MAY mga naantipatikuhan at naglabas ng galit sa post ni Janus Del Prado sa kanyang Instagram account.

Napakasarkastiko raw kasi ang ginawang pagtanong ng aktor sa mga tumitira at bumabanat sa mga naglilipatang artista noon sa ibang network.

“‘Yung mga bumatikos sa mga lumipat dati, naglipatan na din ngayon lol. Kala ko ba hindi loyal ang mga lumilipat? #hypocrites,” ani pa ng IG post ni Janus.

Sobrang angas daw ni Janus sa ginawa niyang pagpapatutsada sa mga kasamahan niya sa industriya.

Although, wala namang binanggit na pangalan ang actor na marami ang nagpapalagay na para ito sa ilang hosts ng “It’s Showtime.”

Ito’y matapos ngang umere ang nasabing Kapamilya noontime sa GMA-7 simula noong Sabado, April 6.

“Meaning lang po lods, baka hindi kaya ng mga current GMA artist na buhayin ang noon time ng GMA kaya need help sa ABS CBN artists. Kaya kinuha na lang buong Showtime total wala naman sila channel to formally air their shows. Pero as far as I know wala pong lumipat. ABS-CBN artists padin sila. Need lang din ni GMA help nila so win win padin,” pagtatanggol pa ng isang netizen.

“APAKABOBO MO TALAGA KAYA HINDI UMABANTE CAREER MO EH.” Sey pa ng isa na naka all caps pa!

“OA naman ni @janusdelprado as if naman Big Star Talaga!! hahahaha.”

“Hindi naman sila hypocrites kasi wala namang lumipat? Since under ABSCBN management pa din naman sila? Naki ere lang sila sa GMA yun lanf”

“Idol kita lods. Pero dapat di na pinapalaki to. Kung lumipat lumipat wala naman na magagawa tsaka baka yun din ang tamang move para sa career nila.”

“Hndi naman po sila lumipat.. bkt ba kasi ayw ng gma gumawa ng sarili nilang noontime show? Eh marami silang artist na sa network nila? Hehe mas gusto nila kunin ang showtime?! Gma tlga may sarili namang mga artista gusto mga tga abscbn,” sunod sunod pang komento sa naturang post ni Janus.

Samantala, matapos makatikim ng pangnenega at pang-ookray mula sa netizens ay ini-edit ni Janus ang naturang post.

“At the end of the day lumipat pa din sila ng Station. Kinailangan pa rin nila yung tulong ng Station ng mga artista na binabash nila dati (lalo na yung mga lumipat) para magkaroon ng mas malaking platform. Lesson. Wag magsalita ng tapos. Bilog ang mundo.”

***

NAGING paborito namin ang kantang “Selos” ni Shaira.

When in fact sa lahat ng mga reels namin sa Facebook ay ang nasabing awitin ang madalas naming gamitin background audio.

Kaya isa kami sa nalungkot nang husto nang nagkaroon ng isyu si Shaira sa isang Australian singer na si Lenka dahil sa naturang waiting “Selos” ng una, huh!

Kaya pansamantalang naka-ban ang kanta at bawal gamitin.

Pero sa kalagitnaan ng isyu ay pinili na lang raw ng kampo ni Shaira ang manahimik dahil ayaw na nilang lumaki pa ang isyu.

But still sa pamamagitang kanyang Facebook account ay nilinaw ni Shaira na walang kaso raw na isinampa sa kanya sa kabila ng pagkakapareha ng melody ng “Selos” at ng awiting “Trouble Is A Friend”.

“Wala pong sinampang kaso laban sa amin. Sa katunayan naging mapayapa ang pag-uusap namin ng kampo ni Lenka at nauwi po ito sa pagkakasunduan hindi lang sa pamamaraan ng pagpapalabas ng kanta sa online streaming platforms,” Paliwanag pa ni Shaira.

Siyempre masaya rin namang ibinalita ni Shaira na muli nang magbabalik ang “Selos” sa streaming platforms.

“Malapit na po naming ibalik sa mga online streaming platforms ang kantang ‘Selos’ kasabay na rin po ng ibang kanta ng aming produksyon.

“Sana po ay maging masaya na lang po tayo dahil hindi lang naman po ito para sa akin, para rin po ito sa mga kapwa kong Bangsamoro artists at kapwa ko Pilipino,” pakiusap pa rin ni Shaira sa lahat.

Kaya sa ngayon ay mapapakinggan muli ang viral song na “Selos” ng Moro singer na si Shaira sa online streaming platforms.

Kaya wala na raw problema at kinumpirma na mismo ni Shaira. Nakapag-usap na sila ng kampo ng Australian singer na si Lenka matapos pumutok ang isyu na may pagkakaparehas ang kanyang kanta.

Sa pamamagitan nga ng apat na minuto ng paliwanag ni Shaira sa kanyang Facebook page kung saan tinalakay niya ang naging copyright issue ng kanyang viral song na “Selos”.

“At di ko alam bakit ba nagkakaganito,” ayon pa sa lyrics ng awitin.

Dagdag pa rin ni Shaira na malaki ang pasasalamat niya dahil sa pagmamahal ng mga tao sa kanyang awiting “Selos”.

(JIMI C. ESCALA)

TWO weeks na palang tuluy-tuloy ang shoot ng movie na “When I Met You in Tokyo,” na muling magpapabalik sa love team nina Vilma Santos at Christopher de Leon.  Kasama rin nila sa shoot si Tirso Cruz III, sa Japan.  

Happy ang production dahil wala silang problema sa pagtatrabaho nila, dahil si Japanese actor-director-producer na si Jacky Woo, ang tumulong sa pag-aasikaso ng lahat ng mga kailangn nila sa shooting, kaya smooth sailing ang shoot nila roon.

Wala rin silang problema sa set dahil malamig at ini-enjoy nila ang snow at ang beauty ng Cherry Blossoms or Sakura na in season ngayon sa Tokyo.

Malapit daw lamang sa Narita Airport ang hotel na tinutuluyan nila.  Kaya nagkaroon din ng chance si Senator Jinggoy Estrada na madalaw sila sa set, dahil nasa Tokyo sila ng family niya during the Holy Week.

Ang “When I Met You in Tokyo” ay produced by JG Productions Incorporated, na muli nang pagtatambalan nina Ate Vi at Boyet, after almost 20 years since the last movie na pinagtambalan nila noon.  Napag-alaman din namin na besides acting. Boyet will also be directing his leading lady in some of the scenes ng movie.

Meanwhile, kasama naman ni Tirso sa Japan ang wife niyang si Lynn Cruz.

***

NAGSIMULA na muling mapanood ang #MaineGoals Season 3 sa TV5 at 8:30 am, Mondays to Fridays, na nagtatampok sa barkada nina Maine Mendoza at co-hosts na sina Chamyto at Chichi.

Ang first episode nila ay tungkol sa pagti-training nila as flight stewardees, at dito nalaman na kahit pala nag-graduate na that time si Maine ng Culinary Arts sa De La Salle College of St. Benilde, seven years ago, dream pala niya noon na maging flight stewardess.

Pero hindi ng natupad ang dream ni Maine that time, dahil inagaw siya ng showbiz at doon siya nakilala.  Kaya matutupad na lamang ang wish na iyon ni Maine kung makakaganap siya ng role na isa siyang flight stewardess.

At hindi lamang pagti-training ang ginawa nila, ganoon din kung paano sila kikilos kapag may emergency sa loob ng airplane at kung paano rin nila isi-save ang buhay nila sa mga ganoong pagkakataon.

Hindi lamang iyon ang mapapanood sa #MaineGoals, dahil sa mga susunod na episodes, magiging professional racers din sila, warfighting training as army reservist, at iba pa.  Ang #Maine Goals ay mapapanood din, with an extended version at 8PM sa BukoChannel, via PayTV on Cignal at SatLike Ch.2, Mondays to Fridays din.

(NORA V. CALDERON)

NGAYONG Martes, ang Gabi Ng Parangal ng 1st Summer Metro Manila Film Festival (SMMFF) na gaganapin sa New Frontier Theater sa Quezon City.

SA ang Jury Chair nito para sa dalaga nitong pinili ng MMFF Execom si Dolly de Leon, na isang internationally acclaimed Filipino film, television, and theater actress, bilang Jury Chair.

Nakilala si Dolly sa mga pelikula niyang “Verdict”; “Historya ni Ha”; at nakakuha ng mas matinding pagkilala dahil pagkapanalo niya ng Palme d’Or dahil sa “Triangle of Sadness.”

Sa kanyang nakapahusay na pagganap sa “Triangle of Sadness”, siya ang first-ever Filipino actor na na-nominate sa British Academy of Film and Television Arts (BAFTA) at Golden Globe Awards.

Last May 2022, pumirma si De Leon sa US-based artist agency na Fusion Entertainment, at naka-line up siya sa mga pelikulang internasyonala, isa rito ang “Grand Death Lotto,” na ididirek ni Paul Feig, na pagbibidahan nina John Cena, Awkwafina, at Simu Liu.

Inaasahang kikilalanin ng Gabi ng Parangal o awards night ang artistic at technical merit ng eight movies na kalahok: Brillante Mendoza’s Apag, Chris Martinez’s Here Comes the Groom, RC delos Reyes’ Unravel: A Swiss Side Love Story, Fifth Solomon’s Single Bells, JP Habac’s Love You Long Time, Jun Robles Lana’s About Us, Not About Us, Joven Tan’s Kahit Maputi Na Ang Buhok Ko: The Music of Rey Valera, and Bela Padilla’s Yung Libro Sa Napanuod Ko.

Bet naming maglalaban sa Best Actor sina Romnick Sarmenta at Elijah Canlas (About Us, Not About Us), Carlo Aquino (Love You Long Time), at Enchong Dee (Here Comes the Groom). Sa Best Actress naman sina Kylie Padilla (Unravel: A Swiss Side Love Story), Gladys Reyes (Apag) at Bela Padilla (Yung Libro Sa Napanuod Ko).

Sa tingin namin, mahigpit namang maglalaban sa Best Film, Best Director, at iba pang awards ang ‘About Us But Not About Us’ at ‘Love You Long Time’.

Ang December at Summer MMFF ay in-organize ng Metropolitan Manila Development Authority (MMDA), and in partnership with the Cinema Exhibitors Association of the Philippines, primarily with the intention to “promote the preservation of Philippine cinema.”

Magbe-benefit sa proceeds mula MMFF ang Movie Workers Welfare Foundation, Inc., Motion Picture and Anti-Film Piracy Council, Film Development Council of the Philippines at Optical Media Board.

Alamin kung sinu-sino ang mananalo at makapag-uuwi ng tropeo ng karangalan ngayong 8 p.m. (April 11), telecast ito sa OnePH at may delayed telecast sa TV5 at 10:45 p.m.

(ROHN ROMULO)

NAGKUWENTO si Angeline Quinto na last month pa nag-start ang preparation nila para sa first birthday ng baby boy ng partner niyang si Nonrev Daquina. 

Si Sylvio ay magwa-one year old na sa April 27.

Nakababawi na rin daw si Angeline sa puyatan sa pag-aalaga sa kanyang anak.

“Medyo okay naman na po, nakakabawi na po ulit ng tamang tulog. Unlike kasi nung ilang buwan pa lang, nung newborn pa lang po si Sylvio, doon ako medyo nahirapan.

“Pero ngayon at least nakapagtrabaho  na po ulit ako, so nakakatanggap na rin ng work.”

Ano na ang mga milestones so far habang lumalaki si Sylvio?

“Madami na po! Pero ang unang-unang na-witness ko po talaga yung nagsalita siya ng mama, at nandoon ako.

“Parang hindi ko alam yung magiging pakiramdam, ganun pala talaga.

“Naiiyak ako sa tuwa nung narinig ko. Yung gusto ko siyang paulit? ‘Ano yun, Sylvio?’ Mama, Mama, Mama.’

“Tapos sabi nila, ‘Ay naku mas magiging malapit sa iyo yan kasi unang tinawag ka, hindi ang Papa’, ganun daw po yun.

“Sobrang plus points po iyon bilang nanay.”

Ngayong isa na siyang ina, ano ang nadiskubre ni Angeline na hindi niya alam dati, na ikinagulat niya?

“Hindi po pala talaga madali ang maging nanay. Tsaka yung pagiging nanay parang hindi mo kailangang, alam mo yun, parang hindi siya kailangang pag-aralan.

“Kasi ako sa totoo lang po, nung ipinangak ko si Sylvio, takot na takot akong hawakan siya kasi ang liit-liit! Tapos sabi sa akin nung isang nurse na nagbantay po sa akin sa hospital sabi niya, ‘Ma’m hindi kita tuturuan, subukan mo lang.’

“Tapos ganun, pagbuhat ko sa kanya marunong pala ako!

“Yung mga ganung bagay, na ang pagiging nanay pala automatic yan. Pag nakita mo yung bata magagawa mo ng lahat.

“So medyo, mahirap din po na maibalanse yung oras sa trabaho at pagiging nanay pero kinakaya, sa tulong din ni Nonrev, kasi minsan pag wala po ako sa bahay siya talaga yung nakatutok kay Sylvio.”

Nagkuwento rin si Angeline tungkol sa naging sitwasyon noong unang beses niyang iniwan si Sylvio para magtrabaho.

“Kasi nung time na yan one week pa lang si Sylvio, back-to-work na, one week pa lang. So may pumasok na work po, sa Pampanga lang naman, hirap na hirap akong kumanta.

“Kasi CS po ako, e. Alam niyo ultimo ABC hindi ko magawang kantahin

“So napapraning na ako, sabi ko, ‘Ano nangyari sa boses ko?!’

“So kahit medyo hirap pa po ako noon dahil gustung-gusto ko na talagang kumanta, pinilit ko ang sarili ko. Siyempre andiyan pa yung anesthesia, medyo nahihilu-hilo ka pa’, at tumawa si Angeline, “e kinaya naman.”

“Dun ko na-feel na ang hirap palang mawalay sa kanya nung ganun pa lang siya kaliit.

“Iyon po yung lagi kong, nung time na yun ha, lagi kong nire-ready yung sarili ko, kapag may trabaho ako siyempre maiiwan ko na naman siya sa bahay pero ang maganda dun excited ka laging bumalik ng bahay after ng trabaho.

“Kasi dati di ba po, honestly pag may trabaho ako dati, after niyan kahit gabing-gabi mag-aaya ang mga kaibigan mo, ‘Uy birthday ni ganito,’ kailangan mong puntahan.

“So iyon din yung nabago sa akin, na mas alam ko na yung priorities ko bilang isang ina.”

Nakausap namin si Angeline sa relaunch ng negosyo niyang Twinqle baby products.

Ang mga produkto ng Twinqle, na ang laboratory ay nasa Pampanga, ay Top To Toe Wash, Atopic Soothing Lotion, Bar Soap, Stretchmark Oil, Outdoor Insect Spray, Diaper Rash Cream, Nursing Balm at Scar Serum.

May pelikula rin si Angeline kasama si Alex Gonzaga, ang ‘Single Bells’, na entry sa first Summer Metro Manila Film Festival na magtatapos sa April 18, 2023.

(ROMMEL L. GONZALES)

NAGPAPASALAMAT ang ‘Voltes V: Legacy’ star na si Ysabel Ortega sa kanyang stepfather na si Gregorio Pimentel dahil sa pagturing sa kanya bilang tunay na anak.

“I know na it’s not easy to treat someone else’s daughter as your own. So I’m just very grateful kasi I found a father in daddy Greg. I know it’s not easy to accept that.

“But he treats me as his own daughter, and I’m very happy because I’m happy to say na now, I have a family. I have a whole family,” sey ni Ysabel na ang tunay na ama ay ang veteran action star na si Senator Lito Lapid.

Maayos naman daw ang relasyon ni Ysabel sa kanyang biological father. Nami-miss daw niya ang pagiging close nila noon ni Senator Lapid.

“Growing up I was very close to my dad, I always talk about it, I’m always grateful for it. Of course there was a time, for people who knew about it, there was a rough patch po.

“Pero, it always happens with family. We get to talk with each other, we see each other from time to time. What matters is now, and I am grateful for what we have.”

Ang maganda pa raw ay suportado si Ysabel ng kanyang ama sa pag-pursue nito na magkaroon ng law degree.

(RUEL L. MENDOZA)