2022 January Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for January, 2022

Payroll ng mga empleyado nananatiling ‘intact’ sa gitna ng napaulat na online banking fraud — DepEd

Posted on: January 28th, 2022 by @peoplesbalita No Comments

TINIYAK ng Department of Education (DepEd) na nananatiling “intact” ang payroll ng mga empleyado nito sa gitna ng insidente ng online banking scams na iniulat ng ilang mga guro.

“[The] DepEd payroll system is intact. It was not hacked,” ayon kay Education Undersecretary for Finance Annalyn Sevilla sa isang video na naka-post sa kanyang Facebook page noong Enero 25.

Ang pagtiyak na ito ni Sevilla ay kasunod ng reklamo at iniulat ng Teachers’ Dignity Coalition (TDC) na may ilang public school teachers ang nawalan ng kanilang pera dahil sa pag-“hacked” sa kanilang accounts sa ilalim ng Landbank of the Philippines (LBP).

Sinabi ni TDC na may 20 guro ang di umano’y naging biktima ng online banking fraud “as of Jan. 25.”

Humingi naman ng tulong sa DepEd ang nasabing grupo para lutasin ang bagay na ito.

Ani Sevilla, nang makarating ang report sa kanyang tanggapan ukol sa unauthorized transactions ay “we immediately informed the Landbank.”

Matapos na humingi ng paglilinaw mula sa bangko, sinabi ni Sevilla na walang hacking na nangyari.

“We are using our payroll system as it is and Landbank as well has assured us that their system is also intact or secured,” dagdag na pahayag nito.

Samantala, ipinaliwanag naman ni Sevilla na ang online banking transactions ng kanilang personnel, kabilang na ang teachers and non-teaching staff, ay hindi mina-managed o wala sa pamamahala ng DepEd.

“We have to explain that ito pong nangyaring ito ay through the individual bank accounts of our employees,” ani Sevilla.

“It can happen to not just DepEd but to all of [the] account holders na gumagamit ng online system ng kanilang mga banko,” paliwanag nito.

Hindi aniya in- charge ang DepEd sa pagma-manage ng online bank accounts o transactions ng mga guro at iba pang empleyado.

Ang namamahala aniya ay ang bangko at ang mismong individual holders ng bank account.

“Ang gumagamit or nag-eenrol [ay] ang empleyado na magkaroon siya ng online system,” paliwanag ni Sevilla.

“Marami, during the COVID times, di na lumalabas ng bahay, magtra-transfer na lang ng payment or you give also money to your relatives or friends, yan po ang tulong ng online system,” dagdag na pahayag nito.

Wishes ng fans na makitang magkasama, natupad na: ALDEN at BEA, may mga bago pang TVC bukod sa serye at pelikula

Posted on: January 28th, 2022 by @peoplesbalita No Comments

AFTER nang ilang months ng paghihintay ng mga fans and netizens, na makitang magkasama nang gumawa ng project sina Kapuso actress Bea Alonzo and Asia’s Multimedia Star Alden Richards, mukhang matutupad na ang wishes nila dahil magsisimula nang magtrabaho ang dalawa.

Nauna rito may nag-post sa Twitter, si @Oppasensation “Korean drama ‘START-UP’ having a Philippine adaptation under GMA Network: Kapuso stars #BeaAlonzo and #AldenRichards are rumored to lead #StartUpPH.”

Ibig sabihin nito, parehong Korean drama ang gagawin nina Bea at Alden.

Special Memory ang Philippine adaptation ng Korean movie na co-production venture ng Viva Films, GMA Pictures at APT Entertainment. May schedule na raw sila ng lock-in shoot nila next month, February. It will be directed by Ruel Nuval.

Iri-retain kaya ng GMA Network ang Start-Up title ng serye nina Bea at Alden na balitang by March naman sisimulan ang lock-in taping?

Sinu-sino kaya ang makakasama nila sa series, na balitang may ka-triangle sila sa story?

Tamang-tama naman na bago sila mag-lock-in taping, may mga bago silang TVC shoots na magkasama ng mga dati nilang endorsements, plus may isang bagong endorsement na pagsasamahan pa rin nila.

Wow! Sunud-sunod na blessings!

***

SA Sunday, January 30, busy day naman ni Alden Richards.

At 12 noon, mapapanood muna si Alden sa pagbabalik-live presentation ng Sunday musical show ng GMA na All-Out Sundays, after ng replays muna ng show dahil sa paghihigpit muli ng IATF dahil sa pandemic.

At 8 pm naman, ang sold-out documentary concert ni Alden ng ForwARd: Meet Richard Faulkerson, Jr. for the benefit of the AR Foundation na itinayo ni Alden.

To be directed by Frank Lloyd Mamaril, musical direction by Adonis Tabanda, naiibang concert ito dahil dito ipakikilala kung sino ang real Richard Faulkerson, Jr.

Iri-recall ni Alden ang hirap niyang magtapos ng pag-aaral noon, pagkatapos yumao ang beloved mom niyang si Rosario Reyes. Noon pa ay nabuo na sa isip niya ang commitment niya to education dahil naranasan niya ang hirap mag-aral na walang tumutulong sa kanya.

Kaya ang AR Foundation will offer scholarships to underprivileged children. Isa ngang hindi nalimutang tulungan ni Alden ang isang batang lalaki, na putol ang arms pero gustung-gustong mag-aral, na dumalaw pa sa kanya sa taping ng Victor Magtanggol, dahil idol daw niya siya.

Sa ngayon may dalawa nang college graduates na natulungan si Alden. Kaya ang pangako niya, “one hundred percent of the proceeds will go to AR Foundation to sustain our current scholars and to even open up further assistance po sa mga nangangailangan ng tulong pagdating sa edukasyon.”

***

KONTRABIDA si Gardo Versoza sa first book ng romantic-comedy series na First Yaya, at dahil namatay ang character niya roon, hindi na siya kasama sa pagbabalik ng serye na First Lady na ang title.

Kaya mapapanood na siya sa Season 2 ng nagbabalik din na fantasy-action-drama series na Agimat Ng Agila ni Senator Bong Revilla at Miss Universe Philippines 2021 Rabiya Mateo.

Natuwa si Gardo nang kunin siya ng GMA Network para maging main villain ni Gabriel Labrador (Bong) sa serye. Matagal na pala niyang gusto talagang makatrabaho ang Senador at minsan daw ay nabanggit niya ito kaya labis ang pasasalamat niya nang dumating ang offer sa kanya.

At sa unang pagtatrabaho nilang magkasama, napasayaw pa raw niya si Senador na mag-TikTok sila, na forte niya.

Gagampanan ni Gardo ang role ni Zeus na kunwari ay mabait, pero ubod pala ng sama.

Sa direksyon ni Rico Gutierrez, mapapanood na ito bukas, Sabado, January 29, after ng Pepito Manaloto sa GMA-7.

(NORA V. CALDERON)

2 kalaboso sa patalim at shabu sa Valenzuela

Posted on: January 28th, 2022 by @peoplesbalita No Comments

KULUNGAN ang kinasadlakan ng dalawang hinihinalang drug personalities, kabilang ang isang ginang matapos maaresto sa magkahiwalay na drug operation ng pulisya sa Valenzuela City.

Base sa report ni PSSg Ana Liza Antonio kay Valenzuela police chief Col. Ramchrisen Haveria Jr, dakong alas-12:10 ng madaling araw nang magsagawa ang mga operatiba ng Station Drug Enforcement Unit (SDEU) sa pangunguna ni PLT Joel Madregalejo ng buy bust operation sa Filomena St. corner Balubaran St., Brgy. Malinta.

Kaagad inaresto nina PCpl Franciz Cuaresma at PCpl Ed Shalom Abiertas ang kanilang target na si Vanessa Anesco, 42, matapos bintahan ang isa sa kanila na nagpanggap na poseur-buyer ng P7,500 halaga ng shabu.

Nakuha sa suspek ang tinatayang nasa 5 grams ng hinihinalang shabu na may standard drug price P34,000, cellphone at buy bust money na isang tunay P500 bill at pitong pirasong P1,000 boodle money.

Nauna rito, bandang alas-4:45 ng hapon nang matimbog din ng kabilang team ng SDEU sa pangunguna ni PLT Doddie Aguirre si Angelo Abaya, 33, sa isinagawang validation sa Hulo St. Angeles Comp. Brgy. Dalandanan makaraan ang natanggap na tawag mula sa concerned citizen hinggil sa illegal drug activities sa lugar.

Ani PCpl Pamela Joy Catalla, narekober nina PCpl Isagani Manait at PCpl Maverick Jake Perez kay Abaya ang dalalawang transparent plastic sachets na naglalaman ng nasa 7 grams ng hinihinalang shabu na may standard drug price P47,600, patalim P300 cash.

Nahaharap ang mga naarestong suspek sa kasong paglabag sa RA 9165 o ang Comprehensive Dangerous Drug Act of 2002 habang dagdag na kasong BP 6 in relation to Omnibus Election Code of the Philippines ang kakaharapin ni Abaya. (Richard Mesa)

PATAFA pres. Juico umalma sa pagdeklara sa kaniya ng POC bilang persona non-grata

Posted on: January 28th, 2022 by @peoplesbalita No Comments

BINATIKOS ni Philippine Athletics Track and Field Association (PATAFA) chief Philip Ella Juico ang pagdeklara sa kaniya ng Philippine Olympic Committee (POC) bilang persona non-grata dahil sa alitan nila ni pole vaulter EJ Obiena.

Sinabi ni Juico na walang anumang due process na ginawa ang POC at basta na lamang siya idineklara bilang persona non-grata.

Dagdag pa nito na mayroong agad na pinaikot na resolution na pirmado ng 36 miyembro ng POC kung saan ang nasabing resolution umano ay hindi man lang naipresenta sa General Assemby ng POC.

Pagtitiyak pa ni Juico na kaniya pa ring itutuloy ang kaso ng PATAFA laban kay Obiena kahit na mayroong desisyon ang POC.

Magugunitang sa isinagawang general assembly ng POC ay mayroong 36 sa 54 regular national sports association na dumalo ang pumabor sa pagdeklara kay Juico bilang persona non grata.

Pinaburan nila ang desisyon ng executive board sa inihaing reklamo ni Obiena laban kay Juico na naging malisyoso ang akusasyon sa kanya.

Life-sized rebolto ni Kobe at Gigi Bryant inilagay sa crash site sa Los Angeles

Posted on: January 28th, 2022 by @peoplesbalita No Comments

ITINAYO ng isang artist ang life-size na rebolto ng namayapang NBA legend na si Kobe Bryant at anak nitong si Gigi.

Dinala ni Dan Medina ang 160-pound bronze figure sa Calabasas, Los Angeles kung saan bumagsak ang sinasakyang helicopter ng LA Lakers star.

Temporaryo lamang aniya nito inilagay sa lugar bilang pag-alala sa ikalawang taon na pagpanaw ng basketbolista.

Balak din nito na gumawa ng mas malaking rebolto na ilalagay sa LA.

Makikita sa ibaba ang rebolto ang mga pangalan ng mga kasama ni Bryant noong bumagsak ang sinakyan nilang helicopter.

Magugunitang bumagsak ang sinakyan nilang helicopter sa bulubunduking bahagi ng Calabasas noong Enero 26, 2020.

Patungo sana sila sa laro ni Gigi sa basketball game noong nangyari ang aksidente.

Bureau of Quarantine tiniyak na wala nang delay sa paglalabas ng COVID-19 test results

Posted on: January 28th, 2022 by @peoplesbalita No Comments

TINIYAK ng Bureau of Quarantine (BOQ) na hindi na magkakaroon pa ng delay sa paglalabas ng mga resulta ng COVID-19 RT-PCR test ng mga kababayan pauwi sa Pilipinas mula sa ibang bansa.

Ayon kay BOQ Deputy Director Dr. Roberto Salvador Jr., sa loob lamang ng 24 oras ay nakapagsumite na ng mga resulta ng nasabing COVID tests ang mga laboratoryo sa bansa.

Paliwanag niya, ang nangyaring pagkaantala ng mga swab test result ay naranasan lamang aniya noong maraming nagpostibo sa COVID-19 at kumalat ang Omicron variant sa halos lahat ng mga kawani ng mga ahensiya ng gobyerno, at maging sa mga pribadong laboratoryo din.

Dahil dito ay napilitan aniya ang ilang mga laboratoryo na pansamantalang magsara dahil sa kakaunting kapasidad nito dahil sa kakulangan sa tao na nagbunsod naman aniya ng pagkaantala sa paglalabas ng mga resulta ng COVID-19 RT-PCR tests.

Sinabi naman ng opisyal na sa kasalukuyan ay nasa 3,000 arrivals ang bilang ng mga daily average capacity ang kanilang naitatala kung saan ay nasa 300 na mga indibidwal ang naitatalang nagpo-positibo kada araw.

Ilang mga bansa pumayag na maglagay ng sundalo sa border ng Ukraine at Russia

Posted on: January 28th, 2022 by @peoplesbalita No Comments

NADAGDAGAN pa ang mga bansa na pumayag na maglagay ng kanilang sundalo sa Eastern European NATO countries bago pa man ang potensiyal na pagsalakay ng Russia sa Ukraine.

Ilan sa mga dito ay ang Romania, Bulgaria at Hungary na maglalagay ng tig-1,000 mga sundalo sa Baltic states at Poland.

Nauna ng sinabi ng US na mayroong naka-alerto na sila na 8,500 sundalo habang ang United Kingdom ay nakahanda na rin na magtalaga ng mga sundalo.

Samantala nanawagan si NATO Secretary General Jens Stoltenberg sa Russia na tanggalin ang mga sundalo nito na nakatalaga sa Ukraine at ilang border nito.

Patuloy din aniya ang pakikipag-ugnayan din nila sa Ukraine habang handa rin sila na makipag-usap sa Russia.

“No vax, no ride” sisimulan sa Feb. 26 para sa mga essential workers

Posted on: January 28th, 2022 by @peoplesbalita No Comments

ANG MGA walang bakuna at may isa (1) lamang na bakuna ay hindi na makasasakay sa mga pampublikong transportasyon simula sa Feb. 26 kahit na ang kanilang trabaho ay nasa kategoryang “essential workers” na siyang ipatutupad sa National Capital Region (NCR).

Ang nasabing desisyon ay pinagkasunduan nila Labor Secretary Silvestre Bello, Interior Secretary Eduardo Ano at Transportation Secretary Arthur Tugade sa ginawang inter-agency na pagpupulong na ginawa noong nakaraang Biyernes matapos pag-aralan ang mga datus tungkol sa vaccination status ng bansa.

“In line with the new protocol, a 30-day window starting Jan. 26 is being given to unvaccinated and partially vaccinated workers in industries and establishments allowed to operate in the NCR under the existing Alert Level 3 status to continue riding public transportation and public utility vehicles in entering, exiting and going around the metropolis,” wika ng Department of Transportation.

Ang taong matatawag na fully vaccinated ay yoon dalawang linggo ng nakalipas ng sila ay nababakunahan matapos ang ikalawang bakuna ng kanilang two-dosed vaccination series tulad ng Pfizer o Moderna na bakuna, o di kaya ay pagkatapos ng dalawang linggo matapos silang maturukan ng single-dose ng Johnson & Johnson.

Sa ngayon, ang isang empleyado ng mga industriya na pinapayagan na magkaron ng operasyon sa ilalim ng Alert Level 3 ay maaari pa rin na makasakay ng mga pampublikong transportasyon subalit kinailangan sila ay mayron maipakitang katunayan na sila ay papunta sa kanilang trabaho tulad ng ID o di kaya ay certificate of employment.

“Within the 30-day window, partially vaccinated workers are still allowed to board public transportation. After this window, only the fully vaccinated will be allowed to use public transport,” wika ni DOTr undersecretary Artemio Tuazon, Jr.

Nilinaw naman ni Tuazon na ang bagong protocol ay para lamang sa mga workers. Habang ang mga existing exemptions sa ilalim ng “no vax, no ride” na polisia ay mananatili pa rin kahit tapos na ang 30-day window para sa mga taong may mga medical conditions at ang mga taong may bibilihin ng mga essential goods at services.

Ayon naman sa DILG, kanilang binibigyan ng suporta at hinihikayat ang mga hindi pa bakunado na gamitin ang pagkakataon upang sila ay mabigyan ng bakuna.

“DILG stands by the policy that after the 30-day window, we will be in full implementation of the “no vaccination, no ride” policy because it is a valid exercise of the police power of the state,” saad ni DILG undersecretary Jonathan Malaya.

Dagdag naman ni Tuazon na ang pinagsamang desisyon ng Department of Labor (DOLE), Department of Interior and Local Government (DILG) at DOTr ay nagpapakita din ng kanilang suporta sa plano ng pamahalaan na palakasin ang ginagawang pagbibigay ng bakuna sa mga tao sa gitna ng madaling makahawang Omicron variant.

Ginagawa ng pamahalaan ang ganitong paraan upang masiguro na ang mga taong may bakuna na ay ligtas sa paggamit ng pampublikong transportasyon. Naitala sa datus na ang mga workers na walang bakuna laban sa COVID-19 ay siyang madaling tamaan at magkaron ng sakit.

Idiniin naman ng DOTr, DOLE at DILG na hindi naman pinipigilan ang mga walang bakuna na mga workers matapos ang 30-day window na pumunta sa kanilang mga opisina. Pinagbabawalan lamang sila na gumamit ng pampublikong transportasyon.

Maari silang pumunta sa kanilang opisina gamit ang ibang pamamaraan ng transportasyon tulad ng active transport, private vehicles at company shuttle.

Sinabi naman ni acting presidential spokesman Karlo Nograles na mananatili lamang ang “no vax, no ride” na polisia habang ang Metro Manila ay nasa ilalim ng Alert Level 3 subalit ito ay automatic na aalisin kung ang capital region ay bumalik na sa Alert Level 2.

Samantala, nagbigay naman pahayag ang Trade Union Congress of the Philippines (TUCP) sa pangunguna ni spokesman Alan Tanjusay na ang nasabing polisia ay “coersive.” LASACMAR

KELLEY, itinanggi na buntis at ‘third party’ sa rumored breakup nina TOM at CARLA

Posted on: January 28th, 2022 by @peoplesbalita No Comments

ITINANGGI ng 1^st runner-up ng 2021 Miss Eco International na si Kelley Day na siya ang third party sa rumored breakup ng mag-asawang Tom Rodriguez at Carla Abellana.

Last Thursday, sa kanyang Instagram story nilinaw ng actress at beauty queen na walang katotohanan ang umiikot na tsismis at blind item.

Panimula niya, “many people are speculating about my involvement in a certain rumor/blind item story that seems to have been circulating today.

“So before things get too out of hand, I’d like to clarify that I have no knowledge of/ involvement with the controversy.

“I don’t know how or why my name has become linked (I’m surprised too), but what I do know is these accusations about me are false.“

Sabi pa ni Kelly, “Truth: “I’ve traveled to the UK to attend the funeral of a family member, and spend time with her UK-based family.”

Nilinaw din niya na, “I’m not pregnant (nor have I ever been). I have never had anything close to romantic involvement/interest with the person.

“I have, and always will have the utmost respect for the Couple. They have always treated me with kindness.“

Wish pa ng co-star nina Tom at Alden Richards sa nagtapos na GMA drama series na The World Between Us, “I hope this clears up the false rumors involving me.

“So much fake news out there nowadays. I hope we can take more caution with what we choose to believe online.”

Natuwa naman ang netizens at mga marites sa classy statement ni Kelley. Nag-a-agree din sila na baka ibang girl ang tinutukoy sa blind item at siya na lang ang nadiin dahil nagkasama nga sila ni Tom sa teleserye.

“Its not Kelley Day.”
“Then who?”

“At this point, si Carla lang talaga paniniwalaan ng tao. As of now, nakakabingi ang katahimikan ng dalawa.”

“And the plot thickens…”

“May usok na at umaapoy pa. Sana magka-ayos.”

“Just like her character in TWBU headstrong.”

“Parang mas clingy at sweet pa yung isa na gumaganap na asawa ni Tom sa serye kaysa sa kanya.”

“Maybe its the other girl, mukhang close kay Tom yun eh.”

“Kadiri na talaga ang mga tao ngayon, ang babastos.”

“Kung hindi ito totoo, grabe lang yung mga nagpapakalat ng maling tsika. Very malicious.”

“Nyek. Biglang Kelley Day na lang para may maichika lang? Confident si Cristy magchismis pero bakit ngayon lang? December pa nagkaron ng away si Tom and Carla ah. Dapat nun pa nila natunugan yan if totoo yan. Ngayon dinidiin ung co star sa lock in, tapos iba pa ung nabuntis daw. i pity tom and carla nasira reputation in a snap.”

“Yung mga pa-statement ni Kelley something para nabasa q na yan sa iba jan.”

(ROHN ROMULO)

US may mahigit 400-M doses na COVID-19 vaccine na donation sa buong mundo

Posted on: January 28th, 2022 by @peoplesbalita No Comments

IPINAGMALAKI ng White House na umabot na sa mahigit 400 milyon doses ng COVID-19 vaccine ang kanilang naipamahagi sa iba’t-ibang bansa.

Ayon kay White House Covid-19 response coordinator Jeff Zients mayroon pang dagdag na 3.2 milyon doses ng Pfizer vaccines ang kanilang ibinigay sa Bangladesh at 4.7-M doses naman sa Pakistan.

Idinadaan nila ito sa COVAX facility ang global vaccine sharing program katuwan ang World Health Organization.

Dagdag pa ni Zients na ang US ang siyang may pinakamaraming bakuna na naidonasyon kumpara sa ibang bansa.

Magugunitang noong nakaraang taon ay inanunsiyo ni US President Joe Biden sa United Nationsl General Assembly na bumili sila ng karagdagang 500-M doses ng Pfizer vaccines na ipapamahagi sa ibang bansa at karagdagan 800-M sa Setyembre.