DAPAT nang maghanda sa isang maaksyong hapon ang mga Dabawenyong basketball enthusiasts dahil pupunta ang GMA Masterclass: The Sports Series sa Davao City today August 12 kasama ang PBA legend na si Jerry “Defense Minister” Codiñera.

Makakasama ni Jerry sa pagtuturo sa mga aspiring basketball players si Kurt Reyson ng Letran Knights. Thanks to GMA Regional TV and Synergy, siguradong maraming makukuhang learnings and techniques ang mga dadalo sa Almendras Gymnasium, Davao City Recreation Center sa ganap na 1 ng hapon.

***

HUMAKOT ng pinakamaraming nominasyon sa 2023 MTV Video Music Awards (VMAs) si Taylor Swift.

Walong nominations ang natanggap niya para sa music video na Anti-Hero.

Muling gagawa ng history sa VMA si Taylor kapag siya ang maging top winner this year. Last year, siya ang first artist to win Video of the Year three times. Isa rin siya sa most-awarded artist in VMA history with 14 VMAs, just behind Beyoncé with 16 and Madonna with 20.

Mga nakatanggap din ng maraming nominasyon in this year’s VMAs ay sina SZA (6), Doja Cat, Kim Petras, Miley Cyrus, Nicki Minaj, Olivia Rodrigo, and Sam Smith (5).

Lahat sila ay maglalaban for Video of the Year category: Doja Cat’s “Attention,” Cyrus’ “Flowers,” Minaj’s “Super Freaky Girl,” Rodrigo’s “vampire,” Smith and Petras’ “Unholy,” SZA’s “Kill Bill,” and Swift’s “Anti-Hero.”

Magaganap ang 2023 VMAs on September 12, live at the Prudential Center in Newark, New Jersey.

(RUEL J. MENDOZA)

NAGING matagumpay ang ribbon-cutting at blessing ng bagong branch ng Blue Water Day Spa noong Agosto 11, 2023 na pinangunahan ni Pambansang Ginoo David Licauco. 

***

NAG-ISYU ang Movie and Television Review and Classification Board (MTRCB), motu proprio, ng Notice to Appear at Testify sa Production Group ng noontime variety show E.A.T. hinggil sa pagmumura ng isa sa mga host ng programa na si Wally Bayola noong ika-10 ng Agosto 2023, na namataan ng MTRCB Monitoring and Inspection Unit.

Nilabag ng naturang eksena ang Section 2 (B), Chapter IV of the Implementing Rules and Regulations of Presidential Decree No. 1986 (PD No. 1986). Itinakda ang pagdinig sa ika-14 ng Agosto 2023, Lunes, sa MTRCB Offices sa Timog Avenue, Quezon City.

Ipinaalala ng MTRCB na anumang paglabag sa PD No. 1986 at sa mga Patakaran at Regulasyon nito na namamahala sa mga pelikula, mga programa sa telebisyon, at kaugnay na promotional materials nito ay parurusahan ng suspensyon o kanselasyon ng mga permiso at/o lisensya na inisyu ng Board at/o ng pagpapataw ng multa, at iba pang uri ng administratibong parusa.

***

RATSADA ngayong Agosto ang newest Vivamax actor na si Victor Relosa (dating VR Relosa) dahil bibida na naman siya sa pelikulang ‘Kamadora,’ kasama sina Tiffany Grey at Armina Alegre, na ang streaming ay nagsimula na ng August 11.

Mula ito sa direksyon ni Roman Perez, Jr. na siya ring nagdirek nang huling pinagbidahan ni Victor, ang erotic-drama na ‘Litsoneras’ kasama sina Yen Durano, Jamila Obispo at Joko Diaz, na streaming na ngayon sa Vivamax, na kung saan pinupuri ang pagganap niya bilang Jonas.

Kasama rin si Victor sa isang episode ng series na ‘Sssshhh!’ ni Direk Roman.

Sa ‘Kamadora’, part din ng movie sina Hurry Up Tingson, Itan Rosales, Junjun Quintana, Karl Medina, Angie Castrence, Elora Españo, Raffy Tejada, Sue Prado, at Emmanuel Dela Cruz.

Sa August 18 muling makikipagtagisan sa pag-arte at pagpapa-sexy si Victor sa sexy, psychological, drama, thriller na ‘Kahalili’ kasama sina Mercedes Cabral, Stephanie Raz, Millen Gal at Sid Lucero. Mula sa direksyon ni Bobby Bonifacio, Jr.

Sa August 27 naman kasama rin siya sa sexy series ni Jose Javier Reyes na ‘Secret Campus’ na pagbibidahan nina Azi Acosta, Angela Morena, Ataska at Angelica Hart.

Isiniwalat din niya ang upcoming movies sa Vivamax, ang ‘Sila Ay Akin’ ni dire Mac Alejandre at ‘Halo-Halo X’ na gaganap siyang rider na nag-aalok din ng panandaliang aliw.

Kaya halos wala raw siyang tulog, to the point na nagkakasakit na, ay kailangan niyang humataw at ibigay ang husay sa pagganap sa bawat character na binibigay sa kanya ng direktor.

Kaya naman sa sunud-sunod na pelikula at series ni Victor (na una naming nasilayan sa ‘Lagaslas’ with Manang Medina, na may ibubuga sa pag-arte), puwede na nga siyang maging next Vivamax King.

***

MAGKAKAROON ng pagkakataon ang mga baguhang direktor na maitanghal ang kanilang mga “kuwentong panalo ng buhay” bilang bahagi ng kauna-unahang film festival ng Puregold.

Sa CinePanalo Film Festival, mamimigay ang Puregold ng mga production grant na umaabot sa milyon-milyon ang halaga, nang matulungan ang mga piling grupo ng mga filmmaker na maisakatuparan ang kanilang mga proyekto.

Sa kasalukuyan, dumarami na ang interesado sa festival, at nagsimula na ang proseso ng aplikasyon.

Ibinahagi ni Vincent Co, Presidente ng Puregold Price Club Inc., ang mga kapana-panabik na oportunidad na naghihintay sa mga lalahok. “Nais naming mabigyan ng pag-asa ng CinePanalo ang mga bata at talentadong filmmaker na naghihintay lamang ng kanilang break. Hangad namin na ang tulong-pinansyal at ang exposure na makukuha nila mula rito ay magbibigay sa kanila ng tulak upang abutin pa ang kanilang mga pangarap.”

Naghahanap ang CinePanalo Film Festival ng Puregold ng mga kuwentong nakaaantig ng puso, alinsunod sa opisyal na tema nito, “Mga kuwentong panalo ng buhay.”

Susuportahan ng festival na ito ang mga likha na nagtatampok ng mga halagahang Pilipino tungkol sa pagmamahal, pamilya, at pag-asa.

Ayon kay festival director Chris Cahilig ukol sa tema ng CinePanalo, “Gusto naming mag-iiwan ng pakiramdam ng ligaya ang mga makapapasok na entry–pakiramdam na nabibigay lamang ng mahusay na mga pelikula. Nasasabik na kaming makita ang mga magagandang kuwentong ibabahagi ng mga lokal na direktor sa publiko.”

Piling-pili lamang ang makatatanggap ng mga grant–mga aplikante na makukuha ang layunin ng CinePanalo. Limang baguhan at propesyonal na direktor ang makatatanggap ng tig-P2,500,000 upang lumikha ng pelikula para sa festival. Dalawampu’t limang estudyanteng filmmaker naman ang makatatanggap ng tig-P100,000 para sa paglikha ng maiigsing pelikula o shorts.

Ipapalabas ang mga nakompletong pelikula sa isang festival na itatanghal nang tatlong araw sa Gateway Cinemas mula Marso 8 hanggang 10, 2024. Ipo-post naman ang short films sa opisyal na mga page ng Puregold sa social media, at sa Puregold Channel sa YouTube.

Itatampok ang mag ito kasama ng mga sikat na retailtainment serye ng Puregold, gaya ng “GV Boys,” “Ang Babae sa Likod ng Face Mask,” at “Ang Lalaki sa Likod ng Profile”.
“Kailangan ng mga tao ng mga pelikula na makabuluhan sa buong pamilya,” diin pa ni Cahilig.

“Sa panahong bayolenteng paksa o makamundong pagnanasa ang laman ngmga pelikulang aksesibol sa mas maraming mga tao, magpopokus ang CinePanalo Film Festival sa mga kuwentong may puso at may pag-asa.”
Inilunsad ang festival sa isang press conference na inorganisa ng Cinema 76 Film Society noong Agosto 8, 2023. Mula noong ianunsyo ang CinePanalo, nakatanggap na ng mga katanungan ang mga opisyal ng festival. Susuriing mabuti ng mga miyembro ng selection committee ang mga entry upang makahanap ng mahuhusay na mga direktor na makapapasok sa lineup ng film festival sa Marso.
Para sa mga interesadong aplikante, mag-email lamang sa
thesecretariat@cinepanalo.com upang makatanggap ng mga materyal na kinakailangan para mag-apply.

Lahat ng aplikasyon at kahingian ay dapat maipadala bago Oktubre 27, 2023. Isasapubliko ang shortlist ng mga napiling direktor sa Nobyembre 6, 2023.

(ROHN ROMULO)

NAGPASALAMAT si Donita Rose dahil sa tapang ng kanyang mister na si Felson Palad na ilang taon nang nakikipaglaban sa sakit nito na Type 2 Diabetes.

Ayon sa World Health Organization (WHO): “Diabetes as a chronic disease that occurs either when the pancreas does not produce enough insulin or when the body cannot effectively use the insulin it produces. Insulin is a hormone that regulates blood glucose.”

Naging sakit daw ito ni Felson noong 28-years old siya. Ngayon at 38 na ito, tuluy-tuloy lang daw ang pakikipaglaban nito sa kanyang kalusugan kahit na minsan daw ay parang gusto na nitong sumuko.

Pero pinapalakas daw ang loob nito na ituloy ang laban dahil sa panampalataya nito sa Panginoon at sa mga words of encouragement ng misis na si Donita.

Post ni Felson sa Instagram: “Managing my Type 2 Diabetes Journey. Six months ago, my A1C was 10.5. I used to weigh 190 lbs now I’m 168 lbs. I am only 38 years old and I was diagnosed with Type 2 Diabetes since I was 28. Losing weight plays a big role in managing type 2 diabetes. No bashing, please.

“Diabetes is a serious health condition. I almost had a stroke and lost my voice for a month: blurred eyesight and many others. My picture here is just one of those outcomes of lifestyle changes. I’m still a work in progress. I had several times my sugar would shoot up to 400mg/dl. I was on insulin and four other medication. Now I’m out of insulin and down to only two that I take.

“I was very hopeless and depressed. I guess that’s why God gave Dee Donita Rose as my wife to be of help and share these lifestyle changes. With much prayer and wisdom from God, and with my wife’s help preparing my meals and pushing me to go to the gym and exercise with her almost every day, my AIC is down to 6.

“I’ll post more about what I have been doing, just to keep us inspired how to manage. I’m not a doctor. Just basing everything with my experience and cooperation with my medical practitioner.”

Reply ni Donita: “I couldn’t be more thankful for having you lead us on this journey. I’ve always dreaded going to the gym in the past but you have made it so much fun, making me laugh with all your quirky efforts to brighten up my every day. It’s so much easier with an accountability partner and I married the best one on the planet.”

Kinasal sina Donita at Felson noong September 2022 sa San Clemente, California.

(RUEL J. MENDOZA)

INIHAYAG ng SB19 ang kanilang pasasalamat at pagiging proud sa kanilang fandom na A’TIN na umariba sa 2023 Billboard Fan Army Face-Off.

Sa kanilang IG Live, inilahad ng SB19 members na sina Justin, Pablo, Stell, Ken at Josh ang pasasalamat nila sa A’TIN.

“Maraming maraming salamat! You guys are amazing,” sabi ni Justin.

“Sobrang galing ninyo… Salamat sa support and love,” sabi naman ni Pablo.

“Thank you again. Love you A’TIN. Good night, see you soon sa August 11 and September,” ani Stell.

Naging dikit ang laban ng A’TIN at CARATs, na fan base ng K-pop idols na Seventeen sa final round.
Samantala, muling nag-perform ang phenomenal P-pop group sa American morning show na ‘Good Day New York.’

Fresh mula sa kanilang pagkapanalo sa Billboard 2023 Fan Army Face Off. At sa naturang TV guesting, sinayaw ng SB19 ang kanilang hit song nila na “Gento.”

Matatandaan na sa morning show rin ang naging debut ng SB19 sa American television. Ito ay kasabay ng kanilang “WYAT (Where You At)” Tour noong November 2022.

Ngayon, nagbabalik ang SB19 sa Amerika bilang bahagi ng kanilang “Pagtatag” world tour.

Sa interview ng American TV host na si Rossana Scotto sa SB19, nagpasalamat ang leader at vocalist ng grupo na si Pablo sa lahat ng opportunidad na ibinibigay sa kanila ngayon.

Aniya, “It’s very amazing for us to experience this for the second time, this opportunity again. Last time we visited a few cities but now we have 10 cities to go.

“We’re just really really thankful that we have this opportunity and we get to meet our new fans and of course introduce our music to the world.”

Samantala, mapapanood naman si Stell bilang coach sa first-ever ‘The Voice Generations’ sa Asya ngayong Agosto 27 na sa GMA.

***

NILINAW ni Herlene Nicole “Hipon Girl” Budol na posibleng sumali pa siya sa mga beauty pageant.

Sa “Not Gonna Lie” segment ng programang “Dapat Alam Mo!,” tinanong ng mga host na sina Susan Enriquez at Kim Atienza si Herlene kung sasali pa ba siya sa beauty pageants.

“Sasali pa ba ko, oo o hindi?” tanong ng actress ang beauty queen bago sinabi ang sagot na, “Oo ata. Maybe. Puwede bang maybe?”

Lumabas naman sa lie detector na “truth” ang kaniyang sagot.

Dito na sinabi ni Kuya Kim ang YouTube video ni Herlene kamakailan na emosyonal niyang inihayag na signed off na siya sa pageantry.

“Hindi po, kasi po sinabi ko po yung I’m signing off kasi wala pa pong Miss Philippines Tourism na ipagdadayo ko po,” paliwanag ni Herlene.

“Kumbaga, wala pa pong franchise na nakukuha dun sa international para sa paglalabanan ko,” patuloy niya.

Ayon pa sa “Magandang Dilag” star, “Lalaban pa rin pa naman ako sa international pero after po nun, baka magpahinga po ako at papagalingin ko lang po muna yung sarili ko. Mag-focus po muna ko sa kung ano yung meron po ako ngayon.”

Sa nasabing YouTube video, inihayag ni Herlene na hindi na siya sasabak sa beauty pageants.
Noong nakaraang buwan, kinoronahan si Herlene bilang Miss Philippines Tourism sa Miss Grand International pageant.

Sa inilabas na pahayag ng ALV Pageant Circle at Miss Grand Philippines, inihayag nito na, “we have not yet issued any official confirmation regarding Miss Grand Philippines Tourism 2023 Herlene Budol’s participation in the Miss Tourism World pageant.”

“Our Miss Philippines Tourism title is a generic title with no contractual obligation to any international pageant,” patuloy nito.

Bago nito, naging first runner-up si Herlene sa Binibining Pilipinas 2022.

(ROMMEL L. GONZALES)