2021 December 07 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for December 7th, 2021

ALDEN pangungunahan ang pagbabasa ng mga kabanata sa double book launching ni RICKY LEE

Posted on: December 7th, 2021 by @peoplesbalita No Comments

MAGKAKAROON ng double book launching ng mga bagong libro ni Ricky Lee.

Ang Servando Magdamag At Iba Pang Maiikling Kuwento at ang graphic novel adaptation ni Manix Abrera ng Si Amapola, ngayong darating na Dec 14 (Tue), 5:30pm (ph time) via Zoom.

Makakasama bilang mga tagapagbasa sina John Arcilla, Agot Isidro, Joem Bascon, Ketchup Eusebio, Sandino Martin at Alden Richards.

May ipalalabas na video si Manix Abrera kung paano niya ginawa ang adaptation ng Si Amapola sa 65 na Kabanata.

Magkakaroon din ng Q&A with Ricky Lee and Manix Abrera na pamumunuan ng host ng event na si John “Sweet” Lapus.

Para sa mga gustong mag-pre order ng mga bagong libro ni Ricky Lee, paki-click ang link https://bit.ly/3rBmsUr. May siguradong autograph and dedication ni Ricky at ni Manix.

***

SUCCESSFUL ang launching concert ng grupong Beyond Zero composed of Andrei, Duke, Jester, Jieven, Khel, Matty, and Wayne – mga celebrities na sikat sa Tiktok na pinagsama-sama sa isang grupo at naka-generate ng combined 1.4-billion Tiktok views.

Ang House of Mentorque and Mentorque Productions ang sumugal na buuin ang grupo. Binigyan nila ng two month rigorous training in dancing, singing, and personality development ang mga bagets bago ipinakilala sa press ang Beyond Zero.

Nagpasiklab nang kanilang husay ang Beyond Zero sa Cove Manila, ang pinakamalaking indoor beach club sa bansa, kung saan ginawa ang kanilang first major concert. Inawit nila rito ang kanilang first ever single titled “Reach the Top” written by the award winning singer-songwriter, Quest.

Kabilang sa mga sumuporta sa Beyond Zero sa kanilang first major concert ay ang legendary Sexbomb dancers, Manoeuvres, Quest, JRoa, Glendale Aquias, and the talented and stunning Ms. Jessy Mendiola-Manzano.

Kasama rin sa nagpasaya sa concert ay sina Ace Ramos and Mars Miranda, two of the leading DJs sa Pilipinas, gayundin ang fellow tiktokers and friends nila na sina Argie Roquero, Ericka Pineda, Andrea Pauline, Ralph Alfaro, Austin Ong, Franz Miaco and JM Yrreverre na nagpamalas ng mga viral Tiktok dance challenges.

Ang matagumpay na debut concert ng Beyond Zero ay simula pa lang ng kanilang promising career for everyone of them. Alam naman nila they are facing challenges sa pagpasok nila sa showbiz. Pero may mga obstacles man silang haharapin, gagamitin nila ito para mas matuto at mag-improve bilang performers.

Ang BeyondZer0 The Reboot Digital Concert ay naganap noong December 3 at dinirek ni GB Sampedro.

***

KASALI si John Gabriel sa upcoming movie na Caught in the Act under the direction of Perry Escano.

Ginagampanan niya ang role ni Kevin dela Cruz, isang basketball varsity player na kaibigan nina Joaquin Domagoso. Isa siya sa pinakamakulit na karakter sa movie. Itong Caught in the Act ang first movie ni John kung saan napanood niya ang kanyang sarili.

Pero ang first movie ni John ay ang filmfest entry ng Heaven’s Best Entertainment Production titled Huling Ulan sa Tag-araw na una niyang nai-shoot na kung saan gumanap siya bilang basketball coach na isa po sa mga kaibigan ni Ken Chan.

Naniniwala si John na hindi dapat palampasin ang pelikula nila sa MMFF 2021 dahil maraming dapat abangan.

(RICKY CALDERON)

“DC LEAGUE OF SUPER-PETS” FIRST TRAILER GOES PUP, UP AND AWAY!

Posted on: December 7th, 2021 by @peoplesbalita No Comments

THE “DC League of Super-Pets” are ready to sit, stay, save the world. Check out the action adventure’s trailer below and watch “DC League of Super-Pets” in Philippine cinemas 2022.

YouTube: https://youtu.be/m0pWinSetv4

Facebook: https://fb.com/905903016797109

About “DC League of Super-Pets”

Dwayne Johnson stars as the voice of Krypto the Super-Dog in Warner Bros. Pictures’ animated action adventure feature film “DC League of Super-Pets,” from director Jared Stern.

The film also stars the voices of Kevin Hart (the “Jumanji” and “Secret Life of Pets” films), Kate McKinnon (“Saturday Night Live,” “Ferdinand”), John Krasinski (the “Quiet Place” films), Vanessa Bayer (“Saturday Night Live”), Natasha Lyonne (“Show Dogs”), Diego Luna (“Rogue One: A Star Wars Story”), Marc Maron (“Joker”), Thomas Middleditch (“Godzilla: King of the Monsters”), Ben Schwartz (“Sonic the Hedgehog”), and Keanu Reeves (the “Matrix” and “John Wick” films).

In “DC League of Super-Pets,” Krypto the Super-Dog and Superman are inseparable best friends, sharing the same superpowers and fighting crime in Metropolis side by side. When Superman and the rest of the Justice League are kidnapped, Krypto must convince a rag-tag shelter pack—Ace the hound, PB the potbellied pig, Merton the turtle and Chip the squirrel—to master their own newfound powers and help him rescue the superheroes.

Stern, a veteran writer/consultant on the “LEGO®” movies, makes his animated feature film directorial debut, directing from a screenplay he wrote with frequent collaborator John Whittington, based on characters from DC, Superman created by Jerry Siegel and Joe Shuster. The film is produced by Patricia Hicks, Dwayne Johnson, Dany Garcia, Hiram Garcia and Jared Stern. The executive producers are John Requa, Glenn Ficarra, Nicholas Stoller, Allison Abbate, Chris Leahy, Sharon Taylor and Courtenay Valenti.

Stern’s creative team includes production designer Kim Taylor (“The LEGO® Ninjago Movie”) and editors David Egan (“Game Night,” “Vacation”) and Jhoanne Reyes (“Teen Titans GO!” “Young Justice”). The music is by Steve Jablonsky (the “Transformers” films).

Warner Bros. Pictures Presents A Seven Bucks Production, “DC League of Super-Pets.” The film will be released by Warner Bros. Pictures in Philippine theaters soon.

Join the conversation online and use the hashtag #DCLeagueOfSuperPets

(ROHN ROMULO)

Healthcare system sa Pilipinas nakahanda sa harap ng banta ng Omicron variant

Posted on: December 7th, 2021 by @peoplesbalita No Comments

Nanatiling nakahanda ang health system sa bansa sakali mang tumaas muli ang mga naitatalang bagong kaso ng COVID-19 sa harap ng banta ng Omicron variant, ayon sa Department of Health (DOH).

Sinabi ni DOH Undersecretary at Treatment Czar Leopoldo Vega na alam ng pamahalaan ang gagawin kung magkaroon man ng mas nakakahawang Omicron variant sa Pilipinas.

Kahapon, sinabi ng mga health officials na wala pa ring naitatang Omicron variant sa bansa.

Sinabi ni Vega na sa ngayon ay pinag-aaralan pa ng mga eksperto ang characteristics ng bagong COVID-19 variant na ito, na unang natuklasan sa South Africa.

Pero sa kabila nito ang healthcare utilization rate naman sa bansa ay nananatili pang nasa “low-risk” category. (Daris Jose)

Higanteng Christmas tree ng Bulacan, iilawan na

Posted on: December 7th, 2021 by @peoplesbalita No Comments

LUNGSOD NG MALOLOS– Pangungunahan ni Gob. Daniel R. Fernando ang mga Bulakenyo sa pag-iilaw ng higanteng Christmas tree sa pagsisimula ng “Paskong Bulacan at Pag-iilaw ng Krismas Tree” sa Lunes, Disyembre 6, 2021 sa ganap na ika-6:00 ng gabi sa Gen. Gregorio Del Pilar Park, Antonio S. Bautista, Provincial Capitol Compound sa lungsod na ito.

May taas na 30 talampakan, palilibutan ang Christmas Tree ng 200 parol na may disenyong tala na ang frame ay yari sa bilog na bakal na binalutan ng vinyl na plastik.

May walong kulay ang mga bituin na parol kabilang ang dilaw, berde, pula, pink, kahel, puti, violet at asul na ginamitan ng incandescent bulb na Light Emitting Diodes o LED sa palibot nito.

Bukod dito, pinaganda at pinaningning ang kapaligiran ng harap ng Pamahalaang Panlalawigan ng Bulacan sa paglagay sa mga poste ng tig-tatlong bituin na may kabuuang 48 na piraso at dagdag na atraksyon na disensyo sa mismong harapan ng gusali ng Kapitolyo na gawa nina Wendell Dungca, Mark Lhen Flores at Allan Garcia.

Bago ang payak at maigsing programa para sa pag-iilaw ng Christmas Tree, haharanahin ng Hiyas ng Bulacan Provincial Band, Himig ng Bulakenyo at iba pang Bulakenyong mang-aawit ang mga dadalo sa ganap na ika-5:30 ng hapon.

“Sabay-sabay po nating tunghayan ang taunang pagbubukas ng Paskong Bulacan na hudyat ng masaya at maluwalhating panahon ng Kapaskuhan para sa mga Bulakenyo sa kabila ng kinakaharap nating pandemya,” ani Fernando.

Samantala, mahigpit din ang paalala para sa mga dadalo na sundin ang mininum public health protocols at huwag balewain ang banta ng COVID-19. (Bishop Jesus “Jemba” M. Basco)

Seguridad para sa ‘pilot’ face to face classes, maaasahan – PNP

Posted on: December 7th, 2021 by @peoplesbalita No Comments

Tiniyak ng Philippine National Police (PNP) na plantsado na ang seguridad para sa pilot implementation ng face-to-face classes sa National Capital Region (NCR) na nagsimula, December 6.

Ayon kay PNP Chief, Police General Dionardo Carlos, mayroon silang listahan ng mga kasaling paaralan kung saan aasahan ang deployment ng kanilang mga police personnel.

“The resumption of the face-to-face learning setup is not new anymore for us since other schools have already started this last November. We just have to follow the template and remind our police personnel to strictly limit themselves from going inside school premises unless there is a request for security assistance,” saad ng PNP chief.

Kasabay nito ay muling nagpaalala ang PNP sa mga estudyante gayundin sa mga magulang at iba pang bantay na sundin ang minimum health protocols gaya ng paghuhugas ng kamay at lalo na ang pagsusuot ng facemask.

Una nang naiulat na karagdagan pang 177 paaralan kabilang na ang 28 pampublikong paaralan sa Metro Manila, ang sasali sa pilot run ng face-to-face classes sa nasabing petsa.

Ito ay bukod pa sa 118 eskuwelahan na nauna nang inaprubahan ng Department of Education para sa limited face-to-face classes noong Nobyembre.

Sa NCR, tig-dalawang paaralan ito na mula sa Manila, Quezon City, Caloocan City, Mandaluyong City, Marikina City, Muntinlupa City, Navotas City, Parañaque City, Pasig City, Taguig City, Valenzuela City, at Las Piñas City.

Tig-isang paaralan naman ang manggagaling sa mga lungsod ng San Juan, Pasay, Malabon at Makati.

Ang pilot testing ng in-person classes ay sinimulan noong Nobyembre 15 pero sa ilang piling lugar lamang sa bansa sa gitna ng Coronavirus Disease 2019 (COVID-19) pandemic.

Sa 118 na paaralan na pinayagan noong Nobyembre para sa pilot implementation ng face-to-face classes, 100 dito ay pampublikong paaralan habang 18 naman ang private schools.

Ang mga ito ay matatagpuan sa mga lugar na maituturing na low risk o mababa lamang ang kaso ng COVID-19. (Daris Jose)