2022 October 03 Archive - People's Balita

May 16, 2024
Search in People's Balita
Ang Diyaryong Pinagkakatiwalaan

Archive for October 3rd, 2022

Fare hike sa mga pampublikong transportasyon, simula na– Department of Transportation

Posted on: October 3rd, 2022 by @peoplesbalita No Comments

PORMAL nang ipatutupad ngayong Lunes, October 3, 2022, ang fare hike sa mga pampublikong transportasyon sa bansa ayon sa Department of Transportation (DOTr).

Ito ay matapos na maaprubahan na nga isinusulong na dagdag pamasahe ng mga operator at driver sa mga public utility vehicles (PUVs) sa Pilipinas.

Kaugnay nito ay muling nagpaalala si DOTr Secretary Jaime Bautista na kinakailangang munang ipaskil ng mga PUV driver at operator ang bagong fare matrix sa loob ng kanilang mga sasakyan bago ito magpatupad ng fare hike.

Aniya, ire-request nila ito sa Land Transportation Franchising and Regulatory Board (LTFRB) at iba pang mga sektor upang tiyak na maipapaalam sa mga pasahero ang naturang bagong matrix ng pamasahe sa mga pampublikong sasakyan.

“Dapat makita ng mga pasahero ang bagong matrix. I will request LTFRB lahat ng sectors para di malito ang mga pasahero,” ayon kay Bautista.

“Dapat ganon. Kaya Ang gagawin namin pag igihan namin ang information drive lalo na operators ng jeepney para makita ng mga pasahero.”

Patuloy naman ang paghingi ng kagawaran ng pag-unawa sa panig ng mga commuters hinggil dito kasabay nang pagpapaliwanag ng iba’t-ibang suliranin tulad na lamang ng kakarampot na kinikita ng mga tsuper dahil sa presyo ng gasolina, at maintenance, pati na rin ang nararanasang inflation sa bansa.

Simula sa Lunes, magiging Php12.00 na ang minimum fare sa mga traditional jeepney habang Php14.00 naman sa mga modern jeepney.

Nasa Php13.00 naman ang magiging minimum fare sa mga ordinary bus, at Php15.00 naman sa mga air-conditioned bus.

Bukod dito ay dinagdagan din ng LTFRB ang flagdown rate sa mga taxi at transport network vehicle service (TNVS).

Sa mga taxi at sedan-type na TNVS, magiging Php45.00 na ang minimum fare, habang Php55.00 naman sa mga AUV/SUV-type na TNVS, at nasa Php35.00 naman ang itinakdang bagong flagdown rate sa mga hatchback-type na TNVS.

Samantala, sa kabilang banda naman ay sinabi ni Bautista na kasalukuyan na rin aniya nilang pinag-aaralan ang hiling din na fare hike ng mga railway sa bansa. (Daris Jose)

Ads October 3, 2022

Posted on: October 3rd, 2022 by @peoplesbalita No Comments

Binalikan ang luxury store at nag-ala-Julia Roberts: SHARON, ‘di pinapasok sa Hermes kaya napabili tuloy sa Louis Vuitton

Posted on: October 3rd, 2022 by @peoplesbalita No Comments

SA latest YouTube vlog ni Megastar Sharon Cuneta na “MEGA Travels-Seoul Part 3,” naging usap-usapan ng mga netizens sa social media ang bahaging hindi pinapasok sa isang luxury shop sa Seoul, South Korea.

Nangyari nga ito habang nagbabakasyon si Sharon kasama ang mga anak na sina Frankie at Miel at asawang si Kiko Pangilinan, na kung saan enjoy na enjoy siya sa mga nakatatakam na foods, at pagbili ng mga K-pop merchandise.

At siyempre, ang favorite niyang pagsa-shopping. Pero nangyari ang ‘di inaasahan dahil hindi nga nakapasok si Mega sa isang luxury boutique shop kung saan type niyang bumili ng mamahaling belt na ang hinala ng netizens dahil bawal mag-walk in.

Makikita nga sa vlog ang pakikipag-usap ni Sharon sa isang doorman pero hindi siya pinasok kaya naglagay siya ng caption na, “Turned away at the Hermès Store.”

Kaya minabuti na lang ni Sharon na sa Louis Vuitton pumasok at doon na lang mamili ng wala sa plano, na buong-puso namang inasikaso at makikitang binigyan pa ng, “I got champagne and flowers! Thank you, Louis Vuitton,” say ni Sharon sabay inom at labis ang pasasalamat.

Muling nadaanan ni Sharon ang Hermès store na bitbit ng mga kasama ang naglalakihang bag ng mga pinakyaw niya sa Louis Vuitton.

Say ng isa, kung type pa ba niyang bumili ng belt…

“No more, I buy everything,” sagot ng aktres at ipinarinig sa doorman na hindi nagpapasok sa kanya.

Kasunod ang video ang iconic scene ni Julia Roberts sa Pretty Woman, na kung saan binalikan nito ang saleswoman na nag-discrimate sa kanya at nagsabing “big mistake, big, huge!”

Iba’t-iba ang naging reaksyon ng netizens sa insidenteng nangyari, na kahit naman si Sharon ay naintindihan naman kung bakit siya siya pinapasok.

“Di ba matagal namang kalat na ganyan ugali ng mga nagwowork sa hermes? same as louis vuitton, naswertehan lang siguro ni tita shawie.”

“In demand ang hermes at top luxury brand kaya malakas loob nila mag taray parang technique narin nila yan na i down yung customer para lalo mang gigil at bumili sa kanila para ma hurt yung ego nila at bumili lalo.”

“Each store works differently naman. Even Oprah was profiled and refused by Hermes and LV before.”

“Hermes is not really as welcoming kasi ang taas talaga ng demand kaya primadona sila! Sa LV Gucci Dior aamuhin ka talaga at pagsisilbihan give you wine chocolates cakes and whatever.’

“Haha,funny nung di sya pinapasok sa hermes tapos after nya mag-shop sa louis vuitton dumaan tlaga dun with many shopping bags.”

“it was funny but I doubt Hermes was thinking “we should have let her in…” when they saw all those LV bags she bought. The total worth of those LV items is probably only half the price of 1 Hermes bag. LV is cheaper than Hermes.”

“Imagine Billionaire na, naka-experience pa ng ganyan. Ang fulfilling din dumaan after mo magshopping galore sa LV na kadaming dala-dalang paper bags.”

“Beh, Buti nga! Sayang Hindi nila pinapasok si Mega! Kahit ako, babalikan ko sya at ipamukha ko na may pera ako no?! Magkano ka?!!’

“Dapat nagbihis sya na parang milyonarya!”

“Sa Hermes you have to have appointment kahit sino pa yaman dyan kaya wag ka magtampo Sharon.”
“Sa Hermes kasi by appointment ahead of time. Now kung pupunta ka lang don without calling ahead, you can just fall in line, or else they’ll turn you down.”

“Baka nakakalimutan nyo ang Hermes collection of bags ni Sharon. Kung pinapasok nila si Sharon makikita nila ang kanyang account at mapapahiya sila kasi even before pa ganito sumikat ang Hermes ay namimili na dyan ang Mommy Elaine nya.

“Please watch some videos of Sharron and KC sa kwento nila ng Hermes bag. Mabait lang si Sharon at di sila tinarayan para ipamukha kung ang account nya sa Hermes kung iyon ang naging batayan nila.”
Sa kanyang IG post na kung nag-iimbita nga siya na out na ang new episode ng kanyang vlog sa kanilang Seoul-searching sa Korea.

Sa dulo nito, mababasa ang, “P.S. Don’t feel bad about Hermes not letting me in! Lots, if not all name-brand stores even in the U.S. allow a certain number of people in at a time – sometimes 10 lang, while the others wait in line outside of the store.

“Lots also ask you to make an appointment. Covid measures nila yan so okay lang. Sayang lang talaga belt lang naman ang balak ko eh kaya ayoko pumapasok sa ibang stores na di ko plano puntahan ang dami kong nakikita eh! 😂❤️.”

(ROHN ROMULO)

Pilipinas, nanguna sa Top 10 highest disaster risk countries batay sa World Risk Report 2022

Posted on: October 3rd, 2022 by @peoplesbalita No Comments

NANGUNA ang Pilipinas sa may pinakamataas na disaster risk sa buong mundo ngayong 2022.

Batay ito sa naging assessment WorldRiskIndex 2022 hinggil sa disaster risk ng nasa 193 na mga bansa na sumasaklaw sa mga bansang kinikilala naman ng United Nations at mahigit 99 percent ng populasyon sa buong mundo.

Sa datos, ang Pilipinas na mayroong 46.82% na WorldRiskIndex ay sinundan ng India na mayroong 42.31%, at Indonesia na mayroon namang 41.46%.

Lumalabas din sa nasabing report na siyam sa 15 bansa na may highest disaster risk ay kabilang din sa 15 pinakamataong mga bansa sa daigdig.

Kapansin-pansin din na maraming mga island state ang hindi na napabilang pa sa mga nangungunang risk ranking ng recalculation ng WorldRiskIndex ngayong taon dahil sa pagbabago ng mga factors na ikinokonsidera ng mga kinauukulan pagdating sa pagkakalkula ng mga datos ukol dito.

Ibinibilang na rin kasi ang absolute at percentage figures ng mga population at risk sa kanilang kalkulasyon upang maiwasan ang distortion ng mga datos dahil sa population size tulad ng isang bansa.

Nakasaad din sa inilabas na datos ng WRI na ang China ang may pinakamataas na exposure, na sinundan naman ng Mexico, at Japan.

Kabilang naman sa most vulnerable country sa buong mundo ang Somalia, Chad, at South Sudan.

Habang ang South Korea, Italy, at Greece naman ay nagpapakita ng mababang vulnerability na maaaring makabawas sa disaster risk kahit na mayroon itong very high exposure.

Samantala, ang Amerika naman ang kontinenteng may pinakamataas na disaster risk sa buong mundo, na sinundan ng Asya, at pumangatlo naman ang Africa, habang ang Europa naman ang may pinakamababang risk sa pagdating sa global comparison.

Ang naturang assessment ngayong taon ay nakatuon sa mga pagbabagong dulot ng digital technology na gamit ng mga bansa sa pagdating sa disaster preparedness at response.

Sa pamamagitan kasi ng digitalization ay nagagamit ang Information and communication technologies (ICT) pagdating sa iba’t-ibang yugto ng disaster management for knowledge acquisition, information, dissemination, communication.

Tulad na lamang ng paggamit ng global database para sa mga risk analysis, maagang digital warning systems, applications para sa pag-record ng mga pinsala, at pakikipag-ugnayan sa mga apektadong indibidwal sa pamamagitan naman ng social media platforms.

Recognitions, financial support pour in for the fallen heroes

Posted on: October 3rd, 2022 by @peoplesbalita No Comments

CITY OF MALOLOS- The five fallen heroes received outpouring recognitions and financial support as the Provincial Government of Bulacan hold a special tribute for their heroism dubbed as “Salamat at Paalam… Luksang Parangal para sa mga Bayaning Tagapaglistas! at the Bulacan Capitol Gymnasium here yesterday.

On behalf of George E. Agustin from Iba O’ Este, Calumpit; Troy Justin P. Agustin from Sta. Rita, Guiguinto; Marby A. Bartlome from Bulihan, City of Malolos; Jerson L. Resurreccion from Catmon, Santa Maria; and Narciso Calayag, Jr. from City of Malolos, their respective families received the highest recognition plaques from the PGB as well as cash gifts and scholarship grants from various national and regional agencies, government officials, and private sectors.

Among the cash gifts that the bereaved families received were P300,000 from Bulacan Rescue in partnership with Insular Life; P200,000 from the PGB; P200,000 from the Chairman of Century Peak Holding Corp. Wilfredo Keng, which was handed over by his daughter Katrina Keng along with a scholarship grant to one of the orphaned children from each family; P100,000 from Al Tengco, chairman of the Philippine Amusement and Gaming Corp.; P10,000 from Angat Buhay Foundation and Bulacan Angat Buhay Volunteers of former Vice President Maria Leonor “Leni” Robredo; and scholarship grants from Bulacan State University.

Also, Bulacan Governor Daniel R. Fernando shouldered all the expenses for the funeral services and gave P100,000 for each family from his own pocket.

He said that while no amount of financial aid will compensate for the loss of the five rescuers, the outpouring support, honor, appreciation, and gratitude displayed not only from Bulakenyos but from all the Filipinos is a testament that their unfortunate demise is not wasted.

“Nabalot ng pagdadalamhati ang mga araw sa ating lalawigan subalit bumubuhos ang pakikiramay, mga pinansyal na tulong mula sa iba’t ibang panig ng lugar at bansa para sa pamilya ng ating limang Bulakenyong bayaning tagapagligtas. Lubha po tayong nalulungkot sa nangyari. Hindi po natin ito inasahan at hindi kailanman hinangad na mangyari lalo na sa ating mga bayaning rescuers na mas pinili ang tumulong at iligtas ang buhay ng iba kahit ang kapalit nito ay kanilang sariling buhay. Marapat lamang na lahat ng insentibo at tulong ay ating maipagkaloob sa kanilang pamilya,” Fernando said during the necrological service.

Jessa Agustin, wife of Troy Justin, also expressed her appreciation for the special tribute and financial support that were given to them.

“Ramdam na ramdam po ng pamilya namin ang pakikiramay at tulong ng buong Pilipinas. Sa lahat ng opisyal ng gobyerno lalong lalo na po kay Gov. Daniel R. Fernando at Mayor Jocell Vistan, sa mga pribado at pampublikong mga grupo at ahensya, sa media, hanggang sa mga simpleng sibilyan na katulad ko, taos pusong pasasalamat po sa inyong lahat mula sa aming pamilya sa nag-uumapaw na tulong maliit man o malaki,” she tearfully said.

Prior the necrological service, fire trucks from different provinces and cities in the country honored the fallen heroes with a water salute as their remains were passing through the PDRRMO and Capitol Buildings. (BISHOP JESUS “JEMBA” M. BASCO)

433 bettors, napanalunan ang nasa mahigit P236-M na jackpot prize ng Grand Lotto 6/55

Posted on: October 3rd, 2022 by @peoplesbalita No Comments

PAGHAHATIAN ngayon ng nasa mahigit 400 mga mananaya ang jackpot prize ng Grand Lotto 6/55.

Ito ay matapos na makuha ng 433 bettors ang winning combination na 09-45-36-27-18-54 na may jackpot prize na nagkakahalaga sa tumataginting na Php 236,091,188.40 nitong Sabado, October 1, 2022.

Ayon sa Philippine Charity Sweepstakes Office (PCSO), nagkakahalaga sa Php 545,245.24 ang matatanggap ng nanalong mananaya sa Lotto.

Bukod dito ay mayroon din 331 na mga nanalong bettor sa Php100,000 na halaga ng second prize, habang nasa 2,491 naman na mga mananaya ang nanalo ng third prize.

Samantala, ang Superlotto 6/49 naman ay umabot na sa Php110,134,645.60 ang halaga jackpot prize na hanggang ngayon ay hindi pa rin natatamaan.

Habang sinasabing posible na rin anilang umabot sa Php 100 milyon halaga ng jackpot prize sa susunod na draw ng Ultra Lotto 6/58. (Daris Jose)

Dept. of Energy muling iginiit na paiigtingin ang implementasyon ng LPG Law

Posted on: October 3rd, 2022 by @peoplesbalita No Comments

MULING iginiit ng Department of Energy (DOE) na kanilang paiigtingin ang pagpapatupad sa LPG Industry Regulation Act o ang Republic Act No. 11592.

Nangako naman si Energy Secretary Raphael Lotilla na suportado ng Department of Energy (DOE) na mapatupad ang LPG Law.

Ginawa ng kalihim ang pangako sa pulong kasama ang mga miyembro ng liquefied petroleum gas (LPG) industry kabilang ang mga kinatawan ng LPG Marketers’ Association, LPG Industry Association, Petron Gasul, Solane of Isla Petroleum, Phoenix LPG, South Pacific Inc., Regasco, Pascal Resources, Brenton, Liquigaz, at Ferrotech Steel. Dumalo rin sina Energy Undersecretary Alessandro Sales at iba pang empleyado ng DOE noong Sabado, Setyembre 30.

Layon ng nasabing batas na iregulate ang LPG industry para maprotektahan ang mga consumer laban sa mga malpractices o sa mga negosyanteng nagbebenta ng pekeng gasul at magpatupad ng reporma sa kasalukuyang conduct and codes of practice para sa LPG industry.

Sinabi ni Sec. Lotilla na naaprubahan at lalagdaan na rin aniya sa linggong ito ang tatlong natitirang Implementing Rules and Regulations ng batas na license to operate para sa improvement programs, at mga rule at procedure para sa mga kasong administratibo.

Inirekomenda rin ni Lotilla ang pagbuo ng malawakang task force kasama ang mga ahensya ng Department of Trade and Industry, Philippine National Police at mga local government unit na tutulong sa DOE para sa pagbabantay sa LPG industry at maparusahan ang mga tiwaling negosyante.

Naging ganap na batas ang LPG Law noong October 2021. (Daris Jose)

‘Ticket to Paradise’ Brings Back Big-Screen Romcom Feels, George Clooney and Julia Roberts Reunited

Posted on: October 3rd, 2022 by @peoplesbalita No Comments

YOU are cordially invited to a feel-good family romcom, “Ticket to Paradise,” starring blockbuster actors Julia Roberts and George Clooney along with Kaitlyn Dever (known for her roles in hit series Unbelievable and Dopesick) and Indonesian actor Maxime Bouttier who makes his Hollywood debut in the movie.

“Ticket to Paradise” is Directed by Ol Parker, George Clooney and Julia Roberts have reunited on-screen as David and Georgia, a divorced couple who seemingly only agree on one thing: their love for their daughter Lily (Dever).

So, when Lily meets and falls in love with a seaweed farmer named Gede (Bouttier) on her graduation trip to Bali and tells her parents that she’s going to marry him, there’s only one thing they can do: team up to stop her from making the same mistake they made all those years ago.

With the audience eager for a romcom rebirth, here are 5 reasons why Ticket to Paradise is this year’s cinematic romcom date movie for the family.

George and Julia’s warring couple would make one yearn for second chances. Clooney says. “In all the years since he and Georgia divorced, the fire is still there for him, but he’s convinced that Georgia has moved on and that he needs to make peace with that. She has a new boyfriend and a new life without him, and he doesn’t want to risk the hurt of being shut down or making things more complicated than they already are, and more than anything, he doesn’t want to compromise his relationship with his daughter Lily.”

George and Julia’s parenting mission is boundless, flying miles and miles while forgetting for a moment they are exes to team up for their daughter’s happiness. “We’re in a space in the world right now where people want to see something funny and comforting. “The unexpected thing about this movie is that there are various relationships within the family and emotions within the family that audiences will find themselves being moved by,” shares producer Bevan.

The scenery, set in Bali (but filmed in Australia due to the pandemic), makes us want to pack our bags for a beach getaway. Bouttier hopes it will serve as a reminder to tourists about the beauty of Balinese culture. “It’s a very lighthearted script, something we’ve been needing in the world,” Bouttier says. “Ever since COVID hit, Bali’s tourism has faded to a complete halt. Even now, Bali is still struggling to get tourism back, so a movie like this that’s set in Bali in a romcom format will hopefully invite the world back into Bali.”

You’d love the movie’s take on giving the global audience a glimpse of Balinese culture. “It was extremely important to us that we got not only the Balinese characters absolutely right, but the Balinese background, local culture and rituals absolutely right,” producer Tim Bevan says.

Casting Indonesian actor Maxime Bouttier for the role of Gede is on-point. Bouttier, in his Hollywood movie debut appreciated that the character was both open-minded and culturally connected to his customs. “Gede works as a seaweed farmer because he knows that it’s a give-and-take deal with nature, and I feel that’s a very Balinese way of life,” Bouttier says.

Ticket To Paradise is from Universal Pictures International that will open nationwide in local cinemas on October 5.

(ROHN ROMULO)

Bukod sa nominasyon sa 50th International Emmy Awards: ‘On The Job: The Missing 8’ nina JOHN, napiling entry ng Pilipinas sa 95th Oscar Awards

Posted on: October 3rd, 2022 by @peoplesbalita No Comments

NOMINADO sa prestihiyosong 50th International Emmy Awards ang “On the Job: The Missing 8”, ang six-part miniseries ng direktor na si Erik Matti!

Inilabas ang listahan ng mga nominado last September 29, kung saan nominado ang obra ni direk Erik sa kategoryang Best TV Movie/Miniseries.

Makakalaban ng “On The Job: The Missing 8” ang “Help” mula sa United Kingdom, “Il Est Elle [(S)He]” mula sa France at “La Historia Íntima De La Escritora Isabel Allende [Isabel, The Intimate Story Of Isabel Allende]” mula sa Chile.

Tampok sa “On The Job: The Missing 8” sina Christopher de Leon, Dennis Trillo, John Arcilla, Dante Rivero, Rayver Cruz at Lotlot de Leon.

Ito ay hango sa 2013 film na “On The Job” at nag-iisang Filipino production na tampok sa Venice International Film Festival nitong nakaraang taon.

Ipinalabas ito sa HBO Go nitong September 2021. Ang obra na Erik Matti ang siya rin napili na entry ng Pilipinas na Best Foreign Language Film category sa 95th Oscar Awards.

After two years ay ngayon lang muli nakapagpadala ng entry ang Pilipinas sa Oscars at sana naman ay makalusot na ito.

Isa rin ang “On The Job: The Missing 8” sa nagkamit ng several nominations sa upcoming Gawad Urian Awards.

***

KAYA bang panindigan ng dating child actor na si Jairus Aquino na hindi gagawa ng sexy scenes kahit na alukin siya ng daring role ng Viva kung saan he is under contract?

Sa presscon ng “Kalye Kweens” ay tinanong si Jairus na handa ba siyang sumabak sa mature roles. Sumagot naman ng oo ang binata pero mariin ang kanyang sagot na never siya gagawa ng sexy roles.

Kilala ang Viva sa movies na ipinalalabas nila sa online platform na Vivamax kaya curious ang press kung ano ang magiging damdamin ni Jairus if ever alukin siya ng Viva ng sexy role.

Sabi ni Jairus, pwede naman daw siyang gumawa ng mature role without having to go sexy or drop his pants.

Hindi rin papayag ang parents dahil galing siya sa isang conservative family. Mas gusto raw niya ang wholesome roles na hindi teeny-bopper ang dating.

Kahit pa raw maganda ang project pero hindi naman bukas ang puso nito totally ay hindi raw uubra. Masasayang lang daw ang project kung ipipilit sa kanya.

Ayaw din niya na banggain ang parents niya by doing something na hindi sila pabor.

Happy si Jairus na isinama siya ng Viva sa cast ng bagong comedy series na ‘Kalye Kweens’ na mapapanood sa TV5 tuwing Sabado 8:30 pm simula sa October 1. Mapapanood din ito sa Sari Sari Channel sa cable tuwing Linggo 8pm.

“Coming from pandemic, sabi ko I want something light and eto dumating ang ‘Kalye Kweens.’ Sobrang saya namin sa set lagi. Ang sarap katrabaho nina Miss Alma (Moreno), Miss Dina (Bonnevie) and lahat ng cast. Para na rin kaming magbarkada talaga ni Vitto (Marquez). Kaya I’m really grateful na napasama ako rito,” ani Jairus.

(RICKY CALDERON)

Ulat ng COVID-19 sa mga iskul, binubusisi ng DepEd

Posted on: October 3rd, 2022 by @peoplesbalita No Comments

BINUBUSISI ng Department of Education (DepEd) ang natanggap na ulat na may ilang paaralan at school personnel ang nagka-COVID mula nang simulan muli ang pagpapatupad ng face-to-face classes sa bansa.

Ayon kay DepEd Spokesperson Michael Poa, patuloy nilang inaalam ang report dahil wala pa silang ulat kung ilan ang nagkaroon ng virus sa paaralan.

“Talaga pong meron na tayong natatanggap na mga reports ng COVID cases or cases kung saan nagpo-positive ang ating learners, ang ating teachers, or non-teaching staff. However, as to the exact figure, we cannot give you an accurate figure just yet kasi po we need to verify the info with doon naman sa tracking na ginagawa ng LGUs and perhaps verify the data also with DOH,” sabi ni Poa.

Tiniyak naman ni Poa sa publiko na patuloy nilang susubaybayan ang mga kundisyon ng mga paaralan at ipag-uutos ang pagpapatupad ng infection containment strategies upang maiwasan ang pagkalat ng virus.

Sa ngayon, mayroong 90 percent ng 47,000 public schools nationwide ang nagpapatupad ng blended learning na may kumbinasyon ng in-person classes at distance learning tulad ng modules at online classes. (Daris Jose)