ISA sa mga pinakapumatok na vlog ang ‘house tour’ ng mga sikat na personalidad.

Ngunit hindi malayong makatawag ito ng pansin ng mga masasamang-loob, at ang temang ito nga ang ipapakita ng bagong pelikula ni direk Roman Perez, Jr. na siya ring direktor ng Adan (2018), The Housemaid (2021) at Taya (2021).

Ang House Tour ay isang sexy, heist thriller movie na pinagbibidahan nina Diego Loyzaga, Sunshine Guimary, Mark Anthony Fernandez, Marco Gomez, Rafa Siguion-Reyna, at Cindy Miranda.

Ang award-winning actress na si Gabby (Sunshine) at ang kanyang asawang si Franco (Rafa), na dating manlalaro sa Olympics, ay naninirahan sa isang mala-resort na tahanan. Mula dito ay matatanaw ang bulkang Taal. Bilang mga sikat na vloggers, pinagbigyan nila ang hiling ng kanilang mga viewers na magpa-house tour. Ang bawat sulok ng kanilang napakaganda at napakalaking bahay ay makikita sa kanilang digital channel na C Zone.       Sa kasamaang palad, isang grupo ng akyat-bahay gang ang nakapanood nito at pinag-aralang mabuti ang pasikut-sikot sa kanilang bonggang bahay.

Nang malaman nila mula sa isang post ni Gabby na wala ito sa bahay ng buong linggo, umaksyon na agad ang leader na si Markus (Mark Anthony), kasama ang kanyang kapatid na si Raims (Diego), ang girlfriend ni Raims na si Ely (Cindy), at ang isa pang miyembro na si Buddy (Marco).

Nang mapasok na nila ang bahay ng mag-asawang Franco at Gabby, inangkin nilang parang bahay nila ito. Hindi nila inasahang uuwi si Franco. Hindi maiiwasan ang kanilang pagtatapat. At habang naglalabanan, may mga lihim tungkol sa bawat isa ang maglalabasan.   Ang pagiging “feel at home” ng bawat isa ay mauuwi sa “kill at home”. Sa House Tour na ito, hindi sapat na gustuhin lang ang mga nakikita, dapat malagpasan ang mga pangyayari.

Sabi nga sa tagline ng pelikula, “Like and SURVIVE.”

Sa cast, si Sunshine talaga ang naka-relate sa kanyang role dahil isa rin siyang vlogger, na umaming nagka-trauma dahil sa ginawa niyang detailed house tour dahil sa request ng kanyang followers.

“Trauma ang nangyari sa akin Two weeks na hindi ako lumabas at hindi ako puwedeng walang kasama,” pahayag ng sexy star.

Pasalamat na lang talaga si Sunshine na walang masamang nangyari sa kanya at ‘di rin siya ninakawan.

“Lesson learned sa akin na nag-house tour ako sa bahay ko. Nag-regret talaga ako na masyadong detailed. Hindi ko dapat ipinakita nang buong-buo mula sa pagpasok sa gate at kung saan ko inilalagay ang mga gamit ko sa loob ng bahay. Kasi later on may dumating sa bahay na stalker,” kuwento pa niya.

Sabi pa raw ng stalker kay Sunshine, “mahal na mahal daw niya ako at poprotektahan niya ako kasi may a-attack daw sa akin.”

Dagdag payo pa ng kwelang sexy star, “Kung plano ninyong magpa-house tour, pag-isipan ninyong mabuti as in 10 times, para hindi nyo pagsisihan.”

Lahat ng bida sa House Tour ay hindi na iba sa Vivamax. Si Cindy ay bumida sa Nerisa. Si Diego ay nagpamangha sa kanyang malawak na emosyon sa Death of a Girlfriend.

Naging very entertaining ang launching movie ni Sunshine na Kaka. Todo-bigay si Marco sa sexy movie na Silab. Bumida rin si Mark Anthony sa horror movie na Biyernes Santo. Si Rafa ay gumaganap na itim na dwendeng si Markadan sa seryeng Puto na pinapalabas rin sa Vivamax.

Siguradong magiging pasabog ang pagsasama-sama nila sa House Tour. ‘Wag palampasin at ito ay ekslusibong ipalalabas sa Vivamax simula Oktubre 22, 2021.   Mag-subscribe na sa Vivamax sa web.vivamax.net. Maaari ring mai-download ang app at mag-subscribe sa Google Play Store at App Store. Watch all you can na sa halagang P149 kada buwan o P399 para sa tatlong buwan para sulit na sulit. Meron pang hot price na P29 lamang at may 3-day access na sa Vivamax. Sa halagang P499, pwede nang makuha ang VIVAMAX PLUS. Sa pamamagitan ng special feature na ito, maaari nang mauna sa pag-stream ng gusto niyong pelikula isang liggo bago ang regular playdate!

(ROHN ROMULO)

KAHIT nagsalita na si Kylie Padilla na Abril 2021 pa sila hiwalay ng asawang si Aljur Abrenica ay marami pa ring namba-bash kay AJ Raval na itinuturong 3^rd party sa hiwalayan ng mag-asawa.

Matatandaang kumalat sa social media ang larawan nina Aljur at AJ na nagmo-malling habang magka-holding hands at pinost ito ng netizens sabay tag kay Kylie, pero natawa lang ang aktres dahil aniya okay lang at may usapan na sila ng dating asawa na open silang makipag-date.

Say ni Kylie noon, “Gusto ko na lang mag-move on. We separated last April pa and we have already mutually agreed to date other people. Please stop dragging other parties into this. I have no intention of disclosing anymore of what happened because I want to cherish the littlest ounce of privacy I have left.”

At nag-post na rin ang ex-wife ni Aljur na gusto niya uling ma-in love dahil masarap magmahal ulit.

Pero hindi pa rin ito pinansin ng ilang netizens, hindi pa rin tinitigilan si AJ na sumira sa pagsasama nina Aljur at Kylie lalo’t may dalawa silang anak.

At dahil ayaw tantanan ang panganay na anak ni Jeric Raval kaya pinost niya sa kanyang FB page na hindi siya ang third party kina Aljur at Kylie.

Sabi ng dalaga, “Just to be clear, hindi ako ang naging third party. Okay guys? Mabuti akong tao at hindi ko kayang gumawa ng masama.

“Thank you sa mga nakakaintindi at sa support na natatanggap ko na–appreciate ko kayong lahat.”

In fairness mismong si Kylie ang naglinaw na hindi si AJ ang dahilan ng hiwalayan nila at sa katunayan ay ni-like ng una ang mga kumalat na larawan nina Aljur at ng dalaga.

“Yes, I just want to confirm na hindi nga si AJ ang third party,” sabi ng ina ng mga anak ni Aljur.

***

ALIW naman ang titulo ng programa ng magkapatid na Congressman Alfred Vargas at Konsehal PM Vargas, na “Ngiting Artista Program.”

Ayon sa kapatid ng kongresista, “Ang ngiting artista ay isang programa kung saan tayo ay nagbibigay sa ating mga constituent ng libreng pustiso since 2010.

“Konsehal pa lang si kuya (Alfred) ay nagbibigay na tayo n’yan. Napaka-importante n’yan sa maraming tao kasi kahit kami kapag nag-iikot kahit hindi pa uso ang facemask tinatakpan nila ang bibig nila nahihiya talaga sila minsan kung kulang sila sa ngipin.

      “At siyempre hindi lang para sa magandang ngiti pero siyempre para sa kalusugan nila. Kasi kung wala kang ngipin paano ka ngunguya. Paano ka makakakain ng masasarap na pagkain tulad ng chicharon, crispy pata.”

Sabi rin ni Alfred, “Isa ‘yung ngiting artista sa mga proud tayong projects through the years. More than a decade na natin itong ginagawa. At lahat ng nakatatanggap ng ngipin-pustiso tuwang-tuwa.

      “Rito natin makikita ang halaga ng magandang ngiti, isang confident na ngiti. Kasi ang sarap mag-aplay ng trabaho at magpa-interview kapag confident ka. Kapag may maganda kang ngiti maganda rin ang pakikisama mo, a simple smile can make one person a very very happy.”

Kaya pala tinawag na ngiting artista program dahil namamahagi sila ng pustiso sa mga taga-distrito 5 ng Quezon City.

     “Kaya yung ngiting artista program hindi lang ito tungkol sa magandang ngiti sa mga kasamahan natin sa Novaliches kundi tungkol din sa pagdadagdag ng ngiti sa mga tao.

      “Para sa mga naging beneficiaries na ng ating ‘Ngiting Artista Program’, alagaan na po natin yan sana hindi na kailangang palitan. At dahil napaka importante na mayroon tayong ngiti.

      “Para sa mga gustong sumali, i-PM n’yo na lang po ang inyong lingkod pmvargasD5 dahil po once ba magbukas na po uli ang slots para sa ating libreng pustiso ay ipapasok po nating lahat kayo,” pahayag ng kumakandidatong kongresista.

Dagdag din ni Alfred, “Sana ito sa Ngiting Artista Program na ito lahat ng ating mga ka-distrito natin makangiti ng makangiti araw-araw at nakapagdala ito ng saya hindi lang sa bawat pamilya ng Novaleno kundi sa buong distrito. Patuloy po ang ating Ngiting Artista Program.

Tanong kay Alfred, “Ano at sino ang nagpapangiti sa iyo bawat araw?”

     “Mga anak ko at misis ko. Family. Malaki din ang ngiti ko kapag nakita kong nakatulong ako sa ibang tao. More on fulfillment ang nararamdaman ko kapag ganun. Ang sarap ng feeling,” mabilis nitong sagot.

Sino ang katulong ninyo sa programang ito?

“May mga celebs ba na tumulong sa project na ito? Si Dr. Millo and his ever reliable team of dentists. Meron din kaming private partners dito ever since. From the start tumutulong na sila,” pahayag ni Alfred.

(REGGEE BONOAN)

SAAN kaya kumukuha ang ilan sa mga showbiz vloggers ng balita nilang wala na raw contract si Phenomenal Star Maine Mendoza sa Triple A (All Access To Artists) ng APT Entertainment. 

Kaya nagtanong kami sa Triple A kung ano ang totoo at ito ang sagot nila: “Blessed lang talaga ang ating phenomenal star sa dami ng blessings na dumating sa kanya sa taong ito.            

“Halos walang pahinga si Maine dahil sa mga shows niyang ginagawa ngayon, ang ‘#Maine Goals’ sa Cignal TV at TV5 at ’PoPinoy’ sa TV5, na magkakaroon na ng grand finals sa November 7, plus ang ‘Daddy’s Girl’ sa GMA-7, na pare-parehong kailangan niyang i-tape.”

Sa ngayon daw ay may mga inaayos pa rin silang bagong shows na gagawin ni Maine, at very soon ay ia-announce nila ang mga projects na iyon.

Sa mga nakaka-miss na kay Maine sa Eat Bulaga, malamang daw na sa Octoer 28, ay mapapanood na sa noontime show.

***

LAST October 17, Kapuso actress Bea Alonzo turns 34, pero last October 14, special guest siya sa Mars Pa More nina Camille Prats at Iya Villania-Arellano, kaya na-excite si Bea dahil muli silang nagkita-kitang tatlo na dating mga Kapamilya, nang bigyan siya ng special birthday celebration.

Ikinagulat ni Bea ang surprise birthday greetings ng star builder na si Mr. Johnny Manahan na ang wish sa kanya ay magkaroon siya ng very successful career sa GMA Network.  Naging emosyonal si Bea dahil si Mr. M daw ang unang nagtiwala sa kakayahan niya, 20 years ago sa ABS-CBN.

      “Mr. M. I love you so much, alam na alam mo iyan, super, na-emotional ako,” naiiyak na sagot ni Bea dahil matagal na rin pala silang hindi nagkikita ng star builder.

Pero ngayon ay sigurado na sila laging magkikita dahil magkasama na sila sa GMA.  Kung noon daw ay inakay siya ni Mr. M nang nagsisimula pa lamang siya, ngayon ay tiyak daw na susuportahan  siya nito dahil isa ngang consultant si Mr. M tungkol sa mga talents at projects na gagawin ng GMA Network.

***

NAPAKA-PROFESSIONAL ni Klea Pineda, wala siyang tinatanggihang role, kahit mahirap, basta maipapakita niya ang kanyang talent, tinatanggap niya.

At dito nga sa bagong episode ng Stories From the Heart: Never Say Goodbye,  kung nakita ninyo ang photo niyang kalbo (pero beauty pa rin), hinarap daw niya ang challenges ng role niya, bukod pa sa mga dramatic scenes na ginawa niya.

Mahirap ba ang role at hindi ba siya naapektuhan?

“Hindi po, pinag-aralan ko po iyon na maging open ang puso at isip ko sa character na gagampanan ko,” sagot ni Klea.

“At thankful po ako sa mga kasama ko sa serye lalo na iyong mga advices na ibinibigay sa akin ng mga matagal na sa industriyang ito. Mas nakatulong pa sa akin sa mga mada-dramang eksena na kalbo ako, dahil feel na feel ko ang ang hugot ng character ko.”

Kasama rin ni Klea sa serye sina Snooky Serna, Max Eigenmann, Herlene Budol, Luke Conde, Shermaine Santiago, Kim Rodriguez, Mosang at Phytos Ramirez.

Mapapanood ito at 3:25PM after ng Nagbabagang Luha sa GMA-7.

(NORA CALDERON)