DAHIL sa IG post ng Kapuso actress-comedienne na si Lovely Abella tungkol sa naranasan din niyang kabutihan ng puso ni Kapuso Primetime Queen na si Marian Rivera ay mas lalong dumami ang humanga sa asawa ni Dingdong Dantes.

Ibinahagi nga ni Lovely ang photos kasama si Marian at Dingdong na kuha sa taping ng Jose and Maria’s Bonggang Villa na mapapanood na sa GMA-7 simula sa May 14.

Panimula ni Lovely, “Kakatapos lang ng guesting ko sa bagong sitcom ni ate yan at kuya dong ang JOSE and MARIA’S BONGGANG VILLA kaya gusto ko lang ishare sa inyo ang KWENTONG TOTOO! na ayaw ipasabi ni ate yan 5 years ago.

“’Di ko makakalimutan ang napakagandang puso ng taong to, hindi kami kumakain ng sabay, di kami nagkakausap ng matagal pero noong panahon na nag 50/50 ang mamang ko, siya ang kauna unahang nagbigay ng tulong sakin. Pinaabot niya ang cheque at sabi sana gumaling ang Mama. Unexpected na galing sa knya ang napakalaking halaga na yun.”

Dagdag hanash pa niya, “Hindi lang ako humanga sa kung gaano siya kaganda, kundi sa kagandahan din ng kalooban niya hindi dahil nagbigay tulong siya sakin kundi tinatanaw ko na utang na loob ang tulong na yun, Lagi ko sinasabi pag ako yumaman di ko kakalimutan ang mga taong tumulong sakin financially at emotionally.

“Di man materyal ang naisokli ko ate @marianrivera pero lagi kang kasama sa dasal ko at ang buong pamilya mo at isa na rito ang bagong show mo. Muli salamat ng marami, Mahal kita ate. #hanashnilovely.”

Kaya naman super react ann netizens na nakabasa ng IG post ni Lovely at ilang sa naging comment nila:

“@marianrivera a beautiful heart d lng sa labas pti sa loob super love ko po kyo ni sir @dongdantes.”

“Napa iyak aku while I was reading.. Thank you Marian for being our inspiration.. Love you and God bless you po.”

“@lovelyabella_ kaya apaw po ang blessing nya, kasi napaka buti ng kalooban, salamat sa prayer mo.”

“Beautiful with golden heart.”

“Kaya full of blessings c Marian kc mabuti cyang tao.”

“Ang sarap basahin ng caption, na sa kabila ng paninira ng iilan kay Marian may mga taong mas nakakakilala sa kanya ng lubos. Thank you Ms. Lovely for sharing. Mas lalo po namin sya hinangaan. More blessings din po sayo.”

“Salamat sa kwento ng kabutihan ni Marian Rivera Dantes. Ms.Lovely Abella. Isa kang mabuting kaibigan at katrabaho.

“Aww! Nakakaiyak naman.  Iba pala pag galawan Marian kaya mas lalo ka namin hinahangan Queen. @marianrivera napakabuti mong tao. Salamat po sa kwento miss @lovelyabella_”

“Parang si boobay at mga iba pang mga artista na natulungan din niya ♥ SUPERhero talaga siya.”

“Kasi nga si darna din si @marianrivera …may magandang mukha at magandang puso.”

“Wow darna din talaga gaya ni idol @therealangellocsin @marianrivera beautiful inside and out!!! God Bless you !!”

(ROHN ROMULO)

DAHIL siya ay isang homemaker and loving mother kaya naman si Marietta Subong a.k.a. Pokwang ang napili ng owners ng Klio home products para maging endorser.

Naganap ang contract signing at launching ni Pokie sa Max’s Restaurant Scout Tuazon branch last week.

In a separate interview, tinanong naming si Ms. Pokie about her life being a mother.

Ano ang pinakamasarap or best part of being a mother?

“Masarap maging nanay lalo na kung natupad mga dasal mo para sa mga anak mo at nakikita mong lumalaki silang mabuting tao,” sagot ng brand new endorser ng Klio.

Ano naman po ang mahirap o challenging experience ng pagiging isang ina?

“’Yung wala kang choice kundi magpakalayo para mag hanap buhay para mabigyan sila ng magandang bukas. OFW ako dati kaya alam ko ang pain na dinaranas ng isang ina na malayo sa kanyang anak.”

How would you describe yourself as a mother?

“Isa akong palaban at lahat sasanggain para sa anak ko at bibigyan ko sila ng magandang edukasyon sa abot ng aking makakaya.”

Anong importanteng life lesson ang naibahagi ng mother ninyo na tumatak at nagagamit ninyo sa pagpapalaki ng inyong anak?

“Maging patas sa buhay at maging mapagpasalamat sa maliit man or malaking biyaya, tumulong sa kapwa.”

Bata pa raw siya ay toka na siya sa pagluluto kasi ayaw niyang maglaba sa ilog kaya hanggang paglaki ay dala niya ang hilig niya sa cooking. Yes, masarap siyang magluto.

Ang mga paborito niyang lutuin ay callos, laing, kare kare at mga seafoods. Lahat yan best seller, pati ang kanyang roasted chicken na laging sold out.

***

MATAPOS ang dalawang taon, balik na muli ang pagtatanghal ng concerts sa The Theatre at Solaire.

At ang Concert King na si Martin Nievera ang Buena Mano sa pagbubukas na live concert performance sa The Theatre at Solaire via “Martin Nievera Live Again!” sa one night-concert na magaganap sa June 25.

Ang concert ay fundraising event para sa Rotary Club of Makati West’s Gift of Life Project. Bahagi ng proceeds ng concert ticket sales ay ilalaan para sa heart operation ng mga batang nangangailangan nito.

Catch Martin Nievera back on stage for a night filled with exciting and heart-warming music for a special cause.

Bilang bahagi ng patuloy ng safety measures ng Solaire, kailangan magsuot ng double mask at ipakita ang vaccination card sa concert venue upon entry.

Buy your tickets to “Martin Nievera Live Again!” by calling Ticketworld at 8891-9999 or via www.ticketworld.com.ph.

***

NOONG Sunday night, May 1, ang launching ng trailer bagong BL (Boy Love) series na Papa, What Is Love na bida si Rex Lantano, kasama sina Arnold Reyes at Anthony Flores.

Mukhang nalilinya si Rex sa mga BL movies. Right after maipalabas ang Love at the End of the World na daring ang role niya dahil sa matitinding love scenes with the same sex, nasundan agad ito ng Papa, What Is Love.

Pero rom-com daw itong bago niyang BL series. Pinaghalong Gameboys at Daddy Love.

“First time kong gumawa ng rom-com na BL kaya ibang challenge naman ito for me,” wika ng indie actor.

Wala naman kaso kay Rex kung BL movies ang offer sa kanya.  Ang importante raw markado ang role at maganda ang kwento.

Siyempre hindi naman siya basta tatanggap ng BL film kung walang go-signal ang kanyang manager.

Pero naghihintay pa rin si Rex na isang matinding role na mag-iiwan ng tatak sa mga manonood.

Matindi na ang mga eksenang ginawa ni Rex sa Love at the End of the World at hindi raw niya alam kung kaya niya itong tapatan o kaya ay higitan.

Pero pwede naman daw pag-usapan kung may sexy scene na kailangan gawin. Ang importante lang ay ‘yung may tiwala siya sa director that the scene will be done in good taste.

(RICKY CALDERON)

ABA, pasabog ang sexy pictures na ipinost ni Andrea Torres sa kanyang Instagram account.     

Napaka-sexy naman talaga ni Andrea sa kanyang one piece swimsuit pero halos kitang-kita naman ang kanyang flawless skin, pati ang kanyang buttocks or backside. At habang may hawak itong buco.

Obviously, sa shooting ng pelikula niyang Pasional sa Coron, Palawan kuha ang picture ni Andrea na may hawak-hawak na buko habang nasa tabi ng isang coconut tree.

Puro tuloy, “Ang ganda mo!”

“Grabe naman!”

“Ang sexy mo!”

At mga fire emojis ang comment sa Instagram photos na ito ni Andrea ha.

***

GANAP na ina na ang beauty queen/Kapuso actress na si Winwyn Marquez.

      Walang ibang detalyeng inilagay si Winwyn sa kanyang Instagram post kunsaan, pinost niya ang picture ng bagong silang niyang baby girl.

Ipinakilala lang ni Winwyn ang kanyang baby girl na pinangalanan niyang Luna Teresita Rayn.  Obviously, ang second name ng kanyang baby ay galing sa same real name niya na Teresita Ssen. Hindi rin nilagay ni Winwyn ang surname ng baby niya.

At until now nga, wala pa rin naman kasing pa-face reveal si Winwyn sa ama ng anak.

Side profile ng kanyang baby ang picture na ipinost niya at sa kitang-kita na prominent na matangos na ang ilong ni baby.

Sa bagong nanay ngayong Mother’s Day, congratulations!

***

KAHIT na kasalukuyan pa rin na nagdadalamhati dahil sa pagpanaw ng panganay na kapatid nina Rica at Paula Peralejo na nasa U.S., isa pa rin si Rica sa pumupunta sa mga campaign rally ng pinaniniwalaan niyang dapat na next President ng bansa, si VP Leni Robredo.

Kilala namin ang magkakapatid na Peralejo kaya alam namin kung gaano ang lungkot ng bawat isa sa kanila sa pagpanaw na ito ni Ate Jo (Peralejo-Madirelejos), pero ayon kay Rica, alam daw kasi niya na kung may gusto man ang ate niya na gawin niya ngayon, ito ay mag-attend siya ng rally at tumindig.

Aniya, “Nag-iisip ako. Kasi hindi ko talaga alam if kaya ko na lumabas. Yung magpe–perform sa labas simula mawala ate ko.  Pero pumayag ako nung maisip ko, if may gusto si ate na gawin ko, rally yun. Yung tumindig yun.

     “Ang sabi ko din, makikita ko si Nikki (Valdes) at Jolina (Magdangal). Mayakap ko lang sila baka sumaya naman ako.”

Pero hindi raw inaakala ni Rica na si Senator Kiko Pangilinan na siyang sinusuportahan naman niya sa pagka-Vice President ay maaalala pa siya at magko-condolence sa kanya sabay yakap.

Sabi ni Rica, “Kuya, napakarami mong iniisip, ginagawa, pero talagang ‘di mo ito nakalimutan.  Tama nga ang kapatid ko na ang emphaty nya ay sobrang taas.

“Kaya itataas ko rin talaga naman yung kamay niya, kasi yung empathy na yan ay di lamang sakin kung hindi sa lahat ng sineserbisyuhan nya sa bayan.”

Muntik na raw siyang mag-breakdown nang mag-condolence ito sa kanya at yakapin siya sa gitna ng pagiging sobrang abala nito ngayon.

(ROSE GARCIA)