NASABAT ng mga ahente ng Bureau of Immigration (BI) sa Ninoy Aquino International Airport (NAIA) Terminal 3 ang isang 29-anyos na biktima ng trafficking ng tinangka nitong lumabas ng bansa patungong Thailand.
Ayon sa BI’s immigration protection and border enforcement section (I-PROBES) na sinabi ng biktima na mag-isa lamang ito bibiyahe bilang isang turista sa Thailand kung saan nagpakita ng round trip ticket at identification card na nagtatrabaho sa isang manpower agency sa Pilipinas.
Subalit sa primary inspection pa lamang ay nakitaan na ng pabago-bagong salaysay kaya ini-refer siya ng secondary inspection pero sa isinagawang inspection ay lumalabas na peke ang kanyang return ticket dahilan upang aminin nito na wala siyang planong bumalik dahil magtatrabaho siya sa isang online gaming company sa Thailand.
Dagdag pa nito na ni-recruit lamang siya ng isang babae sa pamamagitan ng Telegram kung saan nagbayad siya ng halagang P30,000.
Sinabi ni I-PROBES Chief Bienvenido Castillo, III na ito ay isa nanamang kaso ng catpishing kung saan ang biktima ay pinangakuan ng trabaho sa online gaming na nauuwi sa pagiging scammers sa ibang bansa.
Paliwanag ni BI Commissioner Norman Tansingco na ang catpishing bilang isang online gaming ay isa nang malaking problema sa rehiyon sa Asya.
Ang modus operandi nito ay nag-iimbita sila na magtrabaho sa isang call center online gaming pero nauwi bilang catpishers kung saan ang target nila ay mga western men sa online dating apps at niloloko nila upang mag-invest sa isang pekeng cryptocurrency accounts. GENE ADSUARA