2022 July 19 Archive - People's Balita

July 3, 2024
Search in People's Balita
Ang Diyaryong Pinagkakatiwalaan

Archive for July 19th, 2022

P37-P50/litro ng petrolyo, hirit

Posted on: July 19th, 2022 by @peoplesbalita No Comments

UMAPELA ang transport group sa pamahalaan na umaksiyon upang mapababa pa ang presyo ng mga produktong petrolyo sa bansa ng mula P37 hanggang P50.

Ayon kay Pinagka-Isang Samahan ng mga Tsuper at Opereytor Nationwide (PISTON) national president Mody Floranda, ikinatutuwa nila ang nakaambang na panibagong round ng bawas sa presyo ng mga petroleum products ngunit mas mainam anila kung higit pa itong mapapababa ng gobyerno sa P37-P50.

Bukod dito, nais din ng grupo na pahintulutan na ng gobyerno ang mas marami pang public utility vehicles (PUVs) na mag-operate kasunod na rin nang nakatakda nang pagbubukas muli ng klase sa susunod na buwan.

“Kahit papaano ay madaragdagan na ang kita niyan at makakapagpagawa tayo ng ating sasakyan. Lalo na sa ngayon na batay sa gobyerno ay sa darating na August 22, ay mag-o-open classes na kaya mas kailangan talaga ng malaking public transport para doon sa tuluy-tuloy na pagse-serbisyo sa ating mamamayan,” ani Floranda.

Sa pagtaya ng ilang oil industry sources, posibleng mabawasan pa ang presyo ng diesel ng P1.70 hanggang P1.90 kada litro ngayong darating na linggo habang ang presyo naman ng gasolina ay maaaring mabawasan ng P4.70 hanggang P4.90 kada litro.

Ani Floranda, dapat na respetuhin at kilalanin ni Pangulong Bongbong Marcos ang lehitimong prangkisa ng mga pampublikong transportasyon upang tuluy-tuloy na silang makapagserbisyo sa mga mamamayan, partikular na sa mga estudyante na magbabalik-eskwela na.

Una nang itinakda ng Department of Education (DepEd) sa Agosto 22, 2022 hanggang Hulyo 7, 2023 ang School Year 2022-2023.

Ang implementasyon naman ng full face-to-face classes ay magsisimula na sa Nobyembre 2, 2022. (Ara Romero)

SSS naipamahagi na ang mahigit P1-T sa mga miyembro at benipisaryo

Posted on: July 19th, 2022 by @peoplesbalita No Comments

AABOT sa halos P1.1 trillion na ang naipamahagi ng Social Security System (SSS) sa kanilang mga miyembro, pensioners at mga beneficiaries mula 2016 at 2021.

Ayon kay SSS President at CEO Michael Regino, na ang nasabing halaga ay halos doble sa naipamahagi nila mula 2010 hanggang 2015 na aabot sa P549.59 bilyon.

Itinuturong dahilan ni Regino kaya tumaas ang ansabing bilang ng mga naipamahagi na halaga ay dahil sa mga pagbabago na kanilang ipinatupad.

Ilan sa dito ay ‘yung pagbibigay ng dagdag na P1,000 na benepisyo sa mga pensioners mula 2017 ganun din ang pinalawig ng Maternity Leave ang pagpapalawig din ng SSS mandatory coverage sa mga Overseas Filipino Workers at maraming iba pa.

Pagtitiyak nito na mayroon pang ibang mga programa ang nakatakda nilang ipatupad sa mga susunod na araw. (Daris Jose)

Walang kupas at first time makita nina Andres at Atasha: CHARLENE, muling pinamalas ang husay sa pagsasayaw at hinahamon si AGA

Posted on: July 19th, 2022 by @peoplesbalita No Comments

KAALIW at marami talaga ang natuwa sa IG post si Charlene Gonzalez-Muhlach na kung saan muling pinamalas ang galing niya sa pagsasayaw at hindi pa rin kumukupas paglipas ng maraming taon.

Caption ng iconic dancing queen, “Have not danced in years. It was such a pleasure to do an impromptu dance & reunite with my dance partner from Eezy dancing & Keep on dancing, Albert Dimarucut.”

Pagpapatuloy pa ng mommy nina Andres at Atasha, “So much fun memories I miss dancing, my VIP family & Maribeth Bichara. Who taught me everything I know about dancing.

“First time as well for my kids to see me dance live. It was such a special Day…”

Dagdag pa niya, “Just sharing my happiness with you all. Keep on Dancing everyone. Much love always.”

Comment naman ang guwapo pa ring asawa ni Charlene na si Aga Muhlach, “Yaaaaz!!!!!! you challenging me my love??? Hahahaha.”

Na sinagot naman niya ng, “@agamuhlach317 yes B. Let’s dance, he he.”

Alam naman natin noong kabataan ng busy pa ring aktor, na ang husay din nitong sumayaw. Kaya mukhang kaabang-abang ang magiging showdown nilang mag-asawa sa pagsasayaw.

Samantala, pinusuan at aliw na aliw nga ang mga celebrity friends niya at mga followers, na halos isa-isang niyang nireplayan. Napa-throwback talaga ang karamihan at inalala ang mga episodes ng “Eezy Dancing” at “Keep On Dancing”, na kung saan tumatak talaga sa viewers ang husay pagsasayaw ni Charlene.

Hindi naman nakalimutang i-promote ni Charlene ang movie series ni Aga, ang “Suntok sa Buwan” na nag-premiere na kagabi sa TV5, na kung saan kasama sina Elijah Canlas, Albie Casino at Maris Racal.

Mukhang promising naman ang naturang serye na produced ng Project 8 Projects at Cignal Entertainment, na literal na ‘suntok sa buwan’ ang pagbangga sa mga news program ng GMA-7 at Kapamilya Channel.

(ROHN ROMULO)

DWAYNE JOHNSON, KEVIN HART, KEANU REEVES LEAD VOICE CAST OF “DC LEAGUE OF SUPER-PETS”

Posted on: July 19th, 2022 by @peoplesbalita No Comments

Uniting the unsung heroes of the DC canon, Krypto and Ace, “DC League of Super-Pets” is a funny and fun-filled, action-packed adventure that boasts a terrific combination of two of everyone’s favorite things: pets and DC Super Heroes!

[Watch the film’s trailer at https://youtu.be/qkUfjLEh4oY]

In “DC League of Super-Pets,” Krypto the Super-Dog and Superman are inseparable best friends, sharing the same superpowers and fighting crime in Metropolis side by side. When Superman and the rest of the Justice League are kidnapped, Krypto must convince a rag-tag shelter pack—Ace the hound, PB the potbellied pig, Merton the turtle and Chip the squirrel—to master their own newfound powers and help him rescue the Super Heroes.

In addition to bringing together some of the DC Universe’s biggest names, the film boasts a huge casting coup as well, with the one and only Dwayne Johnson as Krypto, together again with Kevin Hart as Ace—no dynamic duo plays off each other better and who but Johnson and Hart banter with such a biting wit?

Johnson, who also serves as a producer on the film under his Seven Bucks banner, observes, “When you think about the conceit of what this is, about the pets of these Super Heroes, and the fact it has never been done before in cinema history!? That is pretty remarkable, considering the genre of superheroes films as a whole. What kind of pets would your favorite DC Super-Heroes have, from Superman to Wonder Woman to Batman to Flash to Green Lantern? So, when I first heard the idea, I was in without hesitation, 100%. And when you think about the players—from Warner Bros. to DC, and the love that we at [our production company] Seven Bucks Productions have for the superhero genre and for animation as well—we jumped at the partnership and the opportunity.”

Hart’s Ace is the de facto leader of the shelter pack. The actor was drawn to the story right away, noting, “It’s a big movie with big characters. I feel like there are so many moments throughout the script where the verbiage on the page popped, and they put the right people into those positions and the material just blows you away—they did a great job casting. That’s what you want on a movie like this—to be part of an amazing ensemble that feels special. You really feel, ‘Hey, we got something here.’”

The ensemble that the filmmakers assembled to voice the four-legged reluctant heroes and delightfully villainous baddies featured in the film include Vanessa Bayer as potbellied pig PB, Diego Luna as scaredy squirrel Chip, Natasha Lyonne as vision-impaired turtle Merton, Kate McKinnon as evil genius guinea pig Lulu, with Lulu’s main mutant guinea pig recruits, Keith and Mark, voiced by Thomas Middleditch and Ben Schwartz.

For the film’s two-legged heroes, John Krasinski voices Krypto’s bestie and Metropolis’s own Clark Kent, aka Superman, and Olivia Wilde is the voice of his sweetheart, Daily Planet reporter Lois Lane. The Justice League members seen and heard in the film are Batman, voiced by Keanu Reeves; Wonder Woman, by Jameela Jamil; Aquaman, by Jemaine Clement; The Flash by John Early; Green Lantern by Dascha Polanco; and Cyborg by Daveed Diggs.

“In an animated movie, the most important thing is that the actor’s voice is the perfect voice for the character, but we got lucky that they also happened to be huge movie stars,” director Jared Stern smiles.

Amidst all the high-flying action and adventure, the film also touches on the importance of friendship and family—and emphasizes that anyone’s real superpower, no matter how many legs you stand on, is being true to yourself.

“DC League of Super-Pets” will be released by Warner Bros. Pictures in Philippine theaters July 27. Join the conversation online and use the hashtag #DCSuperPets

(ROHN ROMULO)

Dating Finance Secretary Roberto de Ocampo, kumbinsidong hindi natutulog sa pansitan ang administrasyong Marcos para mapalakas ang ekonomiya

Posted on: July 19th, 2022 by @peoplesbalita No Comments

KUMBINSIDO si dating Department of Finance (DoF) Secretary Roberto de Ocampo na may ginagawang mga hakbang si Pangulong Ferdinand Marcos Jr. para maging malakas at tuloy- tuloy ang takbo ng ekonomiya ng bansa.

Sinabi ni de Ocampo, nakikita niyang nagsusumikap ang administrasyong Marcos para matiyak na may trabaho ang mga tao habang naghahanap din ito ng remedyo upang ang presyo ng bilihin at presyo ng krudo ay hindi naman masyadong tumaas.

“Sa pangkat naman ng administrasyon, gumagawa po sila ng ilang hakbang upang ang ekonomiya ay tuluy-tuloy pa ring sumulong at magkaroon ng hanapbuhay ang ating mga mamamayan at naghahanap sila ng mga remedyo upang iyong supply ng mga bilihin at ang presyo ng bilihin at presyo ng krudo ay hindi naman masyadong tumaas,’ ayon kay de Ocampo.

“Kaya medyo umaapak din tayo sa preno tungkol sa ekonomiya ngunit hindi tayo umaapak sa preno nang tuluyan katulad ng Amerika sapagkat mas malala ang sitwasyon nila doon at hindi bagay sa atin na kopyahin natin ang ginagawa nila. Ito po ay parang pagtitimpla na katamtaman at tamang pagsulong ng ekonomiya at ang pagsipsip ng sobrang piso sa ating ekonomiya. Hindi po madaling usapan, pero iyan po ang sitwasyon,” aniya pa rin.

Sa kasalukuyan, dalawang bagay ang ginagawa ring hakbang ng Bangko Sentral ng Pilipinas sa harap ng forecast ng mga eksperto na baka lumampas sa 6% ang inflation rate.

Isa na rito ayon kay de Ocampo ay kontrolin ang money supply o suplay ng piso sapagkat kapag sumobra din naman ito ay bababa ang halaga nito.

Sinabi pa nito na kung tutuusin ay mas malala ang sitwasyon sa Amerika at kung anuman aniya ang ginagawang hakbang ng US ay hindi naman natin dapat na kopyahin.

” Unang-una po, iyang inflation na nangyayari ngayon ay nagbubunga sa Amerika, hindi po nagbunga dito sa Pilipinas. At alam ninyo may kasabihan na kapag sinipon iyong Amerika, nagkakaroon ng pneumonia iyong ibang mas maliliit na bansa katulad natin. Eh ngayon hindi lang sinipon ang Amerika, na-pneumonia pa,” ayon kay de Ocampo.

“Aabot ba tayo nang mas mataas sa 6%? Sa palagay ko depende kung ano ang gagawin ng gobyerno para hindi naman umabot sa ganoon. Ang ginagawa po nila ay dalawa, mayroong ginagawa ang BSP upang kontrolin ang money supply, supply ng piso sapagkat kapag sumobra din naman iyan ay bababa ang halaga,” dagdag na pahayag nito. (Daris Jose)

Higit 300 Bulakenyong mangingisda at kooperatibang pangsaka, tumanggap ng ayuda mula sa DA, BFAR

Posted on: July 19th, 2022 by @peoplesbalita No Comments

LUNGSOD NG MALOLOS – May kabuuang 300 Bulakenyong mangingisda at 85 Farmers Cooperatives and Associations (FCAs) ang tumanggap ng ayuda mula sa Department of Agriculture (DA) at Bureau of Fisheries and Aquatic Resources (BFAR) katuwang ang Pamahalaang Panlalawigan ng Bulacan sa ginanap na “Distribution of Agricultural and Fisheries Interventions to Farmers and Fisherfolks” sa Bulacan Sports Complex, Brgy. Sta Isabel sa lungsod na ito kahapon.

Ayon sa Provincial Agriculture Office (PAO), umabot sa P35,963,322.48 milyong halaga ng mga kagamitang pangsaka at pangingisda ang ipinagkaloob sa mga benepisyaryo na nagmula sa mga bayan at lungsod sa Bulacan maliban sa bayan ng Paombong.

Pinangunahan nina DA Regional Technical Director Dr. Eduardo L. Lapuz, Jr., BFAR Regional Director Wilfredo Cruz, Gob. Daniel R. Fernando at Bise Gob. Alexis C. Castro ang pamamahagi ng ayuda kabilang na ang tulong para sa Agricultural and Biosystems Engineering na 14 shallow tube well; apat na warehouse with mobile mechanical dryer; tatlong four-wheel drive tractor; tatlong rice combine harvester at tatlong Solar Powered Fertigation Systems (SPFS-8) para sa may 27 FCAs.

Para naman sa programa ng High Value Commercial Crops, nakapagkaloob ng 100 knapsack sprayers para sa 50 FCAs at 180 kgs na assorted vegetable seeds para sa apat na FCAs.

Gayundin, nagpamahagi para sa Fisheries Program ng 170 rolls ng gillnets with accessories sa 170 na mangingisda; 120 rolls ng multifilament PE net (black net) sa 120 mangingisda; limang marine engine para sa limang mangingisda; limang fish vending equipment (tri-bike) para sa limang mangingisda; tatlong smokehouse package para sa tatlong FCAs; at isang smokehouse para sa isang FCA.

“Kaisa po ang inyong lingkod sa adhikaing mapalakas ang sektor ng agrikultura sa ating lalawigan at patunay po nito ang tuluy-tuloy na pamamahagi natin ng makabagong farming technology at agricultural machineries upang mapanatili natin ang sapat na supply ng pagkain sa ating lalawigan at bansa. Tungo rito, nais ko ring pasalamatan ang PAO, DA RFO 3, at DA-BFAR Region 3 para sa makabuluhang programa. Malaki po ang papel ng mga magsasaka at mangingisda sa paglalatag ng pundasyon ng matatag na ekonomiya. Sila po ay maituturing na mga bayaning sumisiguro na mayroong sapat na pagkain sa ating pamayanan,” ani Fernando.

Ibinida rin ni Fernando ang ilan pang programa para sa mga magsasaka at mangingisda kabilang ang malapit ng matapos na Bulacan Farmers Training Center, pagkakaloob ng mga pataba at pagpaparami ng mga alagang hayop.

Samantala, tumanggap din ng sertipiko ng pagkilala ang Lalawigan ng Bulacan sa pangunguna ni Fernando mula sa DA Regional Field Office 3 dahil sa mahusay na programa ng probinsiya sa larangan ng high-value commercial crops.