MATAPOS  ang malawakang pinsala ng bagyong Paeng sa buong bansa, nagpaabot ng “cash aid” ang Caritas Manila, ang social arm ng Archdiocese of Manila sa Luzon, Visayas at Mindanao na lubhang nasalanta ng bagyo.

Nagbigay ng paunang tulong 500, 000 pisong cash ang Caritas Manila sa Archdiocese of Cotabato na matinding nasalanta ng bagyong Paeng kung saan halos 70-katao ang nasawi.

Para tugunan ang pangangailangan ng mga biktima ng bagyo, nagpadala ang Caritas Manila ng 200,000 pisong cash aid sa Social Action Center ng Diocese of Antique kung saan naapektuhan ng baha ang bayan ng San Jose de Buenavista, Sibalom, Hamtic, Patnongon,Laua-an, Belison,Bugasong, San Remegio,Tibiao,Valderama,Tobias Fornier.

Sa ulat ng Antique Provincial Disaster Risk Reduction Office, 7,506 na pamilya o 30,328 na indibidwal ang naapektuhan ng bagyo.

200,000 pisong cash aid din ang ibinigay ng Caritas Manila sa Archdiocese of Capiz Social Action Center at 200,000 piso din sa Diocese of Kalibo sa lalawigan ng Aklan.

Bukod sa cash aid, nagpadala din ang Caritas Manila ng “in kind relief response sa Diocese  Of Antipolo na 269 manna pack nagkakahalaga ng (₱269k), Diocese of San Pablo Laguna 340 manna pack (₱340k).

Umabot sa kabuuang sa P1,709,000 pesos ang (Cash & Inkind) assistance ang ibinigay ng Caritas Manila

Inihahanda na rin ng Caritas Manila ang ipapadalang tulong sa mga lalawigan sa Luzon na hinagupit ng bagyo.

Upang mapalawak pa ang pagtulong, kumakatok ang Caritas Manila sa butihing puso ng mga Pilipino na magdonate sa social arm ng Archdiocese of Manila sa pagbangon ng mga nasalanta ng bagyong Paeng sa buong bansa.

Nauna rito, nanawagan si Manila Archbishop Archbishop Jose Cardinal Advincula sa mamamayan na pairalin ang ugaling pagkawanggawa sa mga naapektuhan ng kalimidad.

PINUNA ng grupong GABRIELA ang pagiging “missing-in-action” ni Marcos Jr. at tinawag siyang “ghoster” ngayong palapit na ang Undas kung saan sinalanta ng bagyong Paeng ang bansa habang minumulto ng nagtataasang presyo ng bilihin at bayarin ang mamamayan.

“Nasaan ba talaga ang pangulo? Ang ibig-sabihin yata ng PBBM ay President Bong Bong Missing-in-action! Palpak na nga, hindi pa mahagilap sa gitna ng krisis at sakuna – numero unong ghoster!” saad ni Clarice Palce, Secretary-General ng GABRIELA, ang pinakamalawak na organisasyon ng kababaihan sa bansa.

Ayon pa sa GABRIELA, sa kabila ng napakaraming Pilipinong nasawi at nawalan ng kabuhayan sa iba’t ibang panig ng bansa dahil sa bagyong Paeng, nananatiling inutil at pabaya ang administrasyong Marcos sa pagharap dito.

Dagdag pa ni Palce, “Malapit na ang Araw ng mga Patay pero araw-araw nang kalbaryo nating mga Pilipino ang napakamahal na bilihin at bayarin. Matagal na tayong pinapatay ng kapabayaan at kawalang pakialam ng gobyerno sa lumalalang kahirapan sa bansa.”

Nanawagan ang GABRIELA sa kababaihan at mamamayan na kalampagin ang administrasyong Marcos na seryoso at kongkretong aksyunan ang lumulubhang krisis sa ekonomiya at tumitinding sakuna sa bansa.  (GABRIELA Alliance of Women)

ALINSUNOD sa naging direktiba ni Pangulong  Ferdinand R. Marcos Jr. na ipamahagi ang mga lupain  ng libre at paigtingin ang probisyon ng “support services” sa mga magsasaka, pinangunahan ni Agrarian Reform Secretary Conrado Estrella III ang 150th meeting ng Presidential Agrarian Reform Council Executive Committee (PARC ExCom), araw ng Biyernes, Oktubre 28.

“I was tasked by the President, being the Vice-Chairman of the PARC, to convene this very important meeting, to use the remaining PHP10 billion of the Agrarian Reform Fund (ARF) to realize his dignified goals for our farmers,” ayon kay Estrella.

Sa nasabing pulong, naipahiwatig nito ang determinasyon na i-adopt ang rekumendasyon ng Pangulo para sa pagpapalabas at utilization ng P10 billion mula sa  ARF balance,  na gagamitin para sa:

• Landowners compensation, na may halagang P1.4-bilyong piso para sa documented landholdings na may pending claims na “due for payment” ;
• Support services budget, na may P7.85-bilyon para sa implementasyon ng mga proyekto kabilang na ang agri-extension services, pamamahagi ng farm input support at farm machineries sa agrarian reform beneficiaries, infrastructure development at public works projects;
• Karagdagang P500 milyon para sa administrative at operating expenses na kailangan para sa implementasyon ng mga nasabing components ng agrarian reform program; at
• Institutional human resources para sa capacity development programs, P250 milyon para bigyang kapangyarihan at paghusayin pa ang kakayahan ng departamento para sa epektibong implementasyon.

Sa nasabing pulong, sinabi ni  Estrella na nangako  ang mga miyembro ng  Dalawang Kapulungan ng Kongreso sa Pangulo na ipapasa ng mga ito ang  “New Emancipation Act”  para sa mga landless farmers ngayong Disyembre.

“This bill would enable the Department of Agrarian Reform (DAR) to distribute free lands to the farmers,” aniya pa rin.

Makalilikha aniya ito ng malakas na  impact sa mga  magsasaka kasama ang pinaigting na probisyon na kinakailangang   support services upang ang kanilang lupain ay maging mas produktibo para makalikha ng maraming kita.

“I believe that this is a historic executive meeting because this gathering will not just improve the lives of the farmers, but it will also have a beneficial effect in our agricultural sector,” wika nito. (Daris Jose)