• July 4, 2024
  • Search in People's Balita

  • Ang Diyaryong Pinagkakatiwalaan

 

Archive for March, 2024

Handa na ang detention center na tutuluyan ni Pastor Apollo Quiboloy sa House of Representative

Posted on: March 16th, 2024 by @peoplesbalita No Comments

IPINAKITA sa media ni House Secretary General Reginald Velasco ang detention center sa Kamara kung saan ‘ikinukulong’ ang mga personalidad na na-cite for contempt. Dito aniya, idedetine si Quiboloy sa sandaling maaresto ito.

 

 

Una nang nagbotohan ang House committee on legislative franchises para i-cite for contempt si Quiboloy matapos na hindi dumalo sa pagdini ng komite kaugnay sa panukalang pagbawi sa prangkisa ng Swara Sug Media Corporation, na siyang nago-operate sa Sonshine Media Network International (SMNI).

 

 

May ilang CCTV cameras isa detention center na minomonitor ng Legislative Security Bureau.

 

 

Dalawa ang kuwarto nito kung saan ang isa ay okupado ng isang resource person na na-cite for contempt habang ang isa ay bakante pa. Kawa ito may air-condition, tatlo ang bathrooms: men’s room, women’s room, at restroom for persons with disability.

 

 

Sinabi ni Velasco na isang “pleasant” detention center ang naghihintay sa religious leader kung saan inaasahan na ipalalabas ang warrant of arrest laban dito sa susunod na linggo.

 

 

Ayon pa kay Velasco, maaari naman dalawin ng kaanak ang religious leader sa kanyang detention center. (Vina de Guzman)

1 sa 2 tirador ng vape shop sa Malabon, timbog

Posted on: March 16th, 2024 by @peoplesbalita No Comments

NAKORNER ng pulisya matapos ang maikling habulan ang isa sa dalawang kawatan na nanloob sa isang vape shop sa Malabon City, Huwebes ng madaling araw.

 

 

Kinilala ang naarestong suspek na si alyas “Bingbong”, 25 ng Brgy. Malinta, Valenzuela City, habang nagawa namang makatakbo palayo ang hindi pa kilala niyang kasama matapos iwanan ang gamit na bisikleta.

 

 

Lumabas sa imbestigasyon nina P/SSg. Bengie Nalogoc at P/SSg. Michael Oben, puwersahang pinasok ng dalawa ang 5R Vape Shop sa 102 M.H. Del Pilar St. Brgy. Tugatog na pag-aari ng negosyanteng si Regina Rigor, 35, dakong alas-1:30 ng madaling araw matapos puwersahang buksan ang rolled-up door, gamit ang dala nilang kagamitan na pangwasak sa padlock.

 

 

Lumikha ng ingay ang ginawang pagwasak ng dalawa sa mga nakakabit na padlock kaya napansin sila ng testigong si Jonathan Estabillo, 27, na kaagad itinawag sa pulisya ang nagaganap na nakawan.

 

 

Patakas na sakay ng kani-kanilang bisikleta ang dalawang kawatan, tangay ang 16 na piraso ng disposable vape na nagkakahalaga ng P7,200.00, nang dumating sina P/Cpl. Federico Penida, Jr. at Pat. Cris Meredores ng Police Sub-Station 2 na nagresulta sa pagkakadakip kay ‘Bingbong’.

 

 

Nakuha sa suspek ang isang patalim, backpack na naglalaman ng tinangay nilang disposable vape, 2 burglar’s tools, plier, steel bar, ATM card at sirang padlock, pati na ang dalawang bisikleta na gamit nila sa pagtakas.

 

 

Patuloy naman ang imbestigasyon ng pulisya sa posibleng pagkakilanlan at pagkakaaresto sa nakatakas na suspek habang nanawagan sila sa ilan pang establisimiento na posibleng ninakawan din ng mga kawatan upang kilalanin ang nadakip na nakadetine ngayon sa custodial facility ng Malabon Police Station. (Richard Mesa)

Personal reasons daw ang pag-alis ni Tirso: VILMA, isa sa kinu-consider pumalit sa FDCP bukod kay Direk JOEY

Posted on: March 16th, 2024 by @peoplesbalita No Comments
SI Direk Joey Reyes ang isa sa mga inirekomenda ng nagbitiw na nga bilang FDCP chairperson Tirso Cruz III. 
Pero hanggang wala pang inaanunsiyo na magiging kapalit ni Tirso ay ang pinaka-senior among the department heads ang pansamantalang chairperson ng Film Development Council of the Philippines.
Si Star for All Seasons Vilma Santos Recto ay isa rin sa naging maugong na hahalili sa iniwang posisyon ni Tirso.
Marami ang nalungkot sa biglaang pag-resign ni Tirso na kamakailan lamang ay ipinahayag ng aktor ang mga plano niya para sa FDCP.
Matatandaang nagkaroon pa ng isyu noon bago naupo bilang FDCP head si Tirso.
Binigyan kasi ng extension ni dating Pres. Duterte si Liza Diño-Seguerra kung kaya napanatili ito as FDCP head kahit si Pres. Marcos na ang nakaupo.
Pero dahil sa delicadeza at co-terminus naman talaga ang posisyon niya sa presidente ay bumaba sa posisyon si Liza.
Kung kaya na-appoint si Tirso na talaga namang napakasipag at ginagawa ng aktor ang tungkulin niya.
Pero ang ending after 19 months ay iiwanan din naman pala niya ang posisyon..
May nasagap kaming dahilan kung bakit biglaaang iniwan ni Kuya Pip ang pagiging FDCP head. Personal reasons ang dahilan ng aktor pero ayon sa kausap namin ay may malaking kinalaman daw ay ang isa sa pinaka malapit sa Pangulo.
Maaring may isang isyung hindi raw napagkasunduan ang naturang malapit kay PBBM kung kaya nag-resign ang aktor, huh!
***
NAWALAN na raw ng pag-asa ang action star at senador na si Robin Padilla na maipasa pa ang panukalang batas niya para sa mandatory Reserve Officers Training (ROTC) program.
Sa interbyu kay Senator Binoe ay binanggit niya na mahigit na dalawang taon na raw niyang inihain ang naturang panukala pero hanggang ngayon ay wala pa raw siyang nakikitang liwanag para dito.
Banggit pa ng senador na isa raw ang ROTC bill niya na ipinangako niya nung kasalukuyang nangangampanya pa siya.
Para raw sa kanya ay wala na siyang hihintayin na maipasa pa kaya medyo suko na raw siya.
Lahad pa rin naman ni Sen. Padilla na gagawa na lang daw siya ng sarili niyang paraan para makapag recruit ng mas maraming reservist.
“Siguro sarili ko nalang, makakumbinsi ko yung mga tao kasi para sa akin napakagandang halimbawa nito kapag nalaman ng mga kababayan natin na dito sa amin sa Senado may reservist na, “sey pa ni Sen. Robin Padilla.
(JIMI C. ESCALA) 

2 kelot na nasita sa paninigarilyo, buking sa P170K shabu

Posted on: March 16th, 2024 by @peoplesbalita No Comments

SHOOT sa selda ang dalawang drug suspects matapos mabisto ang dala nilang nasa P170K halaga ng ilegal na droga makaraang masita ng mga pulis dahil sa pagyoyosi sa ipinagbabawal na lugar sa Caloocan City, kamakalawa ng hapon.

 

 

Sa ulat ni Caloocan police chief P/Col. Ruben Lacuesta, habang nagsasagawa ng foot patrol ang mga tauhan ng Police Sub-Station 2 sa kahabaan ng 1st Avenue Brgy., 120, dakong alas-4:40 ng hapon nang maispatan nila ang dalawang lalaki na nakatambay habang naninigarilyo sa pampublikong lugar na malinaw na paglabag sa umiiral na ordinansa ng lungsod.

 

 

Nang lapitan sila ng mga pulis para isyuhan ng ordinace violation receipt (OVR) ay bigla na lamang kumaripas ng takbo ang dalawa sa kabila ng utos sa kanila na huwag tumakbo kaya hinabol sila ng mga arresting officers hanggang sa makorner.

 

 

Nang kapkapan, nakumpiska sa mga suspek na sina alyas ‘Dugong’ at ‘Bubong’ ang limang plastic sachets na naglalaman ng aabot sa 25 grams ng hinihinalang shabu na nagkakahalaga ng P170,000.00 na naging dahilan upang bitbitin sila ng pulisya sa selda.

 

 

Pinuri naman ni Northern Police District (NPD) Director P/BGen. Rizalito Gapas si Col. Lacuesta at kanyang mga tauhan sa matagumpay na pagkakaaresto sa mga suspek bilang pagtugon sa inilatag na agenda ng PNP Chief na ‘Aggressive and Honest Law Enforcement Operations’.

 

 

Mahaharap ang mga suspek sa kasong paglabag sa RA 9165 o Comprehensive Dangerous Drug Act of 2002. (Richard Mesa)

Walong guro ang magtatagisan sa pag-awit: Dr. CARL at Direk CATHY, nag-team up sa ‘Gimme a Break: Teachers Edition”

Posted on: March 16th, 2024 by @peoplesbalita No Comments
SINA Dr. Carl E. Balita at Cathy Garcia-Sampana ay bumuo ng isang partnership na magpapakita ng husay sa pagkanta ng mga guro sa pamamagitan ng “Gimme a Break: Teachers Edition.” 
Ang “Gimme a Break” ay isang talent search competition na naglalayong tumuklas ng mga bagong talento na magniningning sa kani-kanilang kakayahan.
Si Dr. Carl E. Balita ay ang Presidente at CEO ng Dr. Carl E. Balita Review Center o mas kilala bilang CBRC.
Sa halos 200 sangay sa mga pangunahing lungsod sa lokal at internasyonal, ang CBRC ay tahanan ng daan-daang mga topnotcher at isang milyong board passers na kinabibilangan ng iba’t ibang mga propesyonal tulad ng mga guro, nars, midwives, criminologists, agriculturists at iba pa.
Kaya, si Dr. Carl E. Balita ay tinaguriang “Ama ng Pagsusuri sa Pilipinas.”
Pinangunahan ng multi-awarded at blockbuster director na si Cathy Garcia-Sampana ang NICKL Entertainment Corp. bilang Presidente at CEO nito.
Ang NICKL Entertainment ay isang grupo ng mga propesyonal na may mga dekada ng karanasan sa pelikula, pagsasahimpapawid, at entertainment. Nagsisilbi sa mga madla na may diskriminasyong panlasa para sa entertainment, ito ay unang itinatag na may layuning mag-organisa ng mga konsiyerto na nagtatampok ng mga Kpop group sa Pilipinas.
Gayunpaman, nang mangyari ang pandemya, isang mas malaking ideya ang lumitaw—ang pagpapakita ng kamangha-manghang talentong Pilipino.
Inilalarawan ang kanyang sarili bilang isang dreamcatcher, si Dr. Carl ay may mata para sa mga mahuhusay na tao, at gumagawa siya ng pagkakataon para sa kanila na sumikat sa pamamagitan ng pagbibigay sa kanila ng plataporma upang ipahayag ang kanilang sarili sa pamamagitan man ng musika, pelikula o silid-aralan.
Kaya ang pagtatagpo ng mga malikhaing isipan nina Dr. Carl at Direk Cathy ay nakatadhana na mangyari—kapwa sa pagtuklas ng mga hindi pa nagagamit na potensyal na hulmahin at mahasa.
Ang “Gimme a Break” ay nakatuon sa paglalagay ng spotlight sa mga talentong Pilipino. Sa pamamagitan nito, nilalayon ng NICKL Entertainment na tulungan ang mga lokal na artista sa pamamagitan ng pagbibigay sa kanila ng pagkakataong ipakita kung ano ang mayroon sila.
Nagsimula sila noong 2021 sa pagtuklas ng mga bagong songwriter. Tumagal ng isang taon ang patimpalak hanggang sa lumabas ang pinakamahusay sa hanay ng mga mahuhusay na manunulat ng kanta—si Chard Salazar aka Putito Chief na ngayon ay sumulat ng kanta para sa SB19.
Sa pagtutulungan ng CBRC at NICKL Entertainment, ang “Gimme Me a Break” ay mas mataas sa pamamagitan ng Teachers Edition ng kompetisyon.
Walong guro sa pag-awit mula sa iba’t ibang panig ng Pilipinas ang sasailalim sa sunud-sunod na hamon hanggang sa makarating sila sa finale. Ang kanilang pagkakakilanlan ay itatago sa pamamagitan ng pagsusuot ng magkakaibang maskara sa buong kompetisyon.
Ang apat na babae ay ipinakilala sa alias na Blazing Flame, Ember Sky, Miracle at Twilight, na pawang palaban sa biritan.
Hindi naman nagpakabog ang apat na gurong lalaki na ipinakilala naman The Catçher, Blue Bird, G-Clef at Scarlet Pitch.
Tuturuan at gagabayan sila ng mga eksperto sa industriya tulad nina Frenchie Dy, Beverly Salviejo, Rocky Garcia, Joross Gamboa, at Jeffrey Tam, na kung saan nakapili na sila ng kanilang ime-mentor.
Ang panel of experts na ito ay magsisilbi ring judge sa final round kasama sina Dr. Carl Balita at Direk Cathy Garcia-Sampana.
Ang Top 3 Grand Finalists ng “Gimme a Break: Teachers Edition” ay mananalo ng mga sumusunod na premyo: Ang 2nd runner-up ay makakatanggap ng 20,000 pesos. Ang 1st runner-up ay tatanggap ng 30,000 pesos.
At ang Grand Champion ay tatanggap ng 50,000 pesos at isang exclusive contract sa CLINjK Artist Management Inc., ang anak na kumpanya ng NICKL Entertainment.
Ang Final Reveal ay mangyayari sa Abril 10!
Ang “Gimme a Break: Teachers Edition” ay hatid sa iyo ng Dr. Carl E. Balita Review Center at NICKL Entertainment, na itinataguyod ng Dr. Carl E. Balita Foundation, Tikme Dine, RoyalCare Venue, at CLINjK Artist Management. Espesyal na pasasalamat kay Selah Pods at Sprinto.
(ROHN ROMULO)

Para maranasan ang ‘hospitality’ ng mga pinoy: mamamayan ng Czech, niligawan ni PBBM na bumisita sa Pinas,

Posted on: March 16th, 2024 by @peoplesbalita No Comments
NILIGAWAN ni Pangulong Ferdinand Marcos Jr. ang mga mamamayan ng Czech Republic na bisitahin ang Pilipinas at maranasan ang hospitality o kagandahang-loob ng mga filipino.
Sa kanyang bilateral meeting kasama si Czech Republic Prime Minister Petr Fiala, binanggit ni Pangulong Marcos ang regional airports na na-develop at upgraded para itaas ang accessibility sa mga local tourist destinations.
“Hopefully, we will see more of your citizens coming to the Philippines. And I can see that this is an area that will continue to increase for us. it’s very happy to welcome friends, come, visit the Philippines,” ayon kay Pangulong Marcos.
”We take pride in the Filipino hospitality, and we take pride in our beautiful country, as in, of course, you do. But that’s why I think that this is a third time, an area of third time
 development,” dagdag na wika ng Pangulo.
Sinabi pa ng Pangulo na kinokonsidera ng gobyerno ng Pilipinas ang sektor ng turismo bilang malaking bahagi sa muling pagbuhay sa ekonomiya matapos ang COVID-19 pandemic.
Idinagdag pa ni Pangulong Marcos na ang Czech Republic ay naging mahalaga ring tourist destination para sa mga Filipino.
Maliban sa pinalakas na “people-to-people exchanges”, nanawagan si Pangulong Marcos sa mga kompanya ng Czech na magpartisipa sa infrastructure development ng Pilipinas lalo na sa konstruksyon ng ‘gateways’ ng bansa. (Daris Jose)

Trabaho at hindi gala ang ginagawa ni PBBM

Posted on: March 16th, 2024 by @peoplesbalita No Comments
ITO ang iginiit nina House Deputy Majority Leader at Iloilo Rep. Janette Garin at Anakalusugan Party-list Rep. Ray Reyes sa ginawang foreign travels ni Pangulong Marcos.
Ayon sa mga mambabatas, ginagampanan lamang ng pangulo ang kanyang tungkulin sa pagnanais na palakasin ang diplomatic ties at makakuha ng foreign investments, na makakapagbigay ng mahabang benepisyo sa bansa.
Sinabi ni Garin na sa isang interconnected world ang pakikipagpulong sa ibang bansa ay isang pangangailangan at hindi isang ‘desire’ lamang.
Reaksyon ito ng mga kongresista sa pahayag ni dating Presidente Rodrigo Roa Duterte, na pawang gala o pasyal lamang ang ginagawa ni Pangulong Marcos sa biyahr niya sa ibang bansa.
“Madali lang kasi magbintang at mahirap na palaging sumasagot ‘yung nakasabak sa trabaho,” pahayag ni Garin. (Vina de Guzman)

Seven years na ang relasyon nila ni Khalil: GABBI, ayaw magpa-pressure pero intimate wedding ang gusto

Posted on: March 16th, 2024 by @peoplesbalita No Comments

INAMIN ni Miss Universe Philippines 2020 Rabiya Mateo na minsan na siyang naapektuhan sa mga kuwento at opinyon ng ibang tao tungkol sa kanyang boyfriend na si Jeric Gonzales.

 

 

Nahirapan nga raw si Rabiya noong una sa relasyon nila ni Jeric dahil sa mga lumalabas na tsismis tungkol sa aktor.

 

 

“First time kong mag-date ng celebrity and minsan ang daming opinyon ng mga tao, ang daming sinasabi about him and at first, I was shaken about it. Parang hindi ko alam kung paniniwalaan ko ba ‘yung sinasabi ni Jeric o ‘yung sinasabi ng mga tao about him kasi ibang-iba eh,” sey ng TikToClock host.

 

 

Pero sa kabila ng mga lumalabas tungkol kay Jeric, mas pinili raw ni Rabiya na paniwalaan ito: “Kasi nakita ko kung gaano siya kaseryoso at pinaramdam niya ‘yun sa akin.”

 

 

Inamin din ng Sparkle 10 star na noon ay may access siya sa phone ni Jeric. Pero ngayon daw ay malaki na ang tiwala nito sa boyfriend kaya hindi na raw siya nakikialam sa cellphone nito.

 

 

March 2022 noong aminin nila sa publiko ang kanilang relasyon. After a few months ay bigla silang naghiwalay, pero one week lang daw ang breakup at nagkaayos daw sila kaagad.

 

 

Kelan lang ay magkasama ang dalawa na nanood ng concert ni Ed Sheeran.

 

 

***

 

 

SEVEN years na pala ang relasyon nila Gabbi Garcia at Khalil Ramos at kasal na lang daw ang kulang sa kanila.

 

 

“It’s actually something that we talk about a lot. I’m not sure if that is something that is healthy? We both think it is,” sey ni Khalil.

 

 

Sey ni Gabbi: “Same naman kasi talaga kami ng end goal. And even at the start of this relationship, why waste time on someone you don’t want to end up with, right? From the get-go I feel like we were aligned that we wanted to keep this relationship special for the future.”

 

 

Dagdag pa ng Sparkle couple, ayaw nilang ma-pressure kapag kasal na ang topic.

 

 

Sey ni Khalil: “I’d be lying if I didn’t say that I didn’t feel an ounce of pressure at all. Totoo na may pressure talaga. I’m approaching my 30s na, we both see ourselves starting a family eventually.”

 

 

Gusto ni Gabbi na intimate wedding: “A very quiet wedding. I’m not afraid to talk about it kasi that’s part of life and it’s such a beautiful thing.”

 

 

Nagsimulang mag-date sina Gabbi at Khalil noon pang 2017.

 

 

***

 

 

NA-DIAGNOSE na may skin cancer ang ‘80s supermodel na si Christie Brinkley.

 

 

Sa kanyang Instagram, pinost ni Christie ang pinagdaanan niyang operasyon.

 

 

“The good news for me is we caught the basal cell Carcinoma early. And I had great Doctors that removed the cancer and stitched me up to perfection like an haute couture Dior,” caption ni Christie.

 

 

Nalaman niyang meron siyang skin cancer noong samahan niya ang kanyang anak na magpa-check up sa doctor nito.

 

 

“It wasn’t my appointment so I wasn’t going to say anything but at the VERY end I asked if he could just look at a little tiny dot I could feel as I applied my foundation . He took a look and knew immediately it needed a biopsy!“ sey ng 70-year old supermodel.

(RUEL J. MENDOZA) 

Sa gitna ng usapin sa WPS: PBBM, umaasa na tutulungan ng Czech ang Pinas para gawing modernisado ang AFP

Posted on: March 16th, 2024 by @peoplesbalita No Comments
UMAASA si Pangulong Ferdinand Marcos Jr. na tutulungan ng Czech Republic ang Pilipinas na gawing modernisado ang military nito sa gitna ng usapin sa West Philippine Sea (WPS).
Ipinahayag ito ng Pangulo sa kanyang joint press conference kasama si Czech President Petr Pavel nang uriratin ukol sa ‘defense cooperation’ sa pagitan ng dalawang bansa.
”We have based our discussions to the fact that the Czech Republic and the Philippines share the same values when it comes to the adherence to international law, that is something that, again, we find as a commonality between our two countries,” ayon kay Pangulong Marcos.
Sinabi pa ni Pangulong Marcos na kasalukuyang sumasailalim ngayon sa modernization program ang AFP  na nangangailangan ng “great deal of procurement that needs to be done to modernize our forces and our capabilities.”
“The Czech Republic has always been an important part of that development, of that evolution,” aniya pa rin.
”And we our hoping that that would continue, not only at the present level but at the higher level,” dagdag na wika ng Punong Ehekutibo.
Tinuran pa ni Pangulong Marcos na binanggit niya kay Czech President Petr Pavel ang situwasyon sa WPS.
“I underscored that the Philippine position on the South China Sea remains consistent, clear, and firmly anchored in the 1982 United Nations Convention on the Law of the Sea (UNCLOS),” ayon sa Punong Ehekutibo.
Sinabi pa rin ng Pangulo kay Pavel na sa kabila ng nakalulungkot at tuloy-tuloy na insidente ng agresyon at harassment ng Tsina sa naturang lugar, hindi naman tumitigil ang Pilipinas na maka-ugnay ang lahat ng kalapit-bansa nito at stakeholders sa pamamagitan ng diplomasya at dayalogo.
Ani Pavel, ganap na suportado ng Czech Republic ang Pilipinas pagdating sa tiyakin ang ‘global at regional stability.’
Aniya, ang katatagan sa rehiyon ay makaaapekto sa daloy at galaw ng kalakal sa Europa.
”To us, South China Sea may seem to be far, far away but if you take into account the percentage or share of world or global trade that passes through this area, any disruption on these routes would have an adverse impact on Europe,” ang sinabi ni Pavel sa pamamagitan ng isang translator.
Aniya pa, ang epekto ay maaaring hindi lamang sa kaanyuan ng kakapusan ng kalakal kundi maging sa sumisirit na presyo nito kaya dapat lamang na pag-ukulan ng pansin ang usaping ito.
Samantala, pinasalamatan naman ni Pangulong Marcos si Pavel para sa suporta ng Czech Republic bilang isang like-minded partner, na panindigan ang kapayapaan, katatagan at ang rules-based international order.
Aniya pa, ang kanyang naging state visit ay patunay lamang ng ‘commitment’ ng Pilipinas na mas lalong pagyamain ang ugnayan at pagkakaibigan sa Czech Republic at pagtibayin ang ugnayan sa pagitan ng dalawang bansa at mamamayan nito. (Daris Jose)

Ads March 16, 2024

Posted on: March 16th, 2024 by @peoplesbalita No Comments
People's Balita.
All rights reserved. © Copyright 2024.