STARTING tonight, July 29, muling panoorin ang modern fairytale nina President Glenn Acosta (Gabby Concepcion) and Nanny Melody Reyes (Sanya Lopez), ang top-rating romantic comedy series na “The First Nanny” sa Netflix Philippines, produced by GMA Entertainment Group.
Nagbahagi naman si Sanya nang ma-interview siya tungkol sa pagpapalabas ng “The First Nanny” sa Netflix Philippines, nagpasalamat siya sa dalawang seryeng ginawa niya dahil may ‘pinuntahan’ daw ang kinita niya roon.
“Nang gawin ko po ang “First Yaya,” may bahay na ako, pero hindi ko alam kung saan ako kukuha ng ipambabayad sa bahay. Kaya ang kinita ko po sa “First Yaya” ang naipambayad ko sa bahay at nang masundan ito ng “First Lady,” ang kinita ko naman po roon ay ipinambili ko ng lupa.
“Mahalaga po sa akin na makapagpundar ng gamit mula sa pinaghirapan ko, na lahat ng mga nagawa ko, mayroong mapupuntahan. Nai-inspire po kasi ako, nakakadagdag-inspirasyon na nakikita ko ang resulta ng mga pinaghirapan ko.”
Ngumiti lamang at hindi sumagot si Sanya nang tanungin kung totoong sa susunod niyang project sa GMA, hindi isang Kapuso ang magiging leading man niya.
(NORA V. CALDERON)