PAREHONG passionate ang pagsuporta at pangangampanya ng mag-asawang Jolina Magdangal at Mark Escueta.

Si Jolina ay ilang campaign rally na rin ng tandem nina VP Leni Robredo at Senator Kiko Pangilinan ang pinuntahan niya at madalas, kasama nilang mag-asawa ang dalawang anak na sina Pele at Vika.

Si Mark naman, as in lahat yata ng campaign rally nina VP Leni at Sen. Kiko ay present ito. Mapa-Metro Manila o sa malalayong lugar outside Manila.  Kasama ni Mark ang banda niya na Rivermaya.

At sa Facebook post ni Mark, tahasan niyang itinanggi na silang mga celebrities o performers sa campaign rally ay hindi naman talaga volunteers kung hindi, mga bayad.

Sabi ni Mark, “Meron pa rin daw ayaw maniwala na hindi kami binabayaran para sa suporta namin sa People’s Campaign.

      “Ang lungkot naman ng mundo mo kung iniisip mo na pera ang nagpapatakbo ng lahat.  Aanhin natin ang pera kung wala naman ang tunay na PAG-ASA dahil sa BULOK na sistema?

“Excited na nga kaming mag–contribute sa sweldo ni President Leni at Vice President Kiko. Tuloy lang ang laban para sa maayos na kinabukasan!”

***

MINSANG nga lang mag-post sa kanyang social media ang Kapuso leading man na si Ken Chan ng rants kaya naman napansin agad ito ng kanyang mga followers.

Ang unang Twitter post ni Ken tungkol daw sa taong namba-backstab sa kanya o sinisiraan siya sa talikuran, “Don’t worry about what people say behind your back, they are the people who are finding faults in your life instead of fixing the faults in their own life.”

      Sinundan niya nang, “Reminder: huwag na huwag kang maninira ng ibang tao masama yun, lalo na wala namang atraso sayo yung taong sinisiraan mo.

      “Nakatingin sayo si Lord.”

      “Nagtaka ka pa kung bakit ganito mga posts ko ah. Tanungin mo kaya sarili mo kung bakit.

      “Realization: Ang sakit pala kapag ang taong malapit sayo ay kaya kang siraan. Buti na lang talaga…”

At saka nila nilinaw na hindi raw niya kamag-anak ang tinutukoy niya sa mga post niya. Aniya, “Hindi ko po kamag–anak yung pinatatamaan ko sa mga posts ko.”

      At humingi rin ito ng paumanhin sa kanyang mga followers sa sunod-sunod na posting niya ng pagra-rant.

Aniya, “Ngayon lang ako nag–post ng mga ganito. I’m sorry guys kailangan ko lang ilabas ang galit na nararamdaman ko. Pasensya na naapektuhan kayo. Hindi ko lang din kasi kinaya…

      “Kapag nag–rant ako at nilabas ko ang saloobin ko baka hindi niyo kayanin kaya ok na ito. Salamat sa inyong lahat!”

      Pero mukhang dahil sa biglang pagiging open niya ng saloobin sa socmed, nag-tweet ito na balak na raw ituloy ang YouTube niya at mga pa-Facebook Live niya dahil na-miss daw niya ang mga fans.

(ROSE GARCIA)

ISA si Vice Ganda na surprise guest sa NCR grand rally ni Vice President Leni Robredo na ginawa sa Pasay City noong Sabado.

Birthday ni VP Leni that day kaya mas special ang pagtitipon ng mga Kakampinks para sa presidential aspirant.

Pero ang napansin ng ibang dumalo sa rally ay ‘yung hindi raw pag-endorse ni Vice Ganda sa kandidatura ni Senator Kiko Pangilinan.

Kahit na raw isinisigaw ng mga tao na i-endorse ni Vice si Kiko ay hindi naman daw ito ginawa ng sikat na personalidad.

Kaya marami ang nagtaka why Vice Ganda did not endorse Kiko’s candidacy. Si Leni lang daw ang iniendorso ng It’s Showtime TV host.

Pero nung group photo naman ay tinawag ni Vice si Kiko at nagyakapan pa sila.

Sabi naman ng isang defender ni Vice, huwag daw natin pilitin si Vice na sabihin kung sino ang gusto niyang ibotong VP dahil personal choice naman daw iyon.

Pero imposible naman daw na hindi iboboto ni Vice si Kiko eh friends naman sila ni Sharon Cuneta.

Baka raw nalimutan lang ni Vice to endorse Kiko dahil focused ito kay VP Leni who is celebrating her birthday.

So dahil friends sila ni Sharon so pwedeng isipin na sure na sure na si Kiko ang iboboto ni Vice.

Dating supporter ni Pres. Duterte si Vice kaya maraming kakampinks ang natutuwa na supporter na ito ni VP Leni ngayon.

Pero ayon naman sa ilan tao, hindi kumpleto ang pagtalikod ni Vice Ganda kay Digong dahil hindi nito kinondena ang mga maling ginawa ng Pangulo while in office.

Kaya para sa iba, hilaw ang pagiging miyembro ng Kakampinks ni Vice Ganda.

***

NI-REVEAL na ni Jake Cuenca na break na nga sila ni Kylie Versoza via a photo na umiiyak siya.

Pero hindi pinalampas ng bashers ang post ng binata.

Ayon sa kanila: “Napakawalang sincerity naman yang ipopost mo pang umiiyak ka. Mas lalong plastic ang datingan. Besides ano nga ulit work mo? Ah artista. Sige na nga nasaktan ka din. So di ka na nega. Charot!”

“Yuck this is just so low! Cheap to the max! Super drama.”

“Turn off.”

Wala pang sagot si Jake sa comment ng basher.

***

OBVIOUS na wala sa kanyang sarili o parang lutang ang isip ni Kylie Versoza nang dumalo siya sa face to face presscon ng Viva for the movie Ikaw Lang ang Mahal noong Friday sa La Reve Restaurant.

Halatang Kylie is trying to put up a brand front. She is definitely hurting.

Masakit nga naman na mawalan ng minamahahal. Pero hanga rin kami sa tapang ni Kylie na pagharap sa press kahit na may chance na tanungin siya about the issue.

Pero careful si Kylie sa pagsagot ng mga tanong. Kung pwede umiwas o kaya ay maigsing sagot lang, ‘yun lang ang pinapaunlak ni Kylie.

Nirespeto naman ng press ang choice ni Kylie. Hindi naman siya masyadong inurirat. Pero may nag-try pa rin na makakuha ng sagot kay Kylie tungkol sa breakup by crafting leading questions na hindi pinatulan ni Kylie.

Actually, pwede ngang hindi dumalo si Kylie sa presscon kung gusto niya. Pwede niyang idahilan na she is hurting inside because of the breakup kaya ayaw muna niyang humarap sa press.

Pero in fairness kay Kylie, hindi siya nag-break down kahit pa medyo naapektuhan siya sa ibang mga tanong.

Kasama ni Kylie sa movie na dinirek ni Richard Somes sina Zanjoe Marudo at Cara Gonzales.

Pinuri naman ni Direk Richard ang performance ng kanyang mga artista. Mahuhusay daw lahat ang mga ito.

(RICKY CALDERON)