2023 April Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for April, 2023

PBBM, ipinag-utos ang pagpapaliban sa dagdag pasahe sa LRT-1, LRT-2

Posted on: April 12th, 2023 by @peoplesbalita No Comments

IPINAG-UTOS ni Pangulong Ferdinand Marcos Jr. sa Department of Transportation’s (DOTr) na ipagpaliban ang pagtaas ng pamasahe sa rail lines LRT-1 at LRT-2 “pending a thorough study on the economic impact” sa mga mananakay.

Tiniyak ni Transportation Secretary Jaime Bautista sa press briefing sa Malakanyang na susunod ang DOTr sa utos ng Pangulo at masusing pag-aaralan ang economic repercussions ng pagtaas ng pamasahe sa mga pasahero sa tatlong major rail lines.

“In compliance with the President’s instruction, we will thoroughly study how a fare hike today will impact on passengers of our three rail lines in Metro Manila,” ani Bautista sabay sabing ang dagdag-pasahe para sa MRT-3 ay ipinagpaliban din dahil sa “infirmities in complying with the requirements and procedure.”

Tinuran pa ng Kalihim na inendorso ng Rail Regulatory Unit (RRU) ng DOTr ang report na pumapabor sa fare increase para sa LRT lines 1 at 2.

Sinabi pa ni Bautista na ang RRU ay mayroong kapangyarihan na tanggihan o aprubahan ang panukalang fare adjustments.

Matatandaang, ang huling inaprubahang fare hike para sa rail lines LRT-2 at MRT-3 ay noong 2015.

Sa kabilang dako, ang LRT-1, na isinapribado noong 2015, naghain ng petisyon para sa fare adjustments noong 2016, 2018, 2020, at 2022, ang lahat ng ito ayon kay Bautista ay ipinagpaliban.

“The Light Rail Manila Corporation, which operates LRT-1, is allowed to apply for fare adjustments “of at least 10.25% every two years after the effectivity of the contract,” ani Bautista.

Aniya pa, ang proceeds o malilikom sa pagtaas ng pamasahe ay gagamitin para sa technical capability, services at facilities ng dalawang rail lines.

“The fare increase will enable the two rail lines’ [LRT-1 and LRT-2] to improve their services, facilities and technical capabilities,” ani Bautista.

“The fare adjustment will help sustain the two commuter rail lines’ affordable mass transport services.” aniya pa rin. (Daris Jose)

Pamahalaan umaasang ang China ang magpopondo sa P300 B railway projects

Posted on: April 12th, 2023 by @peoplesbalita No Comments

UMAASA pa rin ang pamahalaan na ang China ang siyang magpopondo sa P300 billion na railway projects kung saan sinabi ng Department of Transportation (DOTr) na hindi na sa pribadong sektor ibibigay ang tatlong (3) railway projects.

Sinabi ni DOTr undersecretary Timothy John Batan na ang pamahalaan sa pangunguna ng Department of Finance (DOF) ay muling naghain ng aplikasyon para sa P308 billion na Chinese loans. Gagamitin ito sa pagtatayo ng 3 railway projects na ilalagay sa Luzon at Mindanao.

“As a result, the government has turned down the option of offering the rail proposals to the private sector. There was no instruction from President Marcos to bid the rail projects to potential investors, although this was raised as an option by the DOTr. The three railway projects are for China ODA (official development assistance) financing. The discussions are ongoing with China and the loan application have been resubmitted by the DOF, all three of them,” wika ni Batan.

Isa sa railway projects na ito ay ang Philippine National Railways (PNR) South Long Haul na tinatawag din na PNR Bicol kung saan nagkakahalaga ito ng P175 billion mula sa dating P142 billion.Tumaas ang kabuohang loan application dahil sinama ang pagbili ng gagamiting rolling stock ng PNR Bicol.

Muling nagsbumit din ng loan application ang DOF para sa P83 billion na Mindanao Railway Phase 1 at ang P50 billion na Subic-Clark Railway Project. Ayon kay Batan ang pamahalaan sa ngayon ay nakikipagnegotiate sa China para sa terms at conditions ng loan.

Noong nakaraang taon ay binawi ng pamahalaan ang financing request mula sa China para gamitin sa nasabing 3 railway projects. Ayon naman kay dating finance secretary Carlos Dominguez na binawi ang loan application dahil nabigo ang China na kaagad kumilos para sa nasabing loan applications.

Pinaalalahanan naman ni Dominguez ang pamahalaan na ang China ay maaaring magbigay na three percent interest rate na mas mataas pa sa binibigay ng ibang financiers tulad ng Japan na may 0.1 percent na interest lamang.

“The government had considered offering the big-ticket projects to the private sector, but found it difficult to remove China from the picture, particularly for PNR South Long Haul, which was designed by China Railway Design Corp.” dagdag ni Batan. LASACMAR

Ads April 12, 2023

Posted on: April 12th, 2023 by @peoplesbalita No Comments

Pinas, hinikayat ang US, China na ‘i-manage ang rivalry’ sa gitna ng umiigting na tensyon sa Taiwan

Posted on: April 12th, 2023 by @peoplesbalita No Comments

HINIKAYAT ng Pilipinas ang Estados Unidos at China na “manage their strategic rivalry with dialogue” and “sincere engagement” sa gitna ng tumitinding tensyon sa Taiwan.

Sa naging talumpati ni Foreign Affairs Secretary Enrique Manalo sa idinaos na Center for Strategic and International Studies (CSIS) forum sa Washington D.C., Foreign Affairs Secretary Enrique Manalo, sinabi nito na “the present and future relationship between the United States and China is a defining feature of this regional ecosystem.”

“As responsible powers, each with a stake in the region’s long term peace and security, Washington and Beijing need to manage their strategic rivalry with dialogue, transparent and sincere engagement where possible,” dagdag na wika nito.

Sa ulat, naglunsad ang Beijing ng military drills sa paligid ng Taiwan, isang araw matapos na bumalik si President Tsai Ing-wen mula sa kanyang 10-day visit sa Central America at Estados Unidos kung saan nakipagpulong siya kay US House Speaker Kevin McCarthy.

Makailang ulit namang nagbabala ang China ukol sa naging pulong ni Tsai kay McCarthy at nagbanta na gagawa ng “strong and resolute measures if it proceeded.”

Inilarawan naman ng Beijing ang military drills bilang “a serious warning against the Taiwan separatist forces’ collusion with external forces, and a necessary move to defend national sovereignty and territorial integrity.”

Sinabi ni Manalo na ang anumang uri ng pagpapataas sa tensyon o military conflict ay mayroong masamang epekto sa rehiyon, lalo na sa Pilipinas dahil sa “proximity” o lapit ng bansa.

At sa tanong kung ang bagong Enhanced Defense Cooperation Agreement (EDCA) sites sa Pilipinas ay maituturing na “house equipment” na maaaring gamitin ng US kapag ang tensyon sa Taiwan ay tumindi, sinabi ni Manalo na “discussions are still underway.”

“It will all depend on how discussions go on the type of activities and the terms of references of those activities within any of those sites,” aniya pa rin.

Nauna nang nagbabala ang China hinggil sa posibleng panganib ng pinalawig na military cooperation sa regional peace and stability, “drag the Philippines into the abyss of geopolitical strife and damage its economic development.”

Samantala, sinabi ni Pangulong Ferdinand Marcos Jr. na ang EDCA sites ay hindi gagamitin para sa offensive operations. (Daris Jose)

DBM, nagpalabas ng mahigit sa P43B para sa Health Insurance para sa 8M senior citizen

Posted on: April 12th, 2023 by @peoplesbalita No Comments

INAPRUBAHAN ng Department of Budget and Management (DBM) Secretary Amenah F. Pangandaman ang P42,931,355,000 para i-cover ang one-year health insurance premiums ng mga senior citizens sa buong bansa.

“The Special Allotment Release Order (SARO) and its corresponding Notice of Cash Allocation (NCA) were approved by the Budget Secretary on 04 April 2023,” ayon sa DBM.

Ang kabuuang 8,586,271 enrolled senior citizens ay inaasahan na makikinabang mula sa nasabing allotment.

“From the start, the directive of President Bongbong Marcos has been very clear—- this government must ensure that our senior citizens have the support and resources they need to thrive,” ayon sa Kalihim.

“Our elderly will always remain vital members of our society who have spent many of their productive years not only in improving the lives of their family members but also in contributing to their communities. Dapat lamang na patuloy nating tulungan ang ating mga lolo at mga lola na manatiling malakas at malusog,” dagdag na pahayag nito.

Sa ilalim ng FY 2023 General Appropriations Act (GAA), inilaan ang P79,002,185,000 para bayaran ang health insurance premiums ng indirect contributors, kabilang na ang mga lolo’t lola o mga senior citizen.

Alinsunod sa Republic Act No. 10645, mas kilala bilang Expanded Senior Citizens Act of 2010, ang lahat ng senior citizens ay dapat na makasama o sakupin ng National Health Insurance Program (NHIP) ng PhilHealth.

Ang pondo na kakailanganin para masiguro ang enrollment ng lahat ng senior citizens na sa kasalukuyan ay hindi saklaw ng umiiral na kategorya ay huhugutin sa National Health Insurance Fund of PhilHealth mula sa nalikom ng Republic Act No. 10351 o Sin Tax Law. (Daris Jose)

Taiwan minaliit ang ginawang 3-day simulation target strikes ng China

Posted on: April 12th, 2023 by @peoplesbalita No Comments

HINDI nagpahayag ng pagkatakot ang Taiwan sa ginawang tatlong araw na simulation target strikes ng China.

Ayon sa defence ministry ng Taiwan na lalo pa nilang papalakasin ang kanilang kahandaan sa pakikipagdigma.

Maging ang US ay mananatiling nakabantay sa anumang hakbang na gagawin ng China matapos ang tatlong araw na simulation drill.

Nagbunsod ang nasabing simulating target ng China mula ng bumisita sa US si Taiwanese President Tsai Ing-wen at nakipagpulong kay US Speaker of the House Kevin McCarthy.

Iginigiit pa rin kasi ng China na bahagi pa rin nila ang Taiwan at kaya nila isinagawa ang military exercise dahil sa ginawa ng Taiwan president.

Sinabi ni Chinese Ministry of Foreign Affairs spokesman Wang Wenbin na kung nais ng mga bansa ng kapayapaan sa Taiwan Strait ay dapat hindi nila sang-ayunan ang anumang balak ng Taiwan na maging independent. (Daris Jose)

Gladys, kinabog ang magpinsang Kylie at Bela: ROMNICK at ELIJAH, parehong pinarangalan at naghakot ng awards ang ‘About Us But Not About Us’

Posted on: April 12th, 2023 by @peoplesbalita No Comments

TULAD ng inaasahan humakot ng 10 awards ang pinupuring psychological drama na “About Us But Not About Us” sa Gabi ng Parangal ng first-ever Summer Metro Manila Film Festival (SMMFF) na ginanap noong April 11 sa New Frontier Theater.

Ang pelikulang pinagbidahan nina Elijah Canlas at Romnick Sarmenta ang tinanghal na Best Picture, Best Director and Best Screenplay para kay Jun Robles Lana.

Si Romnick ang nag-uwi ng Best Actor na kung saan mahigpit niyang nakalaban si Elijah na pinarangalan naman ng Special Jury Prize, dahil sa mahusay din niyang pagganap.

Sa 11 nominations ng “About Us But Not About Us” natalo lang ito sa Best Float na napunta sa “Love You Long Time, na nagwagi naman ng Second Best Picture.

Ang comedy film na “Here Comes The Groom” ay nanalong Third Best Picture at binigyan din ng Special Jury Prize.

Nakuha rin ng pelikula ang Best Supporting Actress para kay KaladKaren, naging emosyonal sa kanyang speech dahil hindi siya makapaniwala. Nakapanghihinayang naman na si Keempee de Leon lang ang wala para tanggapin ang kanyang Best Supporting Actor award.

Narito ang kumpletong listahan ng mga nanalo:

• Best Picture – About Us But Not About Us
• 2nd Best Picture – Love You Long Time
• 3rd Best Picture – Here Comes the Groom
• Jury Prize – Here Comes the Groom
• Jury Prize – Elijah Canlas, About Us But Not About Us
• Best Actress – Gladys Reyes, Apag
• Best Actor – Romnick Sarmenta, About Us But Not About Us
• Best Director – Jun Robles Lana, About Us But Not About Us
• Best Supporting Actor – Keempee de Leon, Here Comes the Groom
• Best Supporting Actress – KaladKaren, Here Comes the Groom
• Best Screenplay – About Us But Not About Us
• Best Cinematography – About Us But Not About Us
• Best Editing – About Us But Not About Us
• Best Production Design – About Us But Not About Us
• Best Original Theme Song – “Paralaya”, Apag
• Best Musical Score – About Us But Not About Us
• Best Sound Design – About Us But Not About Us
• Best Float – Love You Long Time

***

WAGING Best Actress nga ni Gladys Reyes para sa “Apag” at tinalo ang magpinsan na Kylie Padilla (“Unravel”) at Bela Padilla (“Yung Libro Sa Napanuod Ko”) na parehong magaling sa kani-kanilang pelikula.

Pero hindi naman matatawaran ang galing na pinamalas ni Gladys sa “Apag” ni Brillante Mendoza na pinagbidahan ni Coco Martin, na kung saan nakatanggap siya ng mga papuri sa mga nakapanood.

Pero sabi ni Gladys na hindi na siya umasang mananalo, “napanood ko pareho ang movie nila (Unravel at ‘Yung Libro na Napanood Ko), sabi ko, ‘iba ‘yung galing ni Kylie, iba rin ang galing ni Bela. Talagang kanina, wala na akong in-expect.”

Sabi pa ng premyadong aktres, “Kinakabahan nga ako, baka hindi ako ma-nominate. Tapos wala ang pangalan ko sa best supporting actress, nandun kaya ako sa best actress? Hindi kasi malinaw sa akin kung saan category ako papasok.”

Ito pala ang first acting award ni Gladys in a leading role, “first ko ito sa pelikula. Sa Urian naman, best supporting actress ako para sa ‘Magkakabaung’ na Kapangpangan film din tulad nitong ‘Apag’, mukhang may suwerte ako sa ganitong film.”

Malaki rin ang pasasalamat ni Gladys sa press people na nagsulat at nag-promote ng movie nila, at panawagan niya na sana ay mas marami ang makapanood ng 8 entries ng 1st Summer MMFF na magtatapos na sa April 18.
Suportahan po natin ng Pelikulang Pilipino, Mabuhay!

(ROHN ROMULO)

NCRPO itinuturing na mapayapa ang paggunita ng Semana Santa sa Metro Manila

Posted on: April 12th, 2023 by @peoplesbalita No Comments

ITINUTURING ng National Capital Region Police Office (NCRPO) na ‘generally peaceful’ ang naging paggunita ng Semana Santa sa Kamaynilaan.

Sinabi ni NCRPO Chief, Police Major General Edgar Allan Okubo, wala silang natanggap na banta sa seguridad at kahit na tapos na ang Semana Santa ay patuloy pa rin silang naka-heightened alert.

May mga nakakalat pa rin silang mga kapulisan sa mga pampublikong lugar at public transport terminals para matiyak ang seguridad ng publiko sa Metro Manila.

Papayagan na rin nila ang limang porsyento ng kanilang hanay na makapag-leave dahil sa patuloy ang kanilang pagbabantay sa mga vulnerable areas.

235 Araw ng Kapanganakan ni “BALAGTAS” ginugunita

Posted on: April 12th, 2023 by @peoplesbalita No Comments

ORION, BATAAN —Pinangunahan ng mga opisyales sa local ng munisipyong ito kasama ang mga opisyales ng KWF, NCCA, NBDB ang paggunita ng 235 taong kaarawan ng Bayaning Makatang si Gat Francisco “Balagtas” Baltazar noong ikalawang araw ng Abril taong 2023. Na may temang “Kultura ng Pagbabasa Tungo sa Pagkakaisa.”

Para sa kaalaman ng lahat, ang komisyon sa Wikang Filipino (KWF) ang naatasan ng batas na pangungunahan ang dakilang gawaing ito. Sa batas ng “Proklamasyon Blg. 964 serye ng 1997 na pinamagatang Pagdeklara sa ika-2 ng Abril ng bawat taon bilang Araw ni Balagtas.”

Ayon sa kinatawan ng Mayor Antonio L. Raymundo, napag-alaman na dito tumira sa Orion, Bataan ang dating manunulat na siyang may akda ng sikat na dulang Romantikong Florante at Laura at ng iba’t iba pa niyang mga akdang libro na siyang ginamit sa halos lahat ng mga paaralan hanggang sa kasalukuyan.

“Dito sa Orion, Bataan naninirahan sa kanyang mga huling araw ang sikat na si “Balagtas” hanggang isang araw ay may naganap na sunog sa kanilang tahanan na siyang kadahilanan sa pakasunog ng kanyang mga iba’t iba pang mga obra,” dagdag pa niya.

Ayon sa pananalita ni Atty. Marites B. Taran KWF Direktor Heneral, “Napapanahon ang temang ito sapagkat naaapektuhan ng “internet addiction” ang reading habits ng mga kabataan ngayon.” “Nakitaan ng mga eksperto na may pagbaba sa hilig ng mga bata sa pagbabasa bungsod ng internet.”

“Ang pagbabasa ay pagpapakain sa utak” dagdag pa ni Atty. Taran.

Ayon naman kay Kgg. Arthur P. Casanova ang tagaPangulo ng KWF “Dapat pananatilihin at ipagpapatuloy ang pag gamit ng wikang Filipno sa lahat ng antas sa lipunan.”

Kasama sa pagdiriwang ang mga kinatawan ng iba’t ibang grupo ng Media. Isa na ang Publishers Association of the Phil. Inc., (PAPI) na kinakatawan ng News Sydicate Digest publisher at ang publisher ng Tarlac Insider, PIA REg.3, RTVM, Radyo Veritas, DWBL at iba pa. (BISHOP JESUS “JEMBA” M. BASCO)

Dahil ‘di nabigyan ng Canadian visa: JUDY ANN, ‘di na muna matutuloy sa movie nila ni SAM

Posted on: April 12th, 2023 by @peoplesbalita No Comments

NOW it can be told… hindi (muna) tuloy ang shooting ni Judy Ann Santos para sa pelikulang “The Diary of Mrs. Winters.”

Dapat sana ay nito pang Marso tumulak patungong Canada ang buong team ng nabanggit na horror film pero hindi sila natuloy.

At ngayong araw ng Martes, April 11, sa kanyang Instagram Story ay inihayag na mismo ni Judy Ann kung ano ang nangyari.

“Sa mga nagtatanong hindi po kami natuloy mag- Canada, hindi lumabas yung visa ko, specifically, so it will be pushed back to next year.

“But all is good, all is good, all the production is good siguro sadyang hindi pa lang naaayon ang mga bagay-bagay.

“Sa pagkakataong ito, but you know sadyang maproseso lang ang mga ganap.”

Sa “The Diary Of Mrs. Winters” muling magsasama sina Judy Ann at Sam Milby makalipas ang sampung taon. Huli silang nagkatrabaho sa seryeng “Huwag Ka Lang Mawawala” sa ABS-CBN.

Sa direksyon ni Rahyan Carlos, at mula sa produksyon ng AMP Studios Canada at HappyKarga Films.

Ma-delay man, siguradong itutuyloy ang shoot ng pelikula sa Canada at dito sa Pilipinas.

Samantala, sa ngayon ay balik-taping si Judy Ann para sa isang serye na hindi pa maaaring ibulgar ang mga detalye pero soon ay mababasa rin ninyo dito sa pahayagang ito.

***

MADALAS mag-post sa kanyang Instagram account si Anthony Rosaldo ng kanyang mga hubad na larawan kaya tinanong namin siya kung may mga “nagpaparamdam o nanliligaw” sa kanya.

“Daming nagpaparamdam, as in! Lalo po sa mga filtered messages pero, ako always grateful po ako e, if there’s one na talagang nakaka-appreciate, I will say thank you.

“And I don’t actually get offended sa mga indecent proposals o ganyan, mga ligaw, kasi for me ano po yan e, parang talagang, nag-appreciate lang naman sila in their own way po.

“Kaya ako po I also respect kung anuman ang opinyon nila be it pangit o maganda, it’s still a compliment po para sa akin.”

Tinanong na rin namin ang The Clash season 1 grand finalist at Sparkle male artist kung ano na ang pinakabongga na offer na medyo nawindang o nagulat siya.

“Windang po? Ang dami po kasi pero yung recent po like parang ano lang, dinner daw po, fifty thousand (pesos), dinner!”

Hindi raw binubuksan ni Anthony ang mga ganoong message.

Samantala, gaganap si Anthony bilang Hector sa pinakauna niyang musical stageplay, ang Ang Huling El Bimbo musical play simula sa April 21 sa Newport Performing Arts Theater sa Newport World Resorts.

Mapapanood ito tuwing Biyernes at Sabado tuwing alas otso ng gabi at may matinee performances naman tuwing Sabado at Linggo alas tres ng hapon.

(ROMMEL L. GONZALES)