SA exclusive interview ng ABS-CBN News, buong tapang na sinagot ni Liza Soberano ang mga namba-bash sa kanya na tinawag siyang “ungrateful”, “ingrata”, “walang utang na loob” at kung ano-ano pa.

After nga ito nang ilabas niya ang YouTube vlog kung saan nagbahagi siya ng mga saloobin at pananaw sa 13-year showbiz career sa ABS-CBN hanggang sa mag-decide lumipat sa management company ni James Reid na Careless Music.

“I feel like a lot of people have mixed reactions towards my vlog, but I’m speaking for my experiences and I will reiterate that I am truly grateful for everything that I had and everything that I had experienced, everything that I have achieved in life,” say ni Liza.

“And I acknowledge that I wouldn’t have any of that if everybody along the way wasn’t there with me.

Ipinagdiinan din ni Liza na wala siyang pinagsisisihan sa mahigit isang dekada niya sa bakuran ng Kapamilya Network.

Nakita at napanood din niya ang video na in-upload ng kanyang dating manager na si Ogie Diaz at sumang-ayon naman siya sa lahat ng sinabi nito, maliban lang tungkol sa screen name na “Liza” at yun ang nais niyang linawin.
“When I mentioned that in my vlog, that was more of me just stating a fact. I never mentioned that I didn’t like the name ‘Liza Soberano’ or that I wasn’t proud of it.

“It’s just the fact that I wasn’t the one who chose my name because that’s one thing that a lot of people don’t know about me.

Dagdag mensahe pa ng aktres sa dating manager, “I want to tell him that I’m very grateful for everything that he has contributed to me, personally and to my career. And I will always be grateful for that.”

Nag-top trending topic nga si Liza sa social media noong mga nakaraang araw na kung saan tinawag siya ng kung anu-anong masasakit na salita

Kaya ang naging tugon niya tungkol dito, “I guess my video was really up for other people’s interpretation but I know my piece and I am very grateful.

“I’ve never felt to express that I feel like before, even before I decided to sign for a new management company, I was always there for everybody who has helped me along the way and my journey. And even before, the number one thing I would always say to everyone is thank you, truly grateful.

“And that has not changed until now. I’m not upset about anything, I’m just stating facts, things I’ve experienced, things I’ve been through. And how I am moving forward for that.”

Pwede pa rin daw siyang tawagin na “Liza” at ‘yun pa rin ang dadalhin niya na screen name.

Sa ngayon ay wala pang projects na naka-line up dito sa Manila, dahil nakatutok daw ang kanyang Careless team sa pagbuo ng kanyang career sa Hollywood.

Pero meron daw siyang hinahanda para sa natitirang Pinoy fans at ‘di bumitaw sa kabila ng kontrobersya, at malapit na itong ipalabas.

Nilinaw din ni Liza ang tsikang lilipat na siya sa Los Angeles for good. Dahil ang totoo, naghahanap lang siya ng matutuluyan tuwing nandoon siya para i-pursue ang kanyang Hollywood career.

(ROHN ROMULO)

KINUWENTO ng Introvoys member na si Paco Arespacochaga ang naging buhay niya sa Amerika noong magdesisyon siyang iwan ang Pilipinas noong 2001.

Sa programang ‘Magandang Buhay’ ay ni-reveal ni Paco na hindi natuloy ang dapat na pagtrabaho niya sa isang international record label dahil wala siyang mga legal documents. Dahil sa kahihiyan ay tinuloy na lang ang mamuhay sa Amerika.

“Pupunta na ako sa States para mag-work dito sa international record label. Pagdating ko roon nag-sign na ako ng form, ipinatawag ako ng HR kasi sabi nila, ‘We need your US social security number.’ Sabi ko, ‘I only have my Filipino social security SSS.’ ‘Are you a citizen or green card holder?’ Sabi ko ‘No, I am a tourist.’

“Nakita ko na ‘yung mukha nag-iba. In other words, hindi ako natanggap, hindi ako eligible to work. Pero na-announce ko na sa Pilipinas na successful ako, ayaw ko bumalik. So diniretso ko na, wala sa intensiyon ko na iwanan ang career para gawin ‘yung ginawa ko sa Amerika,” kuwento ni Paco.

Nilunok ni Paco ang kanyang pride at tumanggap ng kung anu-anong trabaho para maka-survive sa Amerika.

“Naging kargador ako roon kasi hindi ako natanggap sa label. Ang ginawa ko ayaw ko umuwi, so nagtrabaho ako as kargador for a beauty warehouse. Tapos noon nagtrabaho ako sa electronic store. Sa electronic store naging kahero ako roon.

“Sa beauty warehouse hindi ko makakalimutan ‘yun jetlag ako umiiyak ako dahil sabi ng manager ko, ‘dati napapanood kita sa TV ngayon tauhan kita.’ So kailangan kong kainin ang pride na ‘yon, nilamon ko ‘yung pride na ‘yon talaga.

“Doon sa electronic store naman, six hours kahero, one hour taga-collect ka ng push carts, isang oras taga-linis ka ng bathroom at taga-balik ng product. Habang naglilinis ako ng bathroom, may mga Pinoy nakita ‘yung name tag ko.

“Sabi, ‘oh si Paco Arespacochaga pala ito’ sabay umihi sa sahig. ‘O pre linisin mo ito kung hindi ire-report ka.’ Totoo ‘yon. I mean don’t get me wrong, it’s not all Pinoys but there are rotten apples everywhere and to think na while that was happening I was newly remarried so mayroon akong domestic challenges tapos mayroon akong personal career challenges, so puro challenges lahat ‘yon.”

Ngayon ay maganda na ang buhay ni Paco sa Amerika at muling nabuhay ang pagiging musikero niya dahil sa mga reunion shows nila ng Introvoys. Pinasikat ng kanilang banda noon ang mga songs na “Kailanman”, “Di Na Ako Aasa Pang Muli” at “Line To Heaven”.

Bukod sa anak niyang si Heaven kay Geneva Cruz, may apat siyang anak sa misis niyang si Cristina.

(RUEL J. MENDOZA)

MAGIGING nanay na si Kris Bernal.

Ito ang announcement niya sa kanyang Instagram account at Youtube account.

Hindi raw nila plinanong mag-asawa kaya sobrang tuwa niya nang makita niya ang double lines nang mag-pregnancy test siya.

Tiyak naman na ikinatuwa ito ng kanyang mister na si Perry Choi at pamilya dahil parehong may edad na talaga ang lolo at lola nito na gusto nilang makita pa ang magiging apo sa tuhod sa kanya.

Sabi ni Kris, “It happened—we weren’t really “trying” but we were blessed with pregnancy! I can still remember I’ve felt a rush of different emotions when the test showed two lines.

“I already had suspicion weeks prior to finding out the good news but I was able to confirm it when something happened.”

Congratulations Kris & Perry!

***

ANG Instagram stories ba ni Rachel Carrasco na hininalang new partner ng husband ni Maggie Wilson na si Victor Consunji ay matatawag na “baby reveal?”

May koneksiyon kaya ang photo na ipinost niya sa kanyang Instagram stories kunsaan, nasa loob siya ng sasakyan at kandong ang obviously, infant pa na baby girl.

Makikita rin sa bandang likod ng sasakyan ang stroller.

Walang ibang nilagay na caption maliban sa “Day out with Mama.” So palaisipan pa rin kung ang baby na hawak niya ay anak nga niya or sa ibang baby.

Though, prior to that, may naging IG post din siya na mga larawan naman ng mga baby girl shoes na ang caption niya, “More deliveries today! I’ve traded in my shoes for these little size ones.”

Ang baby girl raw kayang hawak nito ay may koneksiyon sa post ni Maggie at paliwanag na rason niya kung bakit tumahimik muna siya sa social media because of a “newborn baby.”

Base naman sa mga comments, pinagtatalunan ng mga netizens kung ang baby ay kay Rachel nga o hindi. Kasi, ang sexy raw nito agad kung nanganak nga. Pangalawa, baka raw “iniinis” lang si Maggie kaya nagpo-post.

(ROSE GARCIA)