2021 December Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for December, 2021

Gobyerno, may inilaang P2-B relief assistance para sa Odette-hit areas

Posted on: December 21st, 2021 by @peoplesbalita No Comments

TINIYAK ng pamahalaan na maglalaan ito ng P2 bilyong halaga ng relief assistance para sa mga komunidad na labis na naapektuhan ng bagyong Odette.

Ito’y sa kabila nang naging pahayag ni Pangulong Rodrigo Roa Duterte na nasimot na ang pondo ng gobyerno dahil sa COVID-19 pandemic.

“Si Pangulong Duterte has already committed P2 billion na funding. Ang i-allocate to help ito rin. Sinabi niya sa governors na kinausap niya kahapon,” ayon kay acting Presidential Spokesperson at Cabinet Secretary Karlo Nograles.

Nauna rito, nagsagawa si Pangulong Duterte ng aerial inspection, araw ng Sabado sa ilang lugar na hinagupit ni bagyong Odette gaya ng Siargao, Surigao City, Dinagat Islands at Maasin City sa Southern Leyte.

Nagsagawa rin ng pagpupulong ang Pangulo kasama ang local government officials sa mga nasabing lugar.

Sinabi pa ni Nograles na may naka-preposition ng family food packs at maging non-food items na nagkakahalaga ng P1 bilyong piso.

Nag-commit naman ang Department of Public Works and Highways naiki- clear ang mga lansangan sa nabanggit na lugar.

“Over 31 fatalities nationwide were reported after Typhoon Odette ravaged Visayas and Mindanao areas,” ayon kay Nograles.

Ani Nograles, mayroong mahigit na 700,000 katao sa 2,322 villages ang naapektuhan ng bagyong Odette.

“Sa evacuation centers, mayroon po tayong evacuees na mga 74,680 families so ito ‘yung mga kailangan nating tulungan,” aniya pa rin sabay sabing “verification on damage assessment is also still underway.”

Si Odette, para kay Nograles ay mas matinding bagyo kaysa kay Typhoon Sendong na tumama sa Cagayan de Oro noong 2011, na lumabas na ng Philippine Area of Responsibility subalit mananatiling mananalasa sa Kalayaan Islands sa Palawan ngayong weekend.

Samantala, bumisita si Pangulong Duterte sa Bohol at Cebu provinces kahapon, ayon kay Senator Christopher “Bong” Go. (Daris Jose)

Jake Paul pinatumba si Woodley sa 6th round

Posted on: December 21st, 2021 by @peoplesbalita No Comments

Pinatumba ni YouTube star Jake Paul si dating UFC champion Tyron Woodley sa ikaanim na round ng kanilang boxing match na ginanap sa Amalie Arena sa Tampa, Florida.

Sa unang limang round ay hindi gaanong naging mainit ang laban kaya nagalit ang mga fans.

Pagpasok ng ikaanim na round ay doon na lamang uminit si Paul hanggang nakapasok ang kaniyang kanang suntok na nagbunsod sa pagkatulog ni Woodley.

Magugunitang sa unang laban ng dalawa noong Agosto ay nagtapos sa split decision.

Dahil sa panalo ay mayroon ng limang panalo at wala pang talo ang boxing record ng 24-anyos na si Paul.

President Duterte unveiled new train sets ng MRT 7

Posted on: December 21st, 2021 by @peoplesbalita No Comments

Pinanguhan ni President Rodrigo Durterte noong nakaraang Huwebes ang unveiling ng mga bagong train sets para sa operasyon ng Metro Rail Transit Line 7 (MRT 7) na magbubukas sa huling quarter ng 2022.

Ang bagong MRT 7 ay isang world-class na transportasyon at inaasahang makakatulong upang maging mas productive ang mga mangangawa at maging maunlad ang mga negosyo sa Metro Manila.

“The arrival of the trains and the significant progress made on the MRT 7 project confirm this administration’s strong commitment to pursue critical infrastructure projects even amid the challenges of the COVID-19 pandemic,” wika ni Duterte.

Ang MRT 7 na may habang 24 kilometro mula sa North Avenue sa Quezon City hanggang San Jose Del Monte sa Bulacan ay 60 porsiento ng tapos at inaasahang magiging operasyonal sa darating na 2022.

Dagdag pa ni Duterte na ang MRT 7 ay isang rail transportasyon na makapagbibigay ng mas mabilis, ligtas, kaaya-aya, maginhawa, at komportableng pagbiyahe ng mga pasahero.

May anim (6) na bagong train sets o labing-walong (18) train cars ang dumating at pinakita ng Pangulong Duterte.

Ang MRT 7 ay nagkakahalaga ng P77 billion at binigyan ng pondo mula sa public at private partnership ng San Miguel Corporation sa ilalim ng build-transfer-and operate na pamamaraan at may 25 taon na concession period.

Inaasahang mabibigyan ng serbisyo ang may 300,000 na pasahero sa unang taon ng operasyon hanggang 850,000 na pasahero kada araw sa ika-12 taon ng operasyon nito.

May kabuohang 108 rail cars o 36 train sets ang binili mula sa South Korea’s Hyundai Rotem ang babagtas sa 14 na estasyon nito. Inaasahang mababawasan ang travel time sa pagitan ng North Avenue at San Jose Del Monte kung saan ito ay magiging 35 minutes na lamang mula sa dating tatlong (3) oras ng paglalakbay. Inaasahang mababawasan ang pagsisikip ng trapiko sa Metro Manila.

“MRT 7 is a vital cog in our long-term goal to develop an integrated and interconnected transportation system where people from all income levels can get around and beyond the metropolis, quickly and efficiently. More than an affordable, reliable and efficient means to move people, MRT 7 signifies a turning point in our resolve to promote equity and inclusivity across our cities. It’s a better vehicle for opportunities, equity and better quality of life for Filipinos,” ayon kay SMC president at chief executive officer Ramon Ang.

Nanawagan pa rin si Duterte sa mga sangay ng pamahalaan na dapat masiguro ang madaling pagpapatupad at pagtatapos ng mga malalaking proyekto ng pamahalaan habang patuloy na may kaakibat na transparency, integrity at accountability sa mga operasyon.

Pinasalamatan naman ni Duterte ang partnership ng SMC at ang Department of Transportation (DOTr) dahil naging posible ang proyektong MRT 7.

Ang proyektong MRT 7 ay may 14 na estasyon tulad ng Quezon North Avenue, Quezon Memorial Circle, University Avenue, Tandang Sora, Don Antonio, Batasan, Manggahan, Dona Carmen, Regalado, Mindanao Avenue, Quirino, Sacred Heart, Tala, at San Jose del Monte. LASACMAR

3 drug suspects nadakma sa buy bust sa Malabon, Valenzuela

Posted on: December 21st, 2021 by @peoplesbalita No Comments

KULUNGAN ang kinasadlakan ng tatlong hinihinalang tulak ng illegal na droga, kabilang ang 18-anyos na bebot matapos madamba sa magkahiwalay na buy bust operation ng pulisya sa Malabon at Valenzuela Cities, kahapon ng madaling araw.

Kinilala ni Malabon police chief Col. Albet Barot ang naarestong mga suspek na sina Dan Patrick Lumagbas alyas “Bimboy”, 24, ng Dagat-dagatan Brgy. Longos at Mary Berjolie Vicente alyas “Em”, 18 ng Purok 6, Dulong Hernandez, Brgy. Catmon.

Sa imbestigasyon ni PMSg Randy Billedo, dakong alas-5:30 ng madaling araw nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Alexander Dela Cruz ng buy bust operation sa Hasa-Hasa St., Brgy. Longos na nagresulta sa pagkakaaresto sa mga suspek matapos bentahan ng P500 halaga ng droga ang isang police poseur-buyer.

Nakumpiska sa mga suspek ang tinatayang nasa 7.80 grams ng hinihinalang shabu na may standard drug price P53,040, buy bust money at cellphone.

Sa Valenzuela, natimbog din ng mga operatiba ng SDEU ng Valenzuela police sa pamumuno ni PLT Joel Madregalejo si Antonio Doon sa buy bust operation sa Sugar St., Llenado Subd., Brgy. Karuhatan dakong alas-3:30 ng madaling araw.

Nakuha sa kanya ang apat na plastic sachets na naglalaman ng hindi pa matukoy na halaga ng hinihinalang shabu, P500 buy bust money, P300 cash, cellphone at pouch.

Nahaharap ang mga naarestong suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Nasawi dahil sa bagyong Odette, umakyat na sa 208 – PNP

Posted on: December 21st, 2021 by @peoplesbalita No Comments

Umakyat na sa 208 ang mga napaulat na bilang ng mga nasawi dahil sa pananalasa ng typhoon Odette.

Batay ito sa consolidated report ng Philippine National Police Operation Center (PNP-OC) na ibinahagi ni PNP Spokesperson Col. Roderick Alba.

Pinakamaraming nasawi sa Central Visayas na may 129.

Sinundan ng CARAGA na may 41 nasawi at Western Visayas na may 24 na binawian ng buhay.

Nasa pito naman ang nasawi sa Northern Mindanao.

Habang anim sa Eastern Visayas at isa sa Zamboanga Peninsula.

Kasama sa mga dahilan ng pagkasawi ang pagkalunod, nabagsakan ng puno o debris at pagkabaon sa gumuhong lupa.

Samantala, nakasaad din sa datos ng PNP na 239 ang nasaktan dahil sa bagyo habang 52 naman ang nawawala at patuloy pang hinahananap. (Gene Adsuara)

JANNO, in-insist talaga na makasama sina MANILYN at BING sa ipinagmamalaking dream project

Posted on: December 21st, 2021 by @peoplesbalita No Comments

SI “Mang Jose”, ang superhero na ginawa at in-introduce ng bandang Parokya ni Edgar sa kanilang sikat na awitin noong 2005 na may lyrics na, “Ang superhero na pwedeng arkilahin/Mang Jose, parang si Daimos din/Ngunit pagkatapos ay bigla kang sisingilin.”

Na ngayon ay isa ng ganap na ‘superhero movie with a twist’, na mapapanood lamang sa Vivamax simula sa December 24.

Si Janno Gibbs ang gaganap na Mang Jose na may special ability of energy absorption and redirection.

Ang mga nangangailan ng tulong ay kailangan lang tumawag sa kanya. Pero ang catch, hindi ito libre dahil may bayad ang bawat serbisyo ni Mang Jose.

Makakatunggali ni Mang Jose ang nagkakalat ng lagim sa siyudad na si King Ina, na gagampanan naman ng dating love team partner ni Janno na si Manilyn Reynes.

Kapag nakainom ang mga tao ng milk tea na Peace Tea, kaya na silang ma-control ni King Ina at maging sunud-sunod na mga alipin.

Ang army ni King Ina ay tinatawag na ’Turborats’ na dudukot kay Tina (Bing Loyzaga). Kaya ang anak nitong si Tope (Mikoy Morales), na isang call center agent, iha-hire Mang Jose para iligtas ang kanyang ina.

Ang naturang rescue mission ay magko-cost ng napakalaking halaga kay Tope, pero ang madi-discover nila ni Mang Jose along the way ay masasabing priceless.

Ang Mang Jose ay nag-uumapaw ang fight and laugh-out-loud scenes. Na kung saan kasama ni Mang Jose ang kanyang wacky sidekick na bill collector na si Charlemagne (Jerald Napoles) na siguradong magbibigay sa viewers ng isang ‘out of this world experience’.

Nagkasama na sina Janno at Jerald sa 2020 MMFF International Film Festival entry na Pakboys.

Ang Mang Jose ay second time ni Janno na gumanap ng isang fictitious superhero, nauna na rito ang Pedro Penduko in Ang Pagbabalik ni Pedro Penduko (1994), at sa sequel na Pedro Penduko, Episode II: The Return of the Comeback (2000).

Anyway, after two decades, ang Mang Jose ang big screen reunion nina Janno at Manilyn. Ang JannoLyn tandem ay isa sa biggest love teams in the ‘80s, na kahit na magkalaban sila sa comedy-fantasy film, tuwang-tuwa pa rin ang kanilang avid fans .

Ang participation naman ni Bing Loyzaga ay masasabing added bonus.

Aminado naman si Janno na dream project na ang Mang Jose, “This movie is my baby. I love the project. I love what we’ve done. Hindi siya yung ine-expect ng tao, na parang kalokohan lang, comedy-superhero movie, hindi e. May comedy pero malaman.”

Kaya in-insist talaga niya na makasama sina Manilyn at Bing, “as I said, ako talaga ang nag-request for the two to be together in this movie.”

Aminado naman sina Manilyn at Bing na nag-excite sila nang malamang makakasama nila si Janno sa isang movie at wala silang hesitation na tanggapin. Naging maganda at masaya naman ang kanilang pagsasama, dahil wala namang isyu sa kanila at nananatili ang kanilang pagkakaibigan.

Para naman kay Mikoy, ang Mang Jose ay ang start of many big opportunities dahil isa siya sa pinangalanan na mapapasama sa iconic superhero series very soon.

Mula ito sa direksyon ni Rayn F. Brizuela, ang Mang Jose ay na-feature sa Bucheon International Fantastic Film Festival (BIFAN) in South Korea last July.

Hindi ito ang first time ni Director Brizuela na mapasama ang movie niya sa international film festival. Ang kanyang first feature film na Memory Channel noong 2016 ay nag-compete sa World Premiere Film Festival.

Para ma-experience kakaibang power ni Mang Jose simulang panoorin sa Vivamax ngayong December 24.

Go to web.vivamax.net or download the app and subscribe via Google Play Store, App Store or Huawei App Gallery.

Streaming din ito Vivamax Middle East (UAE, Saudi Arabia, Kuwait, Oman, Bahrain, and Qatar), Europe, Hong Kong, Japan, Malaysia, and Singapore, Indonesia, Thailand, South Korea, Taiwan, Brunei, Macao, Vietnam, Maldives, Australia, New Zealand, USA at Canada.

(ROHN ROMULO)

Ads December 20, 2021

Posted on: December 20th, 2021 by @peoplesbalita No Comments

Halos 100-K indibidwal isinailalim sa pre-emptive evacuation sa ‘Bagyong Odette’ – NDRRMC

Posted on: December 18th, 2021 by @peoplesbalita No Comments

Nasa 26,430 pamilya o 98,091 indibidwal na ang isinailalim sa pre-emptive evacuation dahil sa bagyong “Odette” mula sa apat na rehiyon.

Ayon kay NDRRMC Operations Center Chief Jomar Perez, pinakamarami sa mga ito ay ang mula sa CARAGA region na bumibilang ng mahigit 78,000 kasunod ang Region 8 na nasa mahigit 17,000; Region 7 na mahigit 2 libo; at Region 10 na nasa 300.

Sinabi ni Perez nagpapatuloy aniya sa ngayon ang paglilikas ng mga apektadong residente na bolunyaryo namang sumasama at kasalukuyang nanunuluyan sa 99 evacuation centers.

Iniulat ni Perez, sa ngayon dalawang road sections ang apektado at 59 seaports ang apektado.

Dalawang siyudad din ang nakakaranas ng power outages.

May natanggap na rin ang NDRRMC na report hinggil sa isinasagawang search and rescue operation sa ilang mga lugar na tinumbok ng Bagyong Odette.

Samantala, tiniyak naman ni Office of Civil Defense Deputy Administrator Asec Casiano Monilla na sapat ang bilang ng mga evacuation centers para masiguro ang physical distancing ng mga evacuees.

Paliwanag ni Monilla, maaga palang ay tinukoy na ng NDRRMC at mga LGU ang mga karagdagang pasilidad na maaring gamitin bilang evacuation at quarantine center, at may itinakdang maximum capacity para sa mga ito.

Dagdag pa ni Monilla, mga miyembro Lang ng iisang pamilya ang pinapayagang magsama sama sa isang tent o cubicle sa mga evacuation center bilang bahagi ng health protocols. (Daris Jose)

ZOREN at CARMINA, naging emotional dahil sa pinagdaraan ng pamilya at sa pagkahiwalay sa kambal

Posted on: December 18th, 2021 by @peoplesbalita No Comments

ANG ganda ng trailer pa lang ng bagong GMA Afternoon Prime, ang Stories from the Heart: The End of Us na pinagbibidahan ng real-life couple na sina Zoren Legaspi at Carmina Villarroel.

At umpisa pa lang ng online mediacon nila, naging very emotional na sina Zoren at Carmina. Lalo na si Zoren na parang rare naman na mangyari.

Bukod sa masaya sila dahil alam daw nilang may masterpiece silang nagawang serye, inamin din ni Zoren kung bakit daw siguro sila emotional ng misis niya dahil sa pinagdadaanan din ng pamilya nila.

Ayon kay Zoren, ang father raw kasi ni Carmina ay in and out ngayon sa hospital at bukod dito, ang kanilang kambal ay madalas din na nasa lock-in taping.

Nagdalawang-isip daw talaga silang mag-asawa kung tatanggapin ang Stories from the Heart: End of Us dahil hangga’t maaari, ayaw raw sana nilang pareho silang wala ng matagal sa bahay.

Pero dahil sa nakita nilang outcome ng ginawa nilang serye under the direction of Zig Dulay, sobra silang nagpapasalamat ngayon na tinanggap at ginawa nila ito.

***

MULING nag-renew ng kanyang kontrata sa GMA-7 ang Kapuso actress na si Yasmien Kurdi.

Sa 18 years na pagiging Kapuso niya, may dalawang taon din na nag-lie-low sa showbiz si Yasmien. Ito na rin ‘yung time na nagkaroon siya ng anak at nag-asawa at wala raw siyang pinagsisihan na nag-lie-low siya dahil ‘yun ang time na mas nahanap at nakilala niya ang sarili.

Nakabalik din si Yasmien bilang Kapuso and since then, tuloy-tuloy na siya at makokonsider na Reyna ng Afternoon Prime.

When asked kung hindi ba niya nire-request lalo na sa pagpirma niya ng bagong kontrata na maging bida naman sa primetime.

Nakangiting sabi niya, “Sa akin naman po kahit saan nila ‘ko ilagay. Gusto nila ko sa hapon, gusto nila ko sa gabi o ipagpalit-palit, okay lang naman po sa akin. Basta kung saan magpi-fit ang role, kung saan ako nababagay, nandito lang naman ako.”

Sa ngayon, hindi raw makita ni Yasmien ang sarili na nasa ibang network.

“Hindi ko po makita. Parang hindi ko ma-imagine, parang ang hirap,” natatawang sabi niya.

On-going pa rin ang kanyang afternoon prime na Las Hermanas at marami raw dapat abangan sa kuwento, lalo na sa character niya.

(ROSE GARCIA)

Casting Jackie Chan For ‘Shang-Chi 2’ Would Be A Dream, Says Director Cretton

Posted on: December 18th, 2021 by @peoplesbalita No Comments

WRITER/DIRECTOR Destin Daniel Cretton says casting Jackie Chan for ’Shang-Chi 2’ would be a dream following his influence on the first film.

For his Marvel Cinematic Universe debut, Cretton put together an ensemble roster primarily of Asian actors including Kim’s Convenience alum Simu Liu in the titular role, Awkwafina, Meng’er Zhang, Fala Chen, Benedict Wong, Michelle Yeoh and Tony Leung.

The cast for Shang-Chi and the Legend of the Ten Rings also saw the return of Ben Kingsley as Iron Man 3 faux villain Trevor Slattery and the MCU introduction of Florian Munteanu as Razor Fist.

The MCU film served as an origin story for Shang-Chi as the son of Wenwu, the leader of the Ten Rings criminal organization, who seeks to lead a normal life in San Francisco away from his maniacal father. However, when the group and his father re-emerge to look for a mythical village tied to his mother’s past, Shang-Chi must work with his estranged sister Xialing and his best friend Katy to stoop Wenwu before a world-threatening evil is unleashed.

Shang-Chi and the Legend of the Ten Rings hit theaters this past September after nearly 20 years of languishing in development hell and became an instant hit for Marvel Studios, receiving rave reviews from critics and grossing over $432 million at the global box office.

In a recent interview with CinemaBlend for the film’s home media release, Cretton opened up about his ideas for Shang-Chi 2 and its cast. When asked which legendary Asian actor he’d like bring in for the MCU sequel, the director said Jackie Chan would be the dream addition to the roster.

“I mean, if we could ever get Jackie [Chan] into a movie that would be a lifelong dream of mine. Let’s put it out [in the universe].”

Cretton isn’t the only one who would dream to see Jackie Chan take part in Shang-Chi 2 as audiences would certainly flock to the theater to see the legendary martial artist make his MCU debut with the sequel. Outside of providing voice work in animated projects and the against-type action thriller The Foreigner, Chan has largely returned to Hong Kong-based productions after years of leading American martial arts projects.

Though Chan has begun performing fewer stunts in an effort to take care of his body more, Shang-Chi 2 would be a great spot to highlight his talents in the MCU, even in a more supporting appearance akin to Michelle Yeoh’s in the film.

The Shang-Chi 2 writer/director has even discussed the influences Chan’s films had on his MCU hit, with the bus scene being one of the prime examples of the actor’s kinetic fight style. The first film even brought on Brad Allan, a team leader for the Jackie Chan Stunt Team, as the Supervising Stunt Coordinator, his second-to-last title before his death last year.

With plenty of time still to go to develop Shang-Chi 2, one can hope Cretton’s willing of Chan’s casting in the sequel comes to fruition in the future. (source: screenrant.com)

(ROHN ROMULO)