• April 15, 2024
  • Ang Diyaryong Pinagkakatiwalaan

Archive for May, 2021

Pagbakuna sa 35.5 milyong workers kasado na

Posted on: May 31st, 2021 by @peoplesbalita No Comments

Kasado na ang pagbakuna sa 35.5 milyong manggagawa kung saan prayoridad ng pamahalaan na unahin ang nasa edad 40-taong gulang pataas sa ilalim ng A4 group sa nagpapatuloy na ‘vaccination program’ sa bansa sa darating na Hunyo.

 

 

Sinabi ni Health Undersecretary Leopoldo Vega na mas uunahin nila ang mga mas nakatatanda sa ‘working class’ dahil sa mas mataas ang pagiging ‘vulnerable’ umano nila sa COVID-19.

 

 

Sa kasalukuyan, mi­namadali na nila ang pagbabakuna sa A1, A2 at A3 priority groups habang naghahanda na sa A4 group na kinabibilangan ng mga ‘economic frontliners’ at mga opisyal at tauhan ng pamahalaan.

 

 

Sa Hunyo, maaaring isabay pa rin ang mga nasa A1, A2 at A3 groups na bibigyan ng ‘special lane’ sa mga vaccination sites habang ilalarga na ang A4 groups sa bakunahan.

 

 

Sinabi ni Vega na ka­ramihan sa mga bakuna ay inilalaan nila sa mga itinuturing na high-risk areas, gaya ng NCR Plus bubble, na kinabibila­ngan ng National Ca­pital Region, Bulacan, Cavite, Laguna, at Rizal, gayundin sa Cagayan Valley, Cordillera Administrative Region, Western Visayas, Cebu, Davao at Northern Mindanao.

 

 

Kasalukuyang mahigit sa 3,000 inoculation centers na umano ang itinayo sa iba’t ibang bahagi ng bansa. (Daris Jose)

Penitential walk ng mga pari sa Archdiocese of Manila, hindi isang political rally

Posted on: May 31st, 2021 by @peoplesbalita No Comments

Binigyang diin ng pamunuan ng Minor Basilica of the Black Nazarene o Quiapo Church na tanging mga Pari lamang ng Archdiocese of Manila ang kabilang sa Penitential Walk sa unang araw ng Hunyo na idineklara din bilang ‘Day of Prayer and Fasting’ sa arkidiyosesis.

 

 

Ayon kay Rev. Fr. Douglas Badong, Parochial Vicar ng Quiapo Church hindi pahihintulutan ang pagsama at pakikilahok ng mga mananampalataya lalo na sa paglalakad mula sa Simbahan ng Quiapo patungo sa Sta. Cruz Church.

 

 

Inihayag ni Fr. Badong na ang mga Pari ng arkidiyosesis ang magsisilbing kinatawan ng mga mananampalataya mula sa iba’t ibang mga parokya upang hingin ang habag at awa ng Panginoon mula sa iba’t ibang hamong kinakaharap ng lipunan.

 

 

Pagbabahagi ni Fr. Badong na isa rin itong paraan upang maiwasan ang ipinagbabawal na pagsasagawa ng mga public gathering kabilang na ang prosisyon na maaring maging dahilan ng pagkalat ng COVID-19 virus.

 

 

“Linawin lang po natin, ito po ay gagawin pangungunahan ng mga Pari hindi po pupwedeng sumama ang mga tao sa prosisyon o sa paglalakad para po hindi tayo masita na parang nangunguna tayo sa pagsuway, sa paglabag ng protocol kasi sabi nga po walang prosisyon so ito po ay hindi prosisyon kundi maglalakad lang po ang mga Pari papunta dun sa Sta. Cruz Church.” pahayag ni Fr. Douglas Badong sa Radio Veritas.

 

 

Nilinaw rin ni Fr. Badong na ang nakatakdang gawain ay walang kinalaman sa politika o hindi isang political rally sa halip ay isang paraan ng Simbahan upang higit na maipaabot sa Panginoon ang pagsusumamo upang mawakasan na ang COVID-19 pandemic na nagdudulot ng malawakang krisis sa buhay ng bawat isa.

 

 

Gayunpaman inihayag ng Pari na kabilang sa panalangin ng Simbahan ay ang kaliwanagan ng isip ng bawat opisyal ng bayan upang makapagdesisyon ng para sa ikabubuti ng sambayanan.

 

 

“Hindi po ito political rally, ito po ay penitential walk wala po itong kinalaman sa [politika] syempre kasama sa panalangin natin ang lahat ng lider na maging malinaw ang desisyon pero higit sa lahat ito po ay pagdulog sa Diyos na tayo po ay tulungan na makayanan natin at malampasan yung pinagdaraanan natin dulot ng pandemic, so hindi ito political rally.” Dagdag pa ni Fr. Badong.

 

 

Unang inihayag ni Archdiocese of Manila Apostolic Administrator Bishop Broderick Pabillo na mayroong pahintulot ang nakatakdang gawain ng arkidiyosesis mula sa pamahalaang lungsod ng Maynila kung saan batid ni Manila City Mayor Francisco Domagoso na tanging mga Pari at relihiyoso lamang ng Archdiocese of Manila ang kabilang sa gawain.

Pangunguna ni VP Leni sa isang Presidential survey para sa 2022 elections, wishful thinking lang-Malakanyang

Posted on: May 31st, 2021 by @peoplesbalita No Comments

PARA sa Malakanyang, wishful thinking lang ang lumabas sa isang presidential survey para sa 2022  elections kung saan nanguna si Vice President Leni Robredo.

 

Batay kasi sa PiliPinas 2022 Online Survey Platform for Presidential Candidates, nanguna si Robredo makaraang makakuha ng 34.27 percent na boto, pangalawa si Davao City Mayor Sara Duterte na may 18.06 percent, Senador Manny Pacquiao na may 16.31 percent, dating Senador Bongbong Marcos na may 12.08 percent, Manila Mayor Isko Moreno na may 7.29 percent, Senador Bong Go na may 7.05 percent at Senador Grace Poe na may 4.94 percent.

 

Giit ni Presidential Spokesman Harry Roque, hindi pa nga niya narinig ang nasabing polling company na nagsagawa ng survey.

 

“Naku, mukhang wishful thinking po iyan at hindi ko pa naririnig ang polling company na iyan,” ayon kay Sec. Roque.

 

Bukod dito, wala rin aniya siyang ideya kung ano ang naging proseso ng kumpanya sa pagsasagawa ng survey.

 

Para kay Sec. Roque, naniniwala pa rin siya sa cross sampling method na survey kung saan nakapagtrabaho na rin siya sa isang pamantasan na pinagmulan ng naturang proseso.

 

Aniya, ang dapat na pinaniniwalaan pa rin ay ang mga mapagkakatiwalaang polling company dahil batid niya ang proseso kahit na 1,200 lamang ang kinukuhang sample sa mga respondents.

 

Sinabi nito na kapag random ang statistical survey nagiging accurate ang resulta.

 

“Hindi ko po alam kung ano ang naging proseso ng kompanyang ito at sa totoo lang, hindi ko pa naririnig pa iyang kompanyang iyan,” pahayag ni Roque. (Daris Jose)

Ben Platt Reprises His Iconic Role In ‘Dear Evan Hansen’ Film Adaptation

Posted on: May 31st, 2021 by @peoplesbalita No Comments

THE Tony, Grammy and Emmy Award winner Ben Platt is back as the anxious high schooler Evan Hansen.

 

 

The generation-defining Broadway phenomenon becomes a soaring cinematic event as Tony, Grammy and Emmy Award winner reprises his iconic role as an anxious, isolated high schooler aching for understanding and belonging amid the chaos and cruelty of the social-media age.

 

 

Directed by acclaimed filmmaker Stephen Chbosky (The Perks of Being A Wallflower, Wonder), the film is written for the screen by the show’s Tony winner Steven Levenson with music and lyrics by the show’s Oscar®, Grammy and Tony-winning songwriting team of Benj Pasek & Justin Paul (La La Land, The Greatest Showman).

 

 

As reflected in the first trailer, the events in the movie kick off when Hansen is instructed by his therapist to write a letter to himself. Hansen’s classmate Connor is then found having died by suicide with Hansen’s letter on him – meaning Connor’s parents mistakenly conclude that the letter was written by Connor as a final note.

 

 

The trailer, released on Tuesday, prominently features “You Will Be Found”, one of the breakout titles from the original musical, with Platt singing its lead vocals.

 

 

Featuring other Grammy winning songs, including “Waving Through a Window,” “For Forever” and “Words Fail,” Dear Evan Hansen stars six-time Oscar® nominee Amy Adams, Oscar® winner Julianne Moore, Kaitlyn Dever (Booksmart), Amandla Stenberg (The Hate U Give), Colton Ryan (Apple TV+’s Little Voice), Nik Dodani (Netflix’s Atypical), DeMarius Copes (Broadway’s Mean Girls) and Danny Pino (NBC’s Law & Order: Special Victims Unit).

 

 

Dear Evan Hansen will soon open in Philippine cinemas from Universal Pictures.

(ROHN ROMULO)

DEPLOYMENT NG OFWs SA SAUDI, SINUSPINDE

Posted on: May 31st, 2021 by @peoplesbalita No Comments

PANSAMANTALANG sinuspinde ang deployment ng  Overseas  Filipino workers (OFWs) sa Kingdom of Saudi Arabia (KSA) .

 

 

Ito ang ipinag-utos ni Labor Secretary Silvestre Bello III kasunod ng natanggap na ulat ng Kagawaran na  ang mga umaalis na  mga OFWs nire-require  ng  kanilang mga employer  o foreign  recruitment agencies nba balikatin ang gastos sa COVID-19 health at safety protocols.

 

Kailangan din umanong magbayad ang mga OFW ng kanilang insurance coverage premium sa kanilang pagpasok sa KSA.

 

Bilang tugon, agad na inatasan ni Bello si Administrator Bernard Olalia ng Philippine Overseas Employment Administration (POEA) na epektibong ipatupad ang to temporary suspension ng  OFW deployment sa  KSA na nagsimula kahapon, May 27.

 

Sinabi ng kalihim na aalisin lamang ang suspension sa sandaling maayos ang usapin

 

Sa  Memorandum Circular No. 1, Series of 2021 na inisyu ng POEA ngayong taon, ang mga  licensed Philippine recruitment agencies at /o mga  principals/employers ng  OFWs ang siyang responsible  sa gastosin sa COVID-19 helath at safety protocols.

 

Ibibigay ang naaangkop na libreng COVID-19  testing  sa mga mangaggawa  ayon sa hinihiling ng mga employer at ng destinasyong bansa.

 

Inatasan din sila na magbigay social protection benefits, tulad ng health at medical insurance gayundin ang occupational health and safety provisions kabilang ang hygiene kits at personal; protective equipment sa trabaho  alinsunod sa mga alituntunin sa lugar ng trabaho na inisyu ng World Health Organization.

 

Ang mga  licensed Philippine recruitment agencies at/o principals/employers ay may responsibilidad din na magbigay ng meals accommodation at transportasyon mula sa punto ng pag-upa patungo sa inilaan na patutunguhan upang matiyak na ang mga naka-deploy na mangagagwa ay negatibo p[aea sa COVID-19 bago ang kanilang deployment. (GENE ADSUARA)

Knockout: Donaire nasungkit ang WBC title vs French boxer Oubaali

Posted on: May 31st, 2021 by @peoplesbalita No Comments

Matagumpay na nasungkit ni Nonito “The Filipino Flash” Donaire ang World Boxing Council (WBC) bantamweight title matapos patumbahin ang French boxer na si Nordine Oubaali.

 

 

Nanalo sa pamamagitan ng “knockout” ang Pinoy boxer sa California.

 

Hindi na nagawang depensahan ni Oubaali ang kanyang titulo nang pasadahan siya ng left blow sa ikaapat na round ni Donaire.

 

 

Bago nito, binigyan din ng Pinoy boxing champ ng left hook ang kalabang French boxer sa ikatlong round.

 

 

Si Donaire ang pinakamatandang boksingero na nakasungit ng bantamweight world title sa edad na 38-anyos.

 

 

Dahil dito, may pagkakataon na muli si Donaire na makipa-rematch sa World Boxing Association at International Boxing Federation bantamweight title holder na si Naoya Inoue ng Japan.

 

 

Kung maaalala, natalo ni Inoue si Donaire noong 2019 sa pamamagitan ng unanimous decision.

SHARON, na-depress at parang namatayan nang mawala sa cast ng Hollywood film; ‘fake news’ nilinaw nila ni Sen. KIKO

Posted on: May 31st, 2021 by @peoplesbalita No Comments

SA Instagram Live si Megastar Sharon Cuneta nitong Mayo 28, Biyernes ng hapon.

 

 

Nilinaw ng Megastar kasama ang asawang si Sen. Kiko Pangilinan ang mga balitang naglabasan dahil sa pag-alis niya papuntang Los Angeles, California.

 

 

Sabi ni Sharon, Tsismis no. 1, kaya raw ako umalis kasi daw sinasaktan ako ni Kiko.

 

 

“Sa awa naman ng Diyos, mula ng pagkabata ko, wala pa naman akong nakilala, minahal at nakasama na nasaktan ako. Maaaring sa puso, pero hindi pisikal ever.

 

 

Ang asawa ko po, ni minsan ang daliri  niyahindi dumapo sa akin. Kabilin-bilinan po ng tatay ko ‘yun, the minute na nasaktan ka kahit sampal, iwanan mo na.  Dahil ang susunod, suntok at sipa, tapos bubugbugin ka na.”

 

 

Pangalawang tsismis, kaya raw siya sinaktan, dahil may boyfriend siya na mas bata.

 

 

Pakiusap naman ni Sharon, Sana, sabihan n’yo na kung sino, nang ma-cougar ko.

 

 

Kung si man ito na batang boyfriend ko, kahit na matanda tulad ni Antonio Banderas o Keanu Reeves ang aking minamahal at kaisa-isang lalaki sa mundo na maaari kong iwanan si Kiko, si Keanu lang yun.

 

 

“Kung bata naman, pwede ba si Ji Chang Wook o si Cha Eun Woo o kahit sinong member ng Shinee at NCT, ok po, pwede po ba yun?” 

 

 

Tawang-tawa lalo si Sharon nang sabihin niya kay Kiko ang ikatlong tsismis.

 

 

“Narinig mo na ba sweetheart yung pangatlo, ito baka magulat ka, ‘uy buntis ako!” at napa-susmaryosep na lang si Kiko.

 

 

Nakalimutan nila hindi na ako 30s, 55 na po ako! At ayaw na namin ni Kiko. Ok na kami kay Miguel. Sa Disneyland lang po, pagod na pagod na kami,” natatawa pang sabi ni Sharon.

 

 

Kasunod naman ikuwento nang buong-buo ni Sharon ang nakalulungkot na pinagdaanan nitong nakaraang mga araw na kung humarap siya sa matinding depresyon.

 

 

Kuwento niya, My big surprise to my Sharonians and for all of you guys, I was coming to Hollywood to do my Hollywood    film for cinematic release. Produced by the one and only Steven Spielberg. The first all-Filipino cast and ang lead star nito ay si Jo Koy.

 

 

“Jo Koy was the who handpicked me to be in his movie and suggested to the producers. Aside from him, dalawa lang ang lead roles na parehong babae, the role of his mom and ‘yun tita niya, who was actually the one who is very supportive of Jo Koy being a comedian and pursuing a career in comedy. And very close siya doon, si Tita Theresa niya.”

 

 

Sa pagpapatuloy ni Mega, “dapat umalis ako ng May 18 to fly to LA and the very next day fly to Canada kung saan ang shooting at may two-week quarantine doon.

 

 

“Ang nangyari sa akinon May 16 I got swab by one laboratory that I can’t find in my heart to forgive. On May 17 I was waiting for my result, and after my Zoom meetings I was so happy, naka-pack na kami and we are ready to leave the next day and gonna announce the big suprise.

 

 

“But wala pang five minutes after the Zoom meeting, my assistant called me to say, ‘mam hindi po kayo makakaalis bukas, positive mo ‘yun COVID test nyo.”

 

 

“So, nag-panic. I literally, nanglambot ako, na para akong natunaw.”

 

 

Ang masakit pa, after na mag-positive nagpa-swab uli siya na umabot sa pito sa iba’t ibang lab companies, nag-negative lahat ng resulta ni Sharon.

 

 

Kaya pahayag pa ni Sharon, Hindi ba naman heartbreaking ‘yun, that’s why I’m depressed.”

 

 

Natakot din siya para sa kanyang tatlong anak na may ashma raw na delikado na mahawaan ng virus, kaya nag-self quarantine siya kasama ang masahista niya na nag-positive din, pero negative pala.

 

 

Nawalan nga ng malaking oppurtunity si Sharon na hindi na maibabalik, kahit gusto pa rin nina Jo Koy at direktor na nandun pa rin si Sharon sa movie, kailangang ituloy ang shooting at ang role niya ay napunta kay half-Filipino na Tia Carrere.

 

 

“It broke my heart. Kasi it is such an honor to be in the very first all Filipino production in Hollywood.

 

 

“I felt, dala-dala namin ‘yung bandila ng Pilipinas, in the middle of all this Asian hate going on in America and parts of the world, we we’re so proud that Steven Spielberg is backing this movie of Filipinos. And it break my heart because I love Jo Koy and I’m looking forward to work with him and our director.

 

 

“Yun ang ikina-break ng puso ko at pinabayaan ako ni Kiko na magluksa over it. So sabi ko, I need to go to America, just leave the country and also be productive here.

 

 

“I licked my wound here. Parang feeling ko, it was a nice suprise sana sa mga Sharonians ko at buong Pilipinas din for something we could be proud of.

 

 

“So, para talaga akong namatayan.”

 

 

Anyway, mukhang magtatagal pa si Sharon sa Amerika dahil may ilang inquiries na raw na inaayos ang kanyang team na posibleng magkaroon siya concert tour o makakuha ng roles sa movie or tv shows, dahil unti-unti nang bumabalik sa normal ang buhay sa Amerika sa pagbaba ng COVID-19 cases.

 

 

Pero in-assure naman ni Sharon ang kanyang mga Sharonians na babalik din siya sa ‘Pinas dahil marami siyang haharapin na projects at may hatid pa siya na magandang balita kapag natuloy ito.

 

 

“The good news is, my manager doesn’t stop. I have Zoom meetings and auditions left and right, that’s why I’m here, because now people here know that and I’m accessible and I am available.

 

 

“And don’t worry, because I have commitments back home. I still doing teleserye, actually two at daming kong gagawin pag-uwi.

 

 

“May pelikula pa ako. ‘Yun isa ngang pelikula, baka ‘yung matagal nang dinadasal ng napakamarami baka finally, matuloy na. Dahil may istorya na nagustuhan ng dapat na kasama ko, sana matuloy ‘yun. Sana pagni-negotiate na lang siguro ng mga producers.”

 

 

Dagdag kuwento pa ni Sharon sa kanyang beloved Sharonians, na palaging umiintindi at nagdarasal sa kanya.

 

 

“Sharonians, I love you! Now you know, the whole story kaya ko na-sad sad at na-depress. I’m sorry I said I was sick. I wasn’t a lie. I was sick in my heart, kasi nga nawala ang oportunidad ko.

 

 

“But now they know me, my manager is so good and a producer too. And we are starting a production company over here. So there a lot of things going on in the Philippines and around here, para mas makilala ang mga Pilipino.

 

 

“I love you Sharonians please continue to pray for me ang my family.”    

(ROHN ROMULO)

Cebu-bound flights na-divert dahil sa kakulangan ng quarantine facility

Posted on: May 31st, 2021 by @peoplesbalita No Comments

SINABI ni Presidential Spokesperson Harry Roque na ang rerouting ng overseas flights na “initially bound” sa Cebu patungong Ninoy Aquino International Airport (NAIA) sa Maynila ay isinagawa dahil sa kakulangan ng quarantine hotels para sa mga magbabalik na Filipino.

 

Ang pahayag na ito ni Presidential Spokesperson Harry Roque ay bilang tugon sa ulat na nagkaroon ng paglihis ng flights sa Mactan airport tungong NAIA mula Mayo 29 hanggang Hunyo 5 para mapigilan ang COVID-19 transmission.

 

“Wala naman po sigurong defiance. Ang nangyari po kasi sa Cebu, naubusan po talaga sila ng hotel ‘no at ngayon lang po naaprubahan ng DOT na magkaroon ng mixed use sa kanilang mga hotels,” ayon kay Sec. Roque.

 

Ni-require naman ng pamahalaan ang 14-day quarantine para sa lahat ng mga magbabalik na overseas Filipinos.

 

“They are subjected to an RT-PCR COVID-19 test on the seventh day in quarantine since new variants of coronavirus tend to be detectable after a few days since the individual got infected with it,” ayon sa ulat.

 

“So habang inaayos lang po natin iyong arrival protocols at nagsara na ng dalawang araw iyong Cebu International Airport dahil wala nga po silang mga hotels na paglalagyan ng mga dumarating na OFWs at mga Overseas Filipinos. Habang inaayos po iyan ay iri-reroute muna mga flights,” ani Sec. Roque.

 

“Panandalian lang po iyan at inaasahan natin na maayos na iyong sistema at magkakaroon ng sapat na hotel rooms diyan sa Cebu,” dagdag na pahayag ni Sec. Roque.

 

Dahil sa temporary closure, sinabi ni Sec. Roque na ang mga magbabalik na overseas Filipinos ay kailangan na sumailalim at tapusin ang 14-day quarantine sa Maynila. (Daris Jose)

RABIYA, nag-deny na break na sila ng longtime boyfriend na si NEIL, inaming crush niya si KOBE

Posted on: May 31st, 2021 by @peoplesbalita No Comments

NAGSIMULA na ang lock-in taping nina Asia’s Multimedia Star Alden Richards at Jasmine Curtis-Smith ng kanilang first full-length teleserye sa GMA Network last May 18, ang The World Between Us.  

 

 

May mga behind-the-scene photos nina Alden at Jasmine na lumalabas posted ng photographer ng show at may mga tanong ang mga netizens, ano raw ba ang story ng serye at ano ang roles na ginagampanan nilang dalawa.

 

 

Sa photo kasi, parang mga dating usong style ng mga damit ang suot nila, at kahit ang hair style ni Alden ay hindi iyong usual niyang hairstyle ngayon at si Jasmine daw ay ibang style naman ang hairdress niyang gamit?

 

 

Kahit ang co-star nilang si Tom Rodriguez ay iba rin ang hairstyle at may earrings pa siyang suot.  Kasama pa rin sa cast sina Ms. Jaclyn Jose, Dina Bonnevie at may special participation naman si Glydel Mercado.

 

 

May iba pa silang kasama sa cast, pero hindi pa pinapangalanan kung sinu-sino sila.  Sa pagtatanong, dalawa nga ba ang characters na gagampanan nina Alden at Jasmine, may younger Alden at younger Jasmine daw?

 

 

Wait na lamang natin kung ano talaga ang story ng The World Between Us na dinidirek ni Dominic Zapata.  It will be a GMA Primetime series na ipalalabas agad after ng lock-in taping nila.

 

 

    ***

 

 

 NAG-DENY si Miss Universe Philippines 2020 Rabiya Mateo na break na sila ng long-time boyfriend niya na si Neil Salvacion.

 

 

Sabi pa niya sa isang interview, ‘I’m not available’ pero inamin niyang may celebrity crush siya, si Kobe Paras.

 

 

“I know nothing about basketball but I watch UAAP games to see him.  Even though I don’t understand what’s happening, I look at number six.”

 

 

Si Kobe ay anak ni basketball player-actor Benjie Paras at nakababatang kapatid ng actor na si Andre Paras, na iniwan na rin muna ang acting at itutuloy na niya ang paglalaro ng basketball.

 

 

Dating member ng University of the Philippines si Kobe.  Last month ay sumali na siya sa East West Private, the same company that is handling Kai Sotto in the US.

 

 

    Sa July pa ang balik sa bansa ni Rabiya at gusto raw naman niyang pasukin ang showbusiness.

 

 

Dalawang beses nang nag-guest si Rabiya sa All-Out Sundays while preparing for the Miss Universe beauty pagent, pero inamin niyang hindi siya marunong sumayaw.

 

 

Ngayon kaya ay mag-aaral na siyang sumayaw, na usually ang isang artista ay kailangang marunong sumayaw at kumanta, bukod pa sa mahusay na pag-arte?

 

 

***

 

 

FINALE week na simula ngayong Monday, May 31, ng romantic-comedy series na Owe My Love na ginagampanan ng mga Kapuso artists na sina Lovi Poe at Benjamin Alves.  

 

 

Ilan pa sa mga kasama nila sina Ai Ai delas Alas, Jackielou Blanco, Winwyn Marquez, Leo Martinez, Jason Francisco, at Buboy Villar.

 

 

Nasa USA pa hanggang ngayon si Lovi, at marami ang naghihintay kung totoo bang lilipat na siya ng network, pagkatapos ng series niya sa GMA Public Affairs?

 

 

Meanwhile, papalitan ang Owe My Love ng Philippine adaptation ng Korean drama na Autumn In My Heart na Endless Love na tinampukan nina Kapuso Primetime King and Queen Dingdong Dantes and Marian Rivera.

 

 

Mapapanood ito simula sa June 7, pagkatapos ng Heartful Cafe sa GMA-7.

(NORA V. CALDERON)

HEART, inanunsyo ang magiging art collab nila ng BRANDON BOYD

Posted on: May 31st, 2021 by @peoplesbalita No Comments

INANUNSYO ni Heart Evangelista ang magiging art collab niya with Incubus frontman, Brandon Boyd.

 

 

Sa kanyang tweet, pinakita ni Heart ang screenshot ng video call niya with Brandon Boyd, at ng art manager nitong sina Jen DiSisto at Pietro.

 

 

Caption ni Heart: “Morning meetings with Jen, pietro and #brandonboyed for our little art project SOON.”

 

 

Kilala ni Brandon bilang vocalist ng Grammy-nominated and multi-platinum selling band na Incubus. Naging hit ang songs nilang “Drive” and “Wish You Were Here” noong early 2000.

 

 

Isa ring artist si Brandon at may tatlong books ito ng kanyang original artworks: White Fluffy Clouds (2003), From the Murks of the Sultry Abyss (2007), and So the Echo (2013). Nakapag-art exhibit na ito sa galleries sa iba’t ibang bansa.

 

 

Si Heart naman ay hindi lang sa kanyang paintings pinahanga ang marami kundi pati na sa kanyang artworks sa luxury bags.

 

 

***

 

 

BALAK pa ring umuwi ng Pilipinas ni Rufa Mae Quinto.

 

 

Sa interview nito sa Tunay na Buhay, sinabi nito na okey naman daw ang buhay sa Amerika, wala lang daw taga-linis!

 

 

“Hindi pala madali malaki bahay dito. Three bedrooms, ‘yung alam mo ‘yon, ‘yung simple lang, hindi kagaya noon. Sa Philippines kasi may taga-linis.

 

 

“Okay naman ang buhay Amerikana. Nose bleed pa rin at saka home sick. Kaya wala ka na talagang time para sa kung anu-ano pa.

 

 

“Alam mo ‘yon? Kung ‘di lang importante at tsaka trabaho, hindi ka dapat umano pa, kasi kung hindi magfo-fall down ‘yung bahay.”

 

 

Bilang ina naman daw, may ups and downs na nararanasan si Rufa Mae.

 

 

“Parang wala na kong masayadong panahon sa sarili ko. Tapos, siyempre pinakamasaya ako, pinaka the best feeling, pero at the same time, pinakamasakit din kapag, halimbawa, may nagkasakit or umiiyak siya. Sabi ko, ganito pala maging nanay ang sarap, ang saya, pero ang sakit din.”

 

 

May gagawin dapat na show si Rufa Mae sa GMA, kaso inabot daw siya ng lockdown sa Amerika.

 

 

“Two weeks lang talaga dahil nga birthday ni Athena. Dapat may gagawin akong soap opera diyan sa GMA.

 

 

“So, sabi ko, kung soap ‘yon, malamang three months ‘yon or six months. Sabi ko siguro hindi ako madalas makakauwi sa Amerika. So, sabi ko mag-stay kaya muna ako hanggang nagkaroon na ng lockdown.

 

 

“So sabi ko, wala eh, wala ring magagawa diyan, so ituloy ko na lang ‘yung dito sa Land of Opportunity.”

 

 

Isang rason daw kung bakit uuwi si Rufa Mae ay dahil sa binili niyang bahay na di pa niya nakikita.

 

 

“Alam mo, may brand new house ako na hindi ko na nakita. Five bedrooms, ang ganda-ganda tapos wala… hindi na nauwian. Pero, definitely this year, uuwi ako. Gusto ko bumalik para ayusin ko ‘yung buhay ko diyan.”

 

 

***

 

 

ISANG refugee na sa United States si Miss Universe Myanmar Thuzar Wint Lwin.

 

 

Winelcome si Thuzar sa Burmese community sa Indianapolis, Indiana at meron na siyang matatawag na asylum sa US. Ang naturang community ang tumulong din na maghanap ng trabaho kay Thuzar bilang model sa New York City.

 

 

Sa We Are JEM Model Agency magwu-work bilang in-house model.

 

 

Sa kanyang social media, pinost ni Thuzar na kasama siya sa isang gathering na organized ng ethnic Chin people living in the U.S.

 

 

Wala na raw dapat na ipag-alala si Thuzar dahil hindi na siya maaaresto dahil nakahanap na siya ng mga taong susuporta sa kanya sa panibagong buhay niya sa US.

(RUEL J. MENDOZA)