• July 5, 2024
  • Search in People's Balita

  • Ang Diyaryong Pinagkakatiwalaan

 

Archive for April, 2023

Mga paliparan, pantalan at terminal sa Metro Manila ininspeksiyon ng NCRPO

Posted on: April 4th, 2023 by @peoplesbalita No Comments
PERSONAL na ininspeksyon nitong Linggo ni National Capital Region Police Office (NCRPO) Director P/Major General Edgar Alan Okubo ang mga paliparan, daungan at terminal sa inaasahang pagdagsa ng mga pasahero na mag-uuwian para sa Semana Santa.
Inalam ni Okubo ang sitwasyon sa seguridad sa NAIA T3, Five Star Bus Liner, Parañaque Integrated Terminal Exchange (PITX), DLTB Bus Terminal, Philippine Ports Authority (Asian Terminal Inc. at Manila North Port), at Victory Liner sa EDSA.
Sa nasabing inspeksyon, muling iginiit ni Okubo ang kanyang gabay sa mga pulis na manatiling alerto at mapagbantay habang tinitiyak ang kaligtasan at seguridad ng mga commuter.
Tiniyak din ng NCRPO na mahigpit na sinusunod at binabantayan ang police visibility at mga naitatag na Police Assistance Desks (PADs).
Dahil sa kaligtasan ng lahat ang prayoridad, bukod sa kahandaan ng mga pulis, pinaalalahanan din ng NCRPO Regional Director ang mga pasahero sa ilang safety measures at higit na sinuri ang kalagayan ng mga driver.
Hiling ni Okubo ang kooperasyon ng publiko na i-report sa mga awtoridad ng pulisya ang sinumang kahina-hinalang tao sa kanilang lugar sa pamamagitan ng NCRPO Text Hotline numbers 0915-888-8181 at 0999-901-8181. (Daris Jose)

Romualdez, may paalala sa PNP at PCG ngayong Semana Santa

Posted on: April 4th, 2023 by @peoplesbalita No Comments
“GAMPANAN ng mabuti ang inyong mga trabaho ngayong Semana Santa para iwas sa sakuna ang taumbayan.”
Ito ang paalala ni House Speaker Ferdinand Martin Romualdez sa mga otoridad tulad ng mga pulis at coast guard personnel ngayong long weekend dahil sa Holy Week.
Aniya, “napapansin ko kasi na tuwing may mahabang bakasyon hindi maiwasan ang mga aksidente sa lansangan at sa ating karagatan.”
“Paalala natin na masusing iniinspeksyon ng mga pulis ang mga public transport bago umalis ng terminal to check if safe ito bumiyahe,” ayon kay Speaker Romualdez.
“Ang ating coast guard personnel naman dapat tiyakin na hindi overloaded ang mga sasakyang pantubig at dapat may mga life vests,” dagdag pa ng mambabatas.
“Accidents can be prevented kung uunahan ng mga maintenance at inspeksyon,” dagdag ni Romualdez.
“Dapat wala na o mabawasan ang mga sakuna pag ganitong panahon dahil we have this long Semana Santa break every year,” pahabol ni Romualdez. (Daris Jose)

Speaker Martin Romualdez tiniyak na suportahan ng House of Representatives ang AFP modernization program

Posted on: April 4th, 2023 by @peoplesbalita No Comments
TINIYAK ni House Speaker Martin Romualdez sa Armed Forces of the Philippines (AFP) na susuportahan ng House of Representatibes ang pagsusulong sa modernisasyon ng Sandatahang Lakas ng Pilipinas.
Ito ang naging pahayag ni Speaker sa isinagawang HOR-AFP fellowship series (Visayas leg) kasama si AFP Chief of Staff Gen. Andres Centino.
Binigyang-diin ni Romualdez ang kahalagahan ng modernisasyon sa Armed Forces of the Philippines (AFP) upang masiguro na magampanan ng maayos ng militar ang kanilang misyon na protektahan ang bansa laban sa mga banta at hamon na kinakaharap ng bansa at mapanatili ang peace and order.
“The House of Representatives is committed to modernize the Armed Forces of the Philippines as it is crucial to our nation’s sovereignty and security. Our military should be equipped with the latest technological advances and training to respond to the continuing threats that we face,” pahayag ni Speaker Romualdez. (Daris Jose)

Bataan-Cavite bridge, paluluwagin ang trapiko sa Kalakhang Maynila-PBBM

Posted on: April 4th, 2023 by @peoplesbalita No Comments

KUMPIYANSANG inihayag ni Pangulong Ferdinand Marcos Jr. na makatutulong ang  Bataan-Cavite Interlink Bridge na mapaluwag ang trapiko sa Kalakhang Maynila.

 

 

Si Pangulong Marcos ay dumalo sa  Bataan-Cavite Interlink Bridge (BCIB) Milestone Ceremony na isinagawa sa bayan ng Mariveles sa Bataan.

 

 

Sinabi nito na ang  travel time sa pagitan ng mga lalawigan ng  Bataan at  Cavite ay magiging 45 minuto na lamang mula sa limang oras.

 

 

“With the BCIB, it is projected that that five hours trip will now become as close – as quick as 30 minutes, reducing by as much as 86%, and we are reducing it to maybe 45 minutes of travel,”  ayon sa Pangulo sa kanyang naging talumpati.

 

 

“That will be an incredible feat when it happens and would significantly help in decongesting Metro Manila as motorists will be able to travel without passing through the metropolis,” dagdag na pahayag ng Pangulo.

 

 

Aniya pa, makatutulong din ang  interlink bridge na mabawasan ang presyo ng “goods at services” dahil ang  transport at logistics costs  ay bababa rin, “thereby generating immense savings all around.”

 

 

“And facing the challenges, it was prescient that we continued with this project until we got to this point, and I am sure until it is finished,” ani Pangulong Marcos.

 

 

“It is prescient because at the time we did not think of supply chain problems that now that we have. And this kind of improved connectivity is the perfect solution to that,” dagdag na wika nito.

 

 

Ang prediksyon naman ng Pangulo ay mga bagong oportunidad sa Bataan at Cavite at sa mga nakapalibot na lalawigan dahil sa “easier access” na magiging available sa publiko. (BISHOP JESUS “JEMBA” M. BASCO)

Three months after na masagasaan ng snowplow: JEREMY RENNER, nakatatayo na at gumagamit na ng treadmill

Posted on: April 4th, 2023 by @peoplesbalita No Comments

SOBRANG seloso pala ang boyfriend ni Jasmine Curtis Smith na si Jeff Ortega.

 

Sa pitong taon daw na may relasyon sila, nauunawaan na raw ni Jasmine ang pagiging seloso ni Jeff. Kaya tuwing meron sila ‘di napag-uunawaan, nagiging honest agad si Jasmine sa pagsabi kay Jeff kung ano ang diperensya nito.

 

“Mas na-practice ko na immediate. Kasi kapag nag-linger, ang daming nagfo-fall na bagong thoughts and comments sa utak ko. I don’t want that to add up.

 

“People in your life will come and go, no matter the circumstances — good or bad and kailangan ready ka sa mga ganun bagay for you to stand up even when things are shaking and changing,” sabi pa ni Jasmine.

 

***

 

THREE months after na masagasaan ng snowplow ang Marvel actor na si Jeremy Renner, ngayon ay nakatatayo na ito at gumagamit na ng treadmill.

 

“Now is the time for my body to rest and recover from my will,” caption ng 52-year old bida ng series na Hawkeye sa pinost nitong video.

 

Nalagay sa critical na condition ang two-time Oscar nominee noong pumailalim siya sa isang umaandar snowplow sa kanyang bahay sa Reno, Nevada noong January. Higit na 30 bones ang na-fracture sa iba’t ibang parte ng katawan niya.

 

Hindi pala nalagay ng aktor sa emergency brake ang minamaneho niyang snowplow noong bumaba siya para tulungan ang kanyang nephew sa kotse nito.

 

 

(RUEL J. MENDOZA)

Koleksyon mula sa WISP, pumalo sa P35.84B

Posted on: April 3rd, 2023 by @peoplesbalita No Comments
PUMALO na sa P35.84 billion ang  kabuuang member savings collection  mula sa  Workers’ Investment and Savings Program (WISP). 
Ang nasabing koleksyon ay mula sa 4.9 milyong miyembro ng pension fund sa panahon ng pangalawang taon ng implementasyon ng programa.
Sa isang kalatas,  sinabi ni SSS president at CEO Rolando Ledesma Macasaet  na ang savings collection sa ilalim ng  WISP  ay mahigit pa sa doble mula ng magsimula ang programa noong  2021.
“From January to December 2021, we initially collected P15.48 billion. In 2022, the savings collection grew by 31% to P20.4 billion which brought the total WISP contributions to P35.84 billion,” ani Macasaet.
Aniya pa, ang mga miyembro na nag-contribute sa WISP ay lumago sa  4.9 million contributing members, tumaas ng 33% mula  3.7 milyong miyembro noong  2021.
Ang WISP  ay isang mandatory provident fund scheme na pinangangasiwaan ng SSS, nagsisilbi bilang panibagong savings o ipon para sa  private-sector workers at iba pang individual paying members na inilunsad noong Enero  2021.
Pino-promote nito ang prinsipyo ng “Work, Save, Invest and Prosper” upang sa gayon, ang mga miyembro ay magkaroon ng “better retirement package” maliban sa kanilang  regular SSS benefit.
Ang WISP ay  “one of the key provisions under Republic Act No. 11199 or the Social Security Act of 2018.”
“It is a safe, convenient, principal-protected, and tax-free individual retirement savings plan which will supplement a member’s savings from their regular Social Security program,” ayon sa ulat.
“Under the WISP, each contributing member will have an account wherein SSS will place their contributions and investment earnings. Not only are they saving for their retirement, but their contributions are also earning through the program,” ayon naman kay Macasaet.
Ang mga kuwalipikado ani Macasaet ay iyong mga private-sector employees, self-employed individuals, OFWs, at voluntary members  na walang “final claim” at mayroong kontribusyon sa  regular SSS program, at mayroong Monthly Salary Credit (MSC)  na lampas sa  P20,000.
Ang mga miyembro ay nagbabayad ng kanilang  WISP contributions kasama ang kanilang  regular SSS contributions.
Maliban sa magsilbi bilang savings scheme, sinabi ni Macasaet na tungkulin  din ng programa ang tumayo bilang   investment vehicle para sa SSS members.
“The SSS pools the contributions collected from the program and invests them in the capital markets. Earnings realized from the WISP will be distributed proportionately based on the member’s contributions. Members can check their WISP contribution online through their My.SSS account,” ayon kay Macasaet sabay sabing “Members can log in on their online account. Go to the Inquiry tab and click on Contributions to view their contributions in the WISP as well as their contributions in the regular Social Security program and WISP Plus.”
“The program had a good start with a 6.39% return on investment (ROI) in 2021 and an estimated 3.4% ROI in 2022. It outperformed the balance fund market benchmarks, which were 0.15% and -1.25% in 2021 and 2022, respectively. This indicates that members’ savings invested in WISP will generate decent earnings, which will be added to their total contributions. Consequently, when they retire, they will receive higher benefits from the program,” ang dagdag na wika ni Macasaet. (Daris Jose)

DINGDONG, napiling mag-host ng international singing competition na ‘The Voice Generations’ na first time mapapanood sa Asia

Posted on: April 3rd, 2023 by @peoplesbalita No Comments

TAPOS na ang pagtatanong at paghuhulaan, kung sino ang magho-host ng international singing competition, ang “The Voice Generations” na first time na mapapanood sa Asia at sa GMA Network.  

 

 

Si Kapuso Primetime King Dingdong Dantes ang napiling mag-host ng singing competition at ipinakilala na nga siya last Sunday, sa “All-Out Sundays.”

 

 

Si Dingdong na mismo ang nagsabi kung sinu-sino ang pwedeng sumali sa competition, the latest spin-off of ‘The Voice’ franchise, where viewers get to see the country’s greatest performers from different generations, showcase their talents.

 

 

“Dito po pwedeng magsama-sama ang iba’t ibang generations na may relasyon, iyong mga tunay na relasyon, mag-ama, magkapatid, mag-ina, pwedeng magbuo ng duo, group of 3 or more, from 7 years old pataas,” sabi ni Dingdong.

 

 

“Pwedeng teacher and student, magka-opisina, basta mula sa iba’t ibang generation.  On-going na ngayon ang audition, pwedeng personal na magpunta sa GMA Network or by online sa official pages ng ‘The Voice Generations.’”

 

 

Pero may isa pang aabangan, kung sino ang magiging coaches ng mga contestants, na manggagaling din sa iba’t ibang generations.

 

 

                                                          ***

 

 

IPINASILIP na ng GMA at ABS-CBN last March 31, ang first teaser ng biggest collaboration TV project nila, ang upcoming drama series na “Unbreak My Heart,” na most of the parts ay kinunan sa Switzerland at Italy.

 

 

Napanood ito sa respective social media accounts ng GMA, ABS-CBN, Dreamscape Entertainment at VIU.

 

 

Ito ang kauna-unahan at biggest collaboration television project ng GMA at ABS-CBN, na ginagampanan nina Joshua Garcia, Gabbi Garcia, Richard Yap and Jodi Sta. Maria, kasama rin sina Laurice Guillen, Eula Valdez, Nikki Valdez, Bianca de Vera, Gardo Versoza, Victor Neri, Jeremiah Lisbo, Dionne Monsanto, PJ Endrinal, Mark Rivera.

 

 

Totoo kayang nagulat ang mga nanood sa ilang matitinding eksena sa ipinalabas na teaser?  Ang kaabang-abang na drama series ay mapapanood this 2023 sa GMA at VIU na may taglines na “Experience love like you’ve never experienced before” at “Let destiny find its way to show you a love that is beyond ordinary!”

 

 

(NORA V. CALDERON)

Meteor shower events, pagliliwanagin ang kalangitan ng Pinas ngayong Abril— PAGASA

Posted on: April 3rd, 2023 by @peoplesbalita No Comments
MAAARING saksihan ng mga Filipino astrophiles ang dalawang meteor shower events ngayong Abril. 
Sa Astronomical Diary ng Philippine Atmospheric, Geophysical and Astronomical Services Administration (PAGASA), sinabi nito na  ang dalawang astronomical events ay Lyrid at Pi Puppid meteor shower.
“Lyrids will peak on April 23, but it can be observed beginning April 16 until April 25,” ayon sa PAGASA
“The shower will produce the best display shortly before dawn, with up to 16 meteors per hour.  The value mentioned assumes that the observer is in a clear, dark, moonless sky condition and that the radiant is highest in the sky,” dagdag na wika nito.
Sa kabilang dako, ang Pi Puppids ay magiging aktibo naman mula Abril 15 hanggangApril 28, at inaasahan na “to peak on April 24.”
“[It] can be observed after sunset until the shower’s radiant sinks towards the horizon at around 10:10 p.m.,”  ayon pa rin sa PAGASA.
Pinayuhan naman ng PAGASA ang mga Skywatcher na pumili ng “dark observation site” na malayo mula sa city lights.
Maaari namang obserbahan ang meteor showers sa pamamagitan ng “naked eye” kahit pa walang gears. (Daris Jose)

Paalala ni PBBM sa Air Force: Keep assets ‘ready’ for deployment

Posted on: April 3rd, 2023 by @peoplesbalita No Comments
PINAALALAHANAN ni Pangulong  Ferdinand Marcos, Jr. ang Philippine Air Force (PAF) na panatilihin ang lahat ng assets na  “ready to go,” binigyang-diin ang mandato nito na maging  “first line of defense against external security threats”  ng bansa.
Ang pahayag na ito ni Pangulong Marcos ay matapos niyang personal na  inspeksyunin ang tatlong  recommissioned C-130 units ng PAF.
“Should any unfortunate events happen, we must be able to assess and to be able to respond quickly,” ayon sa Pangulo sa kanyang talumpati.
“I therefore direct the Philippine Air Force and the AFP to continue developing your capabilities for conducting maintenance and repair to keep all our military assets ready to go,”aniya pa rin.
“Remain steadfast as you continue to perform your duties especially in the crucial role as the country’s first line of defense against external security threats,” dagdag na wika nito.
Binigyang diin ng Pangulo ang pangangailangan na magsagawa ng routinary checkup at regular engineering services para sa dagdag na safety requirements at magbigay ng   extensive training sa mga magpapalipad at gagamit ng  assets ng PAF.
“We cannot afford to waste any time in the mission to save lives, therefore the existence of this air assets is crucial to ensure that information, aid, and responder are made available to effectively help affected areas,” ayon sa Pangulo.
“I would like to convey and remind everyone of the sheer importance and of air worthiness and structural integrity of our air assets to ensure their effectiveness and guarantee the safety of their users,” dagdag na pahayag nito sabay sabing “Maintenance and repair are key aspects of our operations as well as important decision points in the acquisition of additional assets.”
Sa ulat, bumili ang Pilipinas ng  C-130 aircraft na may  tail numbers  na 5011 at 5040 noong  2016 at ipinadala ang mga ito para sa  “extensive repair and maintenance” noong nakaraang taon, ayon sa impormasyon mula sa  PAF.
Ang dalawang units, nagkakahalaga ng $55.60 million, ay binili sa Estados Unidos sa ilalim ng  Excess Defense Articles program.
Bagama’t hindi direktang binanggit ng Pangulo ang usapin ukol sa  South Chine Sea, sinabi nito na siya’y nakatitiyak na ang “partners” ng Pilipinas ay “will be more than willing to aid us in developing your capabilities in making the necessary investments to ensure that we achieve our shared goals for the country and for this region.”
“I recognize the Philippine Air Force as well as express my appreciation to our partners in the US government and Portugal for making all these possible,” ayon sa Pangulo.
“It is a testament not only to our enduring friendship but also of your support to the Philippines’ agenda of enhancing our country’s air transport defense and disaster response capabilities,” dagdag na pahayag nito. (Daris Jose)

Ngayong Semana Santa: PBBM, hinikayat ang mga katolikong bansa na maging “better agents of change”

Posted on: April 3rd, 2023 by @peoplesbalita No Comments
HINIKAYAT ni Pangulong Ferdinand R. Marcos Jr.  ang mga Katolikong bansa na maging “better agents of change” sa pamamamagitan ng pagkilala pa sa mahal na Poong Hesukristo sa panahon ng paggunita ng Mahal na Araw. 
Sa mensahe ng Pangulo, sinabi nito na bagama’t ito’y mahirap na maunawaan, ang mensahe ng kaligtasan at buhay na walang hanggan ay “remains as timely as ever.”
“I urge all of us now to make this promise personal: Let it stir in each of us the desire to know Jesus Christ more so that we may become better agents of change and conveyors of truth wherever we go,”  ayon sa Pangulo.
“No matter how constant or diverse the occasion is in the Filipino psyche, one thing emerges true each time: That God, in His divine and everlasting wisdom, manifested His immeasurable and incomparable love to us all through the very human person of Jesus Christ,” diing pahayag ng CHief Executive.
Habang nagtitika, nangingilin ang mga Filipino kasabay ng pagninilay-nilay sa epekto ng matinding pagdurusa at pagkamatay ni Hesukristo, sinabi ng Pangulo na ito’y  “inevitable that our thoughts will gravitate to the events and challenges of recent years.”
Dahil dito, nanawagan ang Pangulo sa mga Filipino na “direct our thoughts and our actions more to the resurrection of the Lord and the victory that this gives us to this very day.” (Daris Jose)
People's Balita.
All rights reserved. © Copyright 2024.