- July 3, 2024
-
Search in People's Balita
Ang Diyaryong Pinagkakatiwalaan
Archive for October, 2023
Mahihilera na kina Manny, Pia at Catriona: LEA, balitang magkakaroon na ng wax figure sa Madame Tussauds sa Singapore
BALI-BALITANG malapit nang magkaroon ng kanyang sariling wax figure ang Filipina international star na si Ms. Lea Salonga sa Madame Tussauds Wax Museum.
Ayon sa Merlin Entertainments, ang company na nag-o-operate ng Madam Tussauds, pinipili na nila ang next Filipino celebrity para mai-display sa bagong branch ng Madame Tussauds sa Singapore.
So far, tatlong Filipino celebs pa lang ang may wax figure sa Madame Tussauds sa Hong Kong. Ito ay sina Pambansang Kamao Manny “Pacman” Paquiao, at sina Miss Universe 2015 and 2018 na sina Pia Wurtzbach at Catriona Gray.
Nasa top of the list si Lea dahil bukod sa siya ang kauna-unahang Asian actress na manalo ng Tony Award for Miss Saigon, isa rin siyang Disney Legend dahil sa kanyang pag-awit sa mga Disney animation films na Aladdin at Mulan. Nakasama rin ang boses ni Lea sa short film na Once Upon a Studio para sa Disney 100th anniversary.
After ‘Here Lies Love’, nasa London si Lea para sa tribute revue na Stephen Sondheim’s Old Friends. At muli siyang mapapanood sa mystery drama series ng HBO na ‘Pretty Little Liars: Summer School’.
(RUEL J. MENDOZA)
Nagsimula sa pagganap niya ng ‘Darna’: NANETTE, inaming naging very conscious sa mga gagawin dahil sa pagiging role model
IBANG klase talaga si Tito Boy Abunda.
Sino kasi ang mag-aakalang matapos ang maraming taon ng pananahimik at pagtalikod sa showbiz ay magagawa ni Tito Boy na mai-guest sa show niya ang nag-iisang Nanette Medved!
Aminin, idolo ng marami si Nanette, lalo na ng mga kabadingan lalo pa noong gampanan niya sa isang pelikula ng Viva Films noong 1991 ang iconic role niya bilang si… Darna!!!
Napag-usapan nga nina Tito Boy at Nanette sa ‘Fast Talk With Boy Abunda’ ang tungkol dito, kung paanong hindi lamang bilang si Darna kundi bilang si Nanette ay nakapagbigay inspirasyon siya sa marami.
“I just realized at some point that, you know, Filipino fans are amazing. They look up to the artist and really try to, as a role model.
“I didn’t realize I was a role model until much later in my career. And when I found out that I was a role model, that’s when everything changed and I said ‘Wait, I need to be much more careful about the roles I choose, I need to be much more careful about what I say in public, what I wear.’
“I became very conscious of the example I was giving to the public,” pahayag ni Nanette na ngayon ay Mrs. Po na bilang asawa siya ng milyonaryong negosyanteng si Chris Po.
Pagpapatuloy pa ni Nanette.
“I remember I was on a float, I think it was going down Roxas Boulevard and I was on a float, and I was looking down and you had mga lola, you had mga apo.
“They were all there and they were looking up, and they couldn’t I think separate me from the character. And therefore I had to very conscious of how I behave, not only to protect the Darna image but also to protect what they thought was how do you behave in the world.
“I wanted to be careful that I was modelling the behavior that I want to see in the world, rather than talk about things that were very frivolous,” na ayon pa kay Nanette ay bitbit niya hanggang sa ngayon.
“Even to this day, I’m very careful about the messaging I put out in the world.”
Sa tanong ng marami kung magbabalik-showbiz si Nanette? Sana.
***
TINANONG namin ang The Soulful Balladeer na si Dindo Fernandez kung ano ang maituturing niyang pinakamalaking hamon sa kanya sa music industry.
“Greatest challenge po is to identify somebody na talagang mag-ga-guide sa iyo, yung guiding star, so iyon yung pinaka challenge talaga sa industry.
“But once you have found that guiding star of yours, I think okay na yun, you just have to do your best and everything will follow,” pahayag ni Dindo.
Bukod sa kanyang talento ano yung naging inspirasyon ni Dindo para pasukin ang mundo ng musika?
“Basically, na-i-inspire ako ‘pag may mga gusto akong tulungan, or baguhin or… like yung song ko na Makinig Ka, sabi ko I need to release this song, because I know na makakatulong ‘to sa bayan natin para ma-inspire sila.
“The same way may mga experiences kasi ako na alam kong may matututunan yung mga kapwa natin Pilipino, so iyon po yung nag-i-inspire sa akin para pumasok sa mundo ng musika.”
Naniniwala ba si Dindo na dahil sa social media at online platforms ay mas madali nang magpasikat ng kanta ngayon kaysa noon?
“I think so, yeah, totoo naman!
“Parang ngayon medyo fair yung game ngayon e, parang hindi natin kailangan masyadong too much promotion, basta maganda yung song mo at totoo ka dun sa ginagawa mo, I think makikinig yung tao sa iyo.”
Samantala, pahinga muna si Dindo sa regular gig niya tuwing sabado sa EF Café & Restaurant sa National Road, Madonna Subd. sa Alanginan sa Batangas City dahil ngayong 8 pm (October 28), ay may major concert si Dindo sa Teatrino sa Promenade sa Greenhills.
Ang Dindo Fernandez… Live At Teatrino With Musica Chiesa ay sa direksyon ng award-winning light and stage director na si Joey Nombres with Michael Bulaong as musical director.
(ROMMEL L. GONZALES)
ASIAN GAMES 2023 MEDALISTS, makatatanggap ng Presidential citation at cash incentives
ISANG grand welcome at awarding ceremony ang naghihintay sa mga Filipino medalists ng 2023 Asian Games, mamayang gabi, araw ng Miyerkules, Oktubre 25.
Ang nasabing event ay tinawag na ‘Gabi ng Parangal at Pasasalamat Para sa Bayaning Atletang Pilipino’.
Ang Office of the President (OP) sa pakikipagtulungan sa Presidential Communications Office, ang magho- host ng nasabing selebrasyon na gaganapin sa Rizal Memorial Coliseum.
Ang naturang event ay isang “special recognition” ni Pangulong Ferdinand R. Marcos, Jr. bilang pagkilala sa sakripisyo at pagdiriwang sa tagumpay ng mga tinatawag na “modern-day heroes” na nag-uwi ng karangalan, papuri at saya sa mga kapwa Filipino.
Sa kabilang dako, makatatanggap naman ang lahat ng 33 Filipino medalists ng Presidential Citation bilang pagkilala sa kanilang ipinamalas na kahusayan at achievements sa kani-kanilang mga sports sa kamakailan lamang na nagtapos na 2023 Asian Games sa Hangzhou, China.
Sa gayong paraan, tataas ang interest at kamalayan ng mga kabataan at iba pang aspiranteng atletang Filipino sa ‘sports.’
Ang bawat medalists ay makatatanggap ng insentibo mula sa Philippine Sports Commission (PSC) sa pamamagitan ng Philippine Amusement and Gaming Corporation (PAGCOR), may kabuuang P19.1 milyong piso. May karagdagang insentibo naman mula sa Office of the President, umaabot sa halagang P22.8 milyong piso.
Samantala, makakasama naman ng Asian Games 2023 medalists ang kani-kanilang mga pamilya sa naturang event.
Ang mga estudyante o mga mag-aaral mula sa iba’t ibang eskuwelahan, kolehiyo at unibersidad sa Kalakhang Maynila ay magpapartisipa sa musical celebration na may kasamang pagganap ng Konsyerto sa Palasyo artists at musicians.
“The medals received by our athletes during the Asian Games 2023 are a testament to the fact that Filipinos in the international sports arena are truly world-class. The government aims to continue supporting our athletes in many more international sporting events as we work together towards a Bagong Pilipinas,” ayon sa Malakanyang. (Daris Jose)
Dalawang araw bago ang reunion concert: SHARON, binahagi ang nakakikilig na video at photos nila ni GABBY
DALAWANG araw ang reunion concert, nagpasilip ng short video si Megastar Sharon Cuneta sa rehearsal nila ni Gabby Concepcion na kung saan magdu-duet sila ng “Kahit Maputi Na Ang Buhok Ko”.
Caption ni Mega, “Today. Nagkakailangan pa rin ang dalawa pasensya na po! Kasama ang #dearhearttheconcert💜at naka-tag ang na @kristinaconcepcion
Kaya naman kilig na kilig ang netizens at followers.
Ilan nga sa naging coment nila…
“Bakit hindi mawala yung ngiti sa labi ko.”
“SHUUTAAAA DI KO NA TALAGA KERIII!!! MA PA UTANG NA LOOB PANINDIGAN NYO YONG KILIG KO HAHAHAHA.”
“I waited for this my whole life. Let’s goooo 😂😂😂”
“Aigooo….tama na po,hihimatayin na kami,bukas naman ulit.”
“Grabe to biglang na lang tumulo ang luha 😢😢 masaya ako kasi okay na sila..❤️😍”
“Ito ung loveteam na kht maputi na ang buhok may kilig pa rin❤️..parang mga binata at dalaga mejo ngkakailangan pa😂”
“THE MOVEMENTS, THE EYE CONTACT, THE BODY TOUCH. JUST OH MY GOSH!!!!”
“Ate Shauie naihi ako sa kilig 😛🤗😂💕 #dearheart”
“Hay, yung 77,777 views sa akin pa lang! Ang sarap panoorin nito ng paulit-ulit! Super GOOD VIBES! Super KA-INLOVE!😍😍😍”
Dagdag comment pa nila, “jadine lang ang peg! hahahaha.”
“Bakit ako kinikilig at ilang ulit ko pinapanuod ang video.”
“Bkt sobrang bagay 🥰😍🤣🤣 the Timing is PERFECT ang pretty nyo poh mama and sexy poh @reallysharoncuneta 🙌👏 reminiscing the past.”
“Pinagpuyatn ko tlga itong video na ito…😂❤️🤭”
“Kilig much.”
Bukod dito nagbahagi rin si Sharon sa IG niya ng photos nila ni Gabby na magkayakap, na lalo pang nagpakilig sa mga netizen.
(ROHN ROMULO)
Dagdag na bagong fire station itatayo sa
MALAPIT nang magkaroon ng karagdagang istasyon ng bumbero ang Navotas City kasunod ng paglagda ng 30-taong usufruct sa pagitan ng pamahalaang lungsod at ng Bureau of Fire Protection (BFP).
Sa ilalim ng kasunduan, magagamit ng BFP ang 444-square meter lot sa Brgy. Navotas East para sa iminungkahing Navotas Central Fire Station at iba pang pasilidad.
Pinirmahan ni Mayor John Rey Tiangco ang kasulatan kasama si FCSupt Nahum B. Tarroza, Regional Director ng Bureau of Fire Protection–National Capital Region; FSupt Jude G. de los Reyes, City Fire Marshal; at Jayne B. Rillon, City General Services Officer.
“Preparation for this usufruct took us five years. Because of limited spaces in our city, we had to expropriate parcels of land for our new central fire station,” paliwanag ni Tiangco.
“Navotas has fire stations at Brgy. Sipac Almacen, Tangos North, and Tanza 1. Building an additional station would increase our efficiency in responding to emergencies, so we can prevent incidents that could claim lives and property,” dagdag niya.
Samantala, nagbigay din ang pamahalaang lungsod ng dalawang fireboats sa Navotas City Fire Station at isang patrol boat sa Bantay Dagat.
Dumalo din sa event si BFP-NCR Assistant Regional Director SSupt. Rodrigo N. Reyes, at Fire District 2 Fire Marshall Supt. Douglas M. Guiyab. (Richard Mesa)
DepEd, World Bank posibleng magsanib-puwersa para palakasin ang kalidad ng edukasyon
POSIBLENG magsanib-puwersa ang Department of Education (DepEd) at World Bank Group para magtulungan na paghusayin pa ang kalidad ng edukasyon sa bansa.
Sa kanyang opisyal na Facebook page, ibinahagi ni Vice President at Education Secretary Sara Duterte ang naging pagbisita ni World Bank Group Country Director for Brunei, Malaysia, Philippines, and Thailand Dr. Ndiamé Diop sa DepEd Central Office sa Pasig City, araw ng Lunes, para sa isang courtesy call.
“Masaya ako na pareho naming kinikilala ang malaking papel na ginagampanan ng edukasyon para sa pagbabago ng buhay at kinabukasan ng bansa,” ayon kay VP Sara.
Sa nasabing courtesy call, ibinahagi pa rin ni VP Sara na pinag-usapan ng mga opisyal ng DepEd at World Bank Group ang posibleng pagsasanib-puwersa o kolaborasyon na makatutulong para tugunan ang mga hamon sa education sector ng bansa.
Kabilang sa mga posibleng larangan para sa pagtutulungan ay ang implementasyon ng MATATAG Agenda.
Inilunsad noong unang bahagi ng taon, ang MATATAG Agenda ang pinakabagong “battlecry” ng DepEd para lutasin ang mga hamon sa basic education sector.
Nakatuon ang MATATAG Agenda sa paglikha ng curriculum na may kaugnayan sa pagpo-produce ng “competent at job-ready, active, at responsible citizens; gumawa ng hakbang para gawing mabilis ang paghahatid ng basic education facilities at services; pangalagaan ang mga mag-aaral sa pamamagitan ng pagpo-promote sa kapakanan ng mga mag-aaral, inclusive education, at isang positive learning environment; at bigyan ng suporta ang mga guro na makapagturo ng maayos.
Tinalakay din ng DepEd at World Bank Group ang mga posibleng hakbang para palawign ang pagsasanay para sa mga Filipino teachers sa pamamagitan ng “Teacher Effectiveness and Competencies Enhancement Project” sa iba’t ibang rehiyon at maging ang paglikha ng karagdagang matibay na eskuwelahan sa ilalim ng “Infrastructure for Safer and Resilient Schools” project.
Sinabi pa ni VP Sara na pinag-usapan din ang DepEd Digital Education 2028 o “DepEd DigiEd” program.
Samantala, nagpasalamat naman si VP Sara sa World Bank Group para sa grant para sa Bangsamoro Autonomous Region in Muslim Mindanao (BARMM).
“Ako ay positibo na ang kolaborasyon at pagtutulungan ay magdadala ng makabuluhang pagbabago sa edukasyon sa bansa,” ayon kay VP Sara. (Daris Jose)
3 Pinoy pa nananatili sa Gaza
TATLONG Filipino pa ang nananatili sa Gaza kabilang ang mag-ama na nasa ospital.
Umaasa naman si Department of Foreign Affairs (DFA) Undersecretary Eduardo de Vega sa panayam ng ANC na mabibigyan ng pantay na proteksyon at tulong ang lahat ng residente ng Gaza maging ang kanilang foreign nationals.
Nagpahayag din ng pag-asa si De Vega na makakasama ang tatlong Pinoy sa pagtawid sa Egypt para sa repatriation ngayong “weekend”.
Base sa datos sa 136 Pinoy na nasa Gaza nang pumutok ang sagupaan sa pagitan ng Israel at Hamas militant, kalahati nito ay mula sa Pilpinas at ang iba ay kanilang mga anak at mga asawang Palestino.
Samantala, hindi pa rin matagpuan ang dalawang Pinoy sa Israel na nawawala matapos ang pag-atake ng Hamas noong Oktubre 7 ng militanteng Hamas.
Isa umano sa nawawalang Pinoy ay babae na mayroong Israeli passport habang ang isa pa ay posibleng hostage ng Hamas at inaasahang mapapalaya rin. (Daris Jose)
Paghubog sa Kinabukasan: Ang Bagong Yugto ng Aboitiz Foundation sa Pag-angat ng Buhay ng mga Pilipino
Nagsama-sama ang mga miyembro ng Aboitiz Group sa isang masayang pagtitipon upang ipagdiwang ang pagsisimula ng bagong yugto para sa kanilang corporate citizenship arm, ang Aboitiz Foundation Inc. (AFI). Ito ang nagsilbing simula ng panibagong paglalakbay ng Aboitiz Foundation upang hubugin ang kanilang misyon na maging visionary leader sa sustainable development.
Nagsagawa ang Foundation ng dalawang-araw na conference para ipagdiwang ang kanilang anibersaryo at ilatag ang kanilang mga plano para gawing mas malawak at makabago ang mga programa na magpapataas ng kalidad ng buhay ng mga tao. Sa unang araw ng conference, nagsilbing host si Ms. Antonette Taus, Executive Director ng CORA Foundation at kilalang personalidad sa larangan ng philanthropy at social impact.
Pundasyon ng Kinabukasan
Sa kanyang keynote speech, inilatag ni Sabin M. Aboitiz, Chairman ng Aboitiz Foundation at Chief Engagement Officer ng Aboitiz Group, ang landas na tatahakin ng AFI sa mga susunod pang mga taon. Binigyang-diin niya ang slogan na, “Change Today. Shape the Future,” na kumakatawan sa vision ng Aboitiz Foundation para sa hinaharap.
Binigyang-diin ni Mr. Aboitiz na kailangan ng Foundation na maabot ang mas maraming pang mga komunidad at patuloy na palawakin ang mga programa na kayang makipagsabayan sa global stage. Ipinahayag niya ang kahalagahan ng technological innovation at bold visions upang palawakin ang tulong ng Foundation sa buong bansa. Bukod dito, inilahad niya ang vision ng Foundation na maging trusted partner ng mga pinakamalalaking philanthropic foundations sa buong mundo, na aktibong naghahanap ng solusyon sa mga pangunahing isyu tulad ng kahirapan, access sa edukasyon, at global waste.
“Our ambition is fueled by the potential of what we can achieve together by addressing systemic issues, informing and empowering communities, and fostering sustainable, inclusive growth throughout our archipelago. The partnerships that we built will not only increase our impact but will also create positive change that ripples throughout the generations after us,” dagdag pa ni Mr. Aboitiz.
Ipinahayag naman ni Ms. Ginggay Hontiveros-Malvar, Chief Reputation & Sustainability Officer ng Aboitiz Equity Ventures, kung paano mas pinapabuti ng Foundation ang kanilang mga inisyatiba upang magbigay ng mas magagandang programa para sa mga benepisyaryo. Nais nilang mag-focus sa mga lugar kung saan sila magkakaroon ng mas malaking epekto, pati na rin ang paggamit ng synergy sa pagitan ng kanilang mga business unit at ng buong Aboitiz Group.
“Everything we are, everything we stand for, and everything we do goes back to that one thing: People. As we forge ahead to realize this new vision for the Aboitiz Foundation, we do so with passion and a renewed commitment to balancing our people-centric approach with technology-driven solutions to drive positive change,” paliwanag niya.
Samantala, sinabi ni Ms. Maribeth Marasigan, President, and COO of Aboitiz Foundation Inc., na mas pinaiigting ng Foundation ang kakayahan nito upang maging laging handa sa mga hindi inaasahang pangyayari. Kumpiyansa siya sa kakayahan ng Foundation na harapin ang mga hamon sa mga susunod na 35 taon at higit pa, patungo sa isang hinaharap kung saan may access ang mga Pilipino sa dekalidad na edukasyon at maunlad na buhay.
“I’m confident that we will continue to create a legacy of transformative change for our communities and our country,” aniya.
Haligi ng Pagbabago
Naghayag din ng kanyang mga karanasan at expertise si Ms. Riza Mantaring, Lead Independent Director ng Ayala Corporation, BPI, at First Philippine Holdings, hinggil sa kahalagahan ng suporta para sa mga maliliit na negosyo o micro, small and medium enterprises (MSMEs) para sa kanilang digital transformation. Sinabi niya na ang pangunahing problema ng mga maliit na negosyo ay ang kakulangan sa resources.
“For MSMEs, their number one problem is really resources. They don’t have the resources to go digital—money, financial technology, and human resources. So, for corporations, what you can do is help them with those resources. Partnering with the government is really important because even if we do try to give as much as we can through CSR, it’s the government that has the resources, the scale, and the size to be able to make a significant impact,” ipinunto niya.
Nagbigay-diin naman si Ms. Raya Bidshahri, Founder at CEO ng School of Humanity, sa kahalagahan ng interdisciplinary thinking para sa mga future leaders. Hinikayat niya ang mga organisasyon na itaguyod ang cross-disciplinary thinking sa mga learning and development programs upang makagawa ng mga makabagong paraan para sa communication, problem-solving, at strategizing.
“So, I encourage all of you to step outside of your comfort zone in your intellectual pursuits. Even if it’s without an agenda, read a book about something that’s completely outside of your discipline. Listening to that podcast might not actually help you professionally, but all of these kinds of interdisciplinary connections do ultimately allow us to be more creative thinkers,” aniya.
Para sa climate action, binanggit ni Secretary Maria Antonia Yulo-Loyzaga ng Department of Environment and Natural Resources (DENR) ang commitment ng Pilipinas na bawasan ang mga greenhouse gas emissions. Tinukoy rin niya ang pagsusulong ng DENR at ng Aboitiz Foundation sa mga environmental initiative tulad ng A-Park program, Race To Reduce program, rehabilitasyon ng San Juan River at Boracay Wetland No. 4, Aboitiz Cleanergy Park, Pawikan Center, at ang kanilang commitment sa Water Alliance Coalition.
“The Foundation is a valued partner in the implementation of programs that promote the protection and conservation of the environment, biodiversity, and our natural resources,” aniya.
Sa usapin ng policy reforms, binanggit ni Secretary Rex Gatchalian ng Department of Social Welfare and Development ang kahalagahan ng mga foundation tulad ng Aboitiz Foundation at pribadong sektor na magbigay ng technical skills at resources upang matulungan ang mga komunidad at mga miyembro ng informal sector na maging self-sufficient.
“I realized that the national government cannot do it on its own. We need force multipliers, natural allies like foundations, like yourself, to make things better for our country. Maybe if we’re going to draw purely from our own resources and our own technical know-how, we’ll get nothing done. But when we synergize or when we get everybody together, each with their own distinct competencies, then we can get the country moving along,” aniya.
Nagbahagi rin ng kanilang kwento ang mga benepisyaryo na nakatanggap ng tulong mula sa ilang programa ng Aboitiz Foundation. Ipinagmalaki ni Ms. Emma Gulocan, General Manager ng Thanksgiving Multi-Purpose Cooperative, ang kahanga-hangang paglalakbay ng kanilang kooperatiba mula nang ito ay makipagtulungan sa Foundation noong 2011.
Samantala, inilarawan ni Mr. Maurice Ondoy ang maraming personal at career milestones mula ng makatanggap ng scholarship mula sa Cotabato Light and Power Company. Tinalakay naman ni Administrator Darwin Manubag, na kumatawan kay Mayor Frederick Siao ng Iligan City, kung paano tinulungan ng Disaster Resilience Program ng Aboitiz Foundation ang lungsod na maging mas climate resilient.
Ang conference ay naging daan para sa makabuluhang mga ideya at kaalaman na babaunin ng dumalo, at magpapalakas sa kanilang determinasyon na baguhin ang kasalukuyan patungo sa mas magandang kinabukasan para sa mga susunod na henerasyon.