Ikaw ba ay nagmamahal?

Batid ko ikaw ay nagmamahal?

Sa panahong ang mundo ay sadlak sa kawalan ng pag – asa,

Sa panahong akala mo ikaw ay nilisan na ng pag – asa,

Umasa ka! Bumangon ka! Yumabong ka!

Iaahon ka ng pagmamahal.

Alam mo ba na ang pagmamahal ay pag – asa?

Ang bawat pusong nasasaktan, napupunan,

nahihiluman ng kasiyahan,

yan ang pagmamahal.

Ito ay busilak,

Walang bahid at tunay,

Ibinibigay ng malaya,

Buong puso at saya.

Walang kapalit,

Kusang binibigay,

Sinisidlan ang galit at poot,

Inuunawa ang hindi maarok,

Nagpapatawad ng walang pag- imbot.

Alam mo kung ano pa ang pagmamahal?

Ito ay respeto,

pag – ibig,  pag- unawa, pagmamalasakit;

Tulad ng mahigpit na yakap ng ating inang marikit,

ang pagmamahal ay nagmula sa langit,

isang biyaya na animo’y

walang hanggang magandang awit.