IPINAKITA na ng Sparkle GMA Artist Center ang latest photo nina Barbie Forteza at David Licauco para sa upcoming series nilang “Maging Sino Ka Man.”

Totally contrasting ang looks nila dito sa dati nilang characters bilang sina Klay at Fidel sa fantasy historical portal series nilang “Maria Clara at Ibarra.”

Ibang-iba rin ang suot na damit ni Barbie at si Pambansang Ginoo naman ay naka-all-khaki look at may suot pa siyang earring.

Nag-post na rin ang GMA Network ng short video ng “Maging Sino Ka Man” remake, na Barbie will play the role of Monique na ginampanan noon ni Sharon Cuneta. And David will play the role of Carding na unang ginampanan ni Robin Padilla.

Bale first meeting iyon nina Monique at Carding sa isang dance hall, na nagkabanggaan sila pero nasalo ni Carding si Monique. Bago ang start ng taping. David shared na he is working on his manner of speech and sling-shot skills para sa role niya as the bad boy Carding.

Bukod sa bagong series ng BarDa, may upcoming movie sila, titled “That Kind of Love” na partly shot in South Korea. Ang “Maging Sino Ka Man” ay mapapanood sa primetime slot ng GMA Network, very soon.

***

FORMER actress Kate Gomez at mommy ng actor na si Rob Gomez, ang umamin na may anak na si Rob sa ka-live nitong si Miss Multinational Philippines 2021 Shaila Robortera. Nagsimula ang issue, matapos mag-guest si Rob sa “Fast Talk with Boy Abunda” at sinabing single pa siya pero happy ang kanyang lovelife. Hindi ito nagustuhan ni Shaila, kaya last August 4, umamin siya sa kanyang Facebook account na may anak sila ni Rob – ang eight-month old daughter nilang si Amelia. Inamin ni Kate na gusto ni Shaila na mag-post si Rob sa sariling socmed account nito ng happy family picture at doon daw medyo sila naguluhan dahil sinabihan silang huwag muna.

Pero nanindigan si Kate na hindi totoong itinatago ni Rob sa publiko ang pagkakaroon niya ng girlfriend at anak, dahil sa ospital daw, sa mga check-up sa doctor, kahit sa bakasyon, magkakasama sila, hindi niya itinatago. Ayon pa rin kay Kate, inalok agad ni Rob ng kasal si Shaila nang magdalangtao, hindi lamang natuloy ang pagpapakas dahil namatay ang father-in-law niya na isang pure Chinese at kailangan nilang sundin ang Chinese tradition na bawal silang magpakasal, mag-celebrate ng birthdays, bawal ding magsuot ng pula.

That time din si Shaila pa ang bagong crowned na Miss Multinational Ph. Nalungkot si Kate nang magpasya si Shaila na makipaghiwalay kay Rob last Monday, August 7. Tanggap na tanggap daw ng family nila si Shaila at anumang oras pwede silang bumalik sa kanila. Si Rob ay napapanood daily sa “Magandang Dilag” with Herlene Budol and Benjamin Alves, 3:20p.m. sa GMA-7.

***

VERY entertaining ang episode ng “Fast Talk with Boy Abunda” last Tuesday, na special guests ni Boy ang mga hosts ng “It’s Showtime” na sina Jhong Hilario and Korean comedian na si Ryan Bang na laging sumasagot ng funny, unexpected answers sa mga tanong ni Boy.

Isa nga sa nagpahalakhak sa viewers ay nang tanungin si Ryan kung sino ang gusto niyang makatambal kapag gumawa siya ng project sa GMA-7, sagot niya, “si Annette Gozon” Mukha raw kasing Korean si Ms. Annette kaya bagay silang dalawa. Si Ms. Annette, bukod sa humahawak ng mataas na positions as President ng GMA Films and serves as a judge in “Battle of the Judges.”

(NORA V. CALDERON)

PATULOY na nagbabago ang digital na mundo pagdating sa mga pelikula, palabas, at paraan ng video streaming, at patuloy ding sinisikap ng Puregold na manguna sa paglikha ng mga seryeng bago at kakaiba, ngunit papatok at kagigiliwan ng mga manonood dahil lapat sa kanilang mga buhay–ganito ang handog ng retailtainment ng Puregold.

Nitong mga nagdaang taon, ipinakita ng Puregold ang kakayahan nitong itampok ang kapangyarihan ng mahusay na pagkukuwento, sa pamamagitan ng nauna nitong mga seryeng GVBoys: Pangmalakasang Good Vibes. 

Sumunod dito ang Ang Babae sa Likod ng Face Mask, at ang katatapos lang na Ang Lalaki sa Likod ng Profile, na talaga namang pumukaw sa atensyon ng mga Pilipino dahil damang-dama nila ang danas ng mga tauhan sa bawat palabas.

Sa husay ng Puregold, nanalo ang Tiktok serye nitong 52 Weeks ng “Best Social Media Campaign for Tiktok” sa Hashtag Asia.

Ngayon, handa na muli ang Puregold Channel na sorpresahin ang mga manonood, sa tulong ng una nitong Boy-Love (BL) serye na My Plantito. Sa pinakabagong serye ng Puregold, hangad nito na bigyang-pokus ang mga Kuwentong Panalo ng lahat ng Pilipino, ano man ang estado nila sa buhay.

Ipinalabas ang opisyal na trailer ng My Plantito noong Agosto 8, eksaktong 8:08 nang gabi, habang nakatakda namang ipalabas ang unang episode ng serye sa Agosto 23, sa Tiktok at YouTube Channel ng Puregold.

Itinatampok ang tambalan nina Kych Minemoto at Michael Ver, dadalhin ng My Plantito ang mga manonood sa isang paglalakbay na puno ng pagmamahal at pagkilala sa sarili.

Ipinapangako ng serye na ipapakita nito ang halaga ng pagkakaiba, pagtanggap, at pagiging inklusibo, bilang pagpapatibay sa pangarap ng Puregold na magbigay plataporma sa mga Kuwentong Panalo.

Ibinahagi ni Ms. Ivy Hayagan Piedad, Marketing Senior Manager ng Puregold, ang kaniyang pagkasabik sa bagong serye: “Layunin ng Puregold na maging aksesibol ang mga kuwentong mahalaga at makapangyarihan. Noon pa man, ang pag-ugnay sa aming mga suki ang nagtutulak sa amin patungong pagtatagumpay. Isang paraan ang mga digital serye na katulad ng My Plantito.”

Pinangungunahan ang My Plantito ng mahusay na tambalan ng premyadong si Chris Cahilig bilang producer at ang talentadong si Lemuel Lorca bilang direktor. Tampok din sa serye sina Ghaello Salva, Elora Espano, Derrick Lauchengco, and Devi Descartin.

Binigyang-diin din ni Piedad ang halaga ng paglalaan ng espasyo sa mga kuwentong gaya ng My Plantito, na ipinapakita ang importansya ng pagkilala sa sarili, pagmamahal sa pamilya, at pakikisama sa mga kaibigan.

“Hangad namin na magsimula ang palabas ng mga pag-uusap tungkol sa pagiging ligtas ng mga espasyo para sa lahat, at sinisiguro namin na tumutulong ang Puregold Channel na marinig ang lahat ng uri ng mga tao.”

Panoorin ang opisyal na trailer sa link na ito: https://vt.tiktok.com/ZSL4CxufB/

(ROHN ROMULO)

GANU’N na lang ang naging pag-iyak ni Elijah Canlas habang nagbibigay ng mensahe hinggil sa pagyao ng kanyang bunsong kapatid na si JM Canlas.

Pumanaw si JM noong August 3 sa edad na 17. Napanood siya sa mga pelikulang “Kiko Boksingero” at “ANi” at sa TV series na “Unconditional.”

Sa TikTok video na in-upload ni paulchester2023 ay napanood namin ang madamdaming mensahe ni Elijah bago ilagak ang mga abo ni JM sa columbarium last Sunday. August 6.

Bahagi ng naging madamdaming mensahe niya ay nagpasalamat siya at hindi raw nila inakala ang dami ng mga nakiramay at nagbigay ng suporta sa kanila.

Alam din daw niya na marami ang may mga tanong.

Sey nga niya, “Alam kong marami pong tanong, marami po tayong tanong kung bakit, kung paano, kung ano. Pero gusto ko lang po ipaalam na he’s been battling with this for a while now and he fought a good fight.”

Inamin ni Elijah na siya rin, dumaan din sa depresyon, pero ang bunsong kapatid daw niya ang isa sa nagpalakas ng loob niya. Kaya para rito, matapang si JM. ‘Yun nga lang, talagang matagal na raw itong lumalaban sa mental health.

“Sabi nga po ni Daddy kanina, nakilala natin siya bilang masayahin, makulit, may facade na ewan. Pero mabigat na po talaga yung kinakarga niya.

“Kaya kahit siya na po mismo nagsabi na, he would like all of us to find solace in the fact that he’s in peace right now. Kaya magpasalamat po tayo do’n. Ipagdasal po natin si JM.”

Nagbigay din si Elijah ng pahayag tungkol sa mental health. Sab inga niya, huwag daw nating maliitin ang mental health.

“I-check po natin ang isa’t isa at maging mabuti po tayo sa isa’t isa.” aniya.

“Si JM, ayaw po niya na napagsasabihan, eh, very short po yung patience niya. Ayaw po niya napagsasabihan, mapagalitan, ayaw po niya ng away. Gusto, laging masaya.

“Kaya gusto rin po naming i-celebrate yung buhay niya. I-celebrate po natin yung buhay niya, ipagdasal po natin siya. Alam ko pong masaya siya na nandito tayong lahat,” umiiyak na pagtatapos ni Elijah.

***

CRUSH na crush na pala noon pa ni Batangas Vice Governor Mark Leviste si Kris Aquino. Inamin ito ng politiko sa kanyang panayam kay Butch Francisco for “Pikapika Showbiz” vlog.

Inalala ni VG Mark nang mag-post si Kris several years ago na open ito for a new relationship at sumagot siya sa comment section.

“Kalaunan, she allowed me to visit her at her place in BGC at that time, and I would visit her regularly, send her food and flowers. Noon pa man ay malaki na ang paghanga ko sa kanya,” aniya pa.

Pero nagsimula raw ang kanilang pagkakamabutihan nitong January 1, 2023 nang bisitahin niya ito sa Los Angeles.

“I texted her days before New Year, I said ‘I’m in town, can I visit you?’ Lo and behold, she replied and allowed me to go to her place. And the rest, as they say, is history. Now, this is our 7th month, going 8th, because August na.”

Since then ay halos araw-araw na raw silang magkausap. Malapit din daw ang mga anak niya sa dalawang anak naman ni Kris. Ang isang anak niya na nagbabakasyon ngayon sa US at nakatira raw kay Kris.

Nilinaw din ng politiko na divorced siya, very much single at walang kasabit-sabit. Aniya, very loyal siya kay Kris at wala raw ibang babae sa buhay niya kungdi ito. When asked kung kaya ba niyang panindigan ang fidelity, at mabilis na sagot ng politiko, “yes, of course, fidelity, loyalty, yes.”

Babalik daw siya sa LA sa Sunday to be with Kris again kaya naman naitanong sa kanya ni Butch kung ‘hello’ na ba ulit at hindi naman pala nagkaroon ng ‘goodbye’ tulad ng post ng Queen of All Media kamakailan.

“’Yung ‘pause’ na sinabi niya? Ewan ko. Ayokong mag-comment. Ako, ipapasa-Diyos ko ‘yan. I leave my life, even our relationship and status, to God.”

Pagkatapos nito ay naging seryoso na ang politiko and said, “una sa lahat, ang priority ko naman talaga, ‘yung kanyang paggaling. Kung ako’y nakakatulong man sa kanyang paggaling, ‘yun talaga ang pangarap ko.

“‘Yun talaga ang aking minimithi. Na gumaling siya sa lalong madaling panahon at mabigyan ako ng biyaya ng ating Panginoon na gamitin ako para sa kanyang paggaling. Anuman ‘yun, Diyos na ang bahala.”

So there!

(ROSE GARCIA)

PUMANAW na kahapon, ika-8 ng Agosto, ang 66 year-old father ni Liza Diño-Seguerra na si former Department of Interior and Local Government Undersecretary Martin Dino matapos ang pakikipaglaban sa stage 4 cancer.

Sa kanyang FB post, kinumpirma ng former chairperson ng Film Development Council of the Philippines (FDCP) ang malungkot na balita.

Una rito ang kanyang mensahe sa namayapang ama…

“My dear Papa,
“You fought until the end; we all did. And you were surrounded by prayers of countless people whose lives you’ve touched. Only God knows why, despite all the outpour of love and support, things have to come to an end—but for now, at least no more pain na papa ko.
“I love you so much. You’re always in my heart.”
Kasunod naman ang official statement ng kanilang pamilya…
“It is with profound sadness that we announce the passing of our beloved Martin Diño, Former Undersecretary of the Department of the Interior and Local Government (DILG).
“Bobot,” as he is fondly called, peacefully died at 2:15 am on August 8, 2023, surrounded by his family. He suffered from acute respiratory failure and has been battling with stage IV lung cancer for more than a year. He was 66.
“He is survived by his spouse Marissa B. Diño, mother of former FDCP Chair Liza Diño, and sister Marybell Diño.”
Sa pagpapatuloy ng statement, “Martin Diño was not only a dedicated public servant but also a loving husband, father, brother, and friend. His unwavering commitment to his responsibilities, his tireless work ethic, and his passion for service defined his life’s journey. His contributions to our nation’s progress, particularly on local governance and barangay development, will forever stand as a testament to his commitment to a better society.
“Former Undersecretary Martin Diño’s legacy extends beyond his distinguished role in government. As the former Chairman of the Volunteers Against Crime and Corruption (VACC) organization, he epitomized the spirit of advocacy, using his voice to champion the rights of the oppressed and fight against injustice.
“Through VACC, he stood unwaveringly by the side of the marginalized, his dedication and commitment leaving an indelible mark on the fight for a better world.
“During this challenging time, our hearts are heavy with grief, but we are comforted by the outpouring of love and support from friends, colleagues, and well-wishers. We extend our heartfelt gratitude to all those who have offered their prayers.
“His legacy of resilience, compassion, and a deep sense of duty will forever guide us.
“We shall share details about his funeral arrangements soon. Thank you.
Martin Badulis Diño July 25, 1957-August 8, 2023.”
Nag-post din ng mensahe ng pasasalamat at pagmamahal ang asawa ni Liza na si Ice Seguerra…
“Thank you so much, Papa Martin, for accepting and embracing me as one of your own.
“I remember our conversation when I asked you if you would allow me to marry your daughter; you readily said yes and that you were happy because you knew that I would take good care of Liza and Amara. Thank you for trusting me.
“Matagal ka rin lumaban, Papa. Lumaban para sa bayan, para sa mga anak mo, at sa cancer. Pero ngayon, pwedeng pwede ka na magpahinga.
“I love you, papa!”
Mula sa bumubuo ng People’s Balita, ang aming taos pusong pakikiramay.

(ROHN ROMULO)