Headlines Archive - People's Balita

PBBM, nais na nakatutok sa gov’t response sa mga flood-hit victims

Posted on: July 26th, 2024 by @peoplesbalita No Comments

IPINAG-UTOS ni Pangulong Ferdinand Marcos Jr. ang isang “very focused” na pagtugon ng pamahalaan at aid distribution sa mga apektado ng Super Typhoon Carina-malakas na Habagat.

Inihayag ng Pangulo ang nasabing direktiba sa isang situation briefing sa Palasyo ng Malakanyang, araw ng Huwebes, Hulyo 25 bago pa nagsagawa ng pag-inspeksyon sa mga apektadong lugar sa Metro Manila at Central Luzon.

“What we are trying to do here is, essentially, is to have a very good understanding of what the situation is on the ground so that you know when it comes to these things, whatever assets you have, whatever resources you have they are always not enough and that’s why it has to be focused,” ayon kay Pangulong Marcos.

“Kaya hindi pwedeng basta sasabihin ‘Lahat d’yan, marami d’yan, basta ipadala ko yan.’ We have to be very focused in the use of what we have. So that’s what why we need to determine where are the areas that is still in the rescue phase– na hanggang ngayon nagre-rescue pa tayo ng tao– where are the areas that are now in the relief phase,” aniya pa rin.

Sa kabila ng naturang kautusan, sinabi ng Chief Executive na ang rescue operations at aid distribution ay maaari pa ring magpatuloy nang sabay-sabay.

“Kung minsan sabay ‘yan. That doesn’t mean that it’s not mutually exclusive. You can be in rescue phase and relief phase at the same time. So that’s what we need to know so that all the agencies know where to send our people, where to send our trucks, where to send our relief goods, where to send financial assistance,” ayon sa Pangulo.

Sa kapareho pa ring briefing, iniulat naman ni Interior Secretary Benhur Abalos Jr. ang mga sumusunod na lokalidad na kinonsiderang “hard hit areas” ‘as of 6:00 a.m.’ ngayon. Ang mga ito ay ang: Abucay, Bataan,

Baliwag, Bulacan, Obando, Bulacan,

Plaridel, Bulacan, Pulilan, Bulacan, Sta. Maria, Bulacan, Cainta, Rizal, Taytay, Rizal, San Mateo, Rizal

Morong, Rizal, Rodriguez, Rizal

Angono, Rizal, Tingloy, Batangas,

Ang mga hard-hit local government units ay tinukoy base sa ‘little to no access to relief goods, widespread damages, high number of displacement, at lack of non-food items.’

Kanina namang alas-5:00 ng madaling araw, Hulyo 25, iniulat ni Abalos sa Pangulo ang kabuuang 36,319 pamilya o 149,006 indibiduwal na inilikas sa Regions I, II, III, IV-A, IV-B, Cordillera Administrative Region, at NCR.

Ani Abalos, karamihan sa mga inilikas na residente sa National Capital Region (NCR) na naitala ay mula sa Quezon City na may 22,000.

Nauna rito, inilagay ng Metro Manila Council ang National Capital Region (NCR) sa ilalim ng state of calamity bunsod ng malawakang pagbaha at malakas na pagbuhos ng ulan. (Daris Jose)

METRO MANILA COUNCIL IDINEKLARA ANG STATE OF CALAMITY SA NCR

Posted on: July 25th, 2024 by @peoplesbalita No Comments

KINUMPIRMA ni Pangulong Ferdinand Marcos Jr., na inirekomenda ni DILG Secretary Benhur Abalos ang pagdedeklara ng State of Calamity sa buong Metro Manila, NCR.

Ito ay dahil sa matinding epekto ng super bagyong Carina na pinalakas pa ng hanging Habagat.

Ginawa ni Secretary Abalos ang kanyang rekomendasyon sa pulong na pinangunahan ni Pangulong Ferdinand Marcos Jr., sa NDRRMC.

Ayon sa Pangulo, nakatakdang mag -convene ang Metro Manila Council upang pagtibayin ang pagdeklara ng state of calamity.

Dagdag pa ng Presidente, nauubos na rin ang reserved funds ng mga local government units kaya kailangan na nila ng tulong mula sa national government.

Bukod sa Metro Manila, magdedeklara din ng State of Calamity sa Calabarzon region.

Sa panayam kay Abalos, sinabi nitong malaking bahagi na ng Metro Manila ang lubog sa baha lalo na sa CAMANAVA area partikular ang Caloocan, Malabon at Navotas.

Ngayong naideklara ang state of calamity, magagamit ng mga LGU ang kanilang calamity fund. (Daris Jose)

Pangako ni PBBM sa mga public school teachers, ‘better benefits, allowances’

Posted on: July 24th, 2024 by @peoplesbalita No Comments

MAKATATANGGAP ang mga public school teachers ng karagdagang benepisyo na makapagpapagaan sa kanilang buhay habang ginagampanan ang kanilang tungkulin.

Inihayag ni Pangulong Ferdinand Marcos Jr. sa kanyang ikatlong State of the Nation Address (SONA), araw ng Lunes sa Batasang Pambansa sa Quezon City na kabilang sa mga benepisyo ay magmumula sa Kabalikat sa Pagtuturo Act, pinagtibay nito lamang nakaraang buwan ng Hunyo.

“Ito ay magbibigay sa mga guro sa pampublikong paaralan ng teaching allowance para pambili ng mga kagamitan sa pagtuturo at mga kaugnay na gastusin,” ayon sa Pangulo.

Itinaas ng batas ang tinatawag na “chalk allowance” sa P10,000 mula sa dating P5,000, ang may-akda ng batas ay si Senador Ramon “Bong” Revilla Jr.

“Matatanggap na nila ito simula sa susunod na taon,” ang sinabi ni Pangulong Marcos.

Makatatanggap din ang mga public school teachers ng personal accident insurance mula sa Government Service Insurance System (GSIS).

“Makakapaghatid na din ng dagdag ginhawa ang special allowance para sa mga karagdagang public school teachers na masasaklaw ito na makakaranas ng matinding hirap at panganib sa kanilang araw-araw na pagtatrabaho,” ayon sa Pangulo, tinukoy ang mga public school teachers sa mga lugar na tinukoy bilang “hardship posts”.

Nangako rin ang Pangulo ng ‘free teachers’ mula sa pagiging inconvenienced sa pamamamgitan ng mga hindi nabayarang utang.

“Hindi magiging hadlang ang kanilang mga utang upang makapag-renew ng kanilang lisensya. Marapat lamang na sila ay payagan pa ring makapagturo nang sila ay makapag-hanapbuhay at may kinikita,” ang sinabi ng Punong Ehekutibo.

Sinabi pa ni Pangulong Marcos Jr. sa kanyang SONA na ang karagdagang tauhan ay pagkakalooabn din ng ‘free teachers’ mula sa responsibilidad na labas na sa kanilang teaching profession.

“Clearly, the quality of our education rests on the quality of our future. Every classroom that we build will be an empty and lifeless structure without its moving force: the teacher,” ayon kay Pangulong Marcos.

“But our teachers are not just perfunctional figures in our schools, they are the very foundation of our educational system. As we build our schools, so do we must uplift our teachers,” lahad nito.

Sa kabilang dako, sinabi ni Pangulong Marcos na naglaan na ang gobyerno ng pondo para sa implementasyon ng ‘expanded career progression system’ para sa mga public school teachers.

Mabibigyan nito ng pagkakataon ang mga guro para lumago ang kanilang career sa oras na mamili na sila sa pagitan ng dalawang landas: ang pagtuturo at ang school administration track.

“Each of which shall have ample career growth activity. Sa sistemang ito wala nang public school teacher na magre-retire na Teacher 1 lamang,” ayon sa Pangulo.

Gayunman, hindi naman sinabi ni Pangulong Marcos kung magkano ang umento para sa mga public school teachers. (Daris Jose)

3 araw na gun ban ipatutupad sa SONA

Posted on: July 20th, 2024 by @peoplesbalita No Comments

TATLONG araw iiral ang gun ban sa Metro Manila kaugnay ng gaganaping State of the Nation Address (SONA) ni Pangulong Ferdinand Marcos Jr. sa Lunes, Hulyo 22,

Ayon kay PNP-Civil Security Group spokesperson Police Lt. Col. Eudisan Gultiano, suspendido ang Permit to Carry Firearms Outside of Residence (PTCFOR) simula alas-12:01 ng madaling araw ng Sabado (July 20) at tatagal hanggang alas-12 ng hatinggabi ng July 22.

Ang gun ban ay bahagi ng precautionary measure para matiyak ang seguridad sa SONA.

Una nang sinabi ng Philippine National Police na magpapakalat ng 22,000 pulis sa SONA.

Tiniyak din ng PNP ang pagpapairal ng maximum tolerance sa mga isasagawang kilos protesta sa araw ng SONA.

Paglilinaw ni Gultiano na epektibo lamang ang naturang gun ban sa National Capital Region (NCR) taliwas sa mga naunang anunsyo na nationwide ang pagpapatupad nito.

Dagdag pa ng opisyal, tanging ang mga naka-duty na uniformed personnel ang papayagang magdala ng baril sa mga nabanggit na araw. (Daris Jose)

Angara, opisyal nang uupo bilang Kalihim ng DepEd

Posted on: July 19th, 2024 by @peoplesbalita No Comments

OPISYAL nang uupo bilang Kalihim ng Department of Education (DepEd) si Senador Sonny Angara.

Sa isang simbolikong paghahayag sa isinagawang turnover ceremony sa DepEd Complex sa Pasig City, iniabot ni Duterte kay Angara ang ‘seal at flag’ ng departamento.

“Napakalaking karangalan po ang ipinagkaloob sa atin ni Pangulong Bong Bong Marcos upang maglingkod bilang Kalihim ng Kagawaran ng Edukasyon,” ayon kay Angara.

“Buong pagpapakumbaba kong tinatanggap ang katungkulan na ito, bilang tugon sa tiwala at hamon ng ating Pangulo na higit na pag-ibayuhin ang mga programa na magsusulong sa mataas na kalidad ng karungan para sa ating mga mag-aaral,” dagdag na wika ni Angara.

Sa kabilang dako, pinuri rin ni Angara si Duterte sabay sabing “Sa loob ng dalawang taon, kayo ang naging sandigan ng ating mga mag-aaral at ng mga guro sa panahon ng mga suliranin.”

“We will build from what you have already started,” ang sinabi nito kay Duterte.

Noong nakaraang buwan ng Hunyo, n agbitiw sa puwesto bilang kalihim ng Department of Education (DepEd) si Vice President Sara Duterte.

Sinabi ni Presidential Communications Office (PCO) Secretary Cheloy Garafil na personal na nagtungo kahapon ang Bise Presidente sa Malakanyang bandang alas-2 ng hap on ng Hulyo 19 para ibigay ang kanyang resignation letter.

Ayon kay Garafil, bukod sa pagiging miyembro ng Gabinete, nagbitiw din si VP Duterte bilang vice chairman ng National Task Force-to End Local Comnunist Armed Conflict (NTF-eELCAC).

Hindi umano nagbigay ng dahilan si Duterte kung bakit siya umalis sa kaniyang mga posisyon.

She will continue to serve as Vice President. We thank her for her service,” ani Garafil sa inilabas na pahayag.

Si Duterte at runningmate ni Marcos sa nagdaang Eleksyon 2022 sa ilalim ng koalisyon ng UniTeam.

Kamakailan lang, inihayag ni First Lady Louise ”Liza” Araneta-Marcos, na “bad shot” sa kaniya si Duterte dahil sa pagtawa umano nito nang pasaringan ng kaniyang ama na si dating Pangulong President Rodrigo Duterte, na “bangag” ang kaniyang mister na si Marcos.

Nangyari ang insidente sa isang pagtitipon kontra sa Charter Change noong Enero sa Davao City.

Sa kabila nito, sinabi ni Marcos na walang problema sa kanila ni VP Duterte, at wala siyang nakikitang dahilan para magpalit ng kalihim ng DepEd. (Daris Jose)

Senator Gatchalian may death threat

Posted on: July 18th, 2024 by @peoplesbalita No Comments

NAKATANGGAP umano ng banta sa kanyang buhay si Sen. Sherwin Gatchalian na may kinalaman sa aktibo niyang partisipasyon sa pagdinig ng Senado sa Philippine Offshore Gaming Operators (POGO) na konektado kay Bamban City Mayor Alice Guo at pamilya nito.

Pormal na sumulat si Gatchalian kay Major Paul Benjamin Mandane, Sub-Station Commander ng Pasay City Police Station upang i-report ang banta sa kanyang buhay at upang hilingin na imbestigahan ang nasabing death threat.

“I was informed by my staff of a video circulating online containing explicit threats directed at my personal safety and well-being,” sabi ni Gatchalian sa kanyang liham.

Inilakip ni Gatchalian sa sulat ang transcript ng nasabing video na inupload sa You Tube channel ng Pinas Insider na may pamagat na “Hala! Alice Guo nagbayad ng 10 million para iligpit si Sen. Risa at Win Gatchalian?”.

“I have attached a transcript of the aforementioned video for your reference. The creation and online dissemination of this video has caused me substantial concern for my security, as well as the safety of those around me, particularly my family and staff,” ani Gatchalian sa kanyang sulat.

Sa transcript ng video, sinasabing nagbayad umano si Guo ng tig-P5 milyon para sa “ulo” nina Gatchalian at Sen. Risa Hontiveros.

Hindi pa kinukumpirma ng tanggapan ni Hontiveros kung may death threat na natatanggap ang senadora. (Daris Jose)

Pagcor, kinumpirma na si Harry Roque ang legal head ng na-raid na POGO sa Porac Pampanga

Posted on: July 11th, 2024 by @peoplesbalita No Comments

PINANGALANAN na ni Pagcor Chairman Alejandro Tengco ang dating cabinet official na umano’y nag-ayos para mabigyan ng lisensya ang iligal na Philippine Offshore Gaming Operators (POGO) na sinalakay ng mga awtoridad at sangkot sa mga krimen.

Sa pagdinig ng Senate Committee on Women and Children, binanggit ni Tengco ang pangalan ni dating Presidential Spokesperson Harry Roque na nag-lobby para sa POGO hub na Lucky South 99 sa Porac, Pampanga na ni-raid ng mga awtoridad.

Isinalaysay ni Tengco na noong ikatlong linggo ng Hulyo taong 2023 nakatanggap ang Pagcor ng tawag mula kay roque kung saan humingi ito ng appointment sa kanya.

Nagtungo aniya sa kanyang opisina si Roque noong Hulyo 26 ng parehong taon kasama si Katherine Cassandra Ong, na authorize representative ng Lucky South 99.

Ayon kay Tengco, kasama niyang nakipag-usap kina Atty Roque si Atty. Jessa Fernandez and namumuno ng Gaming and Licensing Division ng Pagcor.

Nakiusap aniya si Roque na tulungan si Ong dahil mayroon silang arrears o utang ang kanilang kompanya na 500,000 US Dolar dahil niloko daw sila ni Dennis Cunanan kung saan hindi ibinayad sa Pagcor para sana sa gaming fees at ibang additional fees.

Si Cunanan aniya ang nag-facilitate ng mga dokumento ng licensees na Lucky South 99 at si Cunanan din aniya ang opisyal na kinatawan ng naturang POGO hub na nakarehistro sa Pagcor kaya ganon na lamang ang tiwala nito kay Cunanan.

Samantala, sinabi pa ni fernandez, na kasama ni tengco sa pagpupulong, anim na beses siyang nakipag-ugnayan kay Roque para sundan ang application ng lisensya ng lucky south 99. Ngunit parehong nilinaw nina Tengco at Fernandez na hindi sila pinilit ni Roque na ibigay ang lisensya sa nasabing POGO firm.

Ayon kay Tengco, pinangalanan si Roque bilang head ng legal department ng Lucky South 99 batay sa organizational chart ng POGO firm na isinumite para sa kanilang muling pag-apply ng lisensya.

Sinabi ni Fernandez na tinanggihan ang application ng lisensya ng lucky south 99 dahil nakakita sila ng mga dahilan upang hindi sila pagbigyan.

Noong Hunyo, ibinunyag ni Tengco, ngunit hindi nito pinangalanan, na may isang dating cabinet official ang nag-lobby para sa pagbibigay ng lisensya sa ilang ilegal na POGO. (Daris Jose)

P10-M alok para sa pag-aresto kay Quiboloy

Posted on: July 10th, 2024 by @peoplesbalita No Comments

INANUNSIYO ni Department of Interior and Local Government (DILG) Secretary Benhur Abalos na mayroong pabuyang P10 milyon sa sinumang makakapagturo para tuluyang maaresto si Kingdom of Jesus Christ (KOJC) leader Apollo Quiboloy.

Dagdag pa ng kalihim na mayroon ding tig P1-milyon na pabuya sa tatlong kasamahan ni Quiboloy sa kaso na sina Cresente Canada, Paulene Canada, Ingrid Canada, Jackielyn Roy at Sylvia Cemañes.

Ang nasabing mga indibidwal ay nahaharap sa kasong child abuse, exploitation at qualified trafficking without bail.

Giit ni Abalos na dapat harapin na lamang ni Quiboloy ang kaniyang kaso at huwag na itong magtago sa kamay ng batas. (Daris Jose)

Birth cert ni Alice Guo pinapakansela ng OSG

Posted on: July 8th, 2024 by @peoplesbalita No Comments

PINAPAKANSELA ng Office of the Solicitor General (OSG) ang birth certificate ng suspendidong si Bamban, Tarlac Mayor Alice Guo, batay sa inihaing petisyon sa Tarlac Regional Trial Court kahapon.

Magkatuwang ang OSG at ang Philippine Statistictics Authority (PSA) sa pagsasampa ng petisyon.

Sinabi ni Solicitor General Menardo Guevarra na ang paghahain ng cancellation of the birth certificate ay maglalatag ng batayan para sa kasunod na paghahain ng petisyon para sa quo warranto para mapatalsik si Guo bilang alkalde ng Bamban, at masampahan pa ng karagdagang kaso.

Kabilang sa argumento sa petisyon ang umano’y kabiguan ni Guo na sumunod sa mga legal na kinakailangan para sa late registration of birth, ani Guevarra.

Nauna nang sinabi ng PSA na nakakita sila ng mga iregularidad sa birth certificate ni Guo, habang ang National Bureau of Investigation (NBI) naman ang nagkumpirma na tumugma ang fingerprints ng alkalde sa babaeng Chinese na si Guo Hua Ping. (Daris Jose)

Pinas sa China: P60 milyong sinira sa Ayungin incident bayaran n’yo

Posted on: July 6th, 2024 by @peoplesbalita No Comments

SINABIHAN ng Tsina ang Pilipinas na “face the consequences of its own actions” matapos humirit ang Armed Forces of the Philippines (AFP) na pagbayarin ng P60 milyon ang Chinese government para sa danyos na dinulot ng China Coast Guard (CCG) sa barko ng Pilipinas noong Hunyo 17.

Para kay Mao Ning, spokesperson para sa China’s Foreign Ministry na ang aksyon ng Tsina laban sa Pilipinas ay makatuwiran dahil ipinagtatanggol lamang nito ang sinasabing kanilang soberanya sa katubigan.

“The Philippine vessels were carrying out an illegal resupply mission which violated China’s territorial waters and staging a provocation when stopped by China Coast Guard, who acted lawfully and rightfully to defend China’s sovereignty,” ayon kay Mao.

Sa ulat, noong Hunyo 17 ay nagkaroon ng banggaan ang Philippine Navy at CCG matapos harangin ng huli ang resupply mission ng puwersa ng pamahalaan sa BRP Sierra Madre sa Ayungin Shoal.

Sinira ng CCG ang dalawang motorboats gayundin ang mga personal na gamit ng ilang Navy officers bukod pa sa pagkuha ng baril ng mga ito.

Pinapasoli rin ng AFP ang pitong baril na kinumpiska ng CCG.

Ayon kay Brawner, dapat lang pagbayarin ang China sa danyos at abala na kanilang ginawa sa mga Navy officers.

Subalit, muling sinabi ni Mao na ang Philippine troops na nagsasagawa ng resupply mission sa grounded BRP Sierra Madre sa Ayungin shoal ang nagpilit na pumasok sa katubigan ng Tsina, ang claim nito na matagal nang pinawawalang-bisa ng international law at 2016 Arbitral Award.

“China Coast Guard responded with law enforcement measures that are fully legitimate, justified and lawful,” ayon kay Mao.

“We urge the Philippines to stop the infringement activities and provocations, and return to the right track of properly handling differences through dialogue and consultation,” diing pahayag nito. (Daris Jose)

Archive for the ‘Headlines’ Category