NAKAKA-TOUCH at nagpaiyak sa ilang netizens ang pinost ni KC Concepcion, tatlong araw bago masilayan ang ‘Dear Heart: The Concert’ ng kanyang Mommy Sharon Cuneta at Daddy Gabby Concepcion.

Para kay KC at maraming followers na dream come true at answered prayer ang reunion concert nina Sharon at Gabby na magaganap na bukas ng gabi, October 27, sa SM MOA Arena.

Makikita nga sa kanyang IG account, nag-post si KC ng mga photos ng kanyang mga letters para sa kanyang Mommy Sharon kasama ang baby photos with her parents.

Sa caption ni KC sa kanyang post…

“Sometimes talaga ang fairytale will remain to be a fairytale lamang… Pero that’s okay!

“Thankful ako sa mga ‘silver lining’ natin in life. Imagine, 3 days nalang at magsasama sila Mama and Papa in a musical celebration after so many years…

“May ganito pa palang pwedeng mangyari!!!

“Fairytale come true parin naman, diba?

“Letters to Mama. Care of mama.”

Sa kanyang sulat kamay noong bata pa si KC, mababasa naman ang mensaheng, “Dear Mommy…

“I hope I can go with you now. I love you so much. I will write you always again okay.

“Sana papa stays with us so we will be a complete family like what you said in your letter.

“I love you so much talaga okay.”

Pinusuan ito ng netizens at ang dami ng nagkomento sa post ni KC kabilang na ang mga celebrities na sina Ruffa Gutierrez, Iza Calzado, Geneva Cruz, Vina Morales at ang kanyang boyfriend na si Mike Wuethrich, at marami pang iba.

Narito naman ang ilan sa komento ng netizens…

“These will be a very memorable for you KC..time to heal all wounds…”

“So touching. Naiyak ako dito. Yan naman talaga wish ng mga anak pag na broken ang family.”

“I’m crying while reading your letter.”

“Sending my Love for you may dear KC! Soon magkakaroon ka rin ng complete family. 🙏God bless you always.”

“Ramdam mo yung batang KC na gusto complete family sila.”

“You are such a wonderful person @kristinaconcepcion … I am so happy for you.”

“God answers prayers in his perfect time. Just enjoy the moment with this epic event, one for the books!”

“One of the things that every child prays for.. I feel you ate @kristinaconcepcion. and also like you i will never get tired praying na oneday magkakasama sama kami ulit in one picture. Our Hope is on our Living God. Nothing is impossible.”

“I love KC pinapaiyak mo ako parati tuwing may post or comment ka sa parent mo. Ganda ng pagpapalaki sayo.”

“Ate Tina, please don’t forget the family picture backstage sa 27 po ha? Once in a lifetime lang yan, dapat may picture kayong tatlo together na bago.”

“Grabe siguradong babahala ang luha sa MOA.”

Samantala, nagpasilip naman si Sharon ng photo at video habang nagri-rehearse sila ni Gabby para concert, na kinakiligan ng husto ng mga netizens.

(ROHN ROMULO)

BONGGANG rant dahil sa matinding inis ang inihayag ni Vice Ganda laban sa isang airline company na ayon kay Vice ay abala at perhuwisyo ang idinulot sa kanya.

“Grabe ka @flyPAL Grabeng pangaabala at perwisyo ang dinulot mo sa masaya sanang trip na ito!!! Bakit kayo ganyan??? Ilang beses nyo kaming pinaranas ng overbooking sa puntong di nakasakay ang kasama namin. Ngayon ako naman ang nawalan ng upuan!

“Pinapalitan nyo ng lungkot at buwisit ang saya na dulot ng excitement sa bawat trip at ligaya ng bawat nabuong memories sa trip ng dahil sa napakapanget nyong sistema! Masaya sana ang bawat alis at pag uwi kung meron kayong malasakit.

“Walang halong biro naiyak ako habang tumatakbo para umabot ako sa flight na muntik kong di masakyan dahil nagoverbook kayo. Si Ion inabutan kong mukhang kawawang nasa pinto ng eroplano dahil ayaw nyang sumakay kung di ako makakasakay. Yun ang ginawa nyo sa amin @flyPAL.”

Nagpaliwanag at nag-sorry naman ang naturang airline…

“We would like to express our apology for the disruption and inconvenience you have faced during what should have been a joyful journey. We truly understand your frustration, and we are genuinely sorry for the trouble this has caused you,” pahayag ng airline company.

“Your concerns about overbooking have not gone unnoticed. We are here to assure you that we take your feedback to heart and are committed to looking into this matter immediately.”

Nguni’t kinontra ni Vice ang naturang statement…

“Hindi yan ang sinabi sakin sa counter! Ang sabi ng staff, ‘THE FLIGHT WAS OVERBOOKED AND MY SEAT WAS GIVEN TO ANOTHER PASSENGER.’ MAG BATO-BATO PICK NA LANG KAYO NG STAFF SA COUNTER KUNG SINO SA INYO ANG PAL-PAK! YUNG PANALO LIBRE KO NG ROUND TRIP TICKET VIA CATHAY PACIFIC!”

Abangan ang magiging ending ng “eroplanoserye” na ito.

***

NANANATILI ang malalim na pagkakaibigan nina Noreen Divina na may-ari ng Nailandia Nail Studio and Body Spa at ng pinuno ng Artist Circle Management na si Rams David.

Halos sampung taon na mula noong sila ay maging magkaibigan, simula noong kunin nila si Marian Rivera bilang nag-iisang celebrity endonser ng Nailandia pero hanggang ngayon, kahit wala na si Marian sa poder ni Rams ay matalik na magkaibigan pa rin sina Noreen at Rams.

Sa katunayan, nitong nakaraang kaarawan ni Rams ay magkasama sina Noreen, ang mister ni Noreen (at co-owner ng Nailandia) na si Juncynth at ang isa sa mga talents na hawak ni Rams na si Shyr Valdez na nag-dinner sa isang fine dining restaurant sa Maynila.

Speaking of Nailandia, magkakaroon ng bagong branch ang sikat na nail salon and spa sa Cebu matapos ang pagbubukas ng isa na namang branch sa Norzagaray sa Bulacan at ng pinagsosyohan ng Voltes V girls na Nailandia branch sa Timog.

Of course ang tinutukoy naming girls ay sina Ysabel Ortega, Sophia Senoron at Elle Villanueva.

And bago matapos ang 2023, may mga bagong projects and ventures pa na bubuksan ang mag-asawang Noreen at Juncynth.

(ROMMEL L. GONZALES)