• June 20, 2024
  • Ang Diyaryong Pinagkakatiwalaan

Archive for March, 2023

Gobyerno, pinag-aaralang mabuti kung paano imo-motivate ang LGUs para tugunan ang malnutrisyon

Posted on: March 31st, 2023 by @peoplesbalita No Comments

PINAG-AARALANG mabuti ng national government kung paano bibigyan ng insentibo ang local government units (LGUs) sa laban nito sa malnutrisyon.

 

 

Ito ang sinabi ni Pangulong Ferdinand Marcos Jr. sa isinagawang paglulunsad ng Philippine Multisectoral Nutrition Project (PMNP), isang collaborative effort sa pagitan ng  Philippine government at World Bank na naglalayong paghusayin ang nutritional status ng mga Filipino.

 

 

Ani Pangulong Marcos, layon ng PMNP na makapagbigay ng pangunahing health care support at nutrition services, access sa malinis na tubig at sanitasyon, technical information, pagsasanay at financing sa kailangang interbensyon ng LGUs para tugunan ang malnutrisyon.

 

 

“The program will also incentivize the participating LGUs. We were just having a very quick discussion about how that should be-how we can achieve that,” ayon sa Pangulo sa kanyang naging talumpati.

 

 

“We see very clearly the problems that arise at the ground level,” aniya pa rin.

 

 

Binatikos naman ng Punong Ehekutibo kung bakit hindi naging prayoridad ang health  care sa local na antas, tinuran ang kakulangan ng kakayahan at abilidad, at maging kasanayan at manpower.

 

 

” So we have found a way to bring the LGUs in. Because it is without their partnership, we do not get to what is often referred to as the last mile. That is always the problem when you try to translate a program from the national level, a program of the national government, all the way down to the local government, down to the barangay level,” ang winika ng Pangulo.

 

 

Sa kabilang dako, hinikayat naman ng Pangulo ang Department of Health (DoH) na makipagsanib-puwersa sa ibang ahensiya ng pamahalaan ” in harmonizing and implementing sound diet and nutritional  policies and  practices.”

 

 

Nanawagan naman ang Pangulo ng “employment of best efforts” upang matiyak ang “well orchestrated coordinated strategy ” para ipatupad ang nutritional programs sa iba’t ibang bahagi ng bansa.  (Daris Jose)

Sinulat ang ‘Binabalewala’ para sa mga hopeless romantic: ANTON, ‘di malilimutang nabalewala dahil sa kanyang height

Posted on: March 31st, 2023 by @peoplesbalita No Comments

INI-RELEASE na ng singer-songwriter na si Anton Paras ang kanyang bagong komposisyon na may titulong ‘Binabalewala’ na mula sa AltG Records.

 

 

Binubuo at isinulat niya ang kanta noong kalagitnaan ng 2021. Tungkol ito sa mga taong gumagawa ng maraming pagsisikap na ipakita ang kanilang mga damdamin patungo sa kanilang bagay ng pagmamahal ngunit hindi nagtagumpay.

 

 

Gusto ni Anton na magsulat ng awitin na maraming makaka-relate, kaya sinulat niya ito para sa mga hopeless romantic.

 

 

“Gusto ko po makagawa ng song na marami po talagang makaka-relate kahit anong age po sila. Then ‘Binabalewala’ po ‘yung title kasi ‘yung story po ng song is may guy na tina-try po niyang ipakita ‘yung efforts niya sa girl pero hindi po siya pinapansin kahit anong gawin niya. Tapos doon po papasok ‘yung title na ‘Binabalewala,'” pagbabahagi ni Anton.

 

 

Dagdag pa niya, “Super na-excite po talaga ako nung nalaman ko na mag-rerelease po ako ng kanta. Sinabi ko po agad kay Sir Pau Agudelo na gusto ko po itong i-record agad kasi ‘yung ‘Binabalewala’ po ‘yung favorite song ko so far sa mga na-compose ko.”

 

 

Payo naman niya sa mga nababalewala, “siguro more on distract yourself muna. Do things na makakapagpasaya sa inyo and more on self growth. Palagi ko ring sinasabi na always take one step at the time.”

 

 

Kuwento pa ng DSLU student tungkol sa experience na binalewala, “varsity player kasi sa basketball sa High School and I gave all my effort, tapos parang nabalewala ako dahil sa height ko.

 

 

“Ang mga kalaban kasi namin noong mga six footer na at may 5’10” at 5’11”, eh kami po mga 5’7″ at 5’8″ lang, kaya ‘yun lang ang experience na binalewala ako.

 

 

Pero pagdating sa pag-ibig, wala pa naman daw experience na binalewala si Anton. Kahit nagawa niya ang kanta, dahil inisip na lang niya passion niya ang pagkanta at gustong gawin.

 

 

May mensahe naman siya sa lahat ng hopeless romantics, “Lagi naman pong may failure. ‘Wag na lang po masyadong dibdibin ang heartbreaks and move on to the next kasi sabi nga po nila ‘There’s a lot of fish in the sea.’”

 

 

At bilang multi-talented artist, patuloy si Anton sa pag-i-explore ng mga different song genres, “Gusto ko po maipakita na I can do a lot of genres, na hindi lang po ako pang R&B Ballads. Gusto ko po ma-showcase ‘yung versatility ng voice ko.”

 

 

Bata pa lang si Anton ay pinakakanta na siya ng mga songs ng The Beatles at iba pang old songs. Nahilig din siya kay Eric Clapton. Hanggang sa nagustuhan naman niya ang R&B Pop tulad ng mga songs nina Bruno Mars at Justin Bieber.

 

 

Pagdating ng High School, naging ‘old soul’ siya dahil type naman niyang pakinggan sina Usher, Boz II Men, Chris Brown, na malaki talaga ang naging impact sa kanyang pagpi-perform.

 

 

Inamin din ni Anton na hindi raw makapaniwala ang friends niya na certified GMA Artist na siya at ito labas na ang kanyang second single sa GMA Music after ng ‘All I Need’.

 

 

Ang up-and-coming musician ay napansin dahil sa kanyang various OPM and foreign song covers online. Favorite niya dito ang version niya ng ‘Home’ ni Michael Buble at ‘Pagsamo’ ni Arthur Nery. Nai-release din niya self-composed acoustic track titled ‘Aking Sinta’ na may nakakikilig na music video.

 

 

Super proud naman ang kanyang family sa mga singer din dahil nakapasok siya sa showbiz industry. Kahit siya ay hindi makapaniwala na natutupad na ang dream niya na makilala bilang isang legit na singer.

 

 

“Kaya thankful ako kay God at sa GMA dahil binigyan nila ako ng opportunity to show my talent. Ang palagi kong iniisip na I have to give my 101 percent para ipakita sa GMA at sa lahat na magaling akong singer and I have what it takes to join the music industry,” pahayag pa ni Anton na naganap na zoom medicon.

 

Huwag palampasin ang ‘Binabalewala’ ni Anton Paras, available na ito sa lahat ng digital streaming platforms sa buong mundo simula sa araw na ito, Marso 31.

 

 

At para live na mapakinggan ang pagkanta ni Anton, abangan din ngayong ika-walo ng gabi sa Pit88 Restobar sa Marikina City para sa kanyang show na ‘Friday Night’s The Night’, kasama ang iba pang mga GMA artists na sina Matt Lozano, Mariane Osabel, Abby Clutario, Janine Tenoso at Wickermoss.

 

 

Para sa iba pang detalye tungkol sa Kapuso Network, bisitahin ang www.GMANetwork.com.

(ROHN ROMULO)

Ibabalik ang dating katawan bago mag-taping: JENNYLYN, nagti-training uli para sa triathlon kasama si DENNIS

Posted on: March 31st, 2023 by @peoplesbalita No Comments

BINABALIK ni Jennylyn Mercado ang dati niyang katawan bago siya sumabak sa taping ulit.

 

 

Uunahin daw muna niya ang mag-training para sa triathlon.

 

 

Post pa niya sa Instagram: “Triathlon training—the ultimate test of the mind, body, and spirit. Happy to be back at it!”

 

 

Kasama ni Jen sa kanyang pag-train ulit ay ang mister na si Dennis Trillo. Sinasamahan siya parati nito na mag-bike sa bundok ng Tanay, Rizal. Minsan ay sumasama ang mga anak nilang sina Jazz at Calix sa biking trip nila.

 

 

 

Ilang triathlon events na ang sinalihan ni Jen noong isa pa lang ang anak niya. Ngayon at dalawa na ang anak niya, gusto pa rin patunayan ni Jen kaya pa rin niyang nakipag-compete.

 

 

 

Nagpasabi na si Jen na babalikan niya ang taping ng natengga niyang teleserye with Xian Lim na Love. Die. Repeat. Natigil ang taping dahil nabuntis siya sa baby nila ni Dennis na si Dylan.

 

 

 

***

 

 

 

MARAMI ang bilib kay Cai Cortez dahil sa pag-promote nito ng body positivity.

 

 

 

Wala siyang keber sa sasabihin ng mga tao sa hugis ng kanyang katawan. Kapag feel niyang mag-bikini, gagawin niya iyon.

 

 

 

Ngayong tag-init na, nag-post si Cai naka-pink two-piece bikini na may strawberry pattern sa Instagram. Nilagyan niya ito ng caption na: “A day at the beach. There comes a time in your life when you don’t care. You don’t care what other people will say. You don’t care what other people will think. Ang importante, alam ko sa sarili ko mabuti akong tao, mabait ako sa kapwa, mabuti akong ina, oks na ko.”

 

 

 

Inamin noon ni Cai na maraming netizen na bina-body shame siya noon kapag nagpo-post siya ng photos na naka-swimsuit siya.

 

 

 

Noon daw ay nade-depress siya dahil sa bashing sa kanyang pangangatawan. Pero natutunan na raw tanggapin ito ni Cai at ngayon proud na proud siya sa katawan na binigay sa kanyang ng Diyos.

 

 

 

***

 

 

 

MULING gumawa ng history si Taylor Swift sa Billboard charts. For the first time ay pitong album ng singer-songwriter ang pasok sa Billboard 200 chart.

 

 

 

Ayon sa Billboard, si Taylor ang kauna-unahang living artists na may pitong albums na nasa Top 40. Huling naka-achieve nito ay si Whitney Houston na noong pumanaw in 2012, pumasok sa op 40 ang pitong albums nito.

 

 

 

Ang ranking ng albums ni Taylor sa Top 40 ay: Midnights (#3), Lover (#13), Folklore (#14), 1989 (#19), Red: Taylor’s Version (#22), Reputation (#26) and Evermore (#31). Dalawa naman sa albums niya below Top 40 ay Fearless: Taylor’s Version (#52) at Speak Now (#69).

 

 

 

Kasalukuyang na kanyang ‘Eras Tour’ si Taylor at breaking attendance records ito simula pa noong March 17 sa Glendale, Arizona.

 

 

(RUEL J. MENDOZA)

Kakaiba talaga ang kasikatan nila: ‘Team FiLay’ nina DAVID at BARBIE, na-feature sa famous rice paddy art

Posted on: March 31st, 2023 by @peoplesbalita No Comments

NAIIBA na popularity ng ‘Team FiLay’ nina David Licauco at Barbie Forteza kahit matagal-tagal na ring natapos ang “Maria Clara at Ibarra,” nang i-feature ang mga mukha nina Pambansang Ginoo at Kapuso Primetime Princess sa famous rice paddy art ng rice farm ng Philippine Rice Research Institute.

 

 

Kahit si Barbie ay nag-text dahil nag-trending ito sa Twitter, may 81 Quotes, 4988 likes and 20 Bookmarks at tumataas pa.

 

 

Naging very successful din ang movie video na ginawa ng dalawa na “The Way You Look at Me” under Universal Records, at sinundan pa ito ng paglabas ng first billboard nila together ng ini-endorse nilang Ishin products na makikita na ngayon along EDSA Cloverleaf at sa NLEX.

 

 

Balita ring muling nag-restock ang mga products na ini-endorse nila.

 

 

***

 

 

PAPASUKIN na rin ba ng two-time Winter Olympian at Philippines’ first ever figure skating champion na si Michael Martinez, ang showbiz?

 

 

Na-interview kasi si Michael during the taping of GMA Primetime series na “Hearts On Ice,” na pinagbibidahan nina Xian Lim at Ashley Ortega, at may special guest appearance siya.

 

 

Inamin ni Michael na hindi niya na-imagine na magpe-perform siya sa isang serye at ang makakatrabaho niya ay mga artista.

 

 

“Hindi ko po na-imagine na pipiliin ako to perform and to show my tricks, not only that, to work with them, and I’m really happy na napili ako to do it.  It is something definitely something very new to me,” sagot ni Michael.

 

 

Sa tanong kung may balak ba siyang pasukin ang mundo ng showbiz: “Actually, this time, yes po, pwede naman po.”

 

 

Ilang eksena na pala ang natapos ni Michael na ipinakita niya ang iba’t ibang figure skating moves, na ang kasama niya ay sina Ashley, Xian at isa pang figure-skater, si Roxie Smith.

 

 

Please don’t miss watching “Hearts On Ice,” gabi-gabi,  dahil very soon ay mapapanood na si Michael sa kanyang special appearance sa serye.

 

 

***

 

 

NAGKAROON agkaroon muna ng “Grand Kasalan Premiere” ang “Here Comes the Groom” sa Cinema 1 ng SM Megamall, bago ginanap ang media conference na dinaluhan ng buong cast ng movie na dinirek ni Chris Martinez.

 

 

Sequel ito ng hit movie noon na “Here Comes the Bride” na nagtampok kina Angelica Panganiban, Eugene Domingo, John Lapus, Tuesday Vargas at Jaime Fabregas.

 

 

Based sa tawanan ng audience ay mas nakakatawa ang “Here Comes The Groom” na ginampanan ngayon nina Enchong Dee, Keempee de Leon, Maris Racal, Awra Briguela, Gladys Reyes and Eugene Domingo, with the special participation of Miles Ocampo and Tony Labrusca, with Nico Antonio, Iyah Mina, Fino Herrera and Kuya Kim Atienza.  Introducing naman sina Xilhouete at Kaladkaren.

 

 

Ayon kina Enchong at Miles, hindi nila natanggihan ang offer ng producer nila sa Quantum Films na si Atty. Joji Alonso, dahil first time pa lamamg nilang gagampanan ang ganoong role. Isa pa ay naninibago muli si Atty. Joji sa pagpu-produce dahil matagal na siyang huminto.

 

 

Co-producer niya ang CineKo Productions at Brighlight Productions.  Ang movie ang entry nila sa first Summer Metro Manila Film Festival na magsisimula sa April 8 at magtatapos sa April 18, 2023 in cinemas nationwide.

(NORA V. CALDERON)

Ads March 31, 2023

Posted on: March 31st, 2023 by @peoplesbalita No Comments

Tolentino, tatayong legal counsel ni Dela Rosa sa ICC probe

Posted on: March 31st, 2023 by @peoplesbalita No Comments

MAGSISILBING  abogado ni Sen. Ronald “Bato” dela Rosa sa lahat ng proceedings na may kinalaman sa International Criminal Court (ICC) investigation si Sen. Francis Tolentino.

 

 

Ito ay kaugnay pa rin sa ginagawang imbesti­gasyon ng ICC tungkol sa drug war ng administrasyon ni dating Pangulong Duterte kung saan si Dela Rosa noon ang hepe ng Philippine National Police (PNP).

 

 

Sinabi ni Tolentino sa isang zoom interview, na tinanggap na niya ang panukala ni Dela Rosa para maging abogado niya.

 

 

Ang pangunahing tungkulin umano ni Tolentino ay protektahan si Dela Rosa hindi lamang sa loob ng ICC dahil iginigiit nila na walang hurisdiksyon ang ICC sa Pilipinas kundi maging sa lokal.

 

 

Sa sandaling humantong na umano sa ganoong sitwasyon ay inihahanda na rin umano ni Tolentino ang lahat ng dokumento para sa proper accreditation bilang abo­gado ni Dela Rosa.

 

 

Magpapadala rin umano si Tolentino ng liham kay Senate President Juan Miguel para magkaroon siya ng exemption mula sa rule na ang isang incumbent officials ay bawal mag-practice ng kanilang propesyon.

 

 

Inihayag din ni Tolentino na iimbitahan niya si Kamir Khan, ICC pro­secutor, sa pagdinig ng Senate Committee on Justice and human rights na layong depensahan si dating pangulong Duterte mula sa imbestigasyon ng international tribunal. (BISHOP JESUS “JEMBA” M. BASCO)

LTO district chief suspendido; Masamang behavior ng pasahero sa PUVs responsibilidad ng driver, operator at conductor

Posted on: March 31st, 2023 by @peoplesbalita No Comments

ISANG hepe ng Land Transportation Office (LTO) sa Novaliches district unit ay suspendido matapos na maaresto ang limang pinaghihinalaang fixers sa labas ng opisina ng nasabing ahensya

 

 

 

Ayon kay LTO assistant secretary Jay Art Tugade na ang nasabing opisyal ay sinuspinde habang nagsasagawa ng imbestigasyon dahil sa fixing activities sa district office.

 

 

 

Hindi naman pinangalanan ni Tugade ang nasabing opisyal subalit sa website ng LTO ay lumalabas na ang hepe sa Novaliches district office ay isang nagngangalang Joseph Paul Petilla.

 

 

 

“The chief of office will be investigated. If he is found to be in connivance with the fixers, the appropriate criminal charges will be filed against him ang the other employees,” wika ni Tugade.

 

 

 

Kinausap ni Tugade ang hepe tungkol sa mga naglipanang fixers sa kanyan jurisdiction. Ayon sa nasabing hepe, ang mga fixers ay wala naman sa loob ng kanyang opisina. Subalit diniin ni Tugade na mayroong gross negligence sa parte ng nasabing hepe na siyang puwedeng grounds para sa administrative charges.

 

 

 

“We are following the principle of command responsibility. The public should rest assured that I will hold the chief of that office accountable for the fixers caught just outside the office,” dagdag ni Tugade.

 

 

 

Ang mga nasabing fixers ay nahuli ng magkaron ng pinagsanib na operasyon ang LTO at ang police Criminal Investigation and Detection Group. Ang mga naaresto ay nahuling tumatangap ng P10,500 mula sa isang poseur-buyer ng student permit. Sila ay kakasuhan dahil sa paglabag sa Republic Act 9485 o ang tinatawag na Anti-Red Tape Act.

 

 

 

Samantala, nakalagay sa isang memorandum circular na nilabas ng Land Transportation Franchising and Regulatory Board (LTFRB) noong March 21 na ang public utility vehicle (PUV) drivers at operators ay mabibigyan ng hindi lamang karampatang multa sa mga nangyayaring sexual harassment sa mga pasahero sa loob ng kanilang sasakyan kung hindi pati na rin kung sila ay mabigong bigyan pansin ang hindi magandang pakikutungo ng mga ibang pasahero sa bawat isa.

 

 

 

Ang nasabing memorandum ay nakasusug sa Republic Act 11313, Safe Spaces Act, na nagbibigay ng protective measures at prescription ng mga multa laban sa gender-based sexual harassment. Ang nasabing termino ay kasama ang aksyon na magreresulta ng mental, emotional o di kaya ay psychological distress sa isang tao.

 

 

 

Kasama dito ang komento na sexual, threats, cursing, catcalling, leering at slurs at walang hintong paghingi ng personal information at pagpapakita ng pribadong parte ng katawan ng isang tao.

 

 

 

Nakapaloob din sa memorandum ang iba pang bahagi ng sexual harassment tulad ng pagkuha at uploading ng letrato, video at audio recordings ng walang paalam, cyberstalking at online identity theft.

 

 

 

“To maintain the safety and convenience of the passengers, it is incumbent upon PUV operators to ensure that no acts of gender-based harassment are committed inside PUVs,” ayon sa LTFRB.

 

 

 

Nakalagay sa Memorandum Circular 2023-016 na ang isang PUV operator, driver, conductor at empleyado ay nahaharap sa P5,000 na multa at suspensyon ng kanilang sasakyan sa loob ng anim na buwan sa unang offense.

 

 

 

Sa ikalawang offense ay bibigyan sila ng P10,000 na multa at suspensyon ng sasakyan sa loob ng isang taon habang ang ikatlong offense ay may multang P15,000 at pagbawi ng certificate of public convenience (CPC).

 

 

 

Habang ang isang operator na mabigong pigilan ang ganitong pangyayari at hindi nila pinaalam sa mga awtoridad ay nahaharap sa P5,000 na multa sa unang offense. Sa ikalawang offense, ang isang operator ay bibigyan ng P10,000 na multa habang ang ikatlong offense naman ay papatawan ng P15,000 na multa at babawiin ang CPC.

 

 

 

Ang lahat ng mga PUVs ay kinakailangan din na maglagay at magpaskil ng “Bawal ang Bastos” signage sa loob ng mga sasakayan.  LASACMAR

Pixar Short ‘Carl’s Date’ to Premiere in Cinemas Alongside ‘Elemental’

Posted on: March 31st, 2023 by @peoplesbalita No Comments

THE beloved character Carl from the Pixar movie Up is set to return to the big screen in the upcoming Pixar short, ‘Carl’s Date’.

 

 

In the animated movie Up, Pixar delivered some of the most iconic and heartwarming scenes through the characters of Carl and Ellie. The childhood friends who shared the dream of finding Paradise Falls grew up, fell in love with each other, and got married. But when Ellie passed, Carl decided to pursue their forgotten dream once more, leading to the adventures he had shared with the Junior Wilderness Explorer Russell and the talking dog Dug in the 2009 film.

Now, the upcoming short finds Carl as he reluctantly agrees to go on a date with a lady friend—but admittedly with no idea how dating works these days. Having pre-date jitters, Dug steps in to help, offering some tips for making friends. Although Dug’s idea of making friends is how he does it as a dog.

 

 

Written and directed by Emmy Award winner Bob Peterson, this new short film will debut on the big screen together with their upcoming feature film Elemental, which will roll out in US theaters starting June 16.

(ROHN ROMULO)

Pinas, dapat palakasin ang local medicine production-PBBM

Posted on: March 31st, 2023 by @peoplesbalita No Comments

KUMBINSIDO si Pangulong Ferdinand Marcos Jr. na ang  ipinatupad na lockdowns bunsod ng COVID-19 pandemic ay dapat na nag-udyok sa Pilipinas para palakasin ang produksyon ng local medicines upang magkaroon ng sapat na stockpile sa panahon ng emergency.

 

 

“Let’s maximize the local production. The initial reason why this came up is the supply problems that we encountered during the lockdowns so we need to be prepared. We should be able to produce the local supply of essential medicines,” ang sinabi  ni Pangulong Marcos sa isang pulong kasama ang Private Sector Advisory Council (PSAC) healthcare sector group.

 

 

Inatasan ng Chief Executive  ang  Department of Health (DOH) at Food and Drug Administration (FDA) na makipagtulungan sa pribadong sektor para i- identify ang mga medisina na gagawin sa lokal.

 

 

“The Health department and FDA should also maximize the utilization of the capacity of local pharmaceutical manufacturers, particularly in the production of basic medications for poor Filipino patients such as anti-tuberculosis drugs,” ayon sa Punong Ehekutibo.

 

 

Imo-monitor naman ng PSAC ang mga bagong teknolohiya sa  healthcare na maaaring gamitin para sa geographically isolated at disadvantaged areas at irekumenda ang mga ito sa DOH at PhilHealth.

 

 

Pag-aaralan din nito ang feasibility ng page-establisa ng remote diagnostics centers at pag-assess  ng bagong medical technologies at halaga nito.

 

 

Itinulak din ng advisory council ang patuloy na digitalisasyon ng information systems ng FDA hanggang sa kanilang target completion sa Agosto ngayong taon.

 

 

“Once digitalized, other systems such as new chemical entity renewal, certificate of listing of the identical drug product (CLIDP), and post-marketing surveillance will follow,” dagdag  nito.

 

 

Samantala, kabilang naman sa mga dumalo sa PSAC meeting sina Sabin Aboitiz, Strategic convenor president at CEO ng Aboitiz Equity Ventures Inc.; Paolo Maximo Borromeo, Healthcare lead president at  CEO ng Ayala Healthcare Holdings Inc; Fr. Nicanor Austriaco Jr., Healthcare Sector Member, at Filipino-American molecular biologist; Dr. Nicanor Montoya, Healthcare Sector Member at CEO ng Medicard Philippines, Inc.; DOH officer in charge Undersecretary Maria Rosario Vergeire, at Commission on Higher Education chairperson Prospero de Vera III. (Daris Jose)

Caloocan-Manila connector, bukas na sa motorista, toll libre pa

Posted on: March 31st, 2023 by @peoplesbalita No Comments

BINUKASAN na nitong Miyerkules ng hatnggabi ang 5-ki­lometrong NLEX connector na magdudugtong sa Caloocan at Maynila.

 

 

Wala pang sisingiling toll ang NLEX sa mga motorista para maranasan muna ng mga motorista ang kaginhawaan sa paggamit nito.

 

 

Magugunitang una nang sinabi ni Pangulong Ferdinand Marcos Jr. na layon nitong gawing 5 minuto na lang ang biyahe mula Maynila hanggang Caloocan, sa halip na 30 minuto.

 

 

Malaking kaginhawaan umano ito at magiging alternatibong ruta para sa mga trackers na umiiwas sa masisikip na main road sa loob ng metropolis.

 

 

Nabatid na malaking tulong din  ang pagbubukas nito ngayong linggo para sa inaasahang dami ng bibiyahe sa papalapit na Semana Santa.

 

 

Iaanunsyo pa ng NLEX kung kailan magsisimulang sumingil ng toll fee sa bagong bukas na daan. (Daris Jose)