• February 27, 2024
  • Ang Diyaryong Pinagkakatiwalaan

Author Archive

Ads February 27, 2024

Posted on: February 27th, 2024 by @peoplesbalita No Comments

Iran, bukas na palayain ang natitirang ST Nikolas crew sa oras na mapalitan-DFA

Posted on: February 24th, 2024 by @peoplesbalita No Comments
PAHIHINTULUTAN ng Iran na palayain ang lahat ng crew members ng kinumpiskang ST Nikolas sa oras na dumating na ang kanilang kapalit na magbabantay sa barko.
Sinabi ng Department of Foreign Affairs (DFA) na may 17 mula sa 19 na orihinal na crew members ang nananatiling sakay ng ST Nikolas matapos palayain ang isang Filipino cadet nito lamang unang bahagi ng buwan at Greek cadet naman noong Enero.
Winika ni DFA Undersecretary Eduardo Jose de Vega na bagama’t nakadaong lang ang barko ay dapat na mayroon pa ring nakaistasyon na tripulante.
“Ito’y legal seizure according to the Iranian authorities ayon sa isang Iranian court order. In other words, ang trato sa kanila ay hindi hostages parang empleyado pa rin ng agency,” ayon kay de Vega.
Giit pa rin nito na legal na pagkumpiska ang ginawa ayon sa mga awtoridad ng Iran base na rin sa court order ng naturang bansa kayat ang trato sa mga crew ay hindi mga bihag kundi parang empleyado pa rin ng agency.
Para naman sa sahod ng crew na nagbabantay sa naturang barko, dinoble ng concerned manning agency ang kanilang mga sahod.
Hindi naman tinanggap ng Filipino cadet na pinalaya ang alok na double pay.
Sinabi naman ni De Vega na tinatayang 10 ang inaasahan na magbabalik sa oras na mapaso na ang kanilang kontrata sa halos isang buwan.
“Kapag tapos na ang contract puwede na umuwi at tinitiyak natin na mayroon silang substitute, sinasabi natin sa agency na huwag Filipino,”aniya pa rin.
“Papayagan naman ng Iranian authorities na umalis lahat kung may replacement sa barko,” dagdag na wika ni De Vega.
“ST Nikolas will remain in Iran’s custody until its court decides what it will do with it,” aniya pa rin. (Daris Jose)

TOP TEN CITIES SA NCR KINILALA NG ISANG NGO

Posted on: February 24th, 2024 by @peoplesbalita No Comments
BINIGYANG pagkilala ng isang non governmental organization ang top ten cities sa National Capital Region pagdating sa usapin ng masinop na pananalapi.
Ayon kay Jose Esgaña, tagapangulo ng grupong CPAS-LEADGROUP Inc., napili ang sampung nangungunang lungsod batay sa pagsusuri na nakabase naman sa mga datos na nakalathala sa website ng Commission on Audit.
Nangunguna ang Quezon City na sinundan ng mga lungsod ng Valenzuela, Manila, Pasay, Marikina, Muntinlupa, Mandaluyong, Las Piñas, Navotas at Parañaque.
Paliwanag pa ng dating alkalde ng bayan ng Sta. Fe sa lalawigan ng Cebu, napili ang sampung lungsod batay sa criteria na Fund Utilazation base sa cash in balance, excess from revenue & expenses at presumptive spending to capital outlay o iba pang mga gastusin.
Paliwanag pa ni Esgaña, ang kanilang grupo ay naglalayon na ipabatid sa publiko ang kahusayan ng mga local government unit sa paghawak ng pondo ng bayan at sa tamang utilization o paggamit nito para sa mga basic services at development project.
Sa huli, sinabi ni Esgaña na ito ay panimula pa lamang dahil sa mga susunod na panahon ay kanila namang itataas ang antas ng pagkilala sa provincial level. (PAUL JOHN REYES)

Meet the Forgers! Big-hit anime film “Spy x Family: Code White” opens at No. 1 in Japan

Posted on: February 24th, 2024 by @peoplesbalita No Comments

Japan goes waku-waku~ as Spy x Family: Code White opened at No. 1 in Japan during the 2023 December holiday weekend, and continued its No. 1 streak for three weeks, earning 4.41 billion yen. Get to know the undercover family before the hit movie makes its way to Philippine theaters on March 13.

 

 

 

Watch the trailer here: https://www.youtube.com/watch?v=sfkFrZATkiw

 

 

 

Spy x Family: Code White follows the Forgers, a family created by two undercover spies, Loid and Yor, who lead double lives that they keep from each other, and from their adopted daughter Anya. However, oblivious to her telepathic powers, Anya knows both their secret lives. As Loid progresses on his mission, Operation Strix, he takes his family on a mission with him under the guise of a fun winter holiday. Anya mistakenly entangles herself in a dangerous series of events that threaten world peace.

 

 

Loid Forger, codename Agent Twilight, is an undercover agent who works for the organization WISE. He’s a master of disguise who can blend into any situation with ease. Yor and Anya know him as a kind and caring father who dotes on them, cooking meals for the family. Working during the day as a psychiatrist in Berlint General Hospital, he has the trust of his colleagues and patients due to his excellent work ethic.

 

 

Yor Forger is a dangerously skilled assassin, whose method of killing earned her the codename Thorn Princess. Orphaned young, she trained in the art of being an assassin to help provide for herself and her younger brother Yuri. In a stroke of luck, her search to have an alias ended up with an alliance and marriage with Loid. As a wife and mother, Yor is mild-mannered and still learning the skills that it takes to raise a family. Like Loid, she also has a cover job during the day, working as a civil servant at the Berlint City Hall.

 

 

Anya Forger is an orphan who was subject to an experiment which gave her telepathic powers. Loid ends up adopting her when he was building his undercover family. She loves her new family, and her secret power ends up helping the spy and the assassin on their missions from time to time. Completing the Forger family is their dog Bond, who was also subject to military experimentation, giving him the power to see the future.

 

The unlikely family end up in dangerous hilarious situations as they work together in their latest mission in Spy x Family: Code White.

 

Follow Encore Films Ph FB and @encorefilmsph IG for the latest updates.

(ROHN ROMULO)

Asawang si Vickie papayagan pa ring sumali sa ‘MUP’: JASON, inalala ang kabaitan sa kanya ni BOY noong nagsisimula pa lang sa showbiz

Posted on: February 24th, 2024 by @peoplesbalita No Comments

ISANG kilalang aktor at ngayon ay Board Member ng 2nd District ng Nuvea Ecija, nagsimula ang showbiz career ni Jason Abalos noon maging contestant ito sa ‘Star Circle National Teen Quest’ na talent search competition ng ABS-CBN noong 2004.

 

Fast forward to February 21, 2024, naging guest si Jason at Jo Berry sa ‘Fast Talk With Boy Abunda’ in line sa upcoming GMA serye nila na ‘Lilet Matias: Attorney-At-Law’.

 

At sa kanyang guesting, ipinaalala ni Jason ang kabutihan sa kanya ni Boy Abunda.

 

Isa si Kuya Boy sa mga judge ng Star Circle noong kasali si Jason.

 

“Ikukuwento ko lang po,” lahad ni Jason, “kailangang malaman ng buong tao kung gaano kabait si Tito Boy.

 

“Na-out ako sa isang show, nagbigay siya ng isang tseke sa akin.

 

“Sabi niya, ‘Anak, ibigay mo sa nanay mo kapag umuwi ka sa inyo para meron kang pasalubong.’

 

“Ganoon po kabait si Tito Boy,” kuwento pa ni Jason.

 

Kahit hiyang-hiya ay halata namang touched si Kuya Boy sa kuwento ni Jason na siya man mismo ay hindi na maalala na nangyari.

 

Samantala, isa rin sa naitanong kay Jason ay kung papayagan ba niyang muling sumali ang misis na si Vickie Rushton sa Miss Universe Philippines, lalo ngayon na puwede na ang may asawa, anak, at wala na ring age restriction dito.

 

“Oo naman,” ang mabilis na bulalas ni Jason.

 

“Lagi naman ganoon, laging kung ano ‘yung gusto mong gawin, gawin mo.

 

“Kasi hindi naman laging tayo magkasama. May trabaho ako so minsan maiinip ka rin sa buhay,” pahayag pa ni Jason.

 

Twice sumali si Vickie sa Binibining Pilipinas, noong 2018 kung saan 1st runner-up siya at nitong 2019 kung saan hindi siya nakapuwesto.

 

***

 

LUMABAS ang pagka-komedyana ni Thea Tolentino sa pelikulang ‘Take Me To Banaue’ na kahit siya ay nagulat.

 

“Sobrang nagulat din ako kasi off-cam tumatawa din yung mga… yung mga nasa taping tumatawa din sila. Kaya ko palang maging funny kahit papaano,” ang nanatawang pagbabahagi ni Thea.

 

Mapapanood ang ‘Take Me To Banaue’ via streaming sa www.takemetobanauefilm.com na nagkaroon na rin ng mga special premieres at screenings sa iba-ibang bansa tulad ng Amerika.

 

Ang iba nga rito ay dinaluhan pa ni Thea, na first time makapunta sa Amerika.

 

“Yes, parang may ten screenings dun tapos dun sa ten, tatlo lang yung napuntahan ko.

 

“Sobrang saya kasi first time ko ding mag-US and iba, iba yung pagtanggap ng mga kababayan natin dun, kasi nami-miss nila ang Pilipinas.

 

“Tuwang-tuwa sila na napapanood nila sa big screen ang Pilipinas, kung gaano kaganda ‘to.”

 

At nito ngang Pebrero 10 ay unang beses na napanood ang pelikula dito mismo sa Pilipinas.

 

“Sobrang happy ako na finally napanood niyo ‘to, napanood ng family and friends ko, it’s something new for me because I always do antagonist roles, very serious characters, pero sa Take Me to Banaue nakita niyo yung puwede pala akong maging funny kahit papaano, and puwede ding malandi,” at muling tumawa si Thea na gumaganap bilang si Jinky sa movie.

 

Ang ‘Take Me To Banaue’ ay sinulat nina Jason Rogers at Danny Aguilar (na siya ring direktor ng pelikula) at line-produced naman ni Monch Bravante, mula sa Carpe Diem Pictures.

 

Bida rin sa pelikula sina Brandon Melo (bilang si Hank) at Maureen Wroblewitz (bilang si Grace) kasama sina MJ Lastimosa, Dylan Rogers at Boobay.

(ROMMEL L. GONZALES)

Puring-puri ng netizens ang pagiging mother-in-law: SYLVIA, nag-uumapaw ang saya sa engagement nina ZANJOE at RIA

Posted on: February 24th, 2024 by @peoplesbalita No Comments

NAG-POST na rin sa kanyang Instagram account ang premyadong aktres at Face ng Beautederm na si Sylvia Sanchez, tungkol sa engagement ng anak na si Ria Atayde at boyfriend na si Zanjoe Marudo na kanilang in-announce last February 20.

 

 

Nagpahayag nga si Sylvia nang labis na kaligayahan para sa kanyang anak.

 

 

“Happy ako sobra para sa iyo Potpot @ria [red heart emoji],” caption niya kasama ang video ni Ria na naka-black one piece swimsuit na umaahon sa isang beach.

 

 

Dagdag mensahe pa niya sa anak, “Deserve mo yan dahil napakabuti mong anak [red heart emoji]”

 

 

Sa next IG post naman ni Ibyang, ibinahagi niya ang photo na magkasama ang celebrity couple. Makikita rin ang photos na nag-video call sila ni Ria kasama si Zanjoe, na makikitang happy sila lahat sa magandang balita na engaged na ang magkasintahan.

 

 

Sa caption ng mahusay na aktres, damang-dama ang nag-uumapaw na kasiyahan, “My heart is overflowing with Joy [red heart emoji]

 

 

“Perfectly Matched [three ring emojis].”

 

 

Matatandaan na nag-comment ang sister ni Ria na si Gela Atayde matapos ang proposal ni Zanjoe ng, “No I’m gonna cry again. Ily both.”

 

 

At sa kanyang Instagram Story, nagbilin si Gela sa brother-in-law to be na alagaang mabuti ang kanyang kapatid.

 

 

“Please take care of her, kuya @onlyzanjoemarudo [white heart emoji],” sey ni Gela.

 

 

Sa naging interview namin kay Sylvia sa 1st anniversary ng Beautederm Headquarte sa Angeles, Pampanga, isa sa naitanong namin ay kung handa na ba ang pamilya Atayde sa isa pang bonggang kasalan.

 

 

“Hindi ko alam kay Zanjoe, kay Zanjoe yan,” sambit niya.

 

 

“Nasa kanya yun, wala sa akin. Hindi ko para pangunahan si Zanjoe, maghihintay ako, kung ano ang gusto nilang dalawa. Sila yan eh, bilang nanay o magiging mother-in-law, ayaw kong makialam, ayokong pasukin ang relasyon nila, bahala sila.

 

 

“Basta ito ang sasabihin sa inyong lahat, mahal ko Maine (Mendoza) at mahal si Zanjoe, napakabait nilang dalawa.”

 

 

At kapag naging lola na raw, sa anak man nina Ria o Arjo, ang gusto niyang itawag sa kanya ng magiging apo ay ‘Mommy La’.

 

 

Marami pa ring celebrity friends at netizens ang bumati sa engagement nina Ria at Zanjoe.

 

 

Pinuri rin ng netizens si Sylvia dahil nakikita nila ang pagiging mabait na mother-in-law.

 

 

“Kung ganito lahat ng mother-in-law, this world will be a better place [three red heart emojis].”

 

 

“Ms. Sylvia, Zanjoe is so lucky you are such a good and loving mother-in-law, congratulations.”

 

 

“Inantay ko talaga un post mo mam, you are such a loving and sweet mom to your kids.”

 

 

“Pag kagaya ni Ma’am Sylvia magiging biyenan mo napaka-suwerte mo na [heart eyes emoji] Congratulations to the newly engaged couple.”

 

 

“Congrats… Swerte ng mga anak ni madam Sylvia ang bait nyo po.”

 

 

“Parang napakasarap maging mother-in-law ni Ms. Sylvia.”

 

 

“Sana all ganito ang mother-in-law.”

 

(ROHN ROMULO)

Pwedeng maging responsableng gamer sa DigiPlus

Posted on: February 24th, 2024 by @peoplesbalita No Comments

PINAIIGTING ng DigiPlus Interactive Corp. (DigiPlus), operator ng mga nangungunang digital platform gaya ng BingoPlus, ArenaPlus, at PeryaGame, ang tawag para sa responsableng mga gawi sa gaming, sa gitna ng pag-iimbita nito sa mga costumer na sumali sa kapana-panabik nitong mga handog.

 

 

Bilang pinakamabilis na grupo ng digital entertainment sa bansa, hatid ng DigiPlus ang walang humpay na saya at laro, subalit kung may kasamang pera, alam nitong kailangan ng lebel ng kontrol sa sarili upang makamit ang pinakapositibong karanasan sa paglalaro.

 

 

Ayon sa Association of Certified Gaming Compliance Specialists (ACGCS), “Responsible gaming is the practice of gambling in a way that minimizes the potential negative effects that it can have on individuals and society.” Sang-ayon dito si Andy Tsui, Presidente ng DigiPlus, at ayon sa kaniya, isa sa mga pundasyon ng kanilang negosyo ang responsableng paglalaro.

 

 

“DigiPlus works to ensure that the necessary and vital regulations PAGCOR sets for gaming companies in the Philippines are strictly observed.” Gayunpaman, hangad ni Tsui na marunong din ang mga customer ng DigiPlus pagdating sa pagiging responsable sa kanilang paglalaro, sa paraang dama pa rin ang ang aliw at saya sa kanilang mga nilalaro.

 

 

May ilang mga paraan para mapanatili ang malusog at positibong relasyon sa paglalaro. Narito ang ilang mga tip na hango sa mga payong bigay ng Responsible Gaming Council (RGC):

 

 

 

Magtakda ng limitasyon. Kung naglalaro, magtakda ng limitasyon sa dalawang bagay: budget at oras. Bago maglaro, magsimula na mayroong istriktong budget.

 

 

Huwag itaya ang perang hindi mo kayang mawala sa iyo, at huwag ding mangutang para lamang sa paglalaro. Kasabay nito, ang pagdedesisyon ng malinaw na oras at iskedyul para sa mga sesyon ng paglalaro ay makatutulong upang maiwasan ang sobra-sobrang paglaan ng panahon dito.

 

 

Maglaro ayon sa iyong makakaya upang hindi nito punan ang malaking espasyo ng iyong buhay. Maglaro lamang nang may malinaw na isip. Bantayan ang iyong mental at pisikal na estado bago magsimula sa paglalaro. Huwag sumugal kung malungkot o may nararamdamang stress dahil maaapektuhan nito ang iyong pagdedesisyon.

 

 

Limitahan din ang pag-inom ng alak kapag naglalaro. Panatilihing kalmado at malinaw ang isip sa lahat ng pagkakataon. Nakatutulong din ang pagpapahinga. Lumayo sa gaming table o phone kung minsan, at gumalaw-galaw bago bumalik sa paglalaro.

 

 

 

Huwag ‘habulin’ ang iyong mga pagkatalo. Palaging lumahok sa mga laro na handang mawala sa iyo ang pera na itataya. Ang mga laro sa mga DigiPlus at sa BingoPlus, ArenaPlus, at PeryaGames apps ay nakataya sa tsansa, kaya walang garantiya na maibabalik ang iyong mga bayad. Iwasan ang tinatawag na “sunken cost syndrome” kung saan hindi tumitigil sa pagsubok na makakuha ng positibong resulta, lalo’t dulot lamang nito ang paglalabas ng maraming pag-aari sa iisang layunin.

 

 

Maging disiplinado sa iyong budget at handa na tanggapin ang mga natalo at nawala. Umaasa si Andy Tsui na kung seseryosohin ng mga customer ng DigiPlus ang mga gabay na ito, magiging positibo ang kanilang karanasan sa paglalaro. “DigiPlus endeavors to strictly implement PAGCOR-approved regulations and guidelines as customers use our gaming facilities. This way we are confident that we can create safe spaces for them to have fun and enjoyment at all times.” (Rohn Romulo)

Kaya iwas na mag-comment tungkol kay Atong Ang: SUNSHINE, ‘di na comfortable na pinag-uusapan ang lovelife

Posted on: February 24th, 2024 by @peoplesbalita No Comments

HANGGANG ngayon at kahit anong pamimilit ay iniiwasang magbigay ng anumang komento o pahayag ni Sunshine Cruz hinggil sa isyu sa kanilang dalawa ng businessman na si Atong Ang.

 

“Kuya Jimi sorry late reply. Nasabi ko sa mga past interviews na hindi ako comfortable na pinag-uusapan pa ang lovelife ko.

 

“After Macky nangako ako sa sarili ko na hindi na dapat pa nalalaman ng iba ang personal ko,“ padalang mensahe ng magaling na aktres sa amin. May mga nakarating pang balita sa amin na super tiyaga raw sa panliligaw si Atong Ang kay Shine.

 

Ang sabi pa nga ng mga netizen na huwag na raw sana siyang maging choosy at kung ibang aktres pa raw yan ay malamang sinunggaban na raw ng mga ito ang mayamang negosyante. Pero may mga malalapit naman kay Sunshine ang nagbanggit sa amin na ayaw ding magbigay ng anumang pahayag tungkol sa naturang isyu.

 

Hindi raw sila naniniwala na ang nilipatang bagong bahay ngayon ni Sunshine at mga anak niya ay bigay ni Atong Ang.

 

Sa sipag nga naman ni Sunshine at sa walang tigil na buhos ng mga biyayang ibinigay sa kanya ay walang dudang kayang-kaya ng premyadong aktres na makapagpagawa ng isang mansion, huh! At sa totoo lang din naman ay mas maliit sa una nilang bahay ang nilipatan ni Shine at ng tatlo niyang equally beautiful girls.

 

And take note, wala sa isang mamahaling subdivision ang bahay ni Sunshine ngayon na taliwas sa sinasabing kung si Atong ang magre regalo ay tiyak nasa isang kilala at mamahaling subdivision yun, huh!

 

***

 

STILL on Sunshine Cruz, siya ang ginawaran bilang Remarkable Woman of Inspiration and TV Actress of the Year ng Global Trends business leaders awards na ginanap sa Okada hotel nung Martes pero hindi siya nakarating.

 

May prior appointment na raw si Sunshine at hindi naman kaagad siya sinabihan at huli na raw niyang natanggap ang invites. “Hi Kuya Jimi, sorry kahapon lang nagsabi sakin ang management ko. May commitment na ako na natanguan tonight.”

 

Gustong-gusto raw talaga na pumunta ni Sunshine at makapagpasalamat ng personal sa mga taong namamahala ng awards, pero hindi na nagawan ng paraan. “So sorry talaga. It wasn’t sent to ALV management earlier. Sana po napuntahan at nakapag-prepare ako,” sey pa niya. “Please tell them sobrang salamat po. Too bad late na po ako nasabihan.

 

 

May prior commitment po kasi ‘di na ma-cancel,” karagdagang paliwanag pa ni Sunshine.

(JIMI C. ESCALA)

Pinas, masusing nakasubaybay sa US presidential race — Amb. Romualdez

Posted on: February 24th, 2024 by @peoplesbalita No Comments
MAHIGPIT na nakasubaybay ang Pilipinas sa US presidential para kagyat na makita ang anumang pagbabago sa liderato bilang oportunidad na baguhin ang pagpapalakas ng alyansa sa pagitan ng dalawang bansa.
Pinaigting naman ang security engagements sa pagitan ng defense treaty allies sa ilalim ni US President Joe Biden at sa counterpart nito na si Pangulong Ferdinand Marcos Jr., kasama ang ibang lider na masigasig na kontrahin ang nakikita nitong agresibong aksyon ng Tsina sa South China Sea at kalapit na Taiwan.
Ang Pilipinas, dating US colony, ay itinuturing na closest ally ng Washington sa Southeast Asia at ang proximity nito sa Taiwan ay mahalaga sa pagsisikap ng Estados Unidos na kontrahin ang pananalakay ng Tsina sa democratic island na sa tingin nito ay kanilang sariling teritoryo.
“The only challenge that we face, especially for us in the embassy in Washington DC, is what happens in November. It’s a concern for every country who would be the next president … everybody is preparing for that,” ayon kay Ambassador Jose Manuel Romualdez.
Sinasabing maaaring harapin ni Biden si Donald Trump, Republican frontrunner para maging presidential candidate ng partido, sa isang rematch sa presidential election sa Nobyembre.
“Any change is always something that we welcome,” dagdag na pahayag ni Romualdez.
“It gives us an opportunity to renew what we’ve already been saying, that our relationship with the United States is an important one, we value it, and we really hope that this is the same feeling that they have for us,” aniya pa rin. (Daris Jose)

Ads February 24, 2024

Posted on: February 24th, 2024 by @peoplesbalita No Comments