KUNG hindi kami nagkakamali, ang huling Instagram post ni Gretchen Barreto ay nang hamunin nito si Senator Bato dela Rosa.

Hinamon ni Gretchen si Bato na sabihin lang daw nito kung saan at kailan at dadalhin niya ang ebidensiya na ito ay totoo namang tumataya sa online o e-sabong.

‘Yun nga lang, tila pagkatapos nitong maghamon, ginawa niyang private ang Instagram account niya.  At ilang araw after that, mukhang dine-activate na niya ito.

Hindi na makita ang account ni Gretchen sa Instagram kapag sine-search ang IG handler niya. Iniisip ng ilang netizens na baka raw na hacked ang account ni La Greta.

May nag-comment naman na “baka nabato!” At may nagsabi rin na baka raw may nagpayo na mag-ingat muna sa mga binibitawang salita for her safety.

Naka-tsikahan naman namin ang isang taong malapit kay Gretchen. Hindi rin daw nito alam ang dahilan kung bakit biglang nag-deactivate.

Pero, sey niya, “baka may pinagdaraanan.”

***

NANG mabasa namin ang Instagram post ni Ogie Alcasid kunsaan, may naging revelation siya na sa mahigit tatlong dekada niyang singer/songwriter, ngayon pa lang pala siya nabigyan ng chance na mag-headline ng sarili niyang series of concert sa America.

Akalain mo ‘yon?

To think na ilang beses na nag-perform at nag-show si Ogie sa U.S. So ang successful series of shows ni Ogie na “O.A. sa Love sa U.S” ang first niya.

Sa post ni Ogie, nagpasalamat ito na after 34 years of performing, nabigyan daw siya ng chance headlining his own series of US tour.

At pati si Paulo Avelino na isa sa special guest ni Ogie, along with Janine Gutierrez, nagulat din ito na first time lang ni Ogie.

Napa-IG stories pa si Paulo tungko dito. Sey niya, “Ngayon ko lang nalaman na first time ni Kuya Ogie Alcasid na mag-headline ng concert dito sa U.S.A at hindi ko rin maintindihan kung bakit.

“Sobrang sulit! Kung hindi ako kasama sa show, maski ako magbabayad para mapanood ko ‘yung concert.”

At sinundan niya ng hashtag na “late post para hindi biased.”

Sa isang banda, nakauwi na rin ng Pilipinas si Ogie. Pero sina Paulo at Janine ay nag-extend pa. Posibleng ngayon naman yung dadalaw si Paulo kasama si Janine sa anak niyang si Aki na nasa New York, kasama ang mommy nito na si LJ Reyes at kapatid na si Summer.

***

NAHALUKAY pa ng production ng kauna-unahang reali-traveltsika ng TV5, ang Lakwatsika ang ipinost na tweet ni K Brosas may 8 years ago na ang nakararaan.

Ang naging tweet ni K, “Isa sa mga pangarap ko na mapasali o mag-host ng isang nakakatawang travel show.”

Kaya na-realize ng singer/host/comedienne na pwede talagang mangarap at hindi mo pwedeng tawaran ang posibilidad kung kailan ito pwedeng matupad.

Sa part ni K, natupad ang pangarap niya after 8 years nang i-tap siya at ang kaibigan niyang si Ethel Booba na maging host ng bagong Lakwatsika show ng TV5 simula sa April 18 mula Lunes hanggang Biyernes ng 11:00 A.M. ng umaga.

Ayon kay K, matagal na raw niyang kaibigan si Ethel, hindi pa ito artista kaya kumportable sila sa isa’t-isa. Pero ang siste, si K, very vocal sa kung sinong Presidentiable ang sinusuportahan niya sa kanyang social media. Pero si Ethel, mukhang magkasalungat sila.

‘Yun pala, wala raw idea si K kung sino talaga ang choice ni Ethel. At hindi rin daw nila pinag-uusapan ang pulitika dahil baka mauwi lang daw sila sa pagtatalo.

“Ako, I’m very vocal about it, kung sino ang sinusuportahan ko. Pero si Ethel, hindi namin pinag-uusapan. Kasi ako, naniniwala ako na the more na pag-usapan namin ‘yan, hindi naman pwedeng hindi kami magtalo, ‘di ba?

      “Ang pangit naman no’n. So mas mabuti nang hindi magtanong. Kasi ako, alam niya. Pero actually, hindi ko alam ang kay Ethel.”

At saka ito humirit na, “Alam ko before! Ha ha ha!”

(ROSE GARCIA)

NAKATUTUWA namang malaman na ang aming idol na si Ms. Nora Aunor ay pasok sa listahan ng Most Awarded Musicians of All Time.

Nasa number 26 sa listahan ang nag-iisang Superstar.  Ang iba pang singer na may dugong Pinoy na pasok sa listahan ay sina Bruno Mars who ranked 35th at si Enrique Iglesias na nasa number 50.

Number 1 sa listahan yumaong king of pop na si Michael Jackson.

Ate Guy is definitely in good company.

Ang listahan ay makikita sa The Artist Museum at Michael Jackson Twitter Account.

Congrats Ate Guy!

      ***

EXCITED si Jamie Rivera sa pagbabalik niya sa live concert performance via Live and Light na gagawin sa Newport Performance Theater on April 30.

It’s been two years since huli siyang nag-perform before a live na, incidentally, Love and Light din ang title. Pero it was a Valentine show.

What excites her more sa upcoming show ay makakasama ang opm legend at hitmaker na si Basil Valdez.

Kuwento ni Jamie sa presscon ng Love and Light na ginawa sa Resorts World Manila, bata pa siya ay idol na niya si Basil.

Ang dream nga when she was starting her career ay maging female Basil Valdez.

For Jamie, doing this concert is a celebration.   “We should be thankful we all survived the pandemic and we are still alive,” wika pa singer na tinawag na Inspirational Diva.

Mostly inspirational songs daw ang repertoire niya sa concert.  Ito raw ang kailangan natin sa panahong ito, sabi pa no Jamie.

(RICKY CALDERON)

PINATULAN ni Angelica Panganiban sa isang basher na nag-comment sa kanyang tweet na tungkol sa pagpapahinga muna sa showbiz dahil buntis sa first baby nila ng non-showbiz boyfriend na si Gregg Homan.

Iniisip daw niya na mag-start ng vlog at say pa niya, “kung sakali, ano ang mga tanong/gusto niyo malaman sa panibagong journey ng buhay ko ngayon?

“Hangga’t kaya sagutin, subukan namin sagutin yarn, game?”

Iba’t-iba nga ang naging reaksyon ng netizens tulad na love story nila ni Gregg na dapat daw niyang I-reveal sa vlog.

‘Di raw niya type mag-prank call dahil baka ma-karma siya, pero pwede ang ninang and ninong reveal.

Sasagutin din ni Angelica ang tanong na, kailan mo na-realize na it’s all worth it?

Say naman ng isang netizen na nalungkot dahil titigil na muna siya sa paggawa ng mga teleserye at pelikula.

Sagot naman ng aktres, “Hahahaha. Okay lang yan. Mabuti nga at marami naman akong nagawang projects. Marami kayong pwede balik balikan.

“Balato n’yo na sakin ang buhay ko ngayon. 30 years naman na ko sa inyo!”

Pero may matapang na basher na nag-comment ng, “Tama yan magpahinga ka na lang at mag–alaga ng magiging anak nyo… para malaman mo kung paano maging mabuting tao.   “Hindi yung puro ka ‘magnanakaw’ ang sinasabi ng bibig mo.”

Tila nag-init ang ulo ni Angge, kaya pinatulan ang basher.

“Sana ikaw din maaral mo kung paano maging mabuting tao. Hindi yung affected ka sa salitang magnanakaw.”

Reaction naman ng netizens tungkol dito:

“BBM ako pero I respect Angelica’s opinion. Bato bato sa langit, ang tamaan wag magalit.”

“For once, may BBM akong in-admire — at ikaw yon! :)”

“Kasama sa script ng troll yan hehe. Basta may “respect”na keyword, un na yon.”

“Her account, her rules.”

“Ewan ko nga bakit affected sila sa salitang magnanakaw ahahaha sige angkinin nyo lang.”

“Lol trolls affected sa word na “magnanakaw” Truth hurts ba?”

“Pag may comment na magnanakaw ung supporters ng isang kandidato lang ung apektado. Bakit kaya?”

“Kakabit na talaga yung salitang magnanakaw dun sa isang kandidato noh? Ang funny lang kasi laging triggered yung supporters nung isa lols!”

“These celebrity airheads are ggss, they really think people are so curious about their journey in life. Id like to think viewers are interested in their crafts. More valauable contents are already there esp those legit channels who can give believable advice instead of supporting these celebrities turned vloggers.”

“I think she would welcome your opinion lalo na if magkakaroon ng sense ang vlog nya, mas informative mas maganda.”

“To each their own to put food on the table, as long as it doesn’t step on anyone’s toes or earned at the expense of others. anyone forcing you to watch them? you must have “watched” enough to make such a comment.”

“Preggy pa man din si Ange. Social media detox muna!”

“Praying for a safe pregnancy.”

(ROHN ROMULO)