SINUBUKAN lang or sabi nga ng Kapuso Primetime Queen na si Marian Rivera sa kanyang Tiktok account, “Try lang,” ang dance niya na “Price Tag,” ang 2011 hit song ng British singer na si Jessie J.

At nag-gain na naman ng kasikatan sa Tiktok sa bago nitong choreography, heto’t sa loob lamang ng apat na araw ay may 80 million views alone na sa Tiktok account niya lang!

Sa mga netizens, naalala raw nila sa Tiktok dance entry na ito ni Marian ang “Marimar” days. 

Nag-message naman kami kay Marian para kuhanin ang reaksiyon niya sa pagiging viral na naman niya. Sey namin dito, ibang klase siyang talaga at walang kupas, kumendeng lang, nag-viral na agad.

Halatang nahihiya ito at ang reply lang ay emoji na shy monkey.

Sa isang banda, aliw naman si AiAi delas Alas na pinipilit gayahin ang dance step ni Marian.  Alam daw niya na mahusay naman siyang sumayaw, pero bakit ‘di raw niya magawa.

***

FINALLY, pwede na ngang ilabas o isulat ang naging mediacon para sa ‘The Voice Generations’ na mapapanood sa GMA-7 simula sa August 27.  

Personally, nae-excite kami sa magiging dynamics ng apat na coaches ng TVG na sina Chito Miranda, Billy Crawford, Julie Anne San Jose at si Stell ng SB19.

Obviously, na-plantsa ang schedules niya with their group dahil kahit na soloista siya ngayon sa ‘The Voice Generations’, sinigurado nito na wala raw masasagasaan sa mga activities ng SB19 at makakasama pa rin siya.

True enough nga, nakasama siya sa series of concert nila sa U.S. at Canada.  At sa nangyayari raw sa kanya ngayon, nagpapasalamat daw siyang talaga sa fandom nila, ang A’Tin.

Ayon dito, “Sobrang thankful po ako sa A’Tin kasi sa totoo lang, sila rin ang naging reason kung bakit naglakas-loob akong tanggapin ang project. 

“Kasi, kung wala naman talagang taong naniniwala sa akin, hindi ko mapagkakatiwalaan ang sarili ko.

“I’m happy and thankful na kahit baguhan pa lang ang grupo namin, five years pa lang kami, pero ‘yung suporta at pagmamahal na nakukuha ko sa kanila, pati sa mga tao rito sa aking bagong tahanan, ang GMA, grabe ang ang suporta.”

Kaya promise raw niya na gagawin niya ang lahat ng makakaya niya para maipakitang deserving siya samga opportunities niya.

“Masaya po ako na naging Kapuso ako,” sey pa rin niya.

Pero ang co-coaches niya tulad na lang ni Chito ng Parokya ni Edgar at all praises talaga sa kanya.

Anyway, isa lang si Stell sa kaabang-abang, more pa at kasama na rito ang mismong host ng ‘The Voice Generations’, ang Kapuso Primetime King na si Dingdong Dantes.

(ROSE GARCIA)

NAGWAGI si Mikoy Morales bilang Best Actor Award sa Cinemalaya Philippine Independent Film Festival nitong Linggo para sa pelikulang “Tether.”

Ginampanan ng Sparkle actor ang karakter ni Eric, isang aroganteng playboy sa pelikulang “Tether,” na idinerek ni Gian Arre.

Hindi napigilan ni Mikoy na maging emosyonal nang tanggapin ang Balanghai trophy sa stage.

Pinasalamatan niya si Direk Gian, ang intimacy facilitator, acting coach Ana Feleo, at kaniyang pamilya at mga kaibigan.

“This really means so much to me, this community, this industry,” sey ng isa stars ng Pepito Manaloto.

***

LUMIPAD papuntang Guam si Kapuso Soul Balladeer Garrett Bolden noong nakaraang August 11 dahil kabahagi siya ng malaking cast ng ‘Beauty and the Beast: The Broadway Musical’ na produced ng World Theater Productions.

Gagampanan ni Garrett ang role bilang ang Beast sa stage adaptation ng classic tale.

Sa kanyang Instagram, pinost ni Garrett ang photos na nasa airport siya para sa flight niya to Guam.

“I want adventure in the great wide somewhere. I’m headed back to Guam but this time to play Beast in Beauty and the Beast: The Broadway Musical. Since I got the role, I have been researching and watching the film and musical to study the role. I always had my script everywhere I go and rehearse during free time on ‘All Out Sundays’ and in between events/gigs. I will make everyone proud,” caption pa ng singer.

Inamin ni Garrett na nahirapan siyang mag-rehearse on his own, pero naging malaking tulong daw ang naging script readings kasama ang co-stars niya via Zoom kahit na magkaiba ang time zones nila.

Ito ang second musical na nakasama sa cast ang ‘The Clash’ season one finalists. Noong 2022, nakasama siya sa Guam production of ‘Miss Saigon’ as John Thomas.

Noong nakaraang June in-announce ni Garrett via Instagram ang pagsali niya sa ng ‘Beauty and the Beast: A Broadway Musical’.

Sa latest IG post ni Garrett, mapapanood sa kanyang pinost na reel ang rehearsals at training ng buong cast para sa musical.

“Behind the scenes: Sitzprobe, Enthralling. its our first time rehearsing with the two Orchestras. one dubbed as Belle’s Town and The Beast’s Castle, cant wait for you to hear the Magic,” caption pa ni Garrett.

***

FOR the first time in history, mapapanood na sa GMA Network simula ngayong August 27 ang pinakamalaking labanan ng boses ng mga Pinoy mula sa bawat henerasyon – ang pinakaunang ‘The Voice Generations’ sa Pilipinas at sa buong Asya.

Ang ‘The Voice Generations’ ay ang newest spin-off ng biggest singing competition sa buong mundo na ‘The Voice’ mula sa ITV Studios.

Ang magsisilbing host ng programa ay walang iba kung ‘di si Kapuso Primetime King Dingdong Dantes. Siya ang makakasama ng mga talent upang mas makilala at malaman ang kanilang mga kuwento.

Sa nasabing singing competition, masasaksihan ang mga pangmalakasan at sanib-puwersang performance, dahil hindi isa kung ‘di duo, trio, o grupo ang magpe-perform upang pabilibin ang apat na superstar coaches.

Ito ay ang apat na award-winning Filipino music artists na sina international singer, dancer, and host na si Billy Crawford, multi-awarded at best-selling recording artist na si Julie Anne San Jose, lead singer at choreographer ng sikat na P-pop boy group na SB19 na si Stell, at ang Pinoy rock icon at lead singer ng bandang Parokya Ni Edgar na si Chito Miranda.

Excited na rin ang apat na award-winning coaches na sina Billy, Julie Anne, Stell, at Chito sa kanilang agawan ng talent on stage.

(RUEL J. MENDOZA)

MASAYANG-MASAYA si Stell ng SB19 na isa na siyang Kapuso!

Isa si Stell sa mga judges ng ‘The Voice Generations’ hosted by Dingdong Dantes; ang iba pang judge ay sina Billy Crawford, Chito Miranda at Julie Anne San Jose.

“Yung grupo namin turning five years pa lang po kami, pero yung suporta, pagmamahal and yung tiwala na nakukuha ko, hindi lang sa kanila, pati sa mga tao dito sa aking bagong tahanan na GMA, grabe yung suporta,” umpisang sinabi ng miyembro ng phenomenal boy group.

“Talagang sabi ko, kukunin ko ito at gagawin ko yung lahat ng makakaya ko para mapakita ko sa kanila na deserving ko yung isang lugar na to para mapabilang sa mga coaches.

“Kaya masaya ako na naging Kapuso ako. Maraming-maraming salamat po.”

Noong una pala ay medyo ikinagulat niya na siya ang napili ng GMA para sa ‘The Voice Generations’.

“Actually, sabi ko nga, ‘Bakit hindi si Pablo o si Ken o kahit sino sa aming lima? Pero sabi nila, parang siguro naisip nila na it’s my time para magkaroon naman ng project na masasabing bagay sa akin.

“So, happy ako na naging same ng decision yung management, and of course yung members ko. Happy sila na ako yung napili, and sobrang excited sila, and niru-root nila ako for the show po.

“Parang sa group chat nga po namin laging ina-update sila kung ano na po yung nangyari sa shoot, kung anong ginagawa ko.

“And kahit sila, inaasar nila ako sa GC na parang, ‘Good luck today, Coach Stell!’ So happy po, nakakatuwa.”

Ang kanilang mga fans, ang A’TIN, ay dahilan rin daw kung bakit tinanggap ni Stell ang offer na maging judge ng ‘The Voice Generations’.

“Sobrang thankful din po ako sa A’TIN kasi, sa totoo lang, sila rin yung naging reason bakit talagang naglakas-loob akong tanggapin yung project.

“Kasi kung wala naman talagang taong naniniwala sa akin, hindi ko rin pagkakatiwalaan yung sarili ko.”

***

KAMAKAILAN lamang ay muling nag-renew ng kontrata si Marian Rivera bilang nag-iisang celebrity endorser ng Nailandia nail salon and foot spa sa ikasiyam na taon.

At ayon sa mag-asawang sina Noreen at Juncynth Divina na may-ari ng Nailandia ay wala na raw silang balak kumuha pa ng ibang female endorser ng Nailandia.

“Marian Rivera is Marian Rivera, siya lang sapat na, actually sobra pa! Napakalakas ng hatak niya sa tao,” bulalas ni Noreen.

“Nakilala nang husto ang Nailandia dahil sa kanya, napaka-effective niyang endorser, wala akong masabi. And kasi naman di ba, sa mga fans pa lang niya, sobra, grabe!

“Tapos napaka-perfect niyang role model; good wife, good mother, good daughter, good apo, good friend, ideal na celebrity, walang bisyo, malinis ang image.

“Complete package!”

At ayon pa kay Noreen…

“At siya mismo ang nagtatangkilik ng Nailandia, talagang pumupunta siya, dinadala niya yung mommy niya, yung lola niya.

“Nagpapa-spa party siya sa mga kaibigan niya. At may advocacy siya sa tungkol sa mga single mother, pina-spa party niya.”

Bilang pagtatapos sa aming interview ay may inanunsiyo si Noreen.

“Nailandia is coming up with something very big before the year ends, for the public! Something very exciting.

“Because Nailandia is blessed with so much, so we are giving back to the people just the same.”

Sorpresa raw muna kung ano ito, ayon pa rin kay Noreen.

(ROMMEL L. GONZALES)