LUNGSOD NG MALOLOS – Bilang bahagi ng patuloy na pangako ni Gob. Daniel R. Fernando sa kalusugan at kagalingan ng publiko, nagdaos ang Department of Health kasama ang Pamahalaang Panlalawigan ng Bulacan sa pamamagitan ng Provincial Health Office – Public Health ng Bulacan HPV Vaccination Launching sa The Pavilion, Hiyas ng Bulacan Convention Center sa lungsod na ito kamakailan.

Pinaniniwalaang mas epektibo ang bakuna sa murang edad, mamamahagi ng HPV vaccine ang PHO-PH katuwang ang mga lokal na pamahalaan at Barangay Health Workers sa mga mag-aaral ng pampublikong paaralan na may edad na 9-14 taon upang mabawasan ang 90% na panganib ng cervical cancers, 95% na panganib sa lahat ng mga kanser na may kaugnayan sa HPV sa mga kalalakihan, at 90% na panganib ng genital warts.

Ang hakbang na ito ay tugon sa nakababahalang dami ng mga kaso ng kanser na may kaugnayan sa HPV, na kasalukuyang pangalawa sa pinaka karaniwang sakit na kanser pakatapos ng breast cancer.

Sa kanyang mensahe na ipinaabot ng kanyang Chief of Staff na si Abgd. Nikki Manuel S. Coronel, sinabi ni Fernando na patuloy siyang mananalangin para sa tagumpay ng kasalukuyang pagbabakuna na magbubukas ng daan sa marami pang interbensyon sa kalusugan para sa kaligtasan ng mga Bulakenyo.

“Tayo po sa Pamahalaang Panlalawigan ng Bulacan ay laging nakahanda sa pagtugon sa mga hamon ng kalusugan mula noon hanggang sa ngayon. Patuloy po ang ating pagsisikap sa pagtataguyod ng maganda at masiglang pamayanan para sa bawat Bulakenyo na siyang nagpapatatag sa atin bilang isang lalawigan,” ani Fernando.

Kasalukuyan nang ginaganap ang pamamahagi ng bakuna ng HPV sa mga bata sa mga pampublikong paaralan sa buong lalawigan.

TUMAAS sa 14.2 percent ang bilang ng mga ­pamilyang Pinoy na dumanas ng gutom sa bansa, batay sa latest survey na naipalabas ng Social Weather station na ginawa noong March 2024.

Ang naturang porsyento ay mataas sa 10.7 percent annual hunger rate noong 2023 ng mga pamilyang gutom at walang makain.

Ayon sa SWS, sa 14.2% ay kabuuang 12.2% ng pamilyang Pilipino ang dumanas ng “moderate hunger” ng may ilang beses sa nagdaang tatlong buwan at 2 percent naman ang “severe hunger” o madalas ay dumaranas ng gutom.

Ang moderate at severe hunger nitong March 2024 ay mas mataas noong December 2023 na pumalo sa mode­rate hunger na 11.2% at severe hunger na 1.6 percent.

Ang hunger rate sa Metro Manila ang pinaka mataas sa 19%, kumpara sa 12.7% hunger rate sa NCR noong December 2023.

NABIGO ang grupong Manibela at Piston na maparelisado ang transportasyon noong nakaraang April 30 at May 1 dahil karamihan sa mga operators at drivers ng mga public utility vehicle (PUV) ay hindi sumama sa ginawang welga.

Matigas pa rin ang paninindigan ng Piston at Manibela na hindi sila susunod at makikilahok sa programa ng pamahalaan sa modernisasyon ng mga jeepneys.

Sa isang panayam kay Orlando Marquez, Sr., national president ng Liga ng Transportasyon at Operators sa Pilipinas (LTOP) na hindi naging matagumpay ang welga sapagkat karamihan sa sektor ng transportasyon ay hindi lumahok dahil natanggap na nila ang hindi maiiwasang pagpapatupad ng Public Utility Vehicle Modernization Program (PUVMP) ng pamahalaan.

“Only those who are benefitting from the old system are resisting consolidation. They make a lot of money from the butao-butao system (illegal terminals) and they realize that they can no longer get away with these illegal practices once operators consolidate,” wika ni Marquez.

Ang mga grupo na hind sumama sa welga ay ang Pasang Masda, Alliance of Transport Operators and Drivers Association of the Philippines (Altodap), Alliance of Concerned Transport Organization (ACTO), Federation of Jeepney Operators and Drivers Association of the Philippines (Fejodap), at Stop and Go.

Nilinaw ni Marquez na ang hanay ng grupo ng Piston at Manibela ay may 10 porsiento lamang sa kabuohang bilang ng sektor ng transportasyon sa bansa. Dagdag pa ni Marquez na kulang sila sa bilang ng miyembro upang maparalisadao ang buong sektor ng transportasyon sa pamamagitan ng ginawa nilang welga.

“When you come to think of it, how many members does Manibela have? It is an insignificant transport organization. However, its leadership seems to have political ambitions, thus, they are making a lot of noise,” saad ni Marquez.

Samantala, sinabi naman ng Philippine National Police (PNP) na wala silang nalikom na report na nagkaron ng hindi magandang pangyayari sa simula at hanggang matapos ang welga noong Martes. Naglabas ng 51,000 na pulis ang PNP sa buong bansa upang mapangalagaan ang mga lugar ng may welga. Subalit tangahali pa lamang ng Lunes ay natapos ang welga.

Naglabas din ng may mahigit na 1,780 na mobility assets tulad ng patrol vehicles na nagbigay ng libreng sakay sa mga pasahero at 2,642 na pulis para sa mobile patrol sa pakikipagtulungan ng Land Transportation Franchising and Regulatory Board (LTFRB) at Metropolitan Manila Development Authority (MMDA) habang mga lokal na pamahalaan ay naglabas din ng mga mini buses.

“So far, it was relatively peaceful although we received information about those harassing other drivers who did not join the strike. I would like to take this opportunity also to call on those who are rallying. You have the right to air your sentiments especially those pertaining to the franchise consolidation move but you should also respect the rights of those opted to make a living and continued rendering services to commuters,” saad ni PNP spokesperson Col Jean Fajardo.

Matigas pa rin ang pamahalaan sa binigay na deadline noong nakaraang April 1 at sinabing wala ng pagpapalawig ng nasabing deadline.  LASACMAR