TULOY na ang collaboration ng award-winning director na si Joselito ‘Jay’ Altarejos at ang model-turned-producer Marc Cubales sa Finding Daddy Blake, maiden offering ng MC Productions. Direk Jay described Finding Daddy Blake as a BL film pero may kakaibang twist. Ayaw niya magbigay ng detalye. Basta ang pangako niya ay entertaining ang pelikula.

Ang kwento ay tungkol sa dalawang teenage boys – si Elijah at isang batang social media personality, Marky na nagkita para hanapin si Daddy Blake, isang predatory person sa internet.  Habang nagpapaplano, na-in love sila sa isa’t-isa. Pero ang pag-ibig na ito ay mababahiran ng trahedya nang makilala nila face-to-face si Daddy Blake.

Si Direk Jay ang nagsulat ng script ng Finding Daddy Blake at nagpapasalamat siya kay Marc dahil nag-agree ito na iprodyus pelikula. Mabilis lang ang usapan at agad silang nagkasundo na simulan ang shoot sa February 13.

Kabilang sa mga artista na nais nilang i-cast ay sina Carlos Dala (bida sa 1-2-3 Gasping for Air na dinirek ni Carlo Obispo), Gold Azeron (lead actor ng Metamorphosis), Rita Avila at si Dexter Doria, na winner ng three best supporting actress awards for Direk Jay’s small movie Memories of Forgetting.

Sabi pa ni Direk Jay, hind raw ito isang usual na BL film na alam natin kung ini-level up pa niya.

Love story raw ito pero very entertaining. At dahil BL movie, may nudity at sex pero importante naman daw ito at kailangan sa kwento.

“Ang pinakamahirap na parte in being a director is asking your actor to strip before the camera. Paano mo ‘yun sasabihin sa artista mo?    “So if you are going to accept a movie where nudity or baring is needed, dapat sa umpisa pa lang handa ka na. You know what you are going into and what is expected of you. Kung hindi mo kaya maghubad, huwag mo na lang tanggapin ang movie being offered you,” paliwanag ni Direk Jay.

Marc, who will also act in the film, said he is willing to bare in front of the camera. Okey din sa kanya ang butt exposure, if needed. He is likewise excited in producing his first BL movie in cooperation with Direk Jay’s 2076 Kolektib production outfit.

***

MAY nabasa kaming tweet ng aktor na si Jaime Febregas which was reposted.

Unang lumabas ang tweet noong October 10, 2021.

Sabi ni Sir Jaime sa kanyang twitter account na @fabre_jaime: “Isko, nakikiusap ako! Umatras ka na sa laban. Ang trabaho ng isang president ay higit pa sa pagpintura ng Lagusnilad at mag-iilaw ng park.”

Binanggit namin ito sa isang writer friend na may contact sa office ni Vice President Leni Robredo, and asked her to verify kung totoo ang tweet na ito ni Sir Jaime.

Binalikan niya kami to confirm na totoo ang nasabing tweet.

Medyo reckless naman po yata ang tweet ni Sir Jaime. Marami naman pong nagawa si Mayor Isko sa Maynila, hindi lang pagpipintura ng Lagusnilad at pag-iilaw ng park.

Maganda ang response ng Maynila sa pandemic problem. Marami rin si Isko na project para sa Manila residents tulad ng pabahay at schools.

Siguro nga ay kulang lang sa information si Sir Jaime sa mga accomplishments ni Mayor Isko sa Maynila.

Anyway, sa aming palagay, pwede mo naman iangat ang kandidato na sinusuportahan mo without maligning the other candidates. Pero siyempre not all people follow this dictum.

(RICKY CALDERON)

MULI ngang nagkasama sina Mark Anthony Fernandez at Claudine Barretto sa drama-suspense movie na Deception na streaming na ngayong January 28 sa Vivamax.

Sa virtual mediacon, natanong nga sina Mark at Clau, since pareho naman silang single ngayon, posible kayang magkabalikan at maging sila pa rin hanggang huli.

Say ni Claudine, maghihintay lang siya at parang hinahamon si Mark sa gagawing move nito, kaya hindi niya sinasara ang posibilidad.

Nagsalita naman si Mark na kapag hindi pa sila nagkabalikan ni Claudine sa mga susunod na taon, baka hindi na talaga magkaroon uli sila ng relasyon at maging magkaibigan na lang.

Teenager pa sila ng magkarelasyon at ngayon nga ay pareho na silang 42 years old at matured enough para muling pumasok sa isa pang relasyon.

“Kapag hindi kami nagka-loving-loving in the next three years, wala nang mangyayaring ganoon, co-actors na lang kami,” say ni Mark.

“Pero kapag in the next three years or four years, nagka-jelling-jelling kami, puwede. Pero beyond that, hindi na ako aasa pa.”

Sakaling magkatuluyan nga ang mga bida ng Deception, dapat lang daw na maging ninong ang producer ng movie na si Atty. Ferdinand Topacio.

Anyway, alamin ang mga katotohanan sa likod ng kasinungalingan sa upcoming Vivamax Original Movie mula kay Joel Lamangan.

Ang Deception ay kwento ito nina Rose (Claudine) isang sikat na aktres, at ni Jericho (Mark Anthony) isang stunt double, na nahulog sa isa’t isa at nagpakasal.

Sa pagsisimula ng kanilang pamilya, nagkaroon sila ng anak at pinangalanang Thomas. Kung titignan, isa na itong maayos na pamilya na puno ng pagmamahal, pero ang inaakalang isang masayang pamilya na may magandang kinabukasan ay unti-unting masisira.

Maaakusahan si Rose sa salang pagpatay sa kanyang asawa at makukulong ng sampung taon. Sa pagkakakulong ni Rose at pagkamatay ni Jericho, ang kanilang anak ay dadalhin sa bahay ampunan at mamumulat sa mundo nang walang magulang.

Sa pagkalaya ni Rose sa bilangguan, susubukan niyang magsimula ulit at buuin ang mga bagay na nawala sa kanya, isa na rito ang paghahanap sa kanyang anak na ngayon ay isa ng binatilyo.

Pero sa pagbabagong hangad ni Rose ay babalik ang sakit ng nakaraan at malalantad ang mga kasinungalinang nangyari noon. Malalaman din niya ang puno’t dulo ng pagkasira ng halos perpekto niyang buhay.

Ang Deception ay reunion project nina Claudine at Mark na dating magkasintahan at love team noong ‘90s. 25 years na ang nakalipas mula ng kanilang huling pelikula, at sa kanilang mga interviews, wala silang ibang naramdaman kundi kasiyahan na magkatrabaho muli.

Mula sa Viva Films at Borracho Film Production, ang Deception ay mapapanood exclusive, simula ngayong January 28 sa VIVAMAX Philippines, Hong Kong, Taiwan, Thailand, Malaysia, Indonesia, Singapore, Japan, South Korea, Macao, Vietnam, Brunei, Maldives, Australia, New Zealand, the Middle East, Europe, Canada at America.

Para sa local subscriptions, maaaring ma-avail ang P149/month watch-all-you-can plan sa VIVAMAX app.

Ginawa ring mas affordable ng VIVAMAX ang panonood ng inyong mga paboritong pelikula dahil ngayon, sa halagang P29, maaari ka nang mag-watch all you can for 3 days!

At sa best viewing quality na ang inyong panonood, dahil ang VIVAMAX compatible na with TV casting. Mas affordable, mas madami at mas madali na ang mag-subscribe, kaya naman #SubscribeToTheMax na sa best Pinoy Movie Streaming App, VIVAMAX!

(ROHN ROMULO)