NI-REVEAL ni Ken Chan na pang-lima pala silang pamilya ng kanyang ama.

Sa kabila ng hindi sila ang orihinal na pamilya, hindi raw nagtanim ng sama ng loob ang Kapuso actor sa kanyang ama.

“Sobrang pinabago ako ng sitwasyon na ‘yon. I think I became a better person after that. Ako ‘yung tumayo na tatay o padre de pamilya ng pamilya namin simula noong nawala si papa at pinili niya ‘yung ibang pamilya. At naiintindihan ko siya roon, kasi kami ‘yung pinakahuli eh.

“Dahil may nauna sa amin, at talagang dapat lang na piliin niya ‘yung kung sino ang nauna sa amin dahil ‘yun ang tama. At ‘yun ang naiintindihan ko at doon ako nanghuhugot at pinanggagalingan ko.

“Nilagay ko ‘yung sitwasyon ko sa kanya. Sabi ko rin sa sarili ko, kung mangyayari sa akin ‘yun, pipiliin ko rin kung sino ang nauna,” sey ni Ken.

Dagdag pa ni Ken, dumating sa puntong pinapili ng kanyang ina ang ama kung kaninong pamilya ang sasamahan nito.

“Sa kanila. Dumating sa point na hindi na rin kami masyadong nakakapag-usap ni papa ngayon, pero hindi ako nagtanim ng sama ng loob. Actually masaya pa ako kasi may mga kapatid ako sa labas. Masaya ako na marami kami. Pero siyempre para sa nanay ko, masakit ‘yun para sa kaniya.

“Pero sa akin bilang isang anak, hindi talaga ako nagalit, hindi ako nakaramdam ng sama ng loob sa tatay ko. Honestly, mas naging masaya ako kasi mas malaki ang pamilya ko.”

(RUEL J. MENDOZA)

SA usapang “mana”, lahat ay nakikinig.

At tulad ng pagka-hook sa newest romantic-comedy on TV, ang ‘GoodWill’, na napapanood sa NET25 every Sunday at 4 pm right before the show ‘Korina Interviews’.

Eto ang latest sa inaabangan every weekend.

Sa Episode 6 ng ‘GoodWill’, si Lloyd Patawad (David Chua), isang wannabe rockstar at na-scam at nagka-utang-utang! Buti na lang at may malaki siyang mamanahin!

Pero sa sobrang laki ng mana, may mga kondisyon pa siyang dapat sundin bago mapasakanya ang mana mula kay Mama.

Masolusyunan kaya niya ang malaking trobol na napasok? Paano?

Hindi pa nga tapos ang isyu sa nawawalang bracelet, mukhang may panibagong problema na naman ang barkada?!? Magkaroon na kaya ng kasagutan sa iisang tanong ng lahat… “Sino nga ba ang kumuha ng bracelet ni Sarah (Devon Seron)?”

Eto pang si Chef Alex, nakaka-starstruck talaga ang kagandahan, pang beauty queen!… Pang beauty queen din kaya ang kalooban?

Si Lodi Lloyd, mukhang give all na sa pagiging trabahador ng GoodWill Resort, give up na nga ata talagang maging “rockstar”… Huh?!

So, hindi nakapagtataka na marami ang nahu-hook sa “Goodwill” tuwing Linggo.

Kasama nina David at Devon Seron sa ‘GoodWill’ sina Raymond Bagatsing, Smokey Manoloto, Kat Galang, Ryan Rems at James Caraan.

Samantala, single pa rin 33-year old ang actor/director/businessman at choice daw niya yun dahil masaya siya sa kanyang buhay.

Dumaan naman siya pagkakaroon ng girlfriend, pagloloko at pambababae.

At ngayong 30 plus na siya, ang gusto niya ang susunod niyang mamahalin ay ‘yun na ang kanyang pakakasalan at magiging asawa at ina ng kanyang anak.

Sa ngayon ay naka-focus si David sa kanyang buhay at sa career, bilang actor at director (‘Korina Interviews’).

Pero ano kaya itong ginagawang tsika ng netizens, na nagsasabing bagay daw sina David at Devon, nang makita nilang magkasama sa Boracay, na malamang nagti-taping sila para sa kanilang show.

Ang nakakaaliw pa, binigyan pa sila ng name na ‘ChuRon’, kaya ngayon babantayan na sila kung magiging made-develop ba at magiging ‘couple’ din sila.

(ROHN ROMULO)

KAHIT tapos na ang ‘Maria Clara At Ibarra’ ay hindi basta-basta mawawala sa kamalayan ng publiko si David Licauco bilang Pambansang Ginoo.

Aminado si David na malaking impact ito sa kanyang pagkatao.

“Kung tinatanong niyo yung big change, yeah, it’s quite big and it’s overwhelming.

“But at the same time, you just have to stay grateful kasi hindi naman lahat ng tao nabibigyan ng ganitong oportunidad.

“So, kahit minsan mahirap na at nakakapagod, kumbaga kailangan mo na lang din isipin na kailangan mo maging grateful kasi dati pinangarap mo din ito.”

Normal rin na ngayong sikat na sikat siya ay may mga bagay na hindi na niya basta puwedeng gawin.

“For me kasi, showbiz is like any other job. So, parang tini-treat ko lang ito na trabaho.

“So siguro, kunyari minsan gusto ko lumabas, gusto ko mag-have fun with friends, tapos may makikita akong comments na parang ‘dapat di ka na lumalabas.’

“Parang for me, wala namang masama dun as long as wala naman akong ginagawang anything overboard.”

Hirit naman ni David, hindi lalaki ang ulo niya.

“My personality and how I am as a person has not changed since I was 12 years old, 10 years old.

“Kumbaga, whenever I’m with my high school friends, sobrang maloko pa rin ako. Nag-lolokohan kami, mga ganun.

“So, I just sort of remain the same. I just have more responsibilities now and yun na nga, again, naging ‘Pambansang Ginoo’ ako, na never ko naman in-expect.

“So, I guess, I just have to do my best at all times na maging magandang ehemplo at halimbawa sa mga kabataan at sa mga taong sumusuporta sa akin.

“Siyempre, again, I’m like a public figure now and marami na akong… marami nang mga tao na tumitingala… kumbaga, tingin nila sa akin ay inspirasyon ako.

“So, kailangan ko mas maging careful dun kasi, di ba, pangit naman magpakita ng masamang bagay sa mga kabataan,” pahayag ni David na endorser ng Blue Water Day Spa na may mga branches sa Banawe – Quezon City, Eton Square – Ortigas in Greenhills, San Juan at Estancia Mall sa Pasig City. Soon to open naman ang The Infinity Tower, BGC.

Ilan sa bonggang services ng Blue Water day Spa ay ang Deep Tissue Massage, IPL Hair Removal service, Deep Tissue Massage, rejuvenating massages, deep cleansing facials, sculpting at toning treatments, Four Hand Massage, Therapeutic Colonic Massage at Pregnancy Massage.

(ROMMEL L. GONZALES)