2021 December 09 Archive - People's Balita

May 19, 2024
Search in People's Balita
Ang Diyaryong Pinagkakatiwalaan

Archive for December 9th, 2021

2 tulak arestado sa P204K shabu sa Malabon

Posted on: December 9th, 2021 by @peoplesbalita No Comments

KULONG ang dalawang tulak ng ilegal na droga matapos makuhanan ng mahigit P.2 milyon halaga ng shabu sa isinagawang buy bust operation sa Malabon City, kamakalawa ng hapon.

Kinilala ni Malabon police chief Col. Albert Barot ang naarestong mga suspek na sina Ross Deguia, 23 ng Celia I St., Brgy. Bayan-Bayanan at Christopher Sunglao alyas “Pudong”, 35 ng Brgy. Longos, kapwa (pusher/watch listed).

Ayon kay Col. Barot, dakong alas-3:30 ng hapon nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Alexander Dela Cruz ng buy busy operation sa Celia II St., Brgy. Bayan-Bayanan kung saan isang undercover police ang nagawang makipagtransaksyon sa mga suspek ng P500 halaga ng droga.

Kaagad sinunggaban ng mga operatiba ang mga suspek matapos tanggapin ang marked money mula sa police poseur buyer kapalit ng isang plastic sachet ng shabu.

Ayon kay SDEU investigator PSSg Jerry Basungit, nasamsam sa mga suspek ang tinatayang nasa 30 grams ng hinihinalang shabu na may standard drug price P204,000, buy bust money, at cellphone.

Nahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

3 sasakyan inararo ng SUV sa Malabon, 2 patay, 2 sugatan

Posted on: December 9th, 2021 by @peoplesbalita No Comments

HINDI bababa sa dalawang katao ang kumpirmadong nasawi habang sugatan naman ang dalawa pa matapos araruhin ng isang Mitsubishi Xpander wagon ang tatlong sasakyan, kabilang ang isang tricycle sa Malabon City, kahapon ng madaling araw.

Si Nobelia Esto, 54 ng Gulayan St. Brgy. Catmon, pasahero ng tricycle na minamaneho ni Norberto Pinurla, died-on-the-spot sanhi ng tinamong pinsala sa ulo at katawan habang si Pinurla ay tumilapon sa tulay at bumulusok sa ilog kung saan narekober kalaunan ang kanyang katawan sa Tullahan River sa C-4.

Ang dalawa pang katao na kinilalang sina Shielo Escamillas, 44 ng 89 Gen. Luna St. Brgy. Concepcion, driver ng Ford Lynx at Ericson Lala, 50 ng 18 Paez St. Brgy. Concepcion, pasahero ng Honda City ay napaulat na sugatan at ginagamot sa hindi nabanggit na hospital.

Kinilala naman ni Malabon police chief P/Col. Albert Barot ang driver ng Mitsubishi Xpander (NPD-8114) na umararo sa mga nasabing sasakyan bilang si Kim Russel Sioco y Santos, 26, ng 28 jnterior F. Nicolas St, Niugan, Malabon City.

Sa inisyal na report, habang tinatahak ng tricycle na minamaneho ni Pinurla ang kahabaan ng Lambingan Bridge dakong alas-3:35 ng madaling araw nang masakop umano ang kabilang linya ng mabilis ang takbo na Mitsubishi Xpander na patungong Brgy. Catmon at mabangga nito ang tricycle bago inararo ang dalawa pang sasakyan na Ford Lynx at Honda City.

Ang insidente ay nakuhanan ng close circuit television (CCTV) camera na nakakabit sa naturang lugar. (Richard Mesa)

PDu30, masaya sa maingat at mahinahon na muling pagbubukas sa mga eskuwelahan sa MM

Posted on: December 9th, 2021 by @peoplesbalita No Comments

IKINATUWA ni Pangulong Rodrigo Roa Duterte ang maingat na muling pagbubukas ng klase matapos ang 2-taong suspensyon ng face-to-face classes.

Ang pagsusuot ng face masks at pag-upo sa desks na may nakalagay na plastic screens, may 2,000 mag-aaral ang nagbalik sa 28 eskuwelahan sa National Capital Region bilang bahagi ng trial ng in-person classes.

Layon ng pamahalaan na muling buksan ang lahat ng paaralan sa Enero 2022.

“I’m glad that they have thought of this. Just dahan-dahan lang, ‘wag masyadong mabilis kasi just the better part of prudence,” ayon kay Pangulong Duterte sa kanyang Talk to the People, Lunes ng gabi.

Sinabihan ng Pangulo ang mga estudyante at guro na hindi nakasama sa programa na: “Do not be dismayed kung hindi sa inyo muna because these are all experimental and pilot projects.”

“Doon muna titingnan natin kasi andoon lahat ng resources ng government, and iyong mga official andoon at makita agad, and they keep posted on what is happening,” pagpapatuloy ng Pangulo.

Ang muling pagbubukas ng klase sa capital region ay pagpapalawak ng trial ng 100 schools sa lower-risk areas na nagsimula noong nakaraang buwan.

Kailangang manatili ang pag-iingat para sa mga estudyante gaya ng ang class sizes ay dapat lamang na hanggang 15 upang maiwasan ang overcrowding. (Daris Jose)

Omicron 2 ulit na mas nakakahawa sa Delta

Posted on: December 9th, 2021 by @peoplesbalita No Comments

Pinaniniwalaan ng independent OCTA Research Group na dobleng mas nakakahawa umano ang bagong Omicron variant kaysa sa Delta variant ng COVID-19 base sa datos na lumalabas mula sa South Africa.

Sinabi ni Dr. Guido David, fellow ng OCTA, na dalawang beses na mas maaaring maipasa ang COVID-19 Omicron variant na nananalasa ngayon sa South Africa at mga karatig na bansa.

“Reproduction number in South Africa shows an increase to Rt=4 based on our own SIR (susceptible-infectious-removed) model. In previous surges, the reproduction number increased to less than Rt=2,” ayon kay David.

Sa simpleng interpretasyon, nangangahulugan ito na ang Omicron ay kayang makapaghawa ng 10 hanggang 16 na tao sa mas mabilis na panahon ng pagkakalantad sa isang taong infected nito.

Nitong Sabado, inilathala ng South African Medical Research Council ang isang ulat ng biglaang pagtaas ng mga kaso ng COVID-19 sa Tshwane district sa probinsya ng Gauteng kung saan nalagpasan na ng Omicron ang Delta variant.

Ngunit hindi naman ito nagdulot ng pagtaas sa bilang ng mga naoospital dahil sa mababang bilang ng mga nagkakaroon ng pulmonya dulot ng virus. (Daris Jose)

‘Paglagay sa NCR sa mas mababang alert level sa kabila ng Omicron variant, inaaral pa’

Posted on: December 9th, 2021 by @peoplesbalita No Comments

Kasalukuyang pinag-aaralan ng Inter Agency Task Force (IATF) na ilagay sa mas mababang alert level ang National Capital Region (NCR).

Ito’y sa kabila ng banta ng bagong Omicron variant ng Coronavirus Disease 2019 (COVID-19).

Ayon kay Department of Health Undersecretary Maria Rosario Vergeire, tinitignan na ng IATF kung napapanahon nang ilagay sa Alert Level 1 ang Metro Manila lalo na’t mababa na rin ang naitatalang kaso ng COVID-19 sa NCR.

Pero nakasalalay pa rin aniya sa vaccination coverage ang pagpapababa na ng alert level hindi lamang sa NCR kundi pati sa ilang lugar sa bansa.

Kailangan kasing magkaroon ng 70 percent na vaccination coverage para sa mga senior citizens, gayundin sa persons with comorbidities at target population.

Sinabi ni Vergeire na kasabay ng pag-aaral ng IATF sa pagluluwag ng alert level sa NCR ay nais nilang tutukan ang mga komunidad sa ngayon na karamihan ay nasa Alert Level 2.

Ang NCR naman ay nasa ilalim ng Alert Level 2 hanggang sa Disyembre 15. (Gene Adsuara)

Ads December 9, 2021

Posted on: December 9th, 2021 by @peoplesbalita No Comments

Pinas nasa ‘minimal risk’ na

Posted on: December 9th, 2021 by @peoplesbalita No Comments

Patuloy ang pagbuti ng kalagayan ng bansa sa COVID-19 pandemic makaraang ilagay na ng Department of Health (DOH) sa ‘minimal risk’ ang buong kapuluan bunsod ng patuloy na pagbaba ng mga kaso.

Sinabi ni Health Undersecretary Maria Rosario Vergeire na mas mababa na sa 1 ang ‘avegare daily attack rate’ ng bansa mula Nobyembre 22 hanggang Disyembre 5.

“Nationally we remain at minimal risk case classification with a negative two-week growth rate at -57% and a low-risk average daily attack rate at 0.67 cases for every 100,000 individuals,” ayon kay Vergeire.

May 13 rehiyon din sa bansa ang nasa kahalintulad na klasipikasyon habang ang Metro Manila, Cordillera Administrative Region, Cagayan Valley, at Zamboanga Peninsula ang nasa ‘low risk classification’ naman.

Naitala ang positivity rate ng bansa sa 1.80% kung saan ang Metro Manila naman ang may pinakamababang rate sa 1.1% lamang. Ang positivity rate ang porsyento ng mga indibiduwal na nagpopositibo sa COVID-19 sa araw-araw na isinasagawang COVID-19 test sa buong bansa.

Sinabi pa ni Vergeire na nasa ‘low risk’ o mas mababa sa 50% utilisasyon ang lahat ng health facilities sa bansa. (Daris Jose)