2023 August Archive - People's Balita

July 5, 2024
Search in People's Balita
Ang Diyaryong Pinagkakatiwalaan

Archive for August, 2023

‘Big One’ dapat ikunsidera sa reclamation projects sa Manila Bay —DENR

Posted on: August 3rd, 2023 by @peoplesbalita No Comments

DAPAT na ikunsidera ng Department of Environment and Natural Resources (DENR) ang pagsulpot ng posibleng major earthquake na tinawag bilang “Big One” pagdating sa reclamation projects sa Manila Bay.

Sa press briefing sa Malakanyang, sinabi ni DENR Secretary Antonia Yulo Loyzaga na ang reclamation projects ay kailangan sa pagpapabuti sa ekonomiya, iyon nga lamang kailangan na ikunsidera rin ang epekto nito sa ekolohiya.

“I think what’s important is reclamation has a certain value, obviously in terms of the economy. However, we need to do the cost benefit analysis in terms of the impact to the ecology and the longer term impact in terms of possibly what could result from climate change,” ayon kay Loyzaga.

“For example, sea level rise needs to be considered, the different possible geological events that could actually take place —as you know, there has been a lot of talk about the ‘big one’ ‘no,” dagdag na pahayag nito.

Dapat din na ikunsidera ang pagtaas ng sea level sa pagsasagawa ng reclamation projects.

“All of these need to be taken to consideration in terms of scenarios for reclamation as well as the subsidence that is ongoing because of the extraction of groundwater from the coastal areas of Manila Bay,” dagdag na wika ni Loyzaga.

Sa kabilang dako, inulit naman ni Loyzaga na ang DENR ay nagsagawa ng pinagsama-samang epekto sa assessment ng reclamation projects para ipakita ang epekto ng proyekto sa Manila Bay.

Nito lamang nakalipas na Pebrero, sinabi ng Philippine Reclamation Authority (PRA) na sisimulan nito ang pagpupunan sa lupa sa isa sa tatlong reclamation projects ngayong taon sa bay area.

“The project is a mixed development, institutional, residential, and commercial,” ayon naman kay PRA assistant general manager Joseph Literal.

Ang permit para sa proyekto ay nakompleto mula 2019 hanggang 2021 sa ilalim ng administrasyong Duterte.

Tinatayang may 5,000 ektarya ng Manila Bay ang kailanga para sa kabuuang 13 reclamation projects na inaprubahan. (Daris Jose)

Trip sa Europe ng Congressman, siya mismo ang gagastos: SYLVIA, pinagbigyan ang dasal na magandang panahon sa kasal nina ARJO at MAINE

Posted on: August 3rd, 2023 by @peoplesbalita No Comments

SA FB at IG post ng premyadong aktres na si Sylvia Sanchez, ibinahagi niya ang maikling video na kung saan makikita ang bonggang chapel na pinagkasalan nina Congressman Arjo Atayde at Maine Mendoza.

Naging maaliwalas nga ang panahon nang maganap ang pag-iisang dibdib noong Biyernes, July 28, sa Alphaland Baguio Mountain Lodges Chapel na matatagpuan sa Baguio City, Benguet.

Kasagsagan ng Bagyong Egay nang umakyat sa Baguio City ang pamilya ng Atayde at Mendoza, kaya naman halos lahat ay nagdarasal na sana’y humina, kung hindi man tumigil ang ulan dahil sa bagyo at habagat.

Kaya naman inamin ni Sylvia, kinausap talaga niya ang Diyos, na sana’y mapagbigyan ang kanilang mga dasal at maging maayos ang pagpapakasal nina Arjo at Maine.

Sa simula ng kanyang post, “July 26, 2023 ang lakas ng bagyo pero hindi ako kabado.

“July 27, 2023 ang lakas pa din ng ulan pero hindi pa din ako kabado.

“July 27, tinext ko si Maine, ‘Love you Maine…”

Ay sinagot naman daw siya ng, ‘Love you titaaa… sana po maging ok lahat tomorrow.’

At sinabi ng kanyang mother-in-law ng, ‘Magiging ok yan Maine.”

At totoo nga ang nangyari, humina ang ulan, lumiwanag ang kalangitan, kaya nasilayan ang magandang tanawin sa Alphaland, habang ikinakasal nina Arjo at Maine, na na-witness na kanilang pamilya, mga ninong at ninong at kanilang wedding entourage.

Pati sa reception ginanap naman sa Baguio Country Club ay mahina na lang ang ulan, at hanggang matapos sa madaling araw, ay ambon-ambon na lang.

Kaya naman nag-enjoy ang mga bisita na almost 400 (na walang nag-positive kahit isa sa antigen), na mapayapang nakarating sa Baguio City, sa kabila ng sinuong na bagyo.

Dagdag pa ni Sylvia, “Ang dami daming nagdadasal.

“For the nth time pinatunayan ng DIYOS na sya ang DIYOS na makapangyarihan sa lahat, mapagmahal at walang imposible sa KANYA.

“July 28,2023. Mismong araw ng kasal nina ARJO at MAINE.

Heto po ang panahon. (na makikita nga sa video)

“Maraming, maraming, maraming salamat po

PANGINOONG JESUS.

Matthew 8:23-27 #Faith

“Naniniwala akong mas malakas ang DIYOS ko kesa sa Bagyo mas malakas SIYA kaninuman!!! #ataydemendoza
“Happy morning everyone,” pagtatapos pa ng aktres.

Sobra ngang overwhelmed ang bagong kasal na sina Arjo at Maine sa attendance ng mga guest na halos 12 lang daw ang hindi nakarating.

Hindi rin sila tumanggap ng anumang regalo dahil mayroon silang donation drive na kung saan ang makukuha nilang donasyon ay gagamitin nila para sa indigenous groups sa Luzon na sina Arjo at Maine mismo ang magbibigay ng tulong.

Pinupuri naman ng netizens ang prenup video ng dalawa na kinunan ni Bob Nicolas at dapat ding abangan ang wedding video na anytime now ay i-upload na rin ng mag-asawa.

Samantala, balik-taping na si Sylvia para sa upcoming series na “Senior High” ng Dreamscape Entertainment, na pinagbibidahan ng mga teen stars na sina Andrea Brillantes, Kyle Echarri, at Elijah Canlas.

Makakasama nila ang former child actors na sina Xyriel Manabat, Zaijian Jaranilla, at Juan Karlos Labajo.

Featuring din sa “Senior High” sina Daniela Stranner, Miggy Jimenez, Gela Atayde, at Tommy Alejandrino. Kasama rin para magbigay ng suporta sina Angel Aquino, Baron Geisler, at Mon Confiado.

At base sa two-minute teaser, gaganap na security guard si Sylvia, na tiyak na magkakaroon ng kaugnayan sa mga bida ng “Senior High” na inaabangan na kung kailan ito ipalalabas.

Sina Arjo at Maine naman ay pumunta ng Bali, Indonesia, ilang araw after ng kanilang kasal para dumalo sila sa destination wedding nina Maja Salvador at Rambo Nunez na ginanap noong July 31, 2023.

Anytime ay babalik na ang mag-asawa dahil this weekend naman, pupunta sila kasama ang grupo nina Sylvia (Nathan Studios, na isa sa producer ng “Topakk”) sa Switzerland, para sa world premiere ng action thriller sa 76th Locarno Film Festival.

Mula ito sa direksyon ni Richard Somes, na isa sa recipients ng FDCP’s CreatePHFilms Large Budget Production Fund in 2021.

Kasama ni Arjo sina Sid Lucero at Julia Montes sa “Topakk” na last May ay nagkaroon ito ng gala screening sa Cannes’ Marché du Film Fantastic Pavilion.

At dahil papunta nga sila sa Europe sa August 5, isasabay na rin ang honeymoon nina Arjo at Maine, na kung saan balitang bukod sa Switzerland ay pupunta rin ang mag-asawa sa kalapit na bansa, kaya hanggang August 27 sila sa Europa.

Doon na rin magtatrabaho ang actor-politician sa pamamagitan ng remote set-up. Binigyan naman ng pahintulot si Cong. Arjo ng Kongreso na mabisita ang Filipino communities sa Italy at Greece.

Malinaw din na hindi humingi ng anumang pundo si Cong. Atayde, kaya siya mismo ang gagastos sa trip nila papuntang Europe.

(ROHN ROMULO)

3 dam sa Luzon muling nagpakawala ng tubig dahil sa tuloy-tuloy na pag-ulan

Posted on: August 2nd, 2023 by @peoplesbalita No Comments

MULI na namang nagpakawala ng tubig ang Ipo, Ambuklao, Binga Dam kahapon.

Ito ay bunsod pa rin ng patuloy na pagtaas ng lebel ng tubig sa naturang mga dam na dala naman ng nagpapatuloy na mga pag-ulan na dulot ng Hanging Habagat.

Batay sa datos na inilabas ng mga eksperto, lumagpas na kasi sa 101 meters na spilling level sa Ipo Dam na nakapagtala ng 101.09 meters dahilan kung bakit nagbukas ito ngayon ng .15 meters na gate opening nito.

Tig-isang gate rin na mayroong 0.5meters ang binuksan sa Ambuklao at Binga dam.

Sa kabila nito ay nakapagtala rin ang mga eksperto ng patuloy na pagtaas sa antas ng tubig sa Angat dam matapos itong madagdagan ng 0.75 meters na nagdala naman sa kabuuang water elevation sa nasabing dam. (Daris Jose)

Kaso ng dengue, leptospirosis tumataas – DOH

Posted on: August 2nd, 2023 by @peoplesbalita No Comments

KINUMPIRMA ng Department of Health (DOH) na tumataas na ang mga bilang ng mga kaso ng leptospirosis at dengue sa bansa bunga ng pagsisimula ng tag-ulan at mga pagbaha.

Nakapagtala ang DOH ng 182 bagong kaso o 42% pagtaas mula Hunyo 18-Hulyo 1, mula sa 128 na naitala sa nakalipas na dalawang linggo.

Sa record noong Hulyo 15, kabuuang 2,079 ang leptospirosis cases simula Enero 1, at 225 ang naitalang nasawi.

Patuloy na nagpapakita ng pagtaas ng mga kaso ang Region III sa mga huling anim na linggo.

Tumaas din ang mga kaso sa Metro Manila, Cordillera Administrative Region, Regions II, IV-A, IV-B, IX, X, XI, at Caraga na may 7 hanggang 53 bagong kaso. Habang ang Region I ay may 9 na bagong kaso at 3 sa Region V.

Sintomas ng leptospirosis ang lagnat, panginginig, sakit ng ulo at kalamnan, pamumula ng mata, pagsusuka at paninilaw ng balat at mata.

Samantala, patuloy din ang pagtaas ng mga kaso ng dengue na nagtala ng 9,486 o 16% na mas mataas kumpara sa nakalipas na 2 linggo.

Nasa 80,318 ang dengue cases sa bansa nitong Hulyo 15 na inaasahang mas mataas pa sa pagpasok ng mga reports.

Halos lahat ng rehiyon ay may pagtaas ng mga kaso ng dengue maliban sa Region II, BARMM, at Caraga.

May 990 ang nagkaroon ng malubhang dengue, habang 299 ang namatay sa sakit. Halos 40 na namatay ay nagkaroon ng dengue nang walang sintomas, ayon sa DOH.

Ayon sa World Health Organization, ang dengue ay nakukuha sa mga tao sa pamamagitan ng kagat ng mga babaeng lamok, pangunahin ang Aedes aegypti na lamok. Tumatagal ang sintomas ng 2-7 araw.

Bagama’t ang karamihan sa mga kaso ng dengue ay asymptomatic o nagpapakita ng mga banayad na sintomas, maaari itong magpakita bilang isang malubha, tulad ng trangkaso na sakit na nakakaapekto sa mga sanggol, maliliit na bata, at matatanda ngunit bihirang maging sanhi ng kamatayan.

Pagsibak sa 18 PNP officials, ipatutupad na

Posted on: August 2nd, 2023 by @peoplesbalita No Comments

TULUYAN nang sisibakin sa serbisyo ng Philippine National Police (PNP) ang 18 opisyal na tinanggap ni Pangulong Ferdinand R. Marcos Jr. ang courtesy resignation matapos na masangkot sa P6.7 bilyong illegal drug trade noong nakaraang taon.

Ayon kay PNP chief PGen. Benjamin Acorda, ang pagsibak sa mga ito ay alinsunod sa kanyang pakikipagpulong sa Pangulong Marcos.

Sinabi ni Acorda na bahagyang naantala ang pagsibak dahil kailangan pang linawin sa Pangulo kung serbisyo o puwesto lamang aalisin ang mga sangkot na opisyal.

Nabatid na mismong ang Pangulo ang nag-abot sa kanya ng mga pirmadong dokumento para agad na matanggal sa serbisyo ang mga naturang opisyal.

Dahil may lagda na ng Pangulo ay tuluyan nang aalisin sa serbisyo ang 18 mga pulis kung saan limitadong benepisyo lamang ang kanilang matatanggap, ani Acorda.

Magugunitang nitong nakalipas na linggo ay tinanggap ni BBM ang pagbibitiw ng 18 police brigadier generals at colonels batay sa rekomendasyon ng National Police Commission Ad Hoc Advisory Group na nagsagawa ng imbestigasyon.

Ito’y matapos ihayag ni Pangulong Marcos sa kanyang ikalawang State of the Nation Address (SONA) na kanyang tatanggapin ang resignation ng mga tiwaling law enforcer at iba pang sangkot sa kalakalan ng ilegal na droga.

Sa 954 pulis na inimbestigahan, hinimok ng grupo si Pangulong Marcos na tanggapin ang pagbibitiw ng 18 police officers. (Daris Jose)

5M plastic cards, inaasahang maipapasakamay sa DOTR bago matapos ang 2023

Posted on: August 2nd, 2023 by @peoplesbalita No Comments

INAASAHANG maipapasakamay sa Land Transportation Office ang hanggang limang milyong plastic cards para sa driver’s license ng mga motorista, bago matapos ang kasalukuyang taon.

Ayon kay Land Transportation Office Chief Vigor Mendoza II, inaasahan ang delivery ng mga nasabing plastic cards, sa pamamagitan ng 500,000 cards o higit pa, bawat buwan.

Una na rin aniyang tiniyak ng Banner Plasticards, Inc. na magagawa nila ang nasabing serbisyo, bago pa man pumirma ng kontrata.

Ayon kay Mendoza Jr, sapat na ang 500,000 plastic cards kada buwan upang matugunan ang backlog na hanggang sa 900,000 driver’s license cards.

Ang karagdagang supply ang magsisilbing stock na aniya ng LTO.

Maaalalang nitong nakaraang linggo ay tinanggap na ng Department of Transportation ang kabuuang 5,000 plastic cards mula sa Banner, bilang paunang supply ng plastic cards sa bansa. (Daris Jose)

MMDA nilunsad ang P300 M na command center

Posted on: August 2nd, 2023 by @peoplesbalita No Comments

NAGKAROON ng inagurasyon noong nakaraang linggo ang pinakabago at epektibong command at communications center ng Metropolitan Manila Development Authority (MMDA) sa bansa na siyang magiging “nerve center” sa mga pangunahing lansangan sa Metro Manila.

Nagkakahalaga ng P300 million ang nasabing command center ng MMDA ayon kay MMDA chairman Don Artes.

“Through the command center, the MMDA can monitor the activities around Metro Manila captured by 403 high-tech CCTV cameras and body cameras worn by traffic enforcers. These CCTV cameras are located across major thoroughfares, pumping stations, waterways, and the Manila Baywalk Dolomite Beach,” wika ni Artes.

May ilalagay din and MMDA na 166 CCTV cameras na may analytics power sa kahabaan ng EDSA Bus Carousel Route.

Ang command center ay may nakalagay din na operations center, data center, situation room, viewing gallery, media room at power room.

Dahil sa makabagong tecknologiya na nakalagay, ang MMDA ay maaari rin magkaron ng remote control sa mga traffic lights sa pamamagitan ng command center na may Intelligent Traffic Signalization System. Ang CCTV cameras at Intelligent Transport System ay konektado sa command center sa pamamagitan ng 899 kilometers fiber optic network across Metro Manila. Ang nasabing network ay siyang pinakamalaking fiber optic na pag-aari ng pamahalaan sa National Capital Region.

“There are 105 kilometers of fiber optic cable that are still being installed. The agency also plans to lay down 45 kilometers of fiber optic to connect 17 local governments in Metro Manila to the command center,” saad ni Artes.

Dagdag pa ni Artes na kapag may mga emergencies, ang MMDA ay makakaasa sa kanilang Hyetera Radio Smart Dispatch System na isang soft-ware na may built-in global positioning system at smart map upang malaman ng mga traffic enforcers ang real time. Ang system ay maaari rin gamitin upang ang mga traffic enforcers ay makapag usap sa isat’ isa.

May plano rin ang MMDA na magkaron ng artificial intelligence sa MMDA’s traffic enforcement at management. Sa pamamagitan ng AI, ang mga license plates ay makukuha habang ang facial recognition at behavioral analytic na makukuha rin ay gagamitin naman ng Department of the Interior and Local Government (DILG) para sa crime prevention at resolution.

Kamakailan lamang ang MMDA ay bumili ng 120 body cameras at hand-held ticketing cameras devices para sa implementation ng single-ticketing system. LASACMAR

Presyo ng bigas sa merkado, tumaas ng hanggang P2/kilo kasunod ng pananalasa ng nagdaang bagyo – DA

Posted on: August 2nd, 2023 by @peoplesbalita No Comments

TUMAAS ang presyo ng bigas sa merkado ng P1.50 hanggang P2 kada kilo kasunod ng pananalasa ng nagdaang bagyo ayon sa price monitoring ng Department of Agriculture (DA).

Sa pinakahuling datos, nag-iwan ng malawak na pinsala ang matinding pag-ulan na nagdulot ng mga pagbaha sa parte ng Luzon kung saan umaabot sa P2 billion ang halaga ng pinsala sa sektor ng agrikultura.

Ayon kay DA Deputy Spokesperson Rex Estoperez, noong Hulyo binagyo ang bansa kaya’t tumaas ang presyo. Base sa price monitoring ng ahensiya, tumaas ang presyo ng bigas lalo na sa mga imported rice.

Subalit ayon sa opisyal hindi lang ang bigas ang nagmahal kundi maging ang presyo din ng mga gulay. (Daris Jose)

Ads August 2, 2023

Posted on: August 2nd, 2023 by @peoplesbalita No Comments

Falcon posible pa maging super typhon habang papalabas ng PAR-PAGASA

Posted on: August 2nd, 2023 by @peoplesbalita No Comments

NAPANATILI ng Typhoon Falcon ang lakas nito habang kumikilos pa-kanluran hilagang kanluran patungo sa dagat timog silangan ng Okinawa Islands, sabi ng state weather bureau.

Naobserbahan ang mata ng Typhoon Falcon 875 kilometro silangan hilagangsiilangan ng extreme northern Luzon 10 a.m. ng Martes, ayon sa PAGASA.

Lakas ng hangin: 175 kilometro kada oras malapit sa gitna

Bugso ng hangin: hanggang 215 kilometro kada oras

Direksyon: pakanluran hilagangkanluran

Pagkilos: 20 kilometro kada oras

“Falcon is potentially at its peak intensity at this time and likely to maintain its strength for the next 48 hours, although intensification into a super typhoon is not ruled out,” wika ng PAGASA kanina.

“Falcon is forecast track west northwestward and begin decelerating as it approaches the waters southeast of Okinawa Islands. On the track forecast, the typhoon may exit the PAR region this afternoon or evening.”

Samantala, may posibilidad na magtaas ng tropical cyclone wind signal sa Batanes buhat ng napakalaking “wind field” ng typhoon.

Kung saka-sakali, pinakamataas na rito ang Signal No. 1.

Maaari ring magdala ng paminsan-minsang monsoon rains sa kanlurang bahagi ng Luzon sa susunod na tatlong araw buhat ng Hanging Habagat na pinalakas ng bagyong “Falcon.”

“Forecast rainfall are generally higher in elevated or mountainous areas,” dagdag pa ng state weather bureau.

“Under these conditions, flooding and rain-induced landslides remains highly likely especially in areas that are highly or very highly susceptible to these hazard as identified in hazard maps and in localities that experienced considerable amounts of rainfall for the past several days.”

Maaari ring magdala ng malalakas na hangin ang pinalakas na Habagat sa mga sumusunod na lugar ngayong araw lalo na sa mga baybaying dagat at mabubundok na lugar gaya ng:

Batanes

Babuyan Islands

Abra

Benguet

Zambales

Bataan

gitna at katimugang bahagi ng Aurora

Pampanga

Bulacan

Metro Manila

malaking bahagi ng Ilocos Region

CALABARZON

MIMAROPA

Bicol Region

Western Visayas

(Daris Jose)