TILA nag-manifest talaga ang naging sagot ni Alden Richards na walang-iba kung hindi si Julia Montes dahil 11 years after, heto nga at magkasama sila sa pelikulang ‘Five BreakUps and a Romance’ na nagkaroon ng red carpet at official trailer world premiere noong Miyerkules ng gabi.

Nang tanungin si Alden sa reaction niya na nagkatotoo ang dating pangarap lang niya na makatambal si Julia, “That year was, 2012… I don’t know, sobrang tagal. I think, it gives the idea of manifesting legitimacy. When you want something to happen, one way or another, the Lord will find its way to happen and I was never wrong.

“Being able to work with this talented lady and the whole cast, this is one for the books and I can say, I think, this is one of my best projects in 2023, if not, so far, as an actor, I think, I would consider na maikukuwento ko sa mga tao once na tumanda ako because it really made an impact in my life.”

Nang si Julia na ang magsalita, naging emosyonal ito agad at sinabing sobrang espesyal daw sa kanya ang buong grupo ng movie nila. Sinundan din ni Alden ang pagiging emosyonal ni Julia. Naiyak din ito habang nagsasalita.

Sabi ni Alden, nang simulan daw kasi nila ang ‘Five BreakUps and a Romance’, may kanya-kanya talaga silang doubt nina Julia at ng director ng pelikula na si Direk Irene Villamayor.

“We all had our own doubts. We all came from different walks of life. We have done different kind of projects in the past. But I think, this film is a blessing to all of us.”

At hindi na nga niya napigilang maluha nang sabihin niya na, “Merong nabuo. Kami pong tatlo nina Direk Irene, we we’re not in a good place in our life. Direk, you’ve done something in our lives that changed us,” sabi niya.

First time pa lang daw niyang nakasama si Julia at si Direk Irene naman, ikalawang beses, pero dahil sa pagsasama nilang ito sa movie, buong ningning na sinabi ni Alden na, “Sasalo ko ng bala para sa dalawang ‘to.”

Nang tanungin naman si Alden kung ano ang pinagdaanan niya noon bago gawin ang pelikula, sinabi naman niya na ayaw na raw niya itong i-detalye pa.

“I don’t want to go into details because it’s very personal. I think, all I can say is how much good ‘yung nagawa nang paggawa ng Five BreakUps and a Romance sa buhay ko during that time. Alam ni Direk ‘yon, alam ni Jules ‘yon, nakuwento ko sa kanila.

“Minsan, sasabihin mo sa mundo, okay lang akong mag-isa, kaya kong mag-isa. Pero hindi ‘yon, e… I think, more than the movie, more than the script, more than the work, more than the talent fee and the opportunity that was given to me, it’s really more ‘yung ano ang nakuha ko sa kanila, with all the people that are here, with the cast.

“And there’s no small roles, everyone should be acknowledged with all the successful things that they have been part of. Walang maliit na tao and with ‘Five BreakUps and a Romance’, we’re giving the credit to all the people who are here tonight.”

Ang ‘Five BreakUps and a Romance’ ay ipalalabas na sa mga sinehan sa October 18 at produced ito ng Cornerstone Studio, GMA Pictures at Myriad Entertainment na pagmamay-ari naman ni Alden.

***

DAHIL nga mahigit isang taon na ang afternoon serye niya na ‘Abot Kamay na Pangarap’, breather raw para kay Jillian Ward ang ‘Daig Kayo ng Lola Ko’ kunsaan, sa loob ng buwan ng October, every Saturday at 6:15 pm ay mapapanood siya bilang si ‘Captain Kitten.’

Pagbabalik ito ng DKNL ko at pagbabalik din niya sa show dahil for 3 years, kasama siya rito.

Ayon kay Jillian, “Sobra po. Sa Abot Kamay… sobrang heavy po ng mga scenes. Although, kami po sa set, sobrang nag-e-enjoy po, sobrang magaan lang. Pero, yung mga eksena po kasi, mga heavy.

“Dito po, ang mapapanood po nila, parang ako po noong bata. Yung batang Jillian na kwela lang, nakakatuwa lang. Makikita po nila yun dito sa Daig Kayo ng Lola Ko.”

Hindi raw ito ang unang beses ni Jillian na gumanap ng Superhero character. Nakagawa na raw siya sa ‘Captain Barbell’ noon, pero bata pa siya. Ngayon lang yung dalaga na nga siya bilang si Captain Kitten.

“Actually, this is my third times. Ang pinaka-una ko po, I was 6 years old, sa Captain Barbell, ako po si Super Tiny ro’n. And sa Super Ma’am, kay ate Marian Rivera, naging part po ako ng Super Teens. And ngayon po, bilang dalaga, ito po ang first role ko na action role.”

Sabi pa niya, “Alam niyo kung ano po ang nakakatuwa, lahat po ng superhero roles ko, palaging may purple. Hindi ko po alam kung bakit. Yung costume ko, laging may mask na purple na ewan, actually, ipapa-collage ko nga po ang picture, e.”

Nagulat naman daw si Jillian nang malaman na may title na siya, ‘Star of the New Gen,’ pero siyempre, isang bagay raw ito na ipinagpapasalamat niya.

“Siyempre po, sobrang grateful po ako at nagulat po ako, pero sa akin po kasi, kumbaga, kung ano man ang mga titles na binibigay sa akin, hindi ko po siya dinadamdam, kumbaga.

“Hindi po siya nagsi-sink-in sa akin,” sabi pa niya.

Ngayong gabi na (6 :15 pm) magsisimulang mapanood ang DKNLK.

(ROSE GARCIA)

HINDI nga napigilan nina Alden Richards at Julia Montes na maging emotional nang matanong sa kanilang first team-up sa pinag-uusapang movie na ‘Five Breakups and a Romance’.

Mapapanood na ito sa October 18 mga sinehan nationwide at produced ng Cornerstone Studio, GMA Pictures at Myriad Entertainment.

Sa ginanap na Red Carpet Gala at Official Trailer World Premiere para sa pelikula noong October 4 sa GMA Annex Bldg. Studio 7, first question pa lang ay hindi nga napigilan ng dalawang bida na maiyak, habang nagkukuwento ng kanilang experience sa ‘di inaasahang pagtatambal.

Ibinahagi nga si Julia kung gaano kahalaga sa kanya ang movie na ito at ang makatrabaho si Alden.

Sobrang flattered nga siya nang malamang 11 years ago pa nang sinabi ng aktor na wish niyang magkasama sila, at nagkatotoo naman sa taong ito.

“I can say, I was very blessed to be part of this film. And to be fair with Alden, bukod sa palagi nating naririnig na good side ni Alden. He really proved to me that he is very generous and talented.

“I’ll take this opportunity, nae-emotional ako, ba’t ganun?,” teary-eyed na sabi ni Julia.

“Super proud ako kasi big part siya (Alden) nito. This film is really special to me. This group really made an impact sa akin.

“So, I think kita naman, ‘di ba? No words can express how happy and blessed to be part of this film, and really one for the book talaga ito.

“Naniniwala ako na, in God’s perfect time, ibibigay sa ‘yo ang project na maha-happy ka, sa soul mo, na alam mong ‘Thank you Lord’, ito ‘yun.”

Dagdag pa ni Julia, “Mayroon po kasi akong mahiyain side and self-doubt, sobrang taas po ‘yun sa akin. Pero in this film, these two wonderful people (Alden and Direk Irene Villamor) made me realize na I can do it. Sila ‘yung nagtiwala.”

“Parang sabi ko nga po, if they want to jump, I will jump, definitely with them,” pagpapatuloy pa niya.

Kuwento naman ni Alden sa kanilang pagtatambal, “When we started this film, Direk Irene, myself, and Julia had our own doubts… We have done different projects in the past.”

Emosyonal pang tugon ni Alden, “This film is a blessing to all of us, because mayroong nabuo… Parang kami pong tatlo when we started we were not in a good place in our lives.

“This film, direk, this story has done something in our lives and changed us and made us stronger…”

Samantala, sa 2-minute official trailer ay pinasilip na ang mga buhay ng mga karakter nina Alden at Julia na sina Lance at Justine, at ang kanilang love story na nagsimula mag-bloom habang nasa Singapore.

Ilan nga sa mga batuhan nila ng linya nina Lance at Justine.

Justine: “Hindi ko talaga gets, ano ba balak mo? Bakit mo ginagawa ‘to?”

Lance: “Gusto kita. Wala ka talagang naramdaman?”

Justine: “Alam mo, hindi mo ako magugustuhan kung nakilala mo ako sa Pilipinas.”

Lance: ”Let’s just embrace uncertainty. Hindi naman kailangan may plano agad, di ba?”

Justine: “Baka ‘yun talaga ‘yung problema natin. We are just trying to relive our moments in Singapore.”

Kasunod ng ilang maiinit at madramang eksena, na may malaking epekto sa makakapanood.

Ang “Five Break-Ups and a Romance” na mula sa panulat at direksyon ni Irene Villamor, ay unang na-headline noong Abril nang lumabas ang balita na magtatambal nga sa unang pagkakataon sina Alden at Julia.

Last month, labis naman ang pasasalamat ang dalawa sa suportang natatanggap nila para sa pelikula, na kung saan nag-viral ang ‘scene drop’ na agad na nakakuha ng milyun-milyong views sa social media.

Aminado naman sina Alden at Julia na malaking pressure ang nararamdaman nila ngayong papalapit na ang paglalabas ng movie, na ilang buwan nang hinihintay ng kanilang tagahanga.

Positibo naman ang marami na magiging maganda ang resulta nito sa box-office, dahil unti-unti na ngang bumabalik ang mga Pinoy sa panonood sa mga sinehan.

At sa tingin namin, hindi naman mapapahiya sina Alden at Julia sa “Five Break-Ups and a Romance” dahil kaabang-abang talaga ang pelikulang may tatak ‘Irene Villamor’, na siguradong may kabuluhan at punum-puno ng aral.

(ROHN ROMULO)

HINDI pa man naipalalabas, kumita na in advanced ticket sales ang concert film ng ‘The Eras Tour’ ni Taylor Swift. 

Ayon sa official distributor na AMC Theaters: “It has surpassed $100 million worldwide in advance ticket sales.”

Sa October 13 na ipapalabas sa 8,500 cinemas across 100 countries ang record-breaking stadium tour ni Taylor.

Dahil sa advanced ticket sales, assured na raw na ito na magiging isa sa biggest domestic debuts tulad ng mga Hollywood films na ‘Barbie’ ($162 million), ‘The Super Mario Bros. Movie’ ($146 million), ‘Spider-Man: Across the Spider-Verse’ ($120 million), ‘Guardians of the Galaxy Vol. 3’ ($118 million) and ‘Ant-Man and the Wasp: Quantumania’ ($106 million).

***

KINORONAHAN bilang bagong Philippine Drag Superstar ang 43-year old TransQueen from Ilocus Sur na si Captivating Katkat.

Naganap ang grand finale ng ‘Drag Race Philippines’ season 2 noong October 4 at kinabog ni Captivating Katkat ang nakalaban niya sa “lipsync for the crown” na si Arizona Brandy na taga-Makati City.

Ang dalawang finalists na nag-“sashay away” ay sina Bernie na taga-Mandaluyong at M1ss Jade So from Marikina.

Bukod sa crown and septer, napanalunan ni Captivating Katkat ay P1 million cash prize and a year’s supple of Anastacia Beverly Hills cosmetics. Magiging representative din siya ng Philippine Drag Community sa iba’t ibang global drag events.

Present sa grand finale ang season one winner na si Precious Paula Nicole at ang iba pang contestants na sina Nicole Pardaux, Astrid Mercury, Tiny Deluxe, Veruschka Levels, Matilduh, DeeDee Marie Holiday, OV Cunt and Hana Beshi na nanalong Miss Congeniality.

Hosted by Paolo Ballesteros, ang ibang judges sa grand finale ay sina KaladKaren, Jiggly Caliente, Jon Santos, BJ Pascual and Rajo Laurel.

‘Drag Race Philippines’ is produced in the Philippines by Fullhouse Asia Production Studios, Inc., in conjunction with World of Wonder Productions, Inc.

***

PUWEDE na raw magdesisyon sa mga perang kinikita niya sa showbiz si Jillian Ward dahil 18 years old na siya.

Inamin ng Abot-Kamay Na Pangarap star na medyo magastos daw siya noon tuwing may malaking kinikita siya. Ngayon daw ay mas wise na raw siya sa paghawak ng perang kinikita niya.

“Ngayon po medyo mas nagiging mature na po ako. Naisip ko na po ‘yung long-term. Actually, ibinenta ko na po ‘yung ibang mga cars ko at kapalit po nun, bumili ako ng lote.

“Sini-secure ko na rin po ‘yung future ko kasi 13 years na po ako nagwo-work, since baby pa po ako so sayang naman kung parang hindi ko po maalagaan ‘yung mga earnings.

“Sina Mama at Papa, nandiyan po sila. Gina-guide po nila ako. So, ayun lang po mas medyo careful po ako ngayon,” sey ng tinatawag ngayon na Star of the New Gen.

Muling magbibida si Jillian sa one-month special ng ‘Daig Kayo ng Lola Ko: Captain Kitten’. Isang high school student si Jillian na biglang naging super hero.

Kasama rito ni Jillian sina Gabby Eigenmann, Kim Perez at Shuvee Entrata.

(RUEL J. MENDOZA)