THANKFUL and feeling blessed si Kapuso actress Beauty Gonzalez, na simula nang lumipat siya sa GMA Network, sunud-sunod at iba-iba ang mga characters that she is playing.

First project niya ang romantic-drama series na Loving Miss Bridgette with Kelvin Miranda. Nasundan agad ito ng I Can See You: AlterNate, katambal si Kapuso Primetime King Dingdong Dantes who played a dual role.

Ngayon, patapos na ang lock-in taping ng third teleserye niya, ang The Fake Life, at doon na nag-celebrate ng birthday niya last Saturday, May 28.

“Mas matindi po ang character kong ginagampanan dito na talagang pinaghandaan ko, nagpagupit ako ng bangs para iba naman ang mapapanood sa akin nga mga viewers,” kuwento ni Beauty sa zoom mediacon.

“Marupok na malandi ang character ko rito, at salamat kay Direk Adolf Alix, Jr., na-execute ko ang character ko. First time ko lamang nakatrabaho ang mahuhusay na actors na sina Ariel Rivera at Sid Lucero, si Ms. Tetchie Agbayani, gayundin ang ilan sa mga new Sparkles artists ng GMA.”

Inihayag na rin ni Beauty na six years na lamang siya sa showbiz. Promise daw niya iyon sa kanilang only daughter, si Olivia, ng husband niyang art curator na si Norman Crisologo.

“She’s now six years old at madalas ang daddy niya ang kasama at nag-aalaga sa kanya kapag may work ako, lalo ngayon, na lagi akong may lock-in taping. Kapag teenager na siya, I really have to be back home na para alagaan sila at bond with them.”

Sa June 6 na ang world premiere ng The Fake Life at 4:15 pm, after Raising Mamay. Papalitan nila ang Artikulo 247 na finale na sa Friday, June 3 at excited na ang mga viewers, kung matutuloy na ang kasal nina Jane (Rhian Ramos) at Noah (Benjamin Alves) at liligaya na sila pagkatapos ng maraming paghihirap na inabot nila kay Klaire (Kris Bernal)?

Aabangan din kung sino pa ang susunod na paghihigantihan ni Klaire, at kung ano ang kanyang magiging katapusan.

***

LABIS naman ang pasasalamat ng GMA Network at ang buong cast ng Afternoon Prime series na Apoy sa Langit, na tinutukan ng mga televiewers, Mondays to Saturdays, right after Eat Bulaga.

Tampok sa serye sina Zoren Legaspi, Mikee Quintos, Dave Bornea, Lianne Valentin, at si Ms. Maricel Laxa-Pangilinan.

It seems naghihintay ang mga netizens kung kailan mahuhuli sina Cesar (Zoren) at Stella (Lianne) na pagpapanggap na mag-ama, pero ang totoo ay lovers sila, kaya araw -araw ay tumataas ang viewership nito. Kailan lamang sila nagsimulang mapanood pero umaabot na sa 9 million views ang episode at malamang papataas pa ito.

Ang hinihintay ng mga netizens, kailan paniniwalaan ni Gemma (Maricel) na tama ang sinasabi ng anak na si Ning (Mikee) na may babae si Cesar? Paano kung malaman niyang si Stella iyon na itinuturing niyang sister dahil sa kabaitang ipinakikita nito?

***

MATAGAL-TAGAL na rin, simula ng pandemic, na ibinalik muna ng GMA Network ang simula ng story ng family sitcom na Pepito Manaloto na nagkukuwento lamang sina Michael V at Manilyn Reynes ng story nila, at ginampanan ito nina Sef Cadayona as Pepito at Mikee Quintos as Elsa. Kasama sina Pokwang, Gladys Reyes, Archie Alemania, Pekto at Kokoy de Santos.

Naapektuhan din ang story nila dahil sa mga health protocols na hindi pwedeng mag-taping kung wala pang 15 years old ang artistang gaganap sa role. Fourteen years old pa lamang noon si Angel Satsumi na gumaganap na Clarissa, ang bunsong anak nina Bitoy at Elsa.

Ngayon, Angel has turned 16 years old na, kaya malapit na ang muling pagbabalik ng paborito ninyong pamilya Manaloto every Saturday, 6:15 pm sa GMA-7.

(NORA V. CALDERON)

WALANG balak na gayahin ni Aljur Abrenica ang mga baguhang artista na walang takot na magbuyangyang ng kanilang private part sa mga pelikulang ginawa.

Wala raw kasing dahilan magpakita ng kanyang hinaharap sa pelikula kaya it’s a big no no muna para mag-frontal nudity.

Tsika nga ng bida ng Revelations, “sa sarili ko lang ito ha, may napapanood akong sobrang sexy pero hindi naman kailangan. For the sake of lang daw. May mga tao para dun. Ako, sa ngayon, hindi pa!”

Dagdag pa ng aktor, “Wala pa naman akong ganun, wala naman akong restrictions diyan as long as the story demands it.

“Hindi naman sa hindi kaya. Hindi sa hindi ko nakikita ang sarili ko. If nasa story talaga na kailangang gawin ‘yun, hindi ko isinasara ang possibility. Basta nakita ko sa script na, ‘Uy! Kailangang ipakita ko yung t*** ko dito, gagawin ko.”

Busy si Aljur sa shooting ng pelikulang Revelations kasama si Jelai Andres, Vin Abrenica at Ana Jalandoni mula sa produksiyon ni Kate Javier at sa direksiyon ni Ray Ann Dulay.

***

NAGING matagumpay ang grand launching ng Aspire Magazine Philippines kung saan cover boy ang Supremo ng Dance Floor na si Klinton Start at Aspire Magazine Global na cover girl si Marianne Besmundo na ginanap kamakailan sa Matrix Event Centre Quezon City.

Kasabay ng nasabing launching ang pagbibigay ng award sa mga inspiring personalities mula sa iba’t-ibang sektor ng lipunan sa pangunguna nina Parañaque District 1 Councilor Jomari Yllana, Abbby Viduya, Zyrill Jacinto, Rodell Salvador, Jillian De Guzman,Winchelle De Castro,Jorick Limpag, Lovanne Lubaton Gallo, Shelle Hunt, Doc. Jen Ortiz, Doc. Paul Ortiz, Doc Annaliza Boras, Brenda Domato, John Fontanilla, Dennis A. Nietes- Nix Dhe, Brenda Domato, Djhoana M. Rington, Arlene Poyaoan Galvez, Priclla Estadola Dacoco, Jerry Lowigie S. Cac, Princess Hyacinth Maralit, Maria Coleen Macabuhay, Leah Chua, Ryan Straw, Reymart Cris E. Trawon, Gerald Dangca,
Robert Flavius E. Dulce, Trevor Catacalan, Jolie Navia, Russel Navia, Laiza Hortaleza, and Elsie Delos Reyes.

Pinutungan din ng korona ang 2022 Aspire Royalties sa pangunguna nina Klinton Start at Ysabella Alberto (ASPIRE KING AND QUEEN ADULT), Marianne Bermundo and Jeremy Peter (ASPIRE QUEEN PRE-ADULT AND ASPIRE KING OF WATER), Princess Lia and Rajan Paguion ( ASPIRE QUEEN TEENS AND ASPIRE KING OF FIRE ), Alexa Lalamunan (ASPIRE QUEEN PRE TEENS), Marcene Bermundo (ASPIRE QUEEN KIDS), Jerviz Baleon (ASPIRE KING OF EARTH), Jan Evan Gaupo (ASPIRE KING OF AIR), Christian Collado ( ASPIRE KING OF JADE), Sammie Al-Ajarmeh (ASPIRE KING PRE-TEENS) and Lance Vladimir (ASPIRE KING KIDS).

(JOHN FONTANILLA)

SI Angeli Khang ay isa sa itinuturing na superstar sa digital platform na Vivamax.

Most of her movies sa Vivamax ay maraming views. Wala rin naman kasing kaba itong si Angeli pagdating sa hubaran, tulad ng latest movie nya titled Pusoy.

Kumbaga sa larong Pusoy, laging bwenas sa si Angeli sa kanyang nga baraha. Palaban sa mga maiinit na eksena si Angeli. Kaya siguro paborito siya ng maraming director sa Vivamax.

Kahit na dalawang leading lady sila ni Jenelle Tee dito sa Pusoy, hindi naman nagpatalbog si Angeli sa kanyang hot na co-star na wala rin takot sa paggawa ng sexy scenes.

Parehong may maiinit na eksena si Angeli sa mga leading man nila na sina Baron Geisler at Vince Rillon.

***

PALABAS na sa Rex Lantano channel sa YouTube ang latest movie ng indie actor na si Rex Lantano titled Papa What Is Love?

Si Rex ang isa sa producers ng feel good rom-com movie na ito at aminado na medyo kabado sila na sa YouTube channel niya ito inilagay na wala pang masyadong subscribers.

“In a way, parang sugal ito sa amin na doon ipalabas ang BL series. Pero our goal is palakasin ang channel para ang next movies namin ay doon rin namin ilalagay. Yun ang magiging outlet namin,” sabi ni Rex nang makausap naming over lunch last Saturday.

Ang last BL movie ni Rex titled Love at the End of the World ay ipinalabas sa Gagaoolala Channel, na isang malaking platform. Pero nakita rin nina Rex and his director Shandii Bacolod ang potential ng YouTube to attract viewers.

Two episodes na ng Papa What Is Love? ang naipalabas at dumarami naman ang views ng series every day. Kaya subscribe na sa YouTube channel ni Rex for more viewing pleasure.

***

Confident ang rising balladeer na si Arthur Nery na ready na siya to perform sa kanyang first major solo concert.

Simply titled “Arthur Nery,” ang concert ay gagawin sa July 2, 2022 at the New Frontier Theater.

Nakilala si Arthur via his hit song “Pagsamo” na released last year. Naging very popular ito na naging theme song ng VivaMax movie na My Husband, My Lover.

As of now ay may over 200 million streams na kanta sa Spotify, Apple Music at YouTube.

Unang nakilala si Arthur sa mainstream three years ago sa solo album niya na “Letters Never Sent” kung saan tampok ang breakout hit niyang “Higa.” Nakilala din ang ibang songs sa album na “Binhi’ at “Life Puzzle.” ng

But it was in 2020 nang makilala si Arthur sa hit singles niyang “Happy w U” at “Take All The Love” last year.

Nag-produced din siya ng hit collaborations with Janine Tenoso, ang kilig hit na “Pelikula.”

Arthur has also produced hit collaborations with other OPM artists including his duet with Janine Teñoso, fan-fave and kilig hit “Pelikula” in 2021.

Certified hit na rin ang latest single niya titled “Isa Lang” na naging top Pinoy pop song sa Spotify’s local pop charts.

Sold out na ang SVIP at Loge seats sa unang concert ni Arthur. Naniniwala ang Viva Live na magiging fully sold outing ticket kaya nanawagan sila sa fans ni Arthur na umagap ng tiket.

Ticket prices for the “Arthur Nery” concert ranges from Php 4,000 for the SVIP seats (that includes a Meet & Greet—SOLD OUT), VIP seating for Php3,000, Orchestra at Php2,000, Loge at Php1,500 (SOLD OUT), and Balcony at Php750.

For ticket inquiries call VIVA (0917) 182-5560 or Ticketnet (02) 8911-5555.

(RICKY CALDERON)