2023 April Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for April, 2023

Nakikinabang sa mga Medical Mission ni Nieto Patuloy na Nadadagdagan

Posted on: April 13th, 2023 by @peoplesbalita No Comments

UMABOT na sa 1,023 ang mga Manilenyong natulungan sa pangangailangan pang kalusugan at kagalingan ng mag rehistro at makinabang sa ARAW N’YO, SERBISYO KO! BIG MEDICAL MISSION, ang programang pang Kalusugang Manilenyo na pinangungunahan ng Bise Alkalde Yul Servo Nieto ay ginawa noong April 1, 2023.

Bilang pang 14th medical mission sa ilalim ng programang pangkalusugan at kagalingan ni Nieto simula ng kanyang panunungkulan bilang Vice Mayor ng Maynila noong June 30, 2022 ay umabot na sa 20,472 ang nakinabang.

Ang libreng pagsusuri sa kalusugan at pamimigay ng libreng gamot, salamin, simpleng operasyon, kasama ang serbisyong pang kagalingan katulad ng libreng gupit, facial, masahe at marami pang iba, ay ginawa sa ZONE 50 District 4 Brgy. 503 Sampaloc, Manila.

Ayon kay Nieto, ang mga medical mission na ito ay handog niya, kasama ng Asenso Manileño at sa pangunguna ni Mayor Dra. Honey Lacuna, sa mga residente ng Lungsod ng Maynila para sa ikabubuti ng kanilang kalusugan at kagalingan. Bahagi nito ang mga councilors na sina Atty. Krys Bacani, Coun. DJ Bagatsing, Doc Louie Chua, Atty. Lady Quintos, Coun. Science Reyes, Coun. Joel “JTV” Villanueva.

“Importante para sa akin ang kalusugan ng tao, hindi lang dahil sa pag malusog tayo, hindi tayo madaling mahawa sa sakit at makakaiwas tayo sa mahal at magastos na mga gamot, kundi ang malusog na bayan ay malaki ang maitutulong sa pag-unlad ng ating bayan” pahayag ni Nieto.

Kasama sa mga libreng serbisyong ibinigay noong April 1 ay check-up ng blood sugar at ihi, dental at optical, alis-kuto, anti-rabies, civil registry at legal assistance at marami pang iba. Bukod dito, mayroon pang libreng pagkain at raffle na ginawa noong medical mission. At lahat ng ito ay nagagawa na walang gastos ang gobyerno.

“Kaya ako po ay nagpapasalamat sa patuloy na pag suporta niyo sa mga medical mission na ito, lalo na ang mga donors at volunteers sa kanilang tiwalang ibinibigay sa programang ito” sabi ni Nieto. (BISHOP JESUS “JEMBA” M. BASCO)

Pagkatapos na maisilang ang first baby: BIANCA, na-miss agad at gustong mabuntis uli

Posted on: April 13th, 2023 by @peoplesbalita No Comments

PAGKATAPOS na isilang ang kanyang first baby noong nakaraang buwan, miss na raw ulit ni Bianca King ang maging buntis.

Sa kanyang isang post sa Instagram, sinabi ni Bianca ay, ““I miss being pregnant. I wanna do it again.”

Hindi naman tinago ni Bianca sa social media ang kanyang postpartum belly. Meron si Bianca na tinatawag na “belly recovery collection” kunsaan may update siya sa na-stretch na tiyan dahil sa pagbubuntis. Gumagamit si Bianca ng compression shorts or belly bands para mabalik sa dati ang kanyang tiyan.

Marami pang na-discover si Bianca sa kanyang pagiging first-time mom, tulad na lang ng pag-inom ng colostrum na malaking tulong sa pagpapa-breastfeed niya dahil na-experience niya ang magkaroon ng sore nipples.

Pero sa kabila ng mga pinagdaraanan ni Bianca, enjoy ito sa kanyang pagiging ina kaya huwag magtaka kung biglang masundan agad ang panganay nila ng mister niyang si Ralph Wintle.

Na-base sa Australia ang mag-asawa simula noong ikasal sila sa Sydney noong 2021.

***

ENGAGED na ang ‘Stranger Things’ star na si Millie Bobby Brown sa boyfriend nitong si Jake Bongiovi.

Sa Instagram ay suot ng 19-year old actress ang isang diamond ring na senyales ng kanyang engagement kay Jake. May caption ito na: “I’ve loved you three summers now, honey, I want ’em all.”

Si Jake, 20, naman ay pinost ang same photo with the caption: “Forever.”

Summer 2021 noong mag-date ang dalawa sa New York City. Tawagan pa nila noon ay “BFF” or Best Friend Forever.

Noong nakaraang February na birthday month ni Millie, tinawag siya ni Jake na “the girl of my dreams.” Reply naman ni Millie ay “I love you more than words can describe. Everything about you is golden down to the core.”

Si Jake Bongiovi at anak ng rock icon na si Jon Bon Jovi

(RUEL J. MENDOZA)

Dahil nakapag-guest na sina Cassy at Mavy: CARMINA, bukas sa posibilidad na makasama rin sa serye si ZOREN

Posted on: April 13th, 2023 by @peoplesbalita No Comments

NAKAPAG-GUEST na sa ‘Abot Kamay Na Pangarap’ ang kambal na anak nina Carmina Villarroel at Zoren Legaspi na sina Cassy at Mavy Legaspi, at dahil extended nga ang show, may posibilidad kaya na mag-guest naman si Zoren sa show?

“Ay why not? Malay mo naman, di ba,” reaksyon ni Carmina sa tanong namin sa aktres.

“Since hanggang 2028 kami, di ba,” ang pagbibirong sinabi pa ni Carmina, “may pag-asa naman siyang mag-guest.

“Alam mo actually gusto talaga niya. Gusto niya talagang mag-guest pero kasi may Urduja pa.”

Mainstay si Zoren sa umeere rin ngayon sa GMA na “Mga Lihim Ni Urduja.”

“E malay mo naman ‘pag natapos na yung Urduja puwede naming gumanun si Zoren. Why not, why not, di ba? Gusto niya, gusto niyang mag-guest.

“Malay mo naman puwedeng i-partner kay Ms. D,” pagtukoy ni Carmina sa isa pang cast member na si Dina Bonnevie na gumaganap sa serye bilang si Giselle Tanyag.

“Hindi naman necessarily puwedeng iano sa akin, pero gusto talaga niya, gusto niyang mag-guest talaga. So kung anumang role e hindi natin alam.”

Bida rin sa ‘Abot Kamay Na Pangarap’ si Jillian Ward at kasama rin sa serye sina Richard Yap, Pinky Amador, Kazel Kinouchi, Wilma Doesnt at marami pang iba.

***

Nasa cloud nine si Jeremiah Tiangco dahil magaganap na ang una niyang major concert sa Sabado, April 15 sa Music Museum, ang ‘Dare To Be Different.’

Bongga rin ang mga guests niyang sina Christian Bautista, Jessica Villarubin, Garrett Bolden, Vilmark Viray, Mariane Osabel, This Band, The Viktor Project, Rob Deniel, Magnus Haven at si Ken Chan.

Si Jeremiah ang direktor ng kanyang sariling concert katuwang si Lee Junio Gasid.

Samantala, binanggit namin kay Jeremiah na sa poster ng concert ni Jeremiah ay napansin namin na huma-Harry Styles ang kanyang outfit; flamboyant at out-of-this-world na maituturing ang karamihan sa sinusuot ng international concert performer at dating One Direction member sa kanyang mga shows sa iba-ibang bansa.

Ano ang pakiramdam niya na sa dami nila sa Sparkle ay isa siya sa nabigyan ng importansiya tulad nga ng pagkakaroon ng major concert?

“Thankful lang ako dahil hindi ko alam na aabot kami sa ganito.

“Na mapu-pursue po talaga yung plan. Kasi unang-una isa po ‘to sa mahirap e, yung i-execute yung plan. Madaling magplano pero yung i-execute yung plan isa po yun sa pinakamahirap.

“Kaya thankful po ako sa production, sa team ko, sa direktor ko kay Kuya Lee, at the same time sa Panginoon dahil siya po ang nagpo-provide lahat ng needs namin ng team,” sinabi pa ng ‘The Clash’ season 2 grand champion at ‘All-Out Sundays’ mainstay.

(ROMMEL L. GONZALES)

52% ng Pinoy ‘disapprove’ sa pagtugon ni Marcos Jr. sa inflation — Pulse Asia

Posted on: April 13th, 2023 by @peoplesbalita No Comments

LAGPAS kalahati ng Filipino adults ang kritikal sa pagtugon ng administrasyon ni Pangulong Ferdinand Marcos Jr. pagdating sa pagkontrol ng pagtaas ng presyo ng bilihin, ayon sa bagong survey ng Pulse Asia na inilabas nitong Martes.

Ito’y kahit na nakakuha ng 78% na performance rating si Bongbong sa parehong pag-aaral, bagay na mayorya pa rin ‘di hamak ng populasyon. Mas marami ang tiwala sa presidente sa kanyang 80% trust rating.

“On the other hand, most adults (52%) are critical of the present dispensation’s efforts to control inflation – an issue identified by a sizeable majority of the country’s adult population as urgent (63%),” sabi ng Pulse Asia.

“Levels of indecision regarding the performance of the administration range from 19% on the issues of protecting the welfare of overseas Filipino workers (OFWs) and fighting criminality to 33% on the issue of enforcing the rule of law.”

Bahagyang pagbaba ang dissapproval rating na ito sa inflation control kumpara sa 54% na nakuha ng administrasyon noong Nobyembre 2022.

Lumalabas tuloy na -27% ang net approval rating (NAR) ng administrasyon pagdating sa pagkontrol sa inflation. Nakuha ito sa pag-awas ng porsyento ng aprub (25%) sa aksyon ni Marcos Jr. sa pagtaas ng presyo ng bilihin sa porsyento ng hindi (52%).

Narito ang NAR ng administrasyon pagdating sa iba’t ibang isyu sa pagitan ng Nobyembre 2022 hanggang Marso 2023:

pagtugon sa naapektuhan ng kalamidad: +72

pagprotekta sa kapakanan ng overseas Filipino workers: +70

paglaban sa kriminalidad: +55

pagtaguyod ng kapayapaan: +54

pagtanggol ng teritoryo laban sa dayuhan: +51

pagpigil sa pagkasira ng kalikasan: +47

pantay na pagpapatupad ng batas: +41

paglaban sa graft and corruption sa gobyerno: +25

paglikha ng trabaho: +21

pagtaas ng sahod ng manggagawa: +20%

pagsugpo sa kahirapan: +6

pagkontrol sa inflation: -27%

Kapansin-pansing mas mataas ang aprub sa performance rating ni Bise President Sara Duterte kaysa kay Bongbong, sa 83%. Higit na mas mataas naman ang trust ratings ng bise sa 85%.

Bukod kina Marcos at Duterte, narito naman ang performance ratings ng iba pang matataas na opisyal ng gobyerno:

Senate President Juan Miguel Zubiri: 51%

House Speaker Ferdinand Martin Romualdez: 88%

Chief Justice Alexander Gesmundo: 66%

Matatandaang umabot sa 14-year high ang inflation rate nitong Enero 2023 noong umabot ito sa napakataas na 8.7%.

Isang buwan bago ito, pumalo sa hanggang P720 ang bentahan ng kada kilo ng sibuyas, bagay na ginagamit sa napakaraming putahe sa pagkaing Pinoy.

Kumalma na ang inflation rate pababa ng 7.6% nitong Marso 2023, ayon sa datos ng Philippine Statistics. Sa kabila nito, malayong-malayo pa ito at halos doble ng 4% inflation noong Marso 2022.

Isinagawa ng Pulse Asia ang survey na ito mula ika-15 hanggang ika-19 ng Marso, 2023 gamit ang harapang panayam ng 1,200 katao edad 18-anyos pataas.

Meron itong ± 2.8% error margin sa 95% confidence level. Ang subnational estimates para sa geographic areas na natalakay sa survey ay may sumusunod na error margins sa 95% confidence level: ± 5.7% para sa Metro Manila, nalalabing bahagi ng Luzon, Visayas, at Mindanao.

“Pulse Asia Research undertakes Ulat ng Bayan surveys on its own without any party singularly commissioning the research effort,” kanilang paglilinaw.

Ads April 13, 2023

Posted on: April 13th, 2023 by @peoplesbalita No Comments

Salceda ‘di pabor na tuluyang ipagbawal ang POGO operations sa bansa, bilyong halaga ng tax mawawala

Posted on: April 13th, 2023 by @peoplesbalita No Comments

MULING nanindigan si House Ways and Means Committee Chair at Albay Representative Joey Salceda ang pagtutol nito sa tuluyang pagbabawal ng operasyon ng POGO sa bansa.

Inihayag ni Salceda, batay sa datos aabot sa P8 Billion na halaga ng buwis ang posibleng mawala sa Pilipinas sa sandaling tuluyan ng ipagbawal ang POGO.

Ito ay bukod pa sa P192 billion gross value added loss sa real estate, labor, ancillary cost at iba pang kaugnay na serbisyo at industriya sa pagpapatakbo ng POGO.

Binigyang-diin ng mambabatas na walang legal na basehan ang diskriminasyon sa POGO industry dahil lamang sa violation ng ibang negosyo.

Sinabi ng House tax chief na hindi siya pabor na tuluyan ng i-ban o i-phase out ang POGO sa bansa. (Daris Jose)

DA, tutulungan ang mga magsasaka na mapababa ang production cost

Posted on: April 13th, 2023 by @peoplesbalita No Comments

TINIYAK ng Department of Agriculture (DA) na tutulungan nito ang mga magsasaka na mapababa ang production costs, kinokonsiderang pangunahing dahilan sa pagtaas ng market price ng bigas.

Sinabi ni DA Assistant Secretary Kristine Evangelista na masusi nang nakikipag-ugnayan ang departamento sa grupo ng mga rice farmers dahil na rin sa pagtaas ng presyo ng P5 per kilogram.

“Tinitingnan ng ating kagawaran kung paano ba natin sila matutulungan kung paano pababain ‘yung kanilang cost of production. ‘Yung ating distribution po ng ating machinery not only for production po, but also for post-harvest facilities din po ,” ayon kay Evangelista.

Tinukoy naman ni Evangelista ang iba’t ibang hamon na naging dahilan ng pagtaas ng farm-gate at market prices, kabilang na ang mataas na halaga ng agricultural inputs at climate change.

Ayon sa Samahang Industriya ng Agrikultura (SINAG), hindi nag-iisa ang Pilipinas sa mga bansang labis na naapektuhan ng mataas na production cost, kundi maging ang ibang rice-producing nations.

“So kung makita natin doon sa merkado, ‘yung presyo ng local natin, tumaas na rin ‘yung presyo, pero mas mataas pa rin ‘yung imported. Nakita natin ‘yung Thailand, Vietnam and itong India, and Pakistan, tumaas din ang presyo. Maski imported man o local, tumaas,” ayon kay SINAG chairperson Rosendo So sa isnag panayam.

Sinabi pa ni So na ang market price ng local well-milled rice ay tumaas ng P5, pumapalo na ngayon sa P43 kada kilo mula sa P42 kada kilo mas mataas sa dating P37 na naging P38 per kilo.

“Ang farmgate price sa palay, tumaas na, mga P3.50. Kung nagiling na na bigas, mga P5 ‘yan,” ayon kay So.

“However, another price increase may be felt for the imported rice from the earlier P2 to P3 adjustment,” dagdag na wika ni So.

Samantala, inaasahan naman ng grupo ang mababang market price ng bigas sa susunod na pag-aani sa kabila ng pagbaba ng input cost.

‘Yung next season, we hope na itong October to December, pababa na ‘yung presyo kasi ‘yung pataba e bumaba na rin ,” aniya pa rin.

Sa kasalukuyan, may 60% ng production cost ang nagmula sa farm input expenditures, nagresulta ng paggalaw ng farmgate at market price. (Daris Jose)

Marcos, Duterte nakakuha ng majority approval, trust ratings sa pinakabagong Pulse Asia survey

Posted on: April 13th, 2023 by @peoplesbalita No Comments

KAPWA nakakuha sina Pangulong Ferdinand Marcos Jr. at Vice President Sara Duterte ng majority approval at trust ratings para sa buwan ng Marso, base sa makikitang resulta ng Pulse Asia survey.

Makikita sa resulta ng survey na si Pangulong Marcos ay nakakuha ng approval rating na 78% habang si Duterte naman ay mayroong 83%.

“Majority approval scores are enjoyed by the President and the Vice-President in all geographic areas and socio-economic groupings,” ayon sa Pulse Asia.

Ang rating ng mga ito ay “virtually unchanged” sa pagitan ng Nobyembre 2022 at Marso 2023.

Sina Pangulong Marcos at Duterte ay kapuwa “trusted by most of the country’s adult population,” ang wika ng Pulse Asia.

Nakakuha naman si Pangulong Marcos ng trust rating na 80% habang si Duterte naman ay nakakuha ng 85%.

Samantala, tabla naman sina Senate President Juan Miguel Zubiri at House Speaker Martin Romualdez sa kanilang nakuhang approval ratings dahil kapuwa nakakuha ang mga ito ng 51%.

Bahagya namang nagkaiba ang mga ito sa kanilang trust ratings dahil si Zubiri ay nakakuha ng 48% habang si Romualdez naman ay nakakuha ng 44%.

Sa kabilang dako, kabilang naman sa top national officials ng bansa gaya ni Supreme Court Chief Justice Alexander Gesmundo ang nakakuha ng mababang approval rating, 43% at trust ratings na 39%.

“The public assessment of the administration’s performance was “generally positive,” with very few changes recorded between the March survey and the previous poll it held last November,” ayon sa Pulse Asia.

Ang tatlo namang “most urgent issues” na kailangang tugunan ng pamahalaan ay ang pagkontrol sa inflation (60%), umento sa sahod para sa mga manggagawa (44%), at paglikha ng mas marami pang hanapbuhay (30%).

Makikita pa rin sa resulta ng survey na 52% ng mga Filipino ang disapproved o ayaw sa performance ng gobyerno pagdating sa inflation. Subalit mayorya naman ng respondents ang aprubado ang performance ng pamahalaan sa pagtugon sa ibang national issue gaya ng calamity response at pagbibigay proteksyon sa kapakanan ng mga migrant workers.

Samantala, ang Pulse Asia survey ay isinagawa sa pagitan ng Marso 15 at 19, gamit ang in-person interviews sa 1,200 adults na may edad na 18 pataas sa iba’t ibang lugar sa Kalakhang Maynila, Luzon, Visayas, Mindanao. Mayroon itong ± 2.8 percent error margin.

Ilan naman sa key developments na nangyari nang gawin ang survey ay ang pananambang kay Negros Oriental Governor Roel Degamo, pag-apruba ng Mababang Kapulungan ng Kongreso sa batas na nananawagan para sa isang convention para amiyendahan ang 1987 Constitution, ang Mindoro oil spill, at ang pangalanan ang 4 na karagdagang military bases na maaaring gamitin ng Estados Unidos sa ilalim ng Enhanced Defense Cooperation Agreement (EDCA). (Daris Jose)

GO INSIDE THE MAKING OF “THE POPE’S EXORCIST”

Posted on: April 12th, 2023 by @peoplesbalita No Comments

“It’s more than an exorcism; it’s a conspiracy.”

So says director Julius Avery about The Pope’s Exorcist, the terrifying new horror thriller opening in cinemas April 19. “There’s something much bigger going on. The stakes are massive,” To give the audience the feeling of how big the stakes are, Avery shot the film in larger-than-life international locations that reflected everything the characters uncover.

“We shot on location in Rome. We shot in Ireland. We found amazing, old architecture, where we built some of the biggest sets I’ve been involved in,” he adds.

[Watch the film’s new spot at https://youtu.be/KYYf79KFbVs]

Building an abbey in Ireland

Central to those is the abbey. In the film, Vatican’s chief exorcist Father Gabriel Amorth (played by Russell Crowe) has to cast out the demonic possession of a young boy named Henry (Peter DeSouza-Feighoney), whose family had just moved to an old and abandoned abbey in Spain, as a fresh start and a new project for his recently widowed mom Julia (Alex Essoe).

Director Avery specifically wanted a Northern European gothic milieu – grey, cold, and foreboding – and they decided to look for locations in Ireland. Following an extensive search around the country, they settled upon an abandoned castle in Limerick.

“It was a gothic type building structure, deep in the woods. It offered us an elevated site, a clear skyline behind us, and an approach road,” explains location manager Eoin Holohan. The design team dressed the grounds with dead vegetation and built an exterior entrance gate and a cloister.

The filmmakers captured the interiors of St. Sebastian Abbey on stages in Ardmore Studios outside Dublin, Ireland.

“We created a composite set of what a Spanish abbey might have looked like, and built a huge set with multiple bedrooms, a giant entryway, a bunch of hallways, catacombs and chapel, all to create the reality of the environment,” recalls producer Doug Belgrad.

Henry’s bedroom, site of the demonic possession, was a crucial set at Ardmore Studios. This space incorporated a vaulted ceiling, a large window (which matched the exterior of the castle), and a mirror.

“The room has the shadows of its former life as an abbey,” explains production designer Alan Gilmore. “There are religious symbols on the windows, a gothic arched vault; architecture from a bygone era, 400 years ago. In the movie, poor Henry gets possessed and a horrible transformation happens to him in his bed.”

Designing for the Devil

During pre-production for The Pope’s Exorcist, director Avery and director of photography Khalid Mohtaseb discussed the film’s visual language, tone, color scheme, and style. He and production designer Gilmore pulled together photography references and used mood boards to craft a muted world where colors are quashed and serene.

Costume designer Lorna Mugan helped achieve this aesthetic. “Color plays a huge role in the Catholic Church,” she explains. “From the humble black of priests, which represents poverty and simplicity, to the Pope in pure innocent white. In between, cardinals wear blood-red to represent shedding their blood or sacrifice for Christ. Their purple comes from the old notion of royalty.”

The characters were enhanced not only with their clothing, but with prosthetics. From the beginning of his involvement with the project, director Avery did not want to rely heavily on CGI. “The hardcore horror fans and audiences can smell something fake. They know it from a mile away when it’s not real,” says producer Michael Patrick Kaczmarek. “It was important to make these effects grounded in reality.”

Practical effects and prosthetics required DeSouza-Feighoney to spend three hours in the makeup chair, giving the young actor a crooked nose, a prosthetic forehead with no eyebrows, and a jaw glued to his neck. “I also had an evil grin prosthetic, which made me look constantly smiling,” he recalls. “I loved getting the prosthetics done, because the finished product was really cool.”

About The Pope’s Exorcist

Inspired by the actual files of Father Gabriele Amorth, Chief Exorcist of the Vatican (Academy Award®-winner Russell Crowe), The Pope’s Exorcist follows Amorth as he investigates a young boy’s terrifying possession and ends up uncovering a centuries-old conspiracy the Vatican has desperately tried to keep hidden.

The film is directed by Julius Avery, screenplay by Michael Petroni and Evan Spiliotopoulos, screen story by Michael Petroni and R. Dean McCreary & Chester Hastings, based on the books “An Exorcist Tells His Story”.

The cast is led by Russell Crowe, Daniel Zovatto, Alex Essoe and Franco Nero.

In cinemas starting April 19, The Pope’s Exorcist is distributed in the Philippines by Columbia Pictures, local office of Sony Pictures Releasing International. Connect with the hashtag #ThePopesExorcist

(ROHN ROMULO)

Pinasilip ang script ng ‘Buybust 2’: ANNE, sa Thailand napiling mag-Holy Week kasama ang mag-ama

Posted on: April 12th, 2023 by @peoplesbalita No Comments

SA Thailand napili ng mag-asawang Anne Curtis at Erwann Heussaff na magbakasyon nitong Holy Week.

Kasama siyempre ang kanilang anak na si Dahlia na at a very young age ay maituturing ng jetsetter.

Sa Phuket, Thailand kunsaan, nasa pool area si Anne, tila ni-reveal na nito ang kanyang pagbabalik pelikula. Habang naka-bakasyon, nagbabasa na ito ng script.

Sa Instagram caption ni Anne, nakalagay na, “Time to prep” at naka-tag ang director na si Erik Matti. Kapag zinoom ang script na may bold letter na “copy for Anne,” ay mababasa rito na ang title ng binabasa niyang script ay “Buybust: The Undesirables.”

Si Anne ang bida sa unang “Buybust” kaya natuwa ang mga followers niya na malamang siya pa rin ang gagawa ng sequel nito.

***

AMINADO sina Miguel Tanfelix at Ysabel Ortega na sa taping ng “Voltes V: Legacy” sila nagkakilala at ‘di-maikakailang nagka-develop-an talaga.

Ito talaga ang unang show na pinagtambalan nila sa GMA Network, pero dahil taon bago ito natapos at maipapalabas, nauna lang umere ang mga sumunod nilang shows.

Sabi nga ni Miguel, “Yes, dito kami nagkakilala and dahil hanggang last week, nag-taping pa kami, technically, dito ko pa rin siya mas nakikilala.

“So, hindi ko makakalimutan ang show na ito dahil sa relationship namin ni Ysabel, dito kami nagkakilala at nabuo ‘yung relationship namin.”

Si Ysabel naman, sabi niya, “Three years and dito ko po talaga nakilala si Miguel and mas lumalim din po ‘yon as time goes on.”

At dahil sila nga ang mga bagong magbibigay buhay sa mga tauhan ng ‘Voltes V’ ngayon, tinanong namin ang dalawa kung anong power ang gusto nila na meron ang isa para kahit hindi sila magkasama, magiging panatag sila na kaya nitong protektahan ang sarili.

“Para sa akin, although matalino talaga si Ysabel, Law student nga ‘yan. Para sa akin, intelligence times 100. Mapo-proteksyonan niya ang sarili niya kahit wala ako. Kung may gustong mang-harass sa kanya, makakaisip siya agad ng paraan,” sey ni Miguel.

Feeling naman daw ni Ysabel, kaya ni Miguel protektahan ang sarili kahit wala siya. Pero sabi niya rin na natatawa, “Siguro ang superpower na ibibigay ko sa kanya, maging magaling magluto at magtimpla ng kape para hindi na niya kailangang bumili sa labas.”

Sa isang banda, ang “Voltes V: Legacy” ay may chance na mapanood on a cinematic experience simula sa April 19 sa iba’t-ibang sinehan at maari ng makabili ng ticket sa mga SM Cinema app at SM Cinema ticket booths.

(ROSE GARCIA)