• February 28, 2024
  • Ang Diyaryong Pinagkakatiwalaan

Archive for the ‘Editorial’ Category

Tubig sa Angat dam, patuloy ang pagbaba

Posted on: February 28th, 2024 by @peoplesbalita No Comments

BUNSOD ng matinding init at kawalan ng mga pag-ulan, patuloy na ang pagbaba ng lebel ng tubig ng ilang dam sa Luzon.

 

 

Batay sa ulat ng PAGASA Hydrometeoro­logy Division, kahapon ng umaga, nasa 206.45 meters ang water level ng Angat dam.

 

 

Nabatid na may pagbaba ito ng .27 meters mula sa 206.72 meters kamakalawa ng umaga.

 

 

Gayunman, mataas pa rin ang antas ng tubig sa dam sa minimum ope­rating level na 180 meters. Nasa 211 meters ang normal high water level ng Angat dam.

 

 

Samantala, nasa 76.74 meters naman ang antas ng tubig sa La Mesa dam, may pagbaba ng.08 meters mula sa 76.82 meters kahapon.

 

 

Nasa 80.15. meters ang normal high water level ng dam.

 

 

Ang iba pang dam na nakitaan din ng pagbaba ng water level ay ang Ambuklao, Binga, San Roque, Pantabangan, Magat at Caliraya Dam.

Top Ten cities sa NCR kinilala ng isang NGO

Posted on: February 28th, 2024 by @peoplesbalita No Comments

BINIGYANG pagkilala ng isang non- governmental organization ang top ten cities sa National Capital Region pagdating sa usapin ng masinop na pananalapi.

 

 

Ayon kay Jose Esgaña, tagapangulo ng grupong CPAS-LEADGROUP Inc., napili ang sampung nangungunang lungsod batay sa pagsusuri na nakabase naman sa mga datos na nakalathala sa website ng Commission on Audit.

 

 

Nangunguna ang Quezon City na sinundan ng mga lungsod ng Valenzuela, Manila, Pasay, Marikina, Muntinlupa, Mandaluyong, Las Piñas, Navotas at Parañaque.

 

 

Paliwanag pa ng dating alkalde ng bayan ng Sta. Fe sa lalawigan ng Cebu, napili ang sampung lungsod batay sa criteria na Fund Utilazation base sa cash in balance, excess from revenue & expenses at presumptive spending to capital outlay o iba pang mga gastusin.

 

 

Paliwanag pa ni Esgaña, ang kanilang grupo ay naglalayon na ipabatid sa publiko ang kahusayan ng mga local government unit sa paghawak ng pondo ng bayan at sa tamang utilization o paggamit nito para sa mga basic services at development project.

 

 

Sa huli, sinabi ni Esgaña na ito ay panimula pa lamang dahil sa mga susunod na panahon ay kanila namang itataas ang antas ng pagkilala sa provincial level. (PAUL JOHN REYES)

TOP TEN CITIES SA NCR KINILALA NG ISANG NGO

Posted on: February 24th, 2024 by @peoplesbalita No Comments
BINIGYANG pagkilala ng isang non governmental organization ang top ten cities sa National Capital Region pagdating sa usapin ng masinop na pananalapi.
Ayon kay Jose Esgaña, tagapangulo ng grupong CPAS-LEADGROUP Inc., napili ang sampung nangungunang lungsod batay sa pagsusuri na nakabase naman sa mga datos na nakalathala sa website ng Commission on Audit.
Nangunguna ang Quezon City na sinundan ng mga lungsod ng Valenzuela, Manila, Pasay, Marikina, Muntinlupa, Mandaluyong, Las Piñas, Navotas at Parañaque.
Paliwanag pa ng dating alkalde ng bayan ng Sta. Fe sa lalawigan ng Cebu, napili ang sampung lungsod batay sa criteria na Fund Utilazation base sa cash in balance, excess from revenue & expenses at presumptive spending to capital outlay o iba pang mga gastusin.
Paliwanag pa ni Esgaña, ang kanilang grupo ay naglalayon na ipabatid sa publiko ang kahusayan ng mga local government unit sa paghawak ng pondo ng bayan at sa tamang utilization o paggamit nito para sa mga basic services at development project.
Sa huli, sinabi ni Esgaña na ito ay panimula pa lamang dahil sa mga susunod na panahon ay kanila namang itataas ang antas ng pagkilala sa provincial level. (PAUL JOHN REYES)

Pekeng DepEd scholarship kalat online

Posted on: February 21st, 2024 by @peoplesbalita No Comments

BINALAAN  ng Department of Education (DepEd) ang publiko laban sa pekeng DepEd scholarship posts na kumakalat ngayon online.

 

 

Sa abiso ng DepEd, pinaalalahanan nito ang publiko na maging vigilante laban sa misinformation.

 

 

Sa naturang pekeng posts, nakasaad na ang DepEd ay may alok na scholarship ngayong taon.

 

 

Nakasaad din na lahat ng estudyante na nag-aaral ay dapat na mag-aplay dito gamit lamang ang kanilang school IDs.

 

 

Anito pa, sakaling makakuha ng DepEd scholarship, makakatanggap umano ng P5,000 ang mga elementary students, P7,000 ang mga high school students, habang tig-P10,000 naman ang makukuha ng mga college at vocational students.

 

 

Ang pekeng post ay may kasama pang larawan ni Vice President at DepEd Secretary Sara Duterte na nakasuot ng berdeng t-shirt at ang kanang kamay ay nakataas sa kanyang kaliwang dibdib.

 

 

Abiso naman ng DepEd, sinabi nito na, “The Department of Education (DepEd) warns the public about the FAKE DepEd scholarship posts circulating online. DepEd reminds everyone to stay vigilant against misinformation.”

 

 

Dagdag pa ng ahensiya, ang mga opisyal nilang anunsiyo at impormasyon ay maaaring makita sa kanilang Facebook page na fb.com/DeparmentOfEducation.PH, X account na twitter.com/DepEd_PH, Instagram account na instagram.com/depedphilippines, at website na www.deped.gov.ph.

 

 

Umapela rin ang DepEd sa publiko na kaagad na ireport ang anumang nalalaman nilang misleading at suspicious information hinggil sa basic education sa depedactioncenter@deped.gov.ph.

San Miguel consortium nanalo sa bid ng rehab ng NAIA

Posted on: February 21st, 2024 by @peoplesbalita No Comments

INIHAYAG ng Department of Transportation (DOTr) na ang San Miguel-led consortium ang siyang nanalo sa bidding na ginawa para sa rehabilitation ng Ninoy Aquino International Airport (NAIA) na nagkakahalaga ng P170 billion.

 

 

 

Ang San Miguel consortium ay may planong maging isang world-class airport ang NAIA. Ang consortium ay binubuo ng San Miguel Holdings, RMM Asian Logistics, RLW Aviation Development, at Incheon International Airport Corporation.

 

 

 

“We are committed to collaborating closely with the government and our various stakeholders, harnessing every resource available to us, to transform NAIA into a modern international gateway that Filipinos will be proud of,” wika ng San Miguel Consortium.

 

 

 

Ayon sa DOTr, ang San Miguel consortium ay nag offer ng pinakamataas ng share ng revenues sa pamahalaan na may 82.16 porsiento. Ito ang pinakamataas kumpara sa dalawang (2) bidders.

 

 

 

Ang GMR Airports Consortium ay nag offer ng 33.30 porsientong share sa revenue habang ang original na proponent ng NAIA na Manila International Airport Consortium ay nag offer naman ng 25.91 porsiento. Ito ay binubuo ng India’s GMR Airport International B.V., Cavitex Holdings Inc., at House of Investments Inc.

 

 

 

Samantalang ang Manila International Airport Consortium ay binubuo naman ng malalaking kumpanya sa Pilipinas tulad ng Aboitiz InfraCapital Inc., AC Infrastructure Holdings Corp., Alliance Global, Filinvest Development Corp., JG Summit Infrastructure Holdings, Asia’s Emerging Dragon Corp., at ang US-based partner na Global Infrastructure Partners (GIP).

 

 

 

Ang Asian Airport Consortium na sumali rin sa bidding subalit ang kanilang technical proposal ay nakitang hindi compliant o incomplete bago pa man sumailalim sa financial offer.

 

 

 

Sa isang pahayag sinabi ng San Miguel Consortium na sila ay honored na sila ang nanalo upang mabago ang NAIA at maging isang modern na international gateway.

 

 

 

“Our proposal is designed not only to elevate NAIA to world-class standards but also to ensure that the government benefits from the most advantageous revenue-sharing agreement,” saad ng consortium

 

 

 

Ayon naman sa DOTr na maraming grupo ang humamon sa bids ng ibang grupo kasama na ang San Miguel.

 

 

 

“Three out of 4 bidders filed or submitted challenges to the qualifications of the other bidders. One of them challenged three, the other challenged two, the other challenged one. All the challenges, all of the disputes that were submitted to BAC have been resolved,” ayon kay DOTr usec TJ Batan na siyang head ng Bids and Awards Committee.

 

 

 

Si DOTr Jaime Bautista naman ay confident na ang deal ay hindi na hahamonin ng mga natalong mga bidders.

 

 

 

“Before we made the award, we informed the two other bidders who qualified and they accepted the outcome of the bidding,” saad ni Bautista.

 

 

 

Ang concession agreement ay lalagdaan sa loob ng 30 araw at pagkatapos ay puwede ng magsimulang mag-operate ang San Miguel sa susunod na 3 hanggang 6 na buwan. LASACMAR

DepEd ‘no comment’ sa panukalang P50k minimum salary ng entry-level teachers

Posted on: February 16th, 2024 by @peoplesbalita No Comments

Imbis na sumang-ayon o tumutol, aantayin muna ng Department of Education (DepEd) ang pananaw ng World Bank tungkol sa isyu ng pagtataas ng sweldo ng mga guro sa mga pampublikong paaralan.

 

 

‘Yan ang pahayag ni DepEd Undersecretary Michael Poa ngayong Huwebes ilang araw matapos ihain ng Makabayan bloc ang House Bill 9920 — bagay na nagtatakda sa minimum salary ng mga guro sa P50,000.

 

 

“We cannot comment on the amount because we are still waiting for the study from the World Bank,” ani Poa sa isang statement na ipinadala sa mga reporters ngayong araw.

 

 

“We are expecting preliminary results from the World Bank in a few weeks. They are just requesting for additional data from DepEd which we are now processing.”

 

 

Una nang iniulat ng state-owned Philippine News Agency na kasalukuyang inaaral ng World Bank ang mga sweldo ng guro sa Pilipinas, bagay na isusumite rin daw kalaunan sa tanggapan ni Bise Presidente Sara Duterte, na siya ring kalihim ng DepEd

 

 

Layunin ng HB 9920 na inihain ng ACT Teachers party-list, Kabataan party-list at Gabriela Women’s party na tiyaking nakasasapat ang sahod ng mga gurong Pilipino, lalo na’t nasa Salary Grade 11 lang aniya ang iniuuwi ng ilang mid-level personnel gaya ng mga public school teachers.

 

 

Katumbas ang Salary Grade 11 ng P22,316 hanggang P24,391 buwanang sahod, alinsunod sa na rin sa Salary Standardization Law.

 

 

Wala pa ito sa P25,946/buwan na family living wage (FLW) para sa mga pamilyang nakatira sa Metro Manila, ayon sa estima ng IBON Foundation.

 

 

Tinatalakay sa ngayon ang planong pagtataas sa minimum na sweldo habang pinag-uusapan sa ngayon ang P100 na umento sa arawang sahod ng mga manggagawa sa pribadong sektor

Istasyon ng EDSA busway sa SM North nagkaroon ng ground breaking

Posted on: February 16th, 2024 by @peoplesbalita No Comments

MAGKAKAROON ng isang “state-of-the-art” na estasyon na tatawaging Edsa Busway sa SM North EDSA matapos ang ginawang seremonya para sa ground breaking ng nasabing proyekto.

 

 

 

Tinatayang matatapos ang Edsa busway sa darating na July 31, 2024 kung saan ito ay magkakaron ng concierge, ticketing booth, at turnstiles para sa automatic fare collection system.

 

 

 

Lalagyan rin ng ramps at elevators sa estasyon upang magamit ng mga persons with disabilities (PWDs), senior citizens, mga pamilya na may kasamang mga bata, at mga buntis.

 

 

 

Ang mga pasahero at pedestrians ay magkakaroon ng isang convenient, ligtas, at komportable paglalakad sa EDSA patungo sa kabilang dako ng highway.

 

 

 

“The Edsa Busway Bridge and Concourse aims to provide safe, accessible, convenient and PWD-friendly walkways for commuters and pedestrians approaching the EDSA Busway stations and crossing EDSA from one side to another,” wika ng Department of Transportation (DOTr).

 

 

 

Kahit na kasama ang pasilidad para sa implementasyon ng automated fare collection system ay hindi pa rin ito magagamit dahil ito ay pag-aaralan pang mabuti.

 

 

 

Sa kabilang dako naman sa transportasyon, inihayag ng Metropolitan Manila Development Authority (MMDA) na magkakaroon ng pansamantalang suspensyon ng operasyon ng Pasig River Ferry sa apat na istasyon.

 

 

 

Inihinto ang operasyon dahil sa panganib na maaaring mangyari dahil sa pagkakaroon ng “low water level” sa mga daungan. Ang mga sumusunod na istasyon ay pansamantalang wala munang operasyon: Lambingan, Sta. Ana, Maybunga, at PUP.

 

 

 

Habang ang ibang istasyon ay mayroon pa ring normal na operasyon ng Pasig River Ferry. LASACMAR

ETRAVEL REGISTRATION, LIBRE

Posted on: February 16th, 2024 by @peoplesbalita No Comments

BINIGYAN diin ni Bureau of immigration Commissioner (BI)  Commissioner Norman Tansingco na ang pagpaparehistro  ng eTravel ay libre at binabalaan nito ang publiko laban sa mga scammers.

 

 

“The eTravel registration process is absolutely free of charge.  We, therefore, advise the traveling public to register only in the government’s official website at https://etravel.gov.ph.,” ayon kay Tansingco.

 

 

Binalaan ni Tansingco ang publiko na mag-ingat sa mga mapanlokong mga websites na nanghihingi ng online payment  at maaaring i-report ito sa cybercrime investigation o sa coordinating center (CICC) via  sa kanilang website na https://cicc.gov.ph/report/.

 

 

Nag-isyu ng warning ang BI Chief kasunod ng mga ulat sa mga pasahero sa airport na nagsasabing nakarehistro na sila sa e Travel  at nakapagbayad na.

 

 

Tinatayang umabot sa P3,000 hanggang P5,000 ang sinisingil ng mga scammers  kung iko-convert ito na kadalasan ay tsina-charge ng US dollars.

 

 

Sa ulat ng mga opisyal ng BI sa Ninoy Aquino International Airport (NAIA) na maraming pasahero ang na nabibigla na sinasabihan na kinakailangan nilang magparehistro sa eTravel  dahil ang digital QR code na kanilang ipinapakita ay hindi ma-access ng kanilang system.

 

 

It is only when they encounter our officers at the airport that these passengers would realize they have been duped by these fraudsters and scammers in the internet,” ani Tansingco. GENE ADSUARA

Expansion ng PGH, itinulak ni Bong Go

Posted on: February 15th, 2024 by @peoplesbalita No Comments

ISINULONG ni Senator Christopher “Bong” Go, chair ng Senate committee on health and demography, ang legislative bill na naglalayong dagdagan ang bed capacity ng Philippine General Hospital (PGH).

 

 

Mula sa kasalukuyang 1,500 beds nais ni Go na gawing 2,200 bed capacity ang PGH bilang bahagi ng ang kanyang layunin na palakasin ang imprastraktura ng healthcare service sa bansa para sa mga kapus-palad na pasyente.

 

 

Inihain ni Go noong Miyerkules, Pebrero 7, ang Senate Bill No. 2539 bilang tugon sa lumalaking pangangailangan para sa mga serbisyong medikal. Titiyak din ito na mas maraming Pilipino ang magkakaroon ng access sa de-kalidad na healthcare services.

 

 

Binibigyang-diin din nito ang mahalagang papel ng PGH bilang pangunahing pasilidad ng pampublikong kalusugan sa bansa.

 

 

Ayon kay Go, ang PGH ay kinukunsidera bilang pinakamalaking government tertiary hospital sa bansa at nangunguna sa pagbibigay ng panganga­lagang medikal sa libu-libong Pilipino, lalo sa mga mahihirap, sa pagtaas ng populasyon at pagtaas ng saklaw ng iba’t ibang mga kondisyon ng kalusugan.

 

 

Anang senador, panahon na para matulungan ang ospital na makatugon sa lumalaking pangangailangan ng mga Pilipino.

 

 

Dahil dito, hinikayat ni Go ang mga kasama niya sa Senado at iba pang sektor na suportahan ang panukalang batas na ito.

Pag-ban sa POGO, aprub na sa House panel

Posted on: February 14th, 2024 by @peoplesbalita No Comments
DAHILAN sa pagkakasangkot sa samut-saring krimen tulad ng human trafficking, prostitusyon, forcible abduction, murder, investment scam, swindling at iba pa, pinagtibay na ng House Committee on Games and Amusement ang panukalang batas na nagbabawal sa Philippine Offshore Gaming Operators (POGO) na mag-operate sa Pilipinas.
Ang House Bill (HB) 5802 na dinidinig ng komite ay iniakda ni Manila 6th District Rep. Bienvenido Abante Jr. na noong una pa man ay tutol sa operasyon ng mga POGOs sa ilang commercial at urban areas sa bansa.
Ipinunto ni Abante na ang pagtaas ng kriminalidad na may kaugnayan sa operasyon ng mga POGO ang hudyat para ipagbawal na ang operasyon ng mga ito.
Ayon sa PNP, nasa 4,039 ang mga biktima ng mga krimeng may kinalaman sa POGO sa unang bahagi pa lamang ng 2023.
Sa panig ni PAGCOR Chief Al Tengco, sinabi nito na umaabot na sa 2,000 mga banyaga ang kanilang naipa-deport sa bansa dahilan sa pagkakasangkot sa krimen.
Ayon kay Tengco, may mga sapat silang hakbangin para mapigilan ang mga krimen na iniuugnay sa operasyon ng POGO.
Sa katunayan, ayon pa sa opisyal mula sa 300 noong 2019 ay nasa 75 na lamang ang mga POGO na nago-operate sa bansa.