2023 August Archive - People's Balita

July 4, 2024
Search in People's Balita
Ang Diyaryong Pinagkakatiwalaan

Archive for August, 2023

Para maging Army reservist din: MATTEO, ini-engganyo si RURU na sumabak sa 45 days training

Posted on: August 8th, 2023 by @peoplesbalita No Comments

INE-ENGGANYO pala ng actor-TV host na si Matteo Guidicelli ang Kapuso actor na si Ruru Madrid na sumabak sa training para maging army reservist ding kagaya nito.

Magkakasama sina Matteo at Ruru sa upcoming action series ng GMA-7 na “Black Rider” at nag-enjoy siyang katrabaho ang mister ni Sarah Geronimo.

“Opo, nagkaroon na kami ng first taping day. Sobrang nag-enjoy ako with Matteo kasi ang tagal naming magkausap sa tent. Buong araw kami lang ang magkasamang dalawa. Sobrang in-enjoy talaga namin ang pag-uusap,” dagdag pa n’ya.

Na-inspire din umano siya sa mga na-achieve ni Matteo

“Sobrang na-inspire n’ya ako sa mga ginawa n’ya. Nag-scout ranger siya, nag-Ironman race na rin siya before. So, parang lahat ng ginagawa n’ya, ’yon ’yong mga pangarap kong gawin.

“Si Matteo rin ’yung nagbibigay sa akin ng advice kung ano ang dapat gawin. Ini-engganyo n’ya rin akong mag-skydive which is gusto ko naman talagang matutunan,” sey ni Ruru.

Kung seryoso raw si Ruru na mag-train maging scout ranger, inabisuhan na siya ni Matteo na hindi ganu’n kadali ang training. Forty five days daw na mahirap na training pero sobrang worth it naman daw.

“Wala namang imposible kung talagang ine-enjoy mo kahit gaano pa kahirap. And I guess kung mararamdaman ko talaga na kailangan or, I mean, gusto ko matupad ’yong pangarap ko na ’yon kakayanin ko ’yong 45 days,” paniguro pa ni Ruru.

***

INARESTO ang supermodel na si Gigi Hadid for marijuana possession noong pumunta siya sa Cayman Islands.

Ayon sa E! News, kasama ni Hadid and isang kaibigan nung dumating sila sa Owen Roberts International Airport noong July 10.

Nadiskubre ng customs official ang ‘ganja’ at mga utensil para sa paggamit nito sa kanyang maleta. Dinala sila sa Prisoner Detention Center and na release on bail.

Kinasuhan sila at humarap sa korte noong July 12. Nag-plead guilty si Hadid at ang friend nito at pinagmulto ng tig-P1,000 at may additional charge pa sila.

Ayon sa rep ni Hadid: “Gigi was traveling with marijuana purchased legally in NYC with a medical license. It has also been legal for medical use in Grand Cayman since 2017. Her record remains clear and she enjoyed the rest of her time on the island.”

(RUEL J. MENDOZA)

Tinalakay ang karagdagang tulong para sa mga Bulakenyo, Kalihim ng DSWD, nakipagpulong kay Fernando

Posted on: August 8th, 2023 by @peoplesbalita No Comments

LUNGSOD NG MALOLOS – Nakipagpulong si Kalihim Rex Gatchalian ng Department of Social Welfare and Development kay Gobernador Daniel R. Fernando umaga ng Sabado sa DSWD Office sa Quezon City upang talakayin ang mga pangangailangan ng mga apektadong pamilya at iba pang tulong na maaaring ipagkaloob upang mapagaan ang kasalukuyang sitwasyon sa lalawigan.

Kabilang sa mga napagkasunduang tulong na ibibigay ang karagdagang relief goods at pagbibigay ng tulong pinansyal, kung kaya’t inaprubahan ang Emergency Cash Transfer (ECT) na ibibigay sa indigent population mula sa 17 bayan at apat na lungsod na lubog pa rin sa tubig baha.

Ang nasabing probisyon ng ECT ay mandato ni Pangulong Ferdinand “Bongbong” R. Marcos, Jr., na nakatakdang bumisita sa lalawigan sa Lunes upang personal na alamin ang kasalukuyang sitwasyon ng Pampanga at Bulacan.

Upang matulungang matukoy ang mga benepisyaryo ng ECT, kailangang magsagawa ng agarang koordinasyon mula sa Municipal Social Welfare and Development Office patungo sa Provincial Social Welfare and Development Office (PSWDO) hanggang sa DSWD Region 3.

Ipinahayag naman ni Fernando ang kaniyang pasasalamat kay PBBM at Gatchalian para sa kanilang napapanahong pagsuporta at pagtulong sa mga Bulakenyo.

“Nakakataba po ng puso na ang ating maagang pagbangon para dumalo sa isang pagpupulong ngayong araw ay naging mabunga sa tulong ng ating itinuturing na kalalawigan at may tunay na puso sa paglilingkod, ang aking kaibigang DSWD Sec. Rex Gatchalian. Bukod po sa relief goods, tayo ay pagkakalooban ng financial assistance sa lalong madaling panahon para sa mga labis na napinsala ng mga bagyo at pagbaha,” anang gobernador.

Dumalo rin sa pagpupulong sina Undersecretary Diana Rose S. Cajipe, MD, FPOGS, Assistant Secretary Marlon A. Alagao mula sa Disaster Response Management Group, Assistant Secretary Ulysses C Aguilar, PSWDO Head Rowena Joson-Tiongson at Provincial Information Officer Katrina Anne Bernardo-Balingit.

Samantala, ayon sa ulat na inihanda ni Provincial Agriculture Officer Ma. Gloria SF. Carrillo, nakapagtala ang Bulacan ng may kabuuang P244,410,675.71 halaga ng mga nasira sa agrikultura at palaisdaan habang inulat naman ni Provincial Veterinarian Dr. Voltaire G. Basinang na may P24,260,800.00 kabuuang halaga ang nasalanta sa livestock at poultry na dulot ng Habagat at mga Bagyong Egay at Falcon. (BISHOP JESUS “JEMBA” M. BASCO)

Barko ng Pinas, tinira ng tubig ng China Coast Guard

Posted on: August 8th, 2023 by @peoplesbalita No Comments

TINIRA ng water cannon ng Chinese Coast Guard ang barko ng Philippine Coast Guard (PCG) na patungong Ayungin Shoal para maghatid ng suplay sa BRP Sierra Madre, nitong Sabado.

Ayon kay PCG spokesperson for the West Philippine Sea, CG Commodore Jay Tarriela, nag-escort ang PCG ng mga barko na maghahatid ng pagkain, tubig, fuel at iba pang supply para sa mga military troops na nakabase sa BRP Sierra Madre sa Ayungin Shoal.

Doon umano sila hinarang at tinutukan ng water cannon ng mga vessel ng CCG.

Kinondena naman ng PCG ang nasabing pambobomba ng water cannon at mapanganib na maniobra na ikinasa ng barko ng CCG.

Sinabi ni Tarriela na bukod sa banta sa kaligtasan ng mga tripulante ng PCG at mga supply boats, nilabag din ng aksyon ng barko ng CCG ang ilang internasyunal na batas sa karagatan.

Kabilang dito ang 1982 United Nations Convention on the Law of the Sea (UNCLOS), ang 1972 Convention on the International Regulations for Preventing Collisions at Sea (COLREGS), at ang 2016 Arbitral Award.

“The PCG calls on the China Coast Guard to restrain its forces, respect the sovereign rights of the Philippines in its exclusive economic zone and continental shelf, refrain from hampering freedom of navigation, and take appropriate actions against the individuals involved in this unlawful incident,” saad pa ni Tarriela.

Nanawagan din siya sa CCG, na bilang isang organisasyon na may responsibilidad at obligasyon sa ilalim ng UNCLOS, COLREGs, at iba pang instrumento ng international maritime safety and security, na ihinto ang anumang iligal na aktibidad sa loob ng maritime zone ng Pilipinas.

Una nang sinabi na ipagpapatuloy nila ang pagsisiwalat sa mga aksyon ng China sa West Philippine Sea na isa umanong mabisang paraan para mabatid ng mundo ang mga iligal na aksyon nito at agresyon sa teritoryo.

Samantala, kinondena ng Armed Forces of the Philippines (AFP) ang ginawang pagharang ng China Coast Guard sa kanilang chartered supply boat.

Sa pahayag ng AFP, bukod sa iligal na water cannon naging marahas ang hakbang ng China Coast Guard sa kanilang chartered supply boat.

Ayon sa AFP, hindi rin nirespeto ng CCG ang batas at karapatan sa paglalayag.

Hindi rin maaaring palagpasin ang karahasan ito kaya kailangan na gumawa ng ilang hakbangin ang pamahalaan.

Dahil dito, hindi na nakarating pa ang ikalawang bangka ng AFP na maghahatid ng mga suplay bilang bahagi ng rotation and resupply (RoRe) mission.

Umaasa ang AFP na papanagutin ng CCG at ng Central Military Commission ang mga responsable sa insidente. (Daris Jose)

Bata pa ay nag-struggle na sa mental health niya: Bunsong kapatid nina ELIJAH na si JM, pumanaw na edad na 17

Posted on: August 5th, 2023 by @peoplesbalita No Comments

NAPAKABATA sa edad na 17 ay pumanaw na ang dating child actor na si JM Canlas.

Bunsong kapatid nina Elijah Canlas at Jerom Canlas. Pumanaw ito noong Huwebes, August 3 ng umaga.

Walang binigay na dahilan o sanhi ng kamatayan, pero ang kapatid niya na si Jerom ay nag-post na diumano’y may mental health issue ang nakababatang kapatid.

Ayon sa post nito, “In his adolescence, JM struggled with his mental health. If you are experiencing current distress and are in need of URGENT ATTENTION, please proceed to the emergency room of the hospital nearest you.”

Nagbigay rin siya ng mga links for counseling services as well as hotline numbers for mental health. These include: DOH-NCMH Hotline: 0917-899-8727 or 02-7989-8727; Natasha Goulbourn Foundation Hopeline: 0917-558-4673, 0918-873-4673 and 02-8804-4673; and In Touch Crisis Line: 0917-800-1123, 0922-893-8944 and 02-8893-7603.”

Nang silipin namin ang account ni Elijah, wala pa itong ano mang post tungkol sa nangyari sa kapatid. Kasalukuyan, ang wake ni JM ay nasa St. Peter Chapels, Quezon Avenue at sa unang araw ay madadatnan daw si Elijah at ang kanyang kapatid at mga magulang, gayundin ang girlfriend nito na si Miles Ocampo.

Ayon kay Direk Arman Reyes na isa sa nakadalaw na, mararamdaman daw ang labis na pamimighati ng pamilya.

Ang amin pong pakikiramay.

***

NAGSALITA na si Movie and Television Review and Classification Board (MTRCB) Chairperson Lala Sotto tungkol sa issue ng “It’s Showtime” at sa kanyang mga magulang na si dating Senate President Tito Sotto at si Helen Gamboa.

Ipinatawag ng MTRCB ang producers ng “It’s Showtime” noong July 25, ng taong ito, matapos makatanggap ng mga reklamo mula sa mga diumano’y concerned citizens hinggil sa umano’y malaswang inasal nina Vice Ganda at Ion Perez sa “Isip-Bata” segment ng show.

Dahil dito ay katakot-takot ding batikos ang natanggap ni Chair Lala at pinaratangan siyang “unfair” and “biased” dahil hindi niya pinatawag ang “E.A.T.” sa episode na naghahalikan ang kanyang magulang.

Sa interview ni Cristy Fermin kay Chair Lala sa kanyang “Cristy Ferminute,” isa-isang sinagot ng anak ni Tito Sen ang mga issue.

Ayon dito, “Alam n’yo po, lumaki po akong ganu’n. Na halos araw-araw ng buhay naming magkakapatid, ganu’n po talaga ang aming mga magulang, mapa-telebisyon, Nay, maski saan. Mula pa po nun’g bata kami.

“They have been married for 55 years now and katulad nga ng sinasabi ko, ‘yung mga lambingan nilang ganyan, simula pa nang may show sila, ‘yung ‘C.U.T.E.,’ kapag naggi-guest ang mommy sa ‘Iskul Bukol’ at ‘yung dating ‘Eat Bulaga.’ All through the years, ginagawa po nila talaga ‘yan.

“At wala namang naging problema kasi, in fact, ito po ay isa pa ring ehemplo ng mag-asawa,” mahabang paliwanag ni Chair Lala.

Tungkol naman sa issue ng “It’s Showtime,” mahaba ang naging paliwanag niya rito at may proseso raw na sinusunod bago i-call ang isang production o show.

Kaya sa mga nagde-demand na dapat ipatawag din ang “E.A.T”, sinagot niya ito na, “Wala pong dahilan para ipatawag ang ‘E.A.T.’ dahil hindi po sila deserving of a notice to appear. Ang binigyan namin ng notice to appear ay ang programang Showtime that is rated PG, it is a live noontime variety show that is automatically rated PG.”

Sinabi rin ng anak ni Tito Sen na ilang warnings na rin ang ibinigay nila sa “It’s Showtime.”

“Ang programang ‘Showtime’, I hope they don’t take it personally, lalo na yung kanilang supporters. Naiintindihan ko po ‘yun dahil ako ay lumaki sa isang noontime show. So, naiintindihan ko po ‘yan.

“That is why, I believe the board has been very tolerant, napakahaba po ng aming pisi,” pahayag niya.

(ROSE GARCIA)

DOTr: Humihingi ng P164 B pondo para sa proyekto sa railways

Posted on: August 5th, 2023 by @peoplesbalita No Comments

Humihingi ang Department of Transportation (DOTr) sa Mababang Kapulungan ng pamahalaan ng pondong nagkakahalaga ng P164 billion para sa construction at maintenance ng pitong (7) rail lines sa Metro Manila sa taong 2024.

Nakalagay sa 2024 National Expenditure Program ng pamahalaan, ang DOTr ay humihing sa Mababang Kapulungan ng kabuohang budget na P187.21 billion na gagamitin sa mga proyekto at programa na gagawin sa susunod na taon.

Ang pinakamalaking pondo na nagkakahalaga ng P163.74 billion ay gagamitin sa programa sa rail transport upang mapadali ang takbo ng civil at rehabilitation works ng mga rail lines.

Sa proyektong North-South Commuter Railway (NSCR), ito ay makatatangap ng P76.34 billion sa 2024 kung saan ang DOTr ay nagsisikap na matapos ang proyekto ayon sa target na 2028. Ang DOTr ay gagastos ng P53.26 billion para lamang sa procurement ng right-of-way (ROW).

Ito ay bibigyan din ng pondo mula sa Japan na nagakakahalaga ng P873.62 billion. Ang NSCR ay dadaan sa tatlong (3) rehiyon ng Central Luzon, Metro Manila at Southern Tagalog, galing sa New Clark City sa Pampanga hanggang Calamba, Laguna.

Sa taong 2024, ang Metro Manila Subway Project (MMSP) ay bibigyan ng alokasyon na nagkakahalaga ng P68.37 billion kung saan naman ang pamahalaan ay magbabayad ng P21.68 billion para sa ROW at tax expenses.

“Set to become the first underground rail in the Philippines, the MMSP will extend for around 33 kilometers across seven cities in Metro Manila and will cut travel time between Quezon City and the Ninoy Aquino International Airport to 35 minutes,” wika ng DOTr.

Habang ang Metro Rail Transit Line 3 (MRT3) ay bibigyan naman ng alokasyon na nagkakahalaga ng P10.29 billion na gagamitin sa maintenance at rehabilitation kasama na rin ang equity rental sa groupo ng Sobrepena led na Metro Rail Transit Corp. (MRTC).

Ang DOTr ay nagbabayad ng monthly fee mula P600 million hanggang P900 million sa MRTC bilang kabahagi ng fare collection mula sa operasyon ng MRT 3. Matatapos ang pagbabayad ng yearly equity sa MRTC sa pagtatapos ng build-lease-transfer contract sa taong 2025.

Maliban dito, ang DOTr ay gagamit din ng budget upang bayaran ang kabahagi nito sa ginagawang Light Rail Transit Line 1 Cavite Extension. Gagastos din ang DOTr sa pre-construction works ng Metro Rail Transit Line 4 at Philippine National Railways South Long Haul.

Kasama rin pondong hinihingi sa Congress ang P6.4 billion para sa expansion at upgrading ng land transport sector, P6.09 para sa aviation facilities at P987.56 million para sa proyekto sa maritime sector.

“The agency will also appropriate P500 million for the development of active transport in urban areas, particularly for the construction of bike lanes and pedestrian walkways,” dagdag ni DOTr undersecretary Cesar Chavez. LASACMAR

72 DRINKING FOUNTAINS IPINAGKALOOB SA MGA PAMPUBLIKONG ESKWELAHAN SA LUNGSOD QUEZON

Posted on: August 5th, 2023 by @peoplesbalita No Comments

BILANG bahagi ng ika 26 anibersaryo ng Manila Water ngayong Agosto, inilunsad nito sa pamamagitan ng Manila Water Foundation (MWF) ang “Project Drink 72” na nagkaloob ng refrigerated drinking fountains (RDFs) sa 72 pampublikong eskwelahan sa lunsod Quezon.

Ipinagkaloob ng Manila Water ang RDFs sa unang 20 pampublikong iskwelahan na ginanap sa Balara Elementary School sa Lunsod Quezon.

Dumalo sa seremonya sina Manila Water President at CEO Jocot De Dios, QC Mayor Joy Belmonte, MWSS Administrator Bobby Cleofas, Department of Education Quezon City Schools Division Superintendent Carleen Sedilla, MWF Executive Director Reginald Andal, Manila Water East Zone Business Operations Group Director Shoebe Caong, at mga prinsipal, titser at mga mag-aaral.

Kabilang sa mga unang tumanggap na paaralan ang Balara Elementary School, Balara High School, Batino Elementary School, Camp Crame Elementary School, Camp Crame High School, Krus na Ligas Elementary School, Krus na Ligas High School, Malaya Elementary School, Sto. Cristo Elementary School, Culiat Elementary School, Pinyahan Elementary School, Quirino High School, San Francisco High School, Bungad Elementary School, New Era Elementary School, Old Balara Elementary School, Pasong Tamo Elementary School, Project 3 Elementary School, Tandang Sora Elementary School, at Teodora Alonzo Elementary School na may kabuoang 59,000 mag-aaral.

Sa pamamagitan ng inisyatibong ito, umaasa ang Manila Water na makabahagi sa pagkakaroon ng magandang kalusugan at kapakanan ng mga estudyante, gayundin sa paggawa ng conducive learning environment na may sapat na access sa malinis at inuming tubig, safely-managed sanitation facilities at hygiene supplies.

“Hopefully, ang mga bata, maiiwasan ang mga matatamis na inumin. Tubig po ang tunay na kailangan natin for our health. Ang mga fountain na ito will hopefully deter or prevent us from using plastic kasi masama po talaga yan sa ating environment,” ani De Dios.

Sa kanyang talumpati naman, ipinahayag ni Mayor Belmonte ang kanyang pasasalamat sa Manila Water sa pagsuporta sa mga adbokasiya na pinaprayoridad din ng Pamahalaan ng Lunsod Quezon.

“Alam naman natin na isa sa mga adbokasiya natin ay siguraduhing malulusog ang ating mga kabataan. Kayo rin ang nagsimula ng Wash Program kung saan sinisiguro natin na may handwashing facilities ang ating mga paaralan. Ngayon naman, drinking fountains, alam nyo ito rin ay aking adbokasiya because we really believe that water is a basic human right that every Filipino family should have,” ani Belmonte. (PAUL JOHN REYES)

Time out muna sa pagtulong kay Dingdong: BENJIE, magtuturo sa aspiring basketball players sa Cebu

Posted on: August 5th, 2023 by @peoplesbalita No Comments

TIYAK na mapapa-‘shoot that ball’ ang mga Cebuano young hoopers sa pagdayo ni Benjie Paras sa Lapu-Lapu City ngayong araw, August 5 para sa ‘GMA Masterclass: The Sports Series.’

Time out nga muna si Otep (Benjie) sa pagtulong kay Napoy (Dingdong Dantes) resolbahin ang pagkamatay ni Don Gustavo (Tirso Cruz III) sa ‘Royal Blood’ dahil magtuturo muna si Benjie sa aspiring basketball players sa Lapu-Lapu Auditorium, Brgy. Poblacion, Lapu-Lapu City.

Makakasama rin ni Benjie na kilala as “The Tower of Power” sa pro basketball, ang NCAA athlete at San Sebastian Golden Stags player na si Alex Desoyo Jr.

Noong July 15, nagtungo sa Bacolod City ang ‘GMA Masterclass: The Sports Series’ kasama si basketball legend Noli “The Tank” Locsin at Miggy Corteza ng Benilde Blazers. Very successful ang naging event dahil pinuntahan ito ng mga aspiring young athletes na talaga namang natuto, nag-enjoy at na-inspire.

***

SA kabila ng tagumpay, kasikatan at kayamanan ay hindi nagbabago si Alden Richards, base na rin sa opinyon ng mga taong nakatatrabaho at nakasasalamuha niya.

Kaya tinanong namin si Alden, bakit hindi siya nagbabago, bakit nananatiling nakatuntong ang mga paa niya sa lupa?

“Utang na loob po. Yung utang na loob ko sa mga tao na gumawa para maging… na tinulungan po ako para maging posible yun.

“Yung hindi ko siya nakuha, of course, by myself alone, hindi ko po kine-credit na ako lang lahat ito, e. Hindi.

“Kumbaga itong success ko po is a collective effort of all the people who love me and supported me.

“And I think isa po yun sa mga reasons na nagga-ground po sa akin, para hindi… kasi ganun yun e, kapag, feeling ko po kasi, from my point of view lang po ito, opinyon ko lang po, kapag lahat ng bagay, lahat ng mga success mo in-attribute mo sa sarili mo, dun ka yayabang.

“Parang ‘pag… dahil sa akin kaya may ganito, dahil sa akin kaya ganyan, dahil sa akin kaya naging successful ito. So… actually kinikilabutan po ako ‘pag pumapasok sa isip ko na i-credit yung sarili ko.

“Hindi ko kaya. So yon po yung isa sa mga napangalagaan ko sa sarili ko, yung utang na loob. Napaka-importante, kahit na itong mga taong ‘to hindi humihingi ng kapalit, I think those people are the ones na dapat talagang alagaan sa buhay mo.

“Yung tumutulong ng walang kapalit. Iyon po yung mga dapat inaalagaan. And those people are the ones who are keeping me grounded most of the time.

Nakatituwa naman ang sagot ni Alden sa tanong kung sino pang personalidad ang nais niyang i-portray o gampanan sa ‘Magpakailanman’.

“Sa ngayon po siguro, si FLG, si Mr. Gozon! Okay yun, kung papayag po si Boss,” ang tumatawang sagot ni Alden sa amin na ang tinutukoy ay ang Chairman at CEO ng GMA Network.

Ang apat na episodes ng ‘Magpakailanman’ ni Alden ay ang “A Runner to Remember: The Jirome de Castro Story” kung saan kasama niya si Sanya Lopez, sa direksyon ni Neal del Rosario, pangalawa ang “Epal Dreamboy: The Richard Licop Story”, kasama rito si Lotlot de Leon, sa direksyon ni Irene Villamor, pangatlo ang “The Lost Boy” (sa direksyon rin ni Irene Villamor) kung saan gaganap si Alden bilang isang lalaking mapapadpad sa buhay na puno ng krimen na tiyak na magpapakita ng “the other side” ni Alden at pang-apat ang “Sa Puso’t Isipan: The Andrew Cantillana Story” sa direksyon ni Gina Alajar.

Ang month-long special ng ‘Magpakailanman’ ay magsisimula na ngayong 8:15 ng gabi sa GMA. Naka-livestream din ito nang sabay sa official YouTube channel at website ng GMA Network.

***

PAGKAKATAON na ng mga bayaning delivery riders para maging artista at makasama ang mga bigating Kapuso stars!

Naghahanap kasi ang GMA Public Affairs ng mga delivery riders na mapapabilang sa upcoming primetime series na ‘Black Rider’ starring Ruru Madrid.

Para sa chance na mapili, kinakailangan lamang i-post sa social media ang audition video na nagpapakita ng talent or skill at kumbinsihin ang screening team kung bakit karapat dapat na maging bahagi ng series. Huwag ding kalimutang gamitin ang hashtag na #SamaAkoBlackRider.

Anong pang hinihintay ninyo, mga Kapusong delivery riders? Malay ninyo, kayo na ang susunod na makakatrabaho ng iba pang ‘Black Rider’ stars gaya nina Kylie Padilla at Matteo Guidicelli.

(ROMMEL L. GONZALES)

Two-night concert naging matagumpay: ICE, na-starstruck sa idol na si ALANIS at labis ang pasasalamat

Posted on: August 5th, 2023 by @peoplesbalita No Comments

KAHIT maulan naging matagumpay ang two-night concert ng international artist na Alanis Morissette na ginanap sa SM Mall of Asia Arena, Pasay City, na kung saan naki-jamming ang Filipino fans sa mga hit songs niya.

Inaabangan din ng mga music lovers ang isa sa mga highlight ng Manila leg ng “Jagged Little Pill”. Ito ay ang pag-front act ng OPM Icon at singer-songwriter-director na si Ice Seguerra, na ‘di nakapagtatakang palakpakan din nang husto, dahil napahusay naman talang mag-perform ng hubby ni Liza Dino-Seguerra.

Makikita rin sa IG post ni Ice ang mga photos nila ng Canadian-American singer-songwriter, na kitang-kita ang pagka-starstruck niya.

After ng two-night successful concert, nag-post naman si Ice na kanyang letter para sa iniidolo niya na si Alanis, simula noong bata 12 years old pa lang siya….

“Dear @alanis
Thank you so much for making time to meet us today. When I told you you were my hero, I wanted to let you know that Mary Jane made me feel better during rough times in my teenage years. Perfect was my companion when I felt like I wasn’t good enough.

“During my late 20s, You Learn made me feel like all the shit I had to endure made me stronger. Now that I’m almost in my 40s, Thank You sums up my gratitude for my life journey.

“I have been singing your songs way before I had a music career, and since finding my way as a singer and musician, I have grown to appreciate your songs on a deeper level.

“I was in the audience when you first came to the Philippines; I watched the JLP anniversary tour a few years back in California. I bought concert tickets when it was announced that you were coming here. I just wanted to relive the songs that are a big part of my core. But I never thought I would open the concert and meet you.

“Thank you for the past two nights that we get to sing the songs with you, that has been our comfort, and inspiration for the past 25++ years. We grew along with your songs…

“We are grateful to have you here in the Philippines. You and your band were awe-inspiring.

“Have a great tour!!!

“Your forever fan,
Ice

Ilan nga sa mga sikat na kanta ni Alanis Morissette ay ang “You Oughta Know,” “You Learn,” “Head Over Feet,” “All I Really Want,” “Thank You,” “Mary Jane,” “Uninvited,” “Perfect,” “Forgiven,” “Right Through You,” “Wake Up,” “Hand in My Pocket” at “Ironic.”

(ROHN ROMULO)

Delivery rider, 1 pa kulong sa 470K shabu sa Caloocan

Posted on: August 5th, 2023 by @peoplesbalita No Comments

MAHIGIT P.4 milyong halaga ng shabu ang nasamsam sa dalawang tulak ng illegal na droga, kabilang ang isang delivery rider na itinuturing bilang High Value Individual (HVI) matapos maaresto sa magkahiwalay na buy bust operation ng pulisya sa Caloocan City.

Sa report ni Caloocan police chief P/Col. Ruben Lacuesta kay Northern Police District (NPD) Director P/BGen Rizalito Gapas, nakatanggap ng impormasyon ang mga operatiba ng Station Drug Enforcement Unit (SDEU) hinggil sa umano’y illegal drug activities ni Janreb Lucero, 34, delivery rider ng Phase 5A Package 1 Block19 Lot 35, Brgy. 176 kaya isinailalim siya ng mga operatiba sa validation.

Nang positibo ang ulat, ikinasa ng mga operatiba ang buy bust operation sa pangunguna ni P/Cpt Ronald Allan Soriano, katulong ang 3rd MFC, RMFB ang buy bust operation sa Phase 7B Package 1, Brgy. 176 na nagresulta sa pagkakaaresto kay Lucero matapos bintahan ng P74,500.00 halaga ng shabu ang isang pulis na nagpanggap na buyer dakong alas-4:00 ng madaling araw.

Ani Col. Lacuesta, nakuha kay Lucero ang humigi’t kumulang 50 grams ng hinihinalang shabu na may Standard Drug Price value na P340, 000.00, at buy bust money na isang P500 bill at 74-pirasong P1,000 boodle money.

Nauna rito, nadakma naman ng kabilang team ng SDEU sa buy bust operation din sa Domato Avenue, Phase 12, Brgy. 188 bandang alas-11:00 ng gabi, si Jhonna Molinas, 33 ng Phase 12, Riverside, Tala.

Ayon kay Cpt. Soriano, nakumpiska sa bebot ang nasa 20 grams ng hinihinalang shabu na may SDP value na P136,000, marked money na isang P500 bill, kasama ang 6-pirasong P1,000 boodle money at coin purse.

Mahaharap ang mga suspek sa kasong paglabag sa RA 9165 o ang Comprehensive Dangerous Drug Act of 2002.

Nang makarating naman sa kaalaman ni BGen Gapas ang matagumpay na drug operation ng Caloocan City Police Station sa pamumuno ni Col. Lacuesta ay kaagad siyang nagpaabot ng papuri sa mga ito dahil sa kanilang pagsisikap para labanan ang ilegal na droga. (Richard Mesa)

Administrasyon ni PBBM, humirit ng P31-B calamity fund para sa susunod na taon

Posted on: August 5th, 2023 by @peoplesbalita No Comments

HUMIRIT ang administrasyong Marcos sa Mababang Kapulungan ng Kongreso ng P31 billion calamity fund para sa taong 2024.

Nais kasi ng gobyerno na mas maraming pondo ang maipamahagi sa panahon ng kalamidad.

Kilala rin bilang National Disaster Risk Reduction and Management Fund (NDRRMF), ang panukalang calamity fund ay mas mataas ng 51.2% kumpara sa kasalukuyang P20.5-billion appropriation.

Saklaw ng P31 billion ang P17.9 billion na angkop para sa “aid, relief and rehabilitation services to communities/areas affected by calamities, including training of personnel, and other pre-disaster activities.”

Ang pigura ay tumaas mula sa P12.3 billion na alokasyon ngayong taon.

Kabilang din ang P13.05 billion, mula sa kasalukuyang P7.1 billion, para sa “repair and reconstruction of permanent structures, including capital expenditures for pre-disaster operations, rehabilitation and other related activities.”

Hindi naman kasama sa panukala ng NDRRMF ang ‘ line item’ para sa Marawi Siege Victims Compensation Fund, na mayroong P1 billion alokasyon para ngayong taon.

Ang Republic Act 11696 o Marawi Siege Victims Compensation Act ay nilagdaan upang maging ganap na batas noong April 2022, lumikha ng Marawi Compensation Board. Ang board ay nakalista ng hiwalay sa ilalim ng “Other Executive Offices” at may panukalang budget na P1,117,555,000 para sa taong 2024.

Samantala, ang panukalang calamity fund ay naglalaman ng P7.425 billion Quick Response Fund (QRF) para sa “Department of Agriculture (P1 billion, kahalintulad ngayong 2023), Department of Education (P3 billion, tumaas mula sa P2 billion ngayong taon), Department of Health (P500 million, kapareho ngayong taong 2023), Department of Interior and Local Government (DILG)-Bureau of Fire Protection (P50 million, kaparehong ngayong taon), DILG-Philippine National Police (P50 million, kapareho ngayong taon), Department of National Defense-Office of Civil Defense (P500 million, kaparehong ngayong 2023), Department of Public Works and Highways (P1 billion, bumaba mula sa P11 billion ngayong taon), Department of Social Welfare and Development (P1.25 billion, bumaba mula sa P1.75 billion ngayong taon) at Department of Transportation-Philippine Coast Guard (P75 million) (Daris Jose)