TINAWAGAN ng pansin ng Metropolitan Manila Development Authority (MMDA) ang mga supporters ng 2022 election candidates na iwasan ang pagkakalat kapag sumama sa campaign rallies.
“Ini-encourage natin ‘yung mga supporters ng atin pong mga kandidato na iwasan po yung pagkakalat,” ayon kay MMDA officer-in-charge General Manager Romando Artes.
Sinabi ni Artes na ang mga personnel o tauhan mula Metro Parkways Clearing Group (MPCG) at Sidewalk Clearing Operations Group (SCOG) ng MMDA ay bumubuntot sa mga basurang naiiwan sa panahon ng nasabing aktibidad.
Nauna rito, pinaalalahanan naman ni Environment Secretary Roy Cimatu ang mga kandidato na maging environmentally conscious sa pagsisimula ng campaign period noong Pebrero 8.
Partikular na pinaalalahanan ni Cimatu ang mga kandidato na maayos na paghiwalay-hiwalayin ang kanilang mga campaign materials at itapon ng maayos.
Ang DENR at mga concerned government agencies ay lumagda sa isang joint memorandum circular na naglalayong hikayatin ang mga political parties, party-list groups, at individual candidates na magpatupad ng Solid Waste Management Act of 2000 para sa “Basura-Free Elections.”
Sa panahon ng kampanya noong 2019 elections, nakakolekta ang MMDA ng 29 truckloads o 200.37 tonelada ng discarded election-related materials mula Marso 1 hanggang Mayo 16. (Daris Jose)
DEDBOL ang isa umanong leader ng “Legaspi Drug Group” matapos malunod nang tumalon sa dagat para makaiwas sa pag-aresto ng mga pulis na nagsilbi ng warrant of arrest laban sa kanya sa Navotas City, kamakalawa ng hapon.
WALANG plano ang Ukraine na isara ang kanilang airspace kahit na may nagaganap na tensiyon sa pagitan nila ng Russia.
MARAMING mga adult Filipino ang mas pipiliin pa ang kalusugan kaysa sa pag-ibig o pera.
TARGET ng pamahalaan na magsagawa ng buwanan na “Bayanihan, Bakunahan” drives sa ilang lugar upang itaas ang vaccination rate sa bansa.