager ni Mendoza ay una nang naglabas nang pahayag at sinabing peke ang naturang sex video at halatang minanipula o inedit .

 

Nais din nilang mapanagot ang responsable sa video, na naka-apekto sa imahe ni Mendoza.

 

Sinabi naman ni Lorenzo, magsasagawa sila ng imbestigasyon hinggil sa naturang video. Naalarma ang aktres nang i-share ng netizen sa Twitter noong Disyembre 22, 2020 ang screenshot ng nasabing video scandal.

 

Nakiusap din ang management ng  All Access To Artist, Inc., sa publiko na huwag nang i-post, i-share o ipakalat pa ang video dahil handa silang magsampa ng kaukulang demanda laban sa gagawa pa nito.

‘New comer’ Charlie Dizon, gulat na best actress

Posted on: December 30th, 2020 by @peoplesbalita No Comments

Sanib-puwersa sa pagpapasalamat ang lahat ng cast ng coming-of-age movie na “Fan Girl” sa ginanap na virtual o online Gabi ng Parangal ng Metro Manila Film Festival (MMFF) nitong Linggo, December 27.

 

Walo kasi mula sa siyam nilang nominasyon ang na-sweep ng nasabing pelikula kabilang ang five major categories na best screenplay, best picture, best director para kay Antoinette Jadaone, best actress sa newcomer na si Charlie Dizon, at best actor kay Paulo Avelino.

 

Sa kanyang acceptance speech, nabanggit ng 32-year-old actor ang patungkol sa pandemya sa bansa na aniya’y mahirap ngunit umaasang matutuldukan din balang araw.

 

“Thank you, thank you so much. And this is for you Aki,” dagdag pa nito.

 

Si Aki ay kanyang anak sa aktres at ex-girlfriend na si LJ Reyes.

 

Naging emosyonal naman at halos hindi makapagsalita ang 24-year-old newbie actress na si Charlie sa pagsasabing pangarap lang nito noon ang pagiging ordinaryong artista.

 

“Gusto ko po mag-thank you kay God, unang una… Dati po pinagarap ko lang po ma-artista, hindi ko akalaing makakaabot ako dito. and sana proud po ‘yung magulang ko,” ani Dizon.

 

Nabatid na mayroon ding touch of drama ang “Fan Girl” na patungkol sa isang obsessed teenage fan na ginagampanan ni Dizon na na-stuck ng isang gabi sa loob ng mansyon kasama ang kanyang celebrity idol sa katauhan naman ni Avelino.

 

Una nang ipinalabas sa Tokyo International Film Festival ang “Fan Girl” bago makapasok sa “10 magic” entries ng MMFF.

 

Samantala, ang 2nd best picture ay ang “The Boy Foretold By The Stars” na siya ring ginawaran ng Gender Sensitivity Award; habang 3rd best picture ang drama theme rin na “Tagpuan.”

 

Kabilang pa sa mga nagwagi ay si Shaina Magdayao bilang best supporting actress, best supporting actor si Michael de Mesa, best virtual float ang fantasy adventure film na “Magikland,” at ang best child performer ay mula sa horror thriller na “The Missing.”

 

Wala namang nakuha ang “Mang Kepweng” ni Vhong Navarro mula sa dalawang kategorya na nominado ito, gayundin ang isa pang comedy na “Pakboys: Takusa” na sa nominations pa lang ay bokya na.

 

Narito ang kompletong listahan ng MMFF winners:

 

Best Actress: Charlie Dizon (Fan Girl)

Best Actor: Paulo Avelino (Fan Girl)

Best Picture: Fan Girl

2nd Best Picture: The Boy Foretold By The Stars

3rd Best Picture: Tagpuan

Best Director: Antoinette Jadaone (Fan Girl)

Best Supporting Actress: Shaina Magdayao (Tagpuan)

Best Supporting Actor: Michael de Mesa (Isa Pang Bahaghari)

Best Screenplay: Fan Girl (Antoinette Jadaone)

Best Child Performer: Seiyo Masunaga (The Missing)

Best Cinematography: Fan Girl (Neil Daza)

Best Editing: Fan Girl (Benjamin Tolentino)

Best Production Design: Magikland (Erikson Navarro)

Best Visual Effects: Magikland (Richard Francia, Ryan Grimarez of Central Digital Lab)

Best Original Theme Song: The Boy Foretold by the Stars (“Ulan” by Jhay Cura/Pau Protacio)

Best Musical Score: Magikland (Emerzon Texon)

Best Sound: Fan Girl (Vincent Villa)

Best Student Film: Paano Maging Babae (De La Salle College of St. Benilde)

Best Virtual Float: Magikland (1st place), Isa Pang Bahaghari (2nd place), Fan Girl (3rd place)

 

Nanguna sina Marco Gumabao at beauty queen turned actress Kylie Versoza bilang host ng virtual Gabi ng Parangal ng 46th MMFF.

 

Noong nakaraang taon, big winner ang war drama entry na “Mindanao” na pinagbidahan nina Judy Ann Santos at Allen Dizon matapos humakot ng 11 parangal.

‘Fan Girl’ humakot ng awards sa 2020 MMFF awards

Posted on: December 30th, 2020 by @peoplesbalita No Comments

Humakot ng awards ang pelikulang “Fan Girl” sa 2020 Metro Manila Film Festival awards.

 

Nakuha nito ang Best Picture, Best Sound, Best Cinematography, Best Editing, Best Screenplay, Best Director, Best Actor sa pamamagitan Paulo Avelino at Best Actress si Charlie Dizon.

 

Ang pelikula na gawa ni Direk Antoinette Jadaone ay tungkol sa isang dalagita na labis ang paghanga sa kaniyang iniidolo na celebrity.

 

Nakuha naman ni Michael De Mesa ang Best Supporting actor award sa pagganap niya sa pelikulang “Isa Pang Bahaghari” na gawa ng director na si Joel Lamangan habang Best Supporting Actress naman si Shaina Magdayao sa pelikulang “Tagpuan”.

 

Naging host sa awards nights ay sina Marco Gumabao at Kylie Versoza.

 

Sa ilang mga awards ay nakuha ng pelikulang “Magikland” ang Best Virtual Float.

 

Best Student Short Film- “Paano Maging Babae”.

 

Best Child Peformer – Seiyo Masunaga sa pelikulang “The Missing”.

 

Best Musical Score – Emerzon Texxon sa pelikulang “Magikland”.

 

Best Theme Song – “Ulan” by Jhay Cura and Pau Protacio sa pelikulanag “The Boy Foretold By The Stars”.

 

Best Visual Effects – Richard Francia and Ryan Grimarez for “Magikland”.

 

Best Production Design – Ericson Navarro for “Magikland”.

 

Gender Sensitivity Award – “The Boy Foretold by the Stars”.

 

Special Jury Prize – late director Peque Gallaga.

 

Gatpuno Antonio J. Villegas Cultural Award – “Suarez: The Healing Priest”.

 

Manay Ichu Vera-Perez Memorial Award – Gloria Romero.

 

Fernando Poe Jr. Memorial Award – “Magikland”.

 

Isinagawa ang virtual awarding dahil sa coronavirus pandemic.

 

Magugunitang mayroong tig-12 nomination ang mga pelikulang “The Boy Foretold By The Stars” , “The Missing” at “Magikland”.