2023 April Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for April, 2023

3 tulak arestado sa P400K shabu sa Caloocan

Posted on: April 18th, 2023 by @peoplesbalita No Comments

KULONG ang tatlong drug personalities, kabilang ang isang listed bilang high value individual (HVI) matapos makuhanan ng mahigit P.4 milyon halaga ng shabu sa magkahiwalay na buy bust operation ng pulisya sa Caloocan City.

Kinilala ni Ditrict Drug Enforcement Unit (DDEU) ng Northern Police District (NPD) chief P/Major Dennis Odtuhan ang naarestong suspek na si Arnel Laguit, 38 ng Blk. 37 Lot 9, SRCC Garden Ville , Graceville 4, San Jose, Bulacan.

Ayon sa ulat, nakatanggap ang mga operatiba ng DDEU ng impormasyon na nagbebenta umano ng shabu ang suspek kaya ikinasa nilang ang buy bust operation sa Quirino Highway Cor. Ascoville, Brgy. 185, Caloocan City na nagresulta sa pagkakaaresto kay Laguit dakong alas-12:05 ng hating gabi.

Nakumpiska sa suspek ang humigi’t kumulang 50 grams ng hinihinalang shabu na may standard drug price value na P340,000.00 at buy bust money na isang tunay na P500 bill at 8-pirasong P1,000 boodle money.

Nauna rito, nadakip naman ng mga operatiba ng Station Drug Enforcement Unit (SDEU) ng Caloocan police sa ilalim ng pangangasiwa ni P/Col. Ruben Lacuesta sa buy bust operation sa PH8B LOT 42 Bagong Silang Barangay 176, alas-2:50 ng madaling araw sina Divina Ampatin, 45, at Rodolfo Anoba, 47.

Ani Col. Lacuesta, nakuha sa mga suspek ang nasa 10 grams ng hinihinalang shabu na may SDP value na P68,000.00; at buy bust money na isang tunay na P500 at siyam pirasong P1,000 boodle monet at coin purse.

Pinuri naman ni NPD Director P/BGen. Ponce Rogelio Peñones, Jr, ang DDEU at Caloocan CPS sa kanilang masigasig na kampanya kontra illegal na droga na nagresulta sa pagkakadakip sa mga suspek na nahaharap sa kasong paglabag sa RA 9165. (Richard Mesa)

Dengue sa tag-init, babala ng DOH

Posted on: April 18th, 2023 by @peoplesbalita No Comments

PINAG-IINGAT ng Department of Health (DOH) ang publiko laban sa mga lamok na naghahatid ng dengue dahil hindi umano pinalalagpas nito ang panahon ng tag-init sa pagpapakalat ng sakit.

Sinabi ni DOH Officer-in-charge Maria Rosario Vergeire na marami ang nag-aakala na tuwing tag-ulan lamang umaatake ang mga lamok na may dengue. Ngunit hindi ito ang kaso sa Pilipinas tuwing tag-init.

“Ang dengue po dito sa Pilipinas ay endemic. Ibig sabihin, whatever type of season or month, ay nangyayari ang dengue sa bansa,” saad ni Vergeire.

Ipinaliwanag niya na tuwing tag-init kung kailan kapos ang suplay ng tubig, marami sa tao ang nag-iimbak ng tubig sa mga dram, palanggana, at timba nang hindi tinatakpan. Dito umano nangingitlog ang mga lamok kapag naging ‘stagnant’ ang tubig.

“So, iyon pong ating iniipon na tubig ay clear at stagnant iyan. Kailangan takpan ng lahat ng sisidlan ng tubig para maiwasan ang mga lamok ay magmultiply at magkaroon sa ating kabahayan,” payo ng opisyal.

“So, iyon pong ating iniipon na tubig ay clear at stagnant iyan. Kailangan takpan ng lahat ng sisidlan ng tubig para maiwasan ang mga lamok ay mag-multiply at magkaroon sa ating kabahayan,” payo ng opisyal.

Mula Enero 1 hanggang Marso 18, nakapagtala na ang bansa ng 27,670 kaso ng dengue. Mas mataas ito ng 94% kumpara sa naitala noong nakaraang taon sa parehong mga buwan na umabot sa 14,278.

Karamihan sa mga bagong naitalang kaso ay sa National Capital Region (3,898), Central Luzon (3,053), at Davao Region (2,707). (Daris Jose)

Sobrang nakaka-touch ang IG post: SYLVIA, ligtas na sa pagyayaya ni ARJO dahil kay MAINE

Posted on: April 18th, 2023 by @peoplesbalita No Comments

SOBRANG nakaka-touch ang latest post ni Sylvia Sanchez sa kanyang IG account na para sa kanyang soon to be daugther-in-law na si Maine Mendoza.

Kasama ang isang short video habang nakasakay sa roller coaster si Cong. Arjo Atayde na sumisigaw habang natatawa at Maine na cool at kampante lang.
Panimula ng premyadong aktres, “Watching this brings back so many memories! 😅

“Dati pag gusto mong mag roller coaster, ayaw mong sumakay mag isa, ako lagi ang niyayaya mo. Ganyan ka na bata palang. Wala pa ring pinagbago, sigaw at tawa ka pa rin hahaha.”

Dagdag pa ni Sylvia, “Ngayon, masaya akong makita na may iba ka nang nakakasama at ligtas na ako sa pagyayaya mo.

“Ako yan dati, Maine. Ngayon, you’re Arjo’s constant adventure buddy!

“Thank you, Maine ❤️ My heart is full! Love you both.

Nag-reply naman ang actor, “thank you ma!!! 🤗 I love you more ❤️” at pinusuan naman ito ni Maine.
Ganun ang reaction ni Bea Alonzo sa post ni Sylvia.

Totoong-totoo naman ang pinost ni Sylvia, dahil nasaksihan namin ito.

Na ganun talaga siya katapang ang aktres sa mga rides at wala talagang inuurangan, kaya siya palagi ang kasama at niyaya ng mga anak, pati na ang mga pamangkin.

Ramdam din namin ang pagsigaw ni Arjo sa tuwing sasakay mga nakakatakot na rides, dahil ganun din ang ginagawa namin, para ma-enjoy at bawasan ang takot.

Kaya naman marami rin ang humahanga kay Maine na chill na chill lang siya, habang ang dyowa niya ay ang sarap ng pagsigaw at pagtawa, kaya kitang-kita ang kaligayahan niya sa mga sandaling ‘yun.

Anyway, ang gaganda ng mga comments sa post na ito ni Ibyang at marami talaga ang natuwa at na-touch.
Say ni Sunshine Garcia, “awww apaka sweet na mother inlaw❤️❤️”

Comment ni Christine Bersola-Babao, “At nakakabilib si Maine ksi sya chill lang! Parang dedma sa thrill ride! Hahaaha! Kung ako yan wala na akong boses sa kakasigaw!! 😂”

Sabi naman ng cousin na si Marivic Nieto, “Naiyak naman ako dun cousz…. It’s so hard to feel that you have to let go but on the other hand masaya ka kasi he finally found his real happiness n his forever pero siyempre ang Nanay pa din ang #1”

Narito pa ang comments ng netizens at followers ng ArMaine…

“@mainedcm You are so blessed with this beautiful and loving family. God bless you and congressman @arjoatayde”
“Hahaha si meng parang wala lang dpt kay meng pasakayin sa trip to mars tignan ko kung ganyan pa din reaction nya haha ✌️😆😂 si arjo tlaga nag dala hahaha 😂😂😂 love i both #Armaine ❤️❤️”

“I used not to like arjo for maine…simply because i’m an aldub fan…but seeing maine is so happy and arjo makes maine happy…gusto ko na din sila…i wish you both happiness forever❤️”

“Sana all…Sana ganyan dn ako tulad ni Maine if makasakay ako ng roller coaster…chill at kalma lng…😂..”

“Tagos sa heart ang message ❤️”

“Paano kaya napipigil ni Maine na di sumigaw? Grabiii ka @mainedcm 😂❤️”

“This is so touching, and am happy because Arjo finally find someone as strong and kind hearted like his mom to be his constant adventure buddy. Truly Maine and Arjo are made for each other.”

“Awsss Nay Ibyang naiyak nmn po ako… pero ganon pa man po maraming salamat din sainyo dahil minahal at inalagaan nyo po si maine at nakita ni maine ang tao nagmahal sa knya ng tapat po..soon may aalagaan napo kyo.”
“Awwwwww…every time magg caption po kayo,feel na feel ko..napaka swerte ni Maine sa mother in law..at sobrang napala swerte ng magiging anak ni Maine❤️❤️❤️”

“Super admire ko si ms.@sylviasanchez sa pagihing super mom❤️🙏”

Sabi naman ng isang taga-Kenya, “Hello Sonia 👋..u are the best mom on our screens and I hope in real life too…”
Anyway, patuloy ngang pinalalabas ang huling serye na nagawa ni Sylvia sa iba’t-ibang bansa, ang ‘Huwag Kang Mangamba’ na kung saan gumanap siyang Barang at iba pa niyang teleserye tulad ng ‘Hanggang Saan’ bilang Sonia.
For sure, marami na rin ang naiinip kung kailan siya muling gagawa ng teleserye.

Pero inaasahan na baka magkaroon siya ng serye this year.

Aminado si Sylvia, after ng magkakasunod na tumatak na character, nagiging mapili lang sila ng kanyang manager na si Arnold Vegafria sa role na tatanggapin.

Kaya kailangan na kakaiba ito at hindi pa niya nagagawa. Na kung saan masusubukan na naman ang husay niya sa pag-arte.

Kaya abang-abang na lang tayo sa i-announce ng kanyang mother studio.

Samantala, inaabangan din kung kailan maipalalabas ang international series ni Arjo na ‘Cattleya Killer.”

Ganun ang prinoduce nilang action movie na ‘Topakk’ na pagtatambal nina Arjo at Julia Montes, na mula sa direksyon ni Richard Somès.

This May, maghahanap sila ng international distributors sa Europeam Film Market na ginaganap sa Cannes, France.

(ROHN ROMULO)

Speaker Romualdez ipinapanukala ang PH-US-India partnership sa pagtatayo ng digital public infrastructures

Posted on: April 18th, 2023 by @peoplesbalita No Comments

IPINANUKALA ni House Speaker Martin Romualdez ang posibleng partnership ng Pilipinas, United States (US), at India sa pagtatayo ng digital public infrastructure sa bansa.

Ginawa ni Romualdez ang kanyang panukala matapos dumalo sa Digital Public Infrastructure lecture nuong Sabado (Philippine time) na ginanap sa International Monetary Fund (IMF) headquarters sa Washington D.C. kung saan nagkaroon ng pagkakataon na makausap nito si Mr. Nandan Nilekani, isa sa mga founders ng Indian multinational information technology company ang Infosys.

Ang nasabing aktibidad ay bahagi ng World Bank (WB)-IMF Spring Meetings.

Binigyang-diin ni Spealer na ang pagtatayo ng public digital platforms ay napaka angkop at naka linya sa campaign promise ng Pangulong Marcos na palakasin ang digital transformation ng bansa.

Ipinunto ni Speaker na ito ang dahilan sa pagpasa ng House of Representatives sa E-Governance/E-Government Bill, na layong ilipat ang buong burukrasya sa digital space para sa mas mabilis at transparent na pagbibigay serbisyo at magkaroon ng magandang pakikipag ugnayan sa publiko.

Sa kabilang dako, binati naman ni Speaker ang economic team ng Pang. Marcos na matagumpay na naiprinisinta ang economic situation ng Pilipinas sa isinagawang Philippine Economic Briefing sa Washington. (Daris Jose)

Ilang lugar sa Metro Manila at Cavite, 1-linggong mawawalan ng tubig

Posted on: April 18th, 2023 by @peoplesbalita No Comments

MAY ISANG linggong mawawalan ng suplay ng tubig ang mga kustomer ng water concessionaire na Maynilad Water Services Inc. sa ilang bahagi ng Metro Manila at lalawigan ng Cavite.

Sa isang abiso, sinabi ng Maynilad na kabilang sa mga lugar na makakaranas ng water service interruption ay ang ilang lugar sa Las Piñas City, Muntinlupa City, Parañaque City, at Pasay City, sa Metro Manila at Bacoor City, at Imus City sa Cavite.

Ang naturang water service interruption ay nagsimula nitong Linggo at magtatagal hanggang Abril 23.

Gayunman, inaasahang magiging normal na ang serbisyo ng tubig sa ilan sa mga naturang lugar pagsapit ng Abril 22.

Sinabi ng Maynilad na ang water service interruption ay bunsod ng isinasagawang pinaigting na paglilinis ng mga filters sa Putatan Water Treatment Plants.

“The turbidity level of the raw water in Laguna Lake has been gradually decreasing since the Amihan season ended, but the process is taking longer than anticipated. Due to this, we have to extend our maintenance activities at the plants,” anang Maynilad.

“Normal operations will be restored once the cleaning of the filters is completed,” dagdag pa nito.

Pinayuhan naman ng Maynilad ang mga kustomer nito na maaapektuhan ng water service interruption na mag-imbak ng sapat na suplay na tubig.

Sakali naman umanong bumalik na ang suplay ng tubig, dapat munang hayaang tumulo ang maitim na tubig hanggang sa tuluyan na itong luminaw.

Maaari namang ipunin ang maitim na tubig at gamitin sa ibang bagay, gaya ng pandilig ng halaman, panlinis o di kaya ay pag-flush ng inidoro.

DND, pinalagan ang pahayag ng China na ginagatungan ng Pinas ang tensyon sa Taiwan

Posted on: April 18th, 2023 by @peoplesbalita No Comments

PINALAGAN ng Department of National Defense (DND) ang naging pahayag ni Chinese Ambassador Huang Xilian na ginagatungan ng Pilipinas ang geopolitical tensions sa pamamagitan ng pag-alok sa Estados Unidos ng military bases nito malapit sa Taiwan.

“The Department of National Defense takes exception to the statement of Chinese Ambassador to the Philippines Huang Xilian that the Philippines is meddling in the internal affairs of China concerning Taiwan,” ayon kay DND spokesperson, Arsenio Andolong sa isang kalatas.

Sa hiwalay na kalatas, nilinaw naman ni National Security Council spokesperson Assistant Director General Jonathan Malaya na “the Philippines has no intention of interfering in the Taiwan issue and will not allow itself to be used by other countries to interfere in the said issue.”

“[W]e take grave exception to any effort by guests in our country to use this to fearmonger and intimidate us,” dagdag na pahayag nito.

Sa ulat, kinokonsidera ng China ang Taiwan bilang bahagi ng teritoryo nito, na naglalayon bawiin sa pamamagitan ng puwersa kung kinakailangan.

Pinayuhan ng China ang Pilipinas na tutulan ang kalayaan ng Taiwan sa halip na mag-alok sa US ng access sa mga pasilidad nitong militar malapit sa Taiwan strait.

Ito ay ang sinabi ni Huang sa kung pinangangalagaan ng Pilipinas ang 150,000 overseas Filipino workers (OFWs) sa Taiwan.

Mayroon kasing mahigit 150-K na mga Pinoy ang nagttrabaho sa Taiwan na maaari umanong masangkot sa nagaganap na tension ng dalawang nagbabangayang lugar.

Inihalimbawa ng ambassador ang issue sa Mindanao na hindi dapat hayaan ang sinumang third party na makialam sa pagresolba sa mga issue ng mga rebelde sa Mindanao, gayundin din aniya ang sitwasyon ngayon sa Taiwan.

Sinabi naman ni Andolong na ang pangunahing alalahanin sa Taiwan ay ang kaligtasan at kapakanan ng mga Filipinong naninirahan at nagtatrabaho sa nasabing isla.

“The Philippines observes the One China Policy and maintains the ASEAN principle of non-interference in approaching regional issues. We reiterate that our primordial concern in Taiwan is the safety and wellbeing of the Filipinos living and working on the island,” ani Andolong.

“Amid the tensions in the Cross Straits, however, the department deems it prudent to prepare for any contingencies to ensure the safety of Filipinos overseas, especially those based in Taiwan,” dagdag na wika ni Andolong.

Hindi naman nagustuhan ng DND ang ginawang paghahambing ni Huang sa sitwasyon sa Taiwan sa insurgency problem sa Mindanao.

“We wish to emphasize that the issues are different from each other,” ayon kay Andolong.

“The whole context and rich experience of our peace process in Mindanao, which allowed the participation of the international community (Malaysia, the EU, Turkey, Japan, Brunei, Australia, Sweden, Norway, the UK, Germany, UN organizations, JICA, and other international organizations), is aligned with the Philippines’ position of resolving disputes peacefully,” dagdag na wika nito. (Daris Jose)

Magkakaroon pa ng formal announcement: ALDEN, nagsimula nang mag-shooting ng untitled movie nila ni JULIA

Posted on: April 18th, 2023 by @peoplesbalita No Comments

NAGSIMULA nang mag-shooting ng movie sina Asia’s MultiMedia Star Alden Richards at si Kapamilya actress Julia Montes, last Sunday, April 16.

Wala pang title ang movie na co-production venture ng GMA Pictures at Cornerstone Entertainment at under the direction of Ms. Irene Villamor.

Maraming nagulat sa balitang ito dahil walang announcement na may gagawing movie si Alden, pagkatapos ng drama series nila ni Bea Alonzo, sa GMA Network na “Start-Up PH.”

Basta naging busy lamang si Alden sa pagsu-shoot ng mga TV commercials at iba pang bagong endorsements, plus ilang travel abroad before the Holy Week at sa Japan siya nagpalipas ng Holy Week.

Magkakaroon daw ng formal announcement ang pagti-team-up nina Alden at Julia, at doon siguro malalaman kung sinu-sino pa ang bubuo sa cast ng movie, although, nakasama na raw sa first shooting day si Jackielou Blanco.

Balita ring may shoot ng ilang scenes ng movie abroad.

***

NA-SHOCK si Karen Davila nang ma-interview niya si Pambansang Ginoo, David Licauco, para sa kanyang vlog, na isa sa napag-usapan nila ay ang sleep disorder ng Kapuso actor na sleep apnea.

Ayon kay David, kailangan niyang kamutin ang braso niya para lamang siya magising, kaya nagkasugat-sugat na raw ang mga ito. Naikuwento rin ni David na 2011 pa nagsimula ang sleep apnea niya, nang nasa Taiwan daw siya, na naglaro sila ng basketball doon, ay natamaan ang nose niya ng bola ng basketball at simula noon ay nakaranas na siya na para siyang binabangungot, na nakaka-experience siya ng 30 seconds na hindi humihinga, four times in an hour.

Naipa-check-up lamang niya ang nararamdaman niya in 2021, pero walang pagbabago sa kanyang nararamdaman. Kaya sabi ni Karen, huwag daw pabayaan ni Daivd ang sarili niya.

Kailangan daw niyang maoperahan sa nose and throat, sa ngayon daw at struggle sa kanya ang paggising sa umaga. May mga times daw naman na maayos ang gising niya.

Medyo raw nakakatulong sa kanya iyong marami siyang pinagkakaabalahan, kung hindi sa taping ay sa kanyang mga restaurant, I ang “Kuya Korea” kung saan madalas siya pinupuntahan ng mga fans.

Meanwhile, congratulations kina Barbie Forteza, Julie Anne San Jose, David Licauco at Dennis Trillo ng “Maria Clara at Ibarra” na ngayon ay napapanood na ang Kapuso historical fantasy portal sa Netflix Philippines, dahil simula nang ipalabas ito last April 14, ay lagng nasa number 1 ito sa Top 10 TV shows sa live streaming.

***

GINANAP ang bachelorette party ni Maja Salvador, para sa nalalapit niyang wedding kay Rambo Nunez, na bigay sa kanya ng mga friends niyang sina Kathryn Bernardo, Miles Ocampo, Kakai Bautista, Pooh, Thou Reyes, Maine Mendoza at marami pang iba.

Masaya ang party until nag-speech si Maja, na medyo may takot daw siya sa bagong buhay na papasukin niya: “new chapter sa buhay ko ito, I’m scared, nakakatakot dahil wala nang director na magka-cut. Ito na ang totoo kong buhay.”

Sa July, 2023 ang sinasabing date ng wedding nina Maja at Rambo.

(NORA V. CALDERON)

Balik sa pagsasayaw sa Tiktok at Instagram: GARDO, mabilis ang recovery mula sa kanyang operasyon

Posted on: April 17th, 2023 by @peoplesbalita No Comments

MARAMING netizens ang natuwa sa mabilis na recovery ni Gardo Versoza mula sa kanyang operasyon after niyang maka-experience ng heart attack noong nakaraang buwan.

Sa kanyang Tiktok at Instagram, balik sa pagsasayaw si Gardo at game dun ang mga doktor at staff ng ospital na sumabay sa dance moves ng aktor.

Nagpapasalamat si Gardo sa lahat ng mga nagpadala ng dasal para sa kanyang mabilis na paggaling. Hindi pa raw makakabalik sa trabaho si Gardo dahil kailangan pa niyang magpa-therapy bilang parte ng kanyang rehabilitation sa pagkakaroon niya ng heart attack.

Natuwa naman ang misis ni Gardo na si Ivy Vicencio dahil pinayagang umuwi na sa kanilang bahay ang aktor para doon na magpagaling at magpa-therapy.

***

PINAKILALA na ni Roxanne Barcelo ang kanyang second baby ilang buwan pagkatapos niyang ipanganak ito.

Ang name ng bagong baby boy ni Roxanne ay Theodore Antonio or Theo. Pinakita niya si Theo sa kanyang recent vlog para sa bagong tour ng apartment nila sa Taiwan.

“Mga badidap! I am so excited to introduce you to our second son, Theo. Named after his great-grandfather and grandfather. My dad’s name is Antonio and his father’s name is Theodoro. So, Theodore Antonio,” sey pa ni Barcelo sa kanyang vlog.

September last year noong i-confirm ni Roxanne na buntis siya sa second child nila ng kanyang husband na si Jiggs. Boy din ang panganay nila named Cinco.

Tinalikuran ni Roxanne ang career niya rito sa Pilipinas para magsimula ulit ng bagong buhay sa Taiwan kasama ang kanyang pamilya. Aktibo pa rin si Roxanne sa kanyang vlog at mga ina-upload niya sa kanyang YouTube channel ay tungkol sa buhay niya ngayon sa Taiwan.

(RUEL J. MENDOZA)

Sa post ng GMA sa mga posisyon na available: DAVID, pabirong nag-comment ns mag-a-apply bilang isang account manager

Posted on: April 17th, 2023 by @peoplesbalita No Comments

KAHIT busy sa maraming projects at sariling negosyo, mukhang gusto pang dagdagan ni Pambansang Ginoo David Licauco ang mga nakalista sa kanyang resume nang mag-comment ito kung puwede ba siyang mag-apply bilang isang account manager sa GMA.

Nag-post kamakailan ang GMA Network ng isang listahan ng mga posisyon na available para sa gustong mag-apply. Sa comments section, pabirong nag-comment si David at nagtatanong kung saan siya puwede magpadala ng CV o curriculum vitae, bago mag-comment muli na gusto niyang mag-apply bilang isang account manager.

Maraming netizens ang natawa sa ginawang komento ni David habang ang iba ay sinagot siya na overqualified na raw ito o kaya naman ay hindi na kailangan mag-apply pa.

Samantala, ang iba naman ay pabirong sinabi na puwedeng magpadala ng application ang Pambansang Ginoo sa kanilang personal email, o personal na pumunta sa bahay nila. Ang iba, gustong mag-apply kay David mismo.

Ang isa sa netizens naman, napansin ang pagiging businessman ni David at sinabing may business mindset ito sa pag-a-apply bilang account manager, habang ang isang netizen naman ay sinabihan ito na masyado na maraming ginagawa at wala nang pahinga.

Matatandaang maraming negosyo ang aktor na inaasikaso bukod sa pag-aartista.

Bukod pa roon, kahit halos katatapos lang ng Maria Clara at Ibarra kung saan bumida siya bilang si Fidel, kasalukuyan naghahanda si David at ang co-star niya na si Barbie Forteza para sa isang bagong proyekto.

Samantala, puwede nang balik-balikan sa Netflix PH ang kanila pinag-usapang primetime series at agsimula itong umere noong April 14.

Sa Facebook post ng Netflix PH, ibinahagi nito ang ilang sweet moments nina Maria Clara (Julie Anne San Jose) at Ibarra (Dennis Trillo) bilang patikim sa pag-stream ng show. Marami naman ang na-excite at talagang naka-miss sa Maria Clara at Ibarra.

(ROMMEL L. GONZALES)

Napi-pressure sa pagiging first endorser ng ‘Hey Pretty Skin’: BEAUTY, hihirit pa nang another five years bago mag-retire

Posted on: April 15th, 2023 by @peoplesbalita No Comments

ANG versatile actress na si Beauty Gonzalez ang newest face and first ever celebrity endorser ng Hey Pretty Skin.

Ang grand welcome at pagpapakilala sa kanya ay ginanap sa Crowne Plaza Hotel. Pinangunahan ito ng CEO ng Hey Pretty Skin na si Anne Barretto.

Ayon sa magandang businesswoman, “we would like to welcome Ms. Beauty Gonzalez to the Hey Pretty Skin family. Very excited kaming lahat na makatrabaho siya at napakasaya namin na pinaunlakan niya po ang imbitasyon namin na maging kauna-unahang celebrity endorser.”

Malaki naman ang pasasalamat ng Kapuso actress sa tiwalang binigay sa kanya.

“I am very thankful for the trust they have given me. Isang taon pa lang ang Hey Pretty Skin sa market and for them to pick me as their first celebrity endorser is really a big deal.”

Pag-amin pa ni Beauty, “medyo may pressure, I admit, but I trust Ms. Anne, her vision, and most importantly, I believe in her products and how it can really help people achieve better glowing skin and feel good inside.”

Si Beauty nga ang first choice ni Anne na maging endorser, dahil healthy and glowing ang aktres, inside and out.

Kuwento pa ni Anne, “Iba kasi ang confidence na naibibigay na glowing at alaga ang inyong skin. We believe, Beauty is an embodiment of that.

“She has flawless skin, she is beautiful, and she lives her best life.”

Ini-endorse ng newest leading lady ni Sen. Bong Revilla para sa upcoming sitcom ng GMA Network, ang iba’t-ibang produkto tulad ng top selling na Neoglow Se at Kojieko soap, Prestige Glow Set, Tinted Sunscreen, Happy Lift Serum, Facial Foam Cleanser, at Angel White Body Scrub.

Samantala, natanong si Beauty kung itutuloy pa ba niya ang pagre-retire sa showbiz after five years.

Tawang-tawa ang aktres tungkol sa nauna niyang nasabi sa isang presscon sa early retirement niya.

Pag-amin niya, “well, I was wrong at that time, people make mistakes.

Tawang-tawa rin daw ang asawa niyang si Norman Crisologo, “sinabihan ako ng asawa ko, nakakatawa ka, five years ha. Now, you have a sitcom coming, may ganito ka coming. You maybe leave abroad for a movie.

“So, are you sure? Kaya sabi ko, another five years. Sabi niya, ‘baby, alam mo pag may tawad, may kapalit ‘yun’. Pag humihingi ako, may kapalit ‘yun, pero secret na lang kung ano ‘yun.”

Pinangangatawan naman ni Beauty na okay na siya sa isang anak. Gusto raw niyang mag-travel at mag-enjoy, kasama ang nag-iisang anak.

“Okay na ‘yun isa, he has a lot of kids, okay na kaming dalawa.

“I want to travel also. Experience my life, and relax, and at this time, I want to fill up my cup.”

Nabibili ang Hey Pretty Skin products sa heyprettyskin.com, Shoppee, Lazada, at sa Rising Era Dynasty branches located at Metro Manila, General Santos City, Ozamis City, at Hong Kong, sa pangunguna ng president at CEO na si Red Era.

Para naman sa mga interested maging resellers, mag-send lang ng private message sa kanilang Facebook page na Hey Pretty Skin Official.