OBVIOUS naman na hiwalay na talaga sina Carlo Aquino at ang ina ng anak niya na si Trina Candaza.
Ang dalawa na rin ang naggi-give-away sa mga social media postings nila.
Kahit na may mga comments na nagsasabing dapat daw, hindi na lang nagpo-post ng kung ano-anong patama si Trina sa social media nito, sa ideal world, dapat nga siguro.
Pero posibleng moving-on process nito ang mga pino-post sa social media. Posible rin na paraan niya ng “pagresbak?” ‘Yan ay kung totoo ang mga assumption na may ibang babae si Carlo.
Pinaniniwalaan ng mga netizens na tila patama muli ni Trina sa actor ang bagong Instagram post nito. Video ng nanay habang nagbi-breastfeed ng anak sa kalagitnaan ng pagtulog.
Tila sinasabi nito kung gaano kahirap bilang nanay habang ang tatay mahimbing matulog at may ibang babae pa raw na iniisip.
Ang caption nga nito, “Same age kay Mithi yung baby. 8x gumising yung mom to feed the baby. Kaya sa mha nagtatanong kung namumuyat pa yung ganitong age, gumigising pa din sila ng ilang beses but milk lang okay na.
“Yung tatay ang himbing lang ng tulog ‘tas ‘pag gising ibang babae pa iniisip niyan.”
(ROSE GARCIA)