2021 December Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for December, 2021

Quick response ng gobyerno, nakahanda na

Posted on: December 18th, 2021 by @peoplesbalita No Comments

“All hands are on deck in government’s quick response as Typhoon Odette made landfall this afternoon.”

Ito ang tiniyak ni acting Presidential Spokesperson Cabinet Secretary Karlo Nograles.

“As of December 16, 2021,” alas-2 ng hapon nang itaas ng weather forecasters ang Tropical Cyclone Warning Signal # 4 sa Southern Leyte, southwestern portion ng Leyte, Bohol, central at southern portions ng Cebu sa Visayas at Dinagat Islands at Surigao del Norte including Siargao at Bucas Grande Islands sa Mindanao.

Ani Nograles, ang Department of Social Welfare and Development, kabilang na ang kanilang Field Offices, ay mayroong available disaster response standby funds at family food packs na naka- prepositioned na sa iba’t ibang strategic areas sa typhoon-affected regions.

“As of December 16, 2021”, 11:00 ng umaga, ang mga concerned government agencies ay nagsagawa ng pre-emptively evacuated ng 98,091 katao mula sa Region 7, Region 8, Region 10, at CARAGA.

Samantala, ang paalala aniya ng gobyerno sa publiko lalo na sa mga typhoon-affected regions, na magsagawa ng kaukulang precautionary measures at makipagtulungan sa kani-kanyang awtoridad kung may pangangailangan ng agarang paglilikas sa kanilang lugar. (Daris Jose)

DEREK, naka-focus ngayon sa pamilya at sa gagawing international movie kaya ‘di muna magte-teleserye

Posted on: December 18th, 2021 by @peoplesbalita No Comments

FOR the first time ay magkakasama sa isang pelikula sina Janmo Gibbs, Bing Loyzaga at Manilyn Reynes.

Ito ay sa Mang Jose na produced ng Viva Films to be shown at Vivamax on December 24. Idea ni Janno na isama sa movie sina Bing at Manilyn. Asawa niya si Bing sa movie at kontrabida ang role ni Manilyn.

When Bing learned na kasama sa Mang Jose si Manilyn, he told Janno na dapat kasama rin siya rito.

Nang may magtanong na press kung bakit walang sampalan scene sina Bing at Manilyn, sabi ni Bing, wala naman daw sa script na kailangan na may sampalan sila. Hindi naman daw ito kailangan.

On the part of Manilyn, matagal na raw niya gustong gumanap na kontrabida. Pero walang nagbibigay sa kanya ng pagkakataon until this offer came.

In fact, nag-enjoy siya playing kontrabida kasi it is something new. It’s a big challenge for her at napaglaruan niya portraying the role of a kontrabida.

***

SA isang radio interview ay sinabi ni Derek Ramsay na hindi muna raw gagawa ang aktor ng teleserye.

Dahil may gagawin na international movie next year, doon muna raw ang focus niya.

Binanggit din ni Derek na sa family muna ang focus niya, lalo na at bagong kasal palang sila ni Ellen Adarna. Madalas niyang sabihin in his past interviews na once he magkapamilya siya, doon muna ang concentration niya.

He wanted to take a break muna and enjoy the new chapter sa buhay niya.

Ano kaya ang magiging reaction ng GMA 7 sa plano ni Derek na huwag muna gumawa ng drama series?

Plano rin ni Derek na ituloy ang trip nila sa African safari next year, kasama si Elias, ang anak ni Ellen sa award-winning actor na si John Lloyd Cruz. Gusto raw ni Derek na ma-experience ni Elias ang kakaibang klaseng adventure na dulot ng African safari.

***

SA pelikulang Huling Ulan sa Tag-Araw, na produced ng Heaven’s Best Entertainment Productions ni Harlene Bautista, pinatunayan ng loveteam nina Rita Daniela at Ken Chan na they are competent actors.

Sa press preview ng pelikula ay pinahanga nina Rita at Ken ang mga nanood sa mahusay nilang pagganap.

Pinakita rin nila ang kanilang kakaibang chemistry kaya swak na swak sila sa mga eksena, comedy man ito o drama. Tiyak na mapapansin sila ng MMFF jurors for their fine performances.

Very thankful nga sina Rita at Ken na maipapalabas na rin sa sinehan ang movie na ginawa nila sa kalagitnaan ng pandemic sa Pagsanjan, Laguna last year.

“After two years na nagsara ang mga sinehan, isa kami sa mga mapapanood. Sobrang nakaka-overwhelm siya. This is our first movie together na parang sinong makakakita na magiging loveteam kami ni Ken from ‘Special Tatay’ at sinong mag-aakalang magkaka-pelikula kami,” sabi ni Rita.

Pandemic movie ang tawag dito ni Ken dahil ayon sa Kapuso actor, nag-shooting sila nito nung umpisa pa lang ng pandemic noong 2020. “Parang nag-start ng March ang pandemic at after three months, ginawa namin ito. So kami talaga ang unang nag-lock-in para mag-shooting,” pahayag ni Ken.

Susundan nito ang kuwento ng isang seminarian at bar performer na may mga hinahanap sa kanilang buhay.

Si Luis (Ken) na ipinangako ng mga magulang na magpapari ay makikilala ang isang bar performer na si Luisa (Rita) na tinuring niyang mission.

Naghahanap ng sign si Luis habang may hinahabol personal deadline si Luisa.

Nakakaiyak ang kuwento ng Huling Ulan Sa Tag-Araw na pinagsama ang dalawang tao para madiskubre ang totoong meaning of love’s pain and promise na nfr8agpaiyak sa mga nanood.

(RICKY CALDERON)

WBC kinilala ang galing nina Donaire at Magsayo

Posted on: December 18th, 2021 by @peoplesbalita No Comments

Labis ang kasiyahan ng dalawang Filipino boxers matapos na sila ay kinilala ng World Boxing Council (WBC) dahil sa kanilang tagumpay ngayong 2021.

Kinabibilangan ito nina Nonito “The Filipino Flash” Donaire Jr at Mark “Magnifico” Magsayo.

Kinilala si Donaire bilang “Comeback of the Year” habang si Magsayo naman ay kinilalang “Prospect of the Year”.

Tinalo kasi ni Donaire si French-Morrocan boxer Nordine Oubaali noong Mayo para makuha ang WBC belt at nitong Disyembre ay nagwagir rin ito sa kapwa Filipino boxer na si Reymart Gaballo.

Si Magsayo naman ay kinilala ang 10th round knock out niya laban kay Julio Ceja noong Agosto.

Nakuha naman ni Mexican boxer Saul “Canelo” Alvarez ang “boxer of the Year Award” at nabigyan siya ng WBC Cares Award at Event of the Year laban kay Caleb Plant noong Nobyembre.

3 drug suspects nadakma sa buy bust sa Malabon, Valenzuela

Posted on: December 18th, 2021 by @peoplesbalita No Comments

KULUNGAN ang kinasadlakan ng tatlong hinihinalang tulak ng illegal na droga, kabilang ang 18-anyos na bebot matapos madamba sa magkahiwalay na buy bust operation ng pulisya sa Malabon at Valenzuela Cities, kahapon ng madaling araw.

Kinilala ni Malabon police chief Col. Albet Barot ang naarestong mga suspek na sina Dan Patrick Lumagbas alyas “Bimboy”, 24, ng Dagat-dagatan Brgy. Longos at Mary Berjolie Vicente alyas “Em”, 18 ng Purok 6, Dulong Hernandez, Brgy. Catmon.

Sa imbestigasyon ni PMSg Randy Billedo, dakong alas-5:30 ng madaling araw nang magsagawa ang mga operatiba ng Station Drug Enforcement Unit (SDEU) sa ilalim ng pangangasiwa ni PLT Alexander Dela Cruz ng buy bust operation sa Hasa-Hasa St., Brgy. Longos na nagresulta sa pagkakaaresto sa mga suspek matapos bentahan ng P500 halaga ng droga ang isang police poseur-buyer.

Nakumpiska sa mga suspek ang tinatayang nasa 7.80 grams ng hinihinalang shabu na may standard drug price P53,040, buy bust money at cellphone.

Sa Valenzuela, natimbog din ng mga operatiba ng SDEU ng Valenzuela police sa pamumuno ni PLT Joel Madregalejo si Antonio Doon sa buy bust operation sa Sugar St., Llenado Subd., Brgy. Karuhatan dakong alas-3:30 ng madaling araw.

Nakuha sa kanya ang apat na plastic sachets na naglalaman ng hindi pa matukoy na halaga ng hinihinalang shabu, P500 buy bust money, P300 cash, cellphone at pouch.

Nahaharap ang mga naarestong suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Wanted sa murder huli sa manhunt operation sa Malabon

Posted on: December 18th, 2021 by @peoplesbalita No Comments

NALAMBAT ng mga awtoridad sa isinagawang manhunt operation ang isang delivery rider na wanted dahil sa kasong murder sa Malabon City, kamakalawa ng gabi.

Kinilala ni Malabon police chief Col. Albert Barot ang naarestong akusado na si Jomael Pagyunan, 42, delivery rider at residente ng No. 45 Doña Ata, Constantino St. Brgy. Baritan.

Ayon kay Col. Barot, nakatanggap ang mga operatiba ng Warrant and Subpoena Section (WSS) sa ilalim ng pangangasiwa ni PLT Joseph Alcazar ng impormasyon mula sa kanilang informant na nakita ang akusado sa Brgy. Concepcion.

Bumuo ng team ang WSS sa pangunguna ni PSMS Armando Isidro, kasama ang 4^th MFC RMFB NCRPO sa pamumuno ni PMAJ Ronilo Aquino saka ikinasa ang joint manhunt operation na nagresulta sa pagkakaaresto kay Pagyunan sa Gov. Pascual Brgy. Concepcion dakong alas-9:45 ng gabi.

Ani PLT Alcazar, si Pagyunan ay danakip sa bisa ng warrant of arrest na inisyu ni Hon. Josie Rodil, Presiding Judge, RTC Branch 293, Malabon City para sa kasong Murder. (Richard Mesa)

BONGBONG, SARA KAPIT-BISIG SA PAGTULONG SA MGA BIKTIMA NG BAGYONG ‘ODETTE’

Posted on: December 18th, 2021 by @peoplesbalita No Comments

Pinakilos nila dating senador Ferdinand ‘Bongbong’ Marcos, Jr. at Davao City Mayor Inday Sara Duterte ang kanilang mga volunteers upang makatuwang sa pamamahagi ng relief goods sa mga naapektuhan ng pananalasa ng Super Typhoon Odette.

Ang BBM-Sara UniTeam volunteers ay naghanda ng mga relief pack na naglalaman ng 5kgs ng bigas, ibat-ibang delata tulad ng sardines, corned beef, meatloaf, gatas, at mga kape.

“Ready na yung mga relief goods na ipamimigay namin, mayroon tayong bigas, grocery packs para sa mga nasalanta ng bagyo, nakaalerto na ang mga volunteers ng BBM-Sara UniTeam upang magtungo at ipamahagi ang mga tulong na ito,” sabi ng UniTeam.

Ang UniTeam volunteers ay maglalaan din ng mga relief goods para sa kritikal na mga lugar upang mapadali ang pamamahagi nito.

“Nakamonitor ang aming opisina sa bagyong Odette at tinitignan natin kung ano pa ang mga kakailanganing tulong ng mga nasalanta. Sa kasalukuyan ay nakikipag-ugnayan na rin tayo sa mga lokal na pamahalaan upang malaman ang aktwal na kundisyon sa mga lugar na nasalanta,” dagdag ng dalawa.

Ang UniTeam ay naghanda ng 6,000 relief packs para sa probinsya ng Samar, 6,000 para sa probinsya ng Leyte, 2,000 para sa Tacloban, at 6,000 para sa Masbate. Ang mga volunteers ng UniTeam ay abala pa rin sa paghahanda ng mga karagdagang batch ng relief goods para ipamahagi sa iba pang mga lugar na nangangailangan ng tulong.

Nagsumamo rin sina Bongbong at Sara sa ating mga kababayan na patuloy ipagdasal ang kaligtasan ng mga taong naapektuhan ng nasabing Super Typhoon.

“Nakakalungkot dahil ilang araw na lamang ay pasko na at nagkaroon pa ng bagyo. Ganun pa man patuloy lang tayong manalangin sa kaligtasan ng ating mga kababayan lalo na dun sa mga naapektuhan ng bagyo,” sabi ng UniTeam.

Hinikayat din ng BBM-Sara UniTeam ang mga nakatira sa daraanan ng bagyo na sundin ang emergency bulletins ng gobyerno para manatiling ligtas at malayo sa mga panganib na hatid ni Typhoon Odette.

“Para sa ating mga kababayan na nakatira sa mga lugar na babaybayin ng bagyo, sumunod po tayo sa mga abiso ng pamahalaan. Kung kinakailangang lumikas ay gawin na po natin para po makaiwas sa peligro,” sabi pa ng BBM-Sara UniTeam.

Huling namataan ng PAGASA ang sentro ng Bagyong Odette sa baybayin ng P. Garcia sa Bohol nang alas-7:00 ng gabi. Nag-landfall si Typhoon Odette sa ika-anim na pagkakataon sa Bien Unido, Bohol.

Kumikilos si Odette na may lakas ng hanging aabot sa 185 kph at may pagbugsong aabot sa 255 kph at kumikilos pakanluran sa bilis na 30 kph.

Ads December 18, 2021

Posted on: December 18th, 2021 by @peoplesbalita No Comments

Ilang biktima ng BDO online hacking, nabawi na ang nawawala nilang pera

Posted on: December 18th, 2021 by @peoplesbalita No Comments

Umaalma ngayon ang grupo ng mga consumers sa pamamaraan na ginagawa ng BDO sa pag-reimburse nila sa pera ng kanilang mga depositors na biktima ng online fraud.

Una rito, mayroon nang mga biktima ng online hacking ang nagtungo sa ilang branch ng naturang bangko at naibalik na ang kanilang pera.

Pero ayon sa mga nag-claim mayroon daw dalawang opsiyon ang mga magke-claim ng kanilang pera.

Ito ay ang pagpirma ng quit claim at ang isa naman ay ang pagsasampa ng kaso laban sa naturang bangko.

Karamihan daw sa mga kumuha ng claims ay pumirma na lamang ng quit claim para agad makuha ang kanilang pera pero ang naturang aksiyon naman ang siyang magiging hadlang para sa legal action laban sa bangko.

Kaya naman sinabi ni Laban Konsyumer Inc. at dating Trade Sec. Vic Dimagiba na hindi raw dapat pumipirma ng ganito ang mga depositors dahil sila ang biktima.

Aniya, posible kasing nakadagdag pa sa distress sa mga biktima ang pagkaka-hack ng kanilang account at dapat ay mas malaking halaga pa ang kanilang matatanggap kumpara sa mga nawalang pera.

Samantala, problema naman ngayon ng ilang OFWs na biktima ng cyber attack kung paano nila mababawi ang kanilang pera dahil kailangang personal silang magpunta sa naturang bangko.

Dahil dito, hinihiling ngayon ng mga OFWs kung puwedeng ang mga kamag-anak na lamang daw ang mag-claim sa pamamagitan ng authorization letter.

Una rito, gumalaw na rin ang Bangko Sentral ng Pilipinas (BSP) at bumuo na ng task force para imbestigahan ang naturang insidente.

Binigyan ng BSP ang task force ng 30 araw para makapagbalangkas ng kanilang rekomendasyon sa posbleng sanctions o multa sa mga sangkot sa hacking.

Sa panig naman ng National Bureau of Investigation (NBI), pinawi ni NBI-Cybercrime Division Chief Vic Lorenzo ang pangamba at takot ng publiko sa paggamit ng online transactions.

Paliwanag niya, kung ikukumpara daw kasi ang fraudelent sa successful transactions ay maituturing naman itong “negligible.”

Ang mahalaga raw para sa publiko ay ingatan nila ang mga account details para hindi basta-basta mapasok ng mga hackers ang kanilang mga account.

Aniya, sa nangyaring hacking ay mistulang wala namang kakulangan at kinalaman dito ang mga kliyente o depositor dahil sinamantala raw ng mga hackers ang kahinaan ng security system ng naturang bangko.

Paliwanag niya, lahat daw ng bangko ay mayroong vulnerability o kahinaan sa seguridad at ito ang ginagawan ng paraan ng mga hackers para mapasok ang kanilang sistema.

Sa ngayon, patuloy daw na tinutunton ng NBI ang kinaroroonan ng anim na suspek sa naturang hacking.

Inalis na rin ng NBI ang anggulong mayroong nangyaring inside job sa online fraud dahil mas malaki raw ang risk o panganib ng mga hackers kapag mayroon silang contact sa loob ng bangko.

Hinimok din ng NBI ang nasabing bangko na isauli na ang mga perang na-hack na aabot sa P50 million dahil wala naman daw nailabas ang mga hackers na pera kundi nailipat lamang ito sa Union Bank at intact pa rin sa naturang bangko ang pera ng mga depositors. (Gene Adsuara)

3 months ‘interval’ sa booster shot, ok – DOH

Posted on: December 18th, 2021 by @peoplesbalita No Comments

Irerekomenda ng vaccine expert panel ng Department of Health (DOH) sa Food and Drug Administration (FDA) na paiksiin ang pagitan na buwan sa tatlong buwan na lamang sa pagkuha ng booster shot kontra COVID-19.

Inihayag ito ni Health Secretary Francisco Duque III makaraan ang pagkakadiskubre sa dalawang kaso ng Omicron variant sa bansa.

Pito sa walong naging ‘close contacts’ ng dalawang pasyente ang natukoy na at nagnegatibo na sa COVID-19. Patuloy na biniberepika ng DOH ang isa pang close contact.

Una nang itinakda ng FDA ang pagbibigay ng booster shot makaraan ang anim na buwan ng 2nd dose ng Sinovac, AstraZeneca, Moderna, ar Pfizer.

Para naman sa nakatanggap ng single dose na Janssen at Sputnik Light, maaari nang magpa-booster shot matapos ang tatlong buwan.

7 close contacts ng 2 Omicron cases, negatibo sa COVID-19

Posted on: December 18th, 2021 by @peoplesbalita No Comments

Negatibo sa COVID-19 ang pito sa walong natukoy na close contacts ng dalawang kaso ng Omicron variant sa bansa.

Sinabi ni Health Underscretary Maria Rosario Vergeire na agad na isinailalim sa COVID-19 test ang pito na may negatibong resulta.

Nabatid na ang 48-anyos na ‘returning Filipino’ mula sa Japan ay nagkaroon lamang ng isang close contact habang sakay ng Philippine Airlines flight PR 0427.

“Close contact had a negative RT-PCR released last December 4 based on the arrival line list. You may be wondering why there is only one close contact for our 48-year-old male from Japan. It was because he was seated in a business class, and it was just one passenger with him in this business class section,” paliwanag ni Vergeire.

Ang 37-anyos na Nigerian national naman na mula sa Nigeria ay may pitong close contacts habang sakay ng Oman Air flight number WY 843.

Anim sa kanila ay napalabas na ng quarantine makaraang magnegatibo sa test habang biniberepika pa ang isa.

“The reason why there were just seven close contacts is because the foreign national sat at the very end of the plane so we only counted those in front of him and on his side,” ani Vergeire.

Ipinaliwanag ni Vergeire na hindi lahat ng kasamahang pasahero ay ikinukunsidera na ‘close contacts’. Lahat naman umano ng mga pasahero ay isinailalim muna sa quarantine at ang mga nagnegatibo sa test ang napapalabas ng isolation. (Daris Jose)