• February 28, 2024
  • Ang Diyaryong Pinagkakatiwalaan

Archive for the ‘Showbiz’ Category

Umabot sa P15 million ang natangay ng scammer: SOFIA, isa sa 100 Pinoy Swifties na nabudol sa “The Eras Tour”

Posted on: February 28th, 2024 by @peoplesbalita No Comments

HIGIT na 100 Pinoy Swifties ang nabudol sa pagbili ng tickets para sa “The Eras Tour” concert ni Taylor Swift na gagawin sa Singapore.

 

 

Umabot sa P15 million ang natangay ng scammer sa mga Pinoy fans ni Taylor Swift. Kabilang na rito ay ang Sparkle Teen star na si Sofia Pablo.

 

 

“I’m one of the 100 victims,” pag-amin ng teen actress.

 

 

Ayon kay Sofia, pinakitaan pa siya ng scammer ng pekeng email screenshot ng Ticketmaster na nag-void sa account ng seller dahil may nag-report umano ng pagre-resell niya ng tickets.

 

 

Nagpadala din ang suspek ng kanyang selfie at ID, at nakipag-meet-up sa ibang nabiktima para magpapirma ng kontrata sa bentahan. Nakasaad pa raw sa kontrata na puwede siyang kasuhan ng buyer kapag wala siyang naibigay na tickets.

 

 

Pero nang dumating ang araw na dapat na niyang maibigay ang mga ticket, walang naibigay ang suspek. Idinahilan umano ng suspek na nagkaroon ng problema sa pagkukunan niya ang tickets.

 

 

Kabilang din si Sofia sa humihingi ng tulong sa National Bureau of Investigation para sampahan ng kaso ang suspek.

 

 

Nakatakdang gawin ang The Eras Tour sa Singapore mula March 2 hanggang 4, at March 7 hanggang 9, at makakasama rin si Sabrina Carpenter bilang special guest.

 

 

***

 

MAGANDA ang naging chemistry nila Glenda Garcia at Jo Berry kaya parati raw silang take one sa mga eksena nila sa upcoming GMA Afternoon Prime series na ‘Lilet Matias: Attorney-At-Law’.

 

 

Gumaganap si Glenda bilang adoptive mother ni Lilet na si Ces Matias. Habang nagte-taping sila ay ang turingan nilang dalawa ay parang tunay na mag-ina.

 

 

At kahanga-hanga raw si Jo dahil wala raw itong ere. Kahit na ilang beses itong nagbida na, nanatiling down-to-earth ito at walang attitude problem.

 

 

“Napakabait at magaling na artista si Jo. Walang ere kaya napakaganda ng chemistry naming dalawa. Sa mga eksena namin ‘pag nagtatama palang ang mata namin mararamdaman mo na ang gusto naming pakita at paramdam namin sa televiewers. Kaya lagi kaming take 1,” sey ni Glenda.

 

 

Isa si Glenda sa hinahangan din ng maraming baguhan dahil sa pagiging professional nito at sa ilang taong experience nito bilang isang mahusay na artista na kaya gawin ang anumang role.

 

 

“Sobrang grateful ako at binigay sa akin ang role dito sa Lilet Matias. Ma-drama ang mga eksena namin ni Jo, pero may mga light moments din kami. Isa ito sa pinakamagandang serye na nagawa ko kaya sobra akong excited dito. Sana nga mapansin at magustuhan ng mga televiewers ang pagganap ko dito dahil binigay ko talaga ang best ko sa serye na ito.”

 

 

***

 

 

NAKATUTUWA namang mapanood si Princess Punzalan sa sikat na US TV series na ‘The Cleaning Lady’.

 

 

Kahit na re-run na ang season two episode na pinalabas dito, maganda’t nalaman natin na aktibo pa rin si Princess sa pag-arte sa Amerika.

 

 

Ginampanan ni Princess ang role bilang si Alma de la Rosa or “Lola” sa naturang series na na-renew for a third season ngayong 2024.

 

 

Nagsimulang umere ang ‘The Cleaning Lady’ sa FOX network noong 2022 hanggang 2023. Bida rito ay ang French actress na si Elodie Yung at kasama rin sa cast ang tatlo pang Fil-American actors: Martha Millan, Ruby Ibarra and Alberto Isaac.

 

 

Nagtatrabaho bilang hospice nurse sa Amerika si Princess nang may mang-enganyo sa kanyang mag-audition para mga TV shows at pelikula.

 

 

Una siyang lumabas sa independent film na ‘Yellow Rose’ with Eva Noblezada and Lea Salonga noong 2019.

 

 

“I started trying to research about how you become an actor in America. I watched YouTube videos and found this lady, Wendy Elaine Wright. She was a singer, an agent, and then a manager. She teaches how to become an actor so I went back to getting training. It took a long time.

 

 

“The COVID lockdown was a blessing for me. That was a time when I started to really learn more about the business, and how to be at par with the kind of quality that they’re looking for here in America,” say ni Princess sa isang interview with Forbes magazine.

 

 

 

(RUEL J. MENDOZA)

Nangakong hindi na ito mauulit… Sen. ROBIN, nag-sorry na sa Senado sa pagpapa-IV drip ni MARIEL

Posted on: February 28th, 2024 by @peoplesbalita No Comments

PINUTAKTI at kaliwa’t kanan ang natanggap na batikos nang ginawang pagpa-IV drip ng asawa ni Sen. Robin Padilla na si dating host at aktres Mariel Padilla.

 

 

Paliwanag pa agad ni Mariel na hindi raw naman niya sinadya ang naturang pangyayari.

 

 

Nataon lang daw kasi na doon siya inabot sa opis ng kanyang asawang senador at may mahalaga siyang pupuntahan kung kaya late na raw siya sa naturang appointment. “Drip anywhere is our motto! Hehehe I had an appointment… but was going to be late so I had it done in my husband’s office, hehehe!” Bahagi pa ng post ni Mariel. Wala na rin naman ang naturang post at larawan, binura na ito ng aktres sa kanyang Instagram account. Dagdag paliwanag pa rin ni Mariel na hindi raw siya naman nagmimintis sa pagpapa-drip (ng Vitamin C at hindi raw Glutatione) dahil sa nakikita niyang magandang benepisyo nito sa kanyang katawan. Agad namang humingi ng paumanhin si Sen. Robin matapos itong mag-viral. “Nakakatawa naman po ang isyu na yan, my goodness. Kung may nakita po silang masama sa larawan na yan, paumanhin po,” pahayag pa ni Robin. Dagdag pa rin ng senador na wala raw namang intentions of disrespect ang viral picture na yun ng asawa niya. “No intention of disrespect. My life loves to promote good looks and good health,” sey pa ng senador.

 

Nag-apologize din si Senator Robin Padilla kina Senate President Juan Miguel Zubiri at Senator Nancy Binay, na chairman of the Senate Committee on Ethics and Privileges.
At noong Lunes, Pebrero 26, sumulat din si Sen. Robin sa opisyal ng Senado na sina Senate’s Medical and Dental Bureau chief Dr. Renato DG Sison and Senate Sergeant-at-Arms retired Lt. Gen. Roberto Ancan.

 

Sa naturang liham ay nagpaliwanag at nag-sorry ang aktor/politiko hinggil sa kontrobersyal na drip session ng asawa sa kanyang opisina.

 

 

“Ang liham pong ito ay upang ipaabot ang aking paghingi ng paumanhin sa pangyayari noong ika-19 ng Pebrero, 2024 patungkol sa pagsasagawa ng Vitamin C Intravenus Drip ng aking maybahay sa loob ng aking tanggapan dito sa Senado,” pahayag ni Sen. Robin

 

 

“Kailanman po ay hindi ko naisip na ipagwalang-bahala ang mga umiiral na alituntunin ukol sa seguridad ng Senado, lalo’t higit ang hindi pagbibigay-galang sa ating institusyon.”

 

 

Sa kanyang liham kay Dr. Sison ay sinabi naman ni Sen. Robin na wala raw intensyon ang asawa na labagin ang umiiral na patakaran sa Senado.

 

 

“Nais ko pong bigyan ng diin na wala pong intensyon ang aking maybahay na ipagwalang-bahala ang mga umiiral na patakaran ng Medical Bureau,” pahayag pa niya.

 

 

Nangako rin ang esposo ni Mariel na hindi na raw ito mauulit.

 

(JIMI C. ESCALA)

Masaya na nag-uusap na sila ng anak: DENNIS, gustong maihatid sa altar o ma-witness kapag ikakasal na si JULIA

Posted on: February 28th, 2024 by @peoplesbalita No Comments

KINUMPIRMA mismo ni Dennis Padilla na nag-uusap na sila ng kanyang anak na si Julia Barretto.

 

 

Sa grand presscon ng romantic-comedy film na ‘When Magic Hurts’ starring Beaver Magtalas and Mutya Orquia last Saturday, sinabi ng aktor na nag-reach out si Julia noong birthday niya last Feb. 9, sa pamamagitan ng short text message.

 

 

“Nung birthday ko, kaya naman natutuwa ako and actually, naluha ako nang mabasa ko ang birthday message niya, dahil masarap sa pakiramdam.

 

 

“And sana magkita kami soon,” pahayag ni Dennis.

 

 

Hirit pa niya, “palagay ko dito magsisimula ang ‘magic’.”

 

 

Dagdag pa ni Dennis tungkol dito, “Tinatanong ko rin sa sarili ko kung dapat ba na sabihin ko sa mga press na nag-text siya.

 

 

“Sabi ko, hindi ko alam kung tama, pero ‘yun ang nararamdaman ko na okay naman na malaman ng tao na nag-text na siya sa akin, proud lang ako.”

 

 

Hoping si Dennis na magtutuloy-tuloy na ang communication nila ng anak at ng mga kapatid nito na sina Claudia at Leon.

 

 

“Oo sana, sumunod na sila. I’m sure naman, nalaman ng mga bata, nina Claudia, Leon, na Ate (Julia) texted papa.

 

 

“Si Leon nami-miss ko na talaga. Siya rin ang huli kong nakausap na… at saka, lalaki `yon, kaya talagang nami-miss ko siya,” sabi pa ni Dennis na gaganap bilang isang gay na may-ari ng malaking flower farm sa ‘When Magic Hurts’, na magiging nanay-nanayan ni Mutya.

 

 

Nabanggit din niya sa interview na happy siya for Gerald Anderson and Julia na sana raw ay siya ang maghatid sa altar sa anak sakaling magpakasal na ang dalawa.

 

 

“Yung ihahatid mo ang sa daugther mo sa altar, isang beses lang mangyayari sa buhay mo ‘yun, kaya gusto kong mangyari ‘yun.

 

 

“Pero kung hindi man mangyayari, gusto ko pa rin ma-witness ‘yung wedding na `yon, kahit na hindi ako ang maghahatid.”

 

 

Paano kung hindi ka inimbita nina Julia at Gerald?

 

 

“Siguro magsusuot ako ng wig, tsaka facemask, at dark shades,” natatawang sagot pa ng aktor.

 

 

“Pero sana naman ma-invite ako. Para mas masaya ‘yun. At saka, sa palagay ko `yun ang tama yata, eh…,” sabi na lang ni Dennis.

 

 

***

 

 

TUNGKOL pa rin kay Dennis Padilla, magkakasama uli sila ni Claudine Barretto na gaganap namang mother ni Mutya Orquia sa ‘When Magic Hurts’ na mula sa panulat at direksyon ni Gabby Ramos.

 

 

Naikuwento ni Dennis ang experience niya working with Claudine.

 

 

Nagkasama na sila sitcom ni Aga Muhlach at sa ‘Home Along Da Riles.

 

 

“Sa pelikula, first time pa lang namin magkasama. Kasa very touching and madrama ang moments namin kasi totoong buhay, dati ko siyang kapatid.

 

 

“Tapos dito sa movie, lalabas na parang ako ang magpapatuloy na mag-aalaga sa character ni Mutya, kasi something will happened to the character of Claudine.

 

 

“May eksena kami ni Claudine, na talagang maluluha kayo. Tapos feel na feel ko ang role, kasi tungkol sa daughter. Alam n’yo naman ang drama ng buhay ko.

 

 

“So, noong ginagawa ko yun pelikula, isa sa pinakamadali kong gawin ay ‘yun maluha.”

 

 

Dagdag pa ni Dennis, “halos three days kaming magkasama, at magkatabi lang ang rooms namin.

 

 

“Tapos yun weather pa, ang mga eksena namin na very touching, kaya masaya na maluluha kayo, kaya panoorin n’yo.”

 

 

Inamin nga ni Dennis na madali siyang naka-relate sa pagganap niya bilang Nanay Anton kay Olivia (Mutya).

 

 

“Madali dahil ang dami kong anak, pito sila. Sa first chapter ng buhay ko, dalawa anak ko, sa second chapter, tatlo anak ko, at sa third chapter, dalawa rin anak ko.

 

 

“Pero siyempre ang pinakasikat kong daughter at si Julia, kaya madali akong maka-relate sa role ni Mutya.

 

 

“Very touching ang eksena naming tatlo ni Claudine. Especially noong nagdadalaga si Mutya, ako ang nagpapaliwanag sa kanya.

 

 

“Parang sa totoong buhay, yung mga magulang, gina-guide ang mga anak natin. Lalo sa tatay na mas protective sa mga anak na babae.”

 

 

Ang masakit lang tanggapin at hindi ito nagagawa ni Dennis sa iba niyang anak.

 

 

“Hindi eh, that’s why kapag nagsasalita ako, lagi akong nagsasabi na, ‘I’m just a text or call away’. Kahit na anong anong problema, pwede mo akong tawagan o kausapin.

 

 

“And ako, willing akong mag-advice, willing akong mag-protekta, basta alam ko lang kung kailan.”

 

(ROHN ROMULO)

Tulad ng pagsasama nina Anne at Erwann: JASMINE, going strong ang relasyon sa boyfriend na si JEFF

Posted on: February 27th, 2024 by @peoplesbalita No Comments

NANG nakausap namin si Jasmine Curtis-Smith kamakailan, sinabi namin sa kanya na mukhang sila ng ate niya ang sisira sa “sumpa” ng hiwalayan dahil tulad nina Jasmine at boyfriend niyang si Jeff Ortega ay going strong rin ang pagsasama ng mag-asawang Anne Curtis at Erwann Heussaff.

 

 

“Yes, amen, stop the cycle,” ang tumatawang pagsang-ayon sa amin ni Jasmine.

 

 

Sa tanong naman namin kay Jasmine kung kanino siya mas nalungkot, sa breakup ng KathNiel (Kathryn Bernardo at Daniel Padilla) o BeaDom (Bea Alonzo at Dominic Roque)…

 

 

“Oh my God! Wala ako diyan! Pass,” at muling tumawa si Jasmine.

 

 

Tulad ng ibang couples, normal lamang na nagkakaroon sila ni Jeff ng hindi pagkakaunawaan; paano nila iyon inaayos?

 

 

“Siyempre minsan diretso ng tanung-tanong, confront-confront,” lahad ni Jasmine, “pero may mga times that if that doesn’t work, so ako yung nagko-confront, siya yung tahimik, ‘Sige, sige.’

 

 

“Hahayaan niya akong maglabas, kumuda nang kumuda, then hanggang mag-chill na ako, chill na kami pareho, minsan pag-uusapan pa, minsan hindi na kailangan.

 

 

“Kasi parang pareho ng, ‘Gets mo na kung saan ka mali.’ ‘Gets mo na kung saan ka petty.’

 

 

“Mature enough na tayo to own up. Di ba?”

 

 

Samantala, bukod sa masayang lovelife, umaariba rin ang showbiz career ni Jasmine both sa TV at movies.

 

 

Top-rater ang ‘Asawa Ng Asawa Ko’ na pinagbibidahang serye ni Jasmine sa GMA with Rayver Cruz, Martin del Rosario, Liezel Lopez at Joem Bascon, at sa darating na March 6 ay ipapalabas naman sa mga sinehan ang ‘A Glimpse of Forever’ nina Jasmine, Diego Loyzaga at Jerome Ponce, sa direksyon ni Jason Paul Laxamana, under Viva Films.

 

 

***

 

 

SPEAKING of hiwalayan, hindi rin alitana ni JC de Vera kung tila trend ngayon ang breakup at split up ng mga magkasintahan at mag-asawa.

 

 

Basta sila raw ng misis niyang si Rikkah Cruz, very strong, very happy!

 

 

“My life right now is very balanced. Kapag walang trabaho, sa bahay lang with my family. Life is simple. Not so much happenings,” lahad ni JC.

 

 

“Nandun lang ako sa bahay, kasama yung pamilya ko, and then nag-spend time together with them.”

 

 

Kung tutuusin, malaking factor na hindi artista ang misis ni JC kaya less intriga at tsismis.

 

 

“Very confident ako, and I know nasa magandang position ako ngayon, in terms of yun nga, yung relationship with my family. Yeah! I’m very much okay.

 

 

Nakangiting dagdag pa ni JC, “I have the best wife ever. Very, very supportive and wala, best partner for life. Kasi iniintindi niya talaga lahat, and patuloy lang na inaalagaan yung family namin.”

 

 

Si JC, parang si Jasmine Curtis Smith rin, okay ang personal life, ratsada rin ang showbiz career. Incidentally, magkatapat ang mga pelikula nila sa mga sinehan sa March 6.

 

 

Showing rin ang pelikula ni JC na ‘Apo Hapon: A Love Story’ na isa na namang obra ng direktor na si Joel Lamangan.

 

 

Leading lady ni JC ang Japanese model-turned-actress na si Sakura Akiyoshi sa pelikula kung saan cast mebers rin sina Fumiya Sankai ng PBB at Nella Dizon na beauty queen na anak ni Allen Dizon.

 

 

Nasa pelikula rin ang Kapuso actress na si Lianne Valentin at Kapuso actor na si Prince Clemente at sina Rico Barrera, Jim Pembanco at Marcus Madrigal

 

 

Produced ito ng GK Productions at line produced ni Dennis Evangelista.

 

(ROMMEL L. GONZALES)

Kahit nag-‘yes’ ay hahayaan pa rin na rumampang mag-isa: BEAVER, kinikiligan ang super effort na promposal kay MUTYA

Posted on: February 27th, 2024 by @peoplesbalita No Comments

PINAGHANDAAN talaga ni Beaver Magtalas ang kanyang second ‘promposal’ kay Mutya Orquia, na leading lady niya sa pelikulang “When Magic Hurts” na malapit nang ipalabas sa mga sinehan.

 

 

Nakita naming nakalagay sa program na may ‘special announcement’ na magaganap at pagkatapos ng mediacon ng movie, may mangyayari nga.

 

 

Nag-duet muna sina Beaver at Mutya ng ‘Got To Believe In Magic’, na kumpirmadong gagamitin bilang movie theme song.

 

 

Kasunod nito ang paandar ni Beaver, na kung saan nagmistulang Cinderella si Mutya at Prince Charming naman siya, dala-dala ang kumikislap na sapatos, para isuot kay Mutya.

 

 

Kasunod nga ang paghingi ng permiso kung puwede siyang maging ka-date sa upcoming Star Magical Prom.

 

 

Nagtampo pala si Mutya kay Beaver, dahil nagsabi na ito sa binata na gusto niyang rumampang mag-isa sa Star Magical Prom.

 

 

Kaya laging gulat niya nagplano pa rin si Beaver ng promposal na tinaon talaga niya sa presscon ng movie nila.

 

 

Nag-‘yes’ naman si Mutya, matapos na isukat ang bonggang shoes na dala ng kanyang ‘pre’ na gustung-gusto talaga siyang maka-date.

 

 

“I came here to asked the same question for the second time, Miss Mutya Orquia will you go at the Star Magic Ball with me?,” sambit ni Beaver.

 

 

Sabay pagpapalipad ng mga butterfly at pagtugtog ng ‘Paru-paro’ nanaq@g mag-yes si Mutya at paliwanag niya, “sa totoo lang, hindi ko alam,” sabay iyak niya.

 

 

“Sabi ko, malapit na akong magtampo, alam kasi niya, na ayaw ko eh (ng may ka-date). Pero in-explain niya, hindi ko naman siya matiis.

 

 

“Beaver is a good friend of mine. Pero ayon, sige, game! Thank you.”

 

 

Sagot naman ng baguhang aktor, “if i’ll make a request during the prom, I would also like to, if puwede po sana, if you would allowed to walk by yourself on a red carpet.

 

 

“But I will be there sa likod mo, of course. That would be my number one request and wish right now.”

 

 

Kaya naman napayakap si Mutya sa sobrang tuwa, dahil matutupad pa rin ang gusto niyang maglakad ng solo.

 

 

Dinenay naman ni Beaver na nililigawan na niya si Mutya, baka naman hihintayin pa niyang mag-18 ito sa May 3, saka niya ito gawin.

 

 

Kinilig naman si Mutya kahit paano sa super effort ni Beaver, pero kung ang proposal ay maging girlfriend, automatic daw na big ‘no’ ang isasagot niya.

 

 

Paliwanag niya, “may mga gusto pa akong gawin. Ayoko pa munang ma-distract at ayoko rin na hindi ko mabibigay ang time ko sa magiging boyfriend ko.

 

 

“For me kasi pag magbo-boyfriend ka o in a relationship ka, dapat ready ka na.”

 

 

Pareho pala sila ni Beaver na hindi pa sila nagkakaroon ng relasyon, and if ever, first time nila pareho ito.

 

 

Samantala, bukod sa lead stars na sina Beaver at Mutya, makakasama rin sa ‘When Magic Hurts’ sina Claudine Barretto, Soliman Cruz, Dennis Padilla, Angelica Jones, Julian Roxas, Aileen Papin, Cassie Kim, Maxine Trinidad at marami pang iba.

 

 

Produced ito ng Rems Films Productions, mula sa panulat at direksyon ni Gabby Ramos.

 

(ROHN ROMULO)

Asawang si Vickie papayagan pa ring sumali sa ‘MUP’: JASON, inalala ang kabaitan sa kanya ni BOY noong nagsisimula pa lang sa showbiz

Posted on: February 24th, 2024 by @peoplesbalita No Comments

ISANG kilalang aktor at ngayon ay Board Member ng 2nd District ng Nuvea Ecija, nagsimula ang showbiz career ni Jason Abalos noon maging contestant ito sa ‘Star Circle National Teen Quest’ na talent search competition ng ABS-CBN noong 2004.

 

Fast forward to February 21, 2024, naging guest si Jason at Jo Berry sa ‘Fast Talk With Boy Abunda’ in line sa upcoming GMA serye nila na ‘Lilet Matias: Attorney-At-Law’.

 

At sa kanyang guesting, ipinaalala ni Jason ang kabutihan sa kanya ni Boy Abunda.

 

Isa si Kuya Boy sa mga judge ng Star Circle noong kasali si Jason.

 

“Ikukuwento ko lang po,” lahad ni Jason, “kailangang malaman ng buong tao kung gaano kabait si Tito Boy.

 

“Na-out ako sa isang show, nagbigay siya ng isang tseke sa akin.

 

“Sabi niya, ‘Anak, ibigay mo sa nanay mo kapag umuwi ka sa inyo para meron kang pasalubong.’

 

“Ganoon po kabait si Tito Boy,” kuwento pa ni Jason.

 

Kahit hiyang-hiya ay halata namang touched si Kuya Boy sa kuwento ni Jason na siya man mismo ay hindi na maalala na nangyari.

 

Samantala, isa rin sa naitanong kay Jason ay kung papayagan ba niyang muling sumali ang misis na si Vickie Rushton sa Miss Universe Philippines, lalo ngayon na puwede na ang may asawa, anak, at wala na ring age restriction dito.

 

“Oo naman,” ang mabilis na bulalas ni Jason.

 

“Lagi naman ganoon, laging kung ano ‘yung gusto mong gawin, gawin mo.

 

“Kasi hindi naman laging tayo magkasama. May trabaho ako so minsan maiinip ka rin sa buhay,” pahayag pa ni Jason.

 

Twice sumali si Vickie sa Binibining Pilipinas, noong 2018 kung saan 1st runner-up siya at nitong 2019 kung saan hindi siya nakapuwesto.

 

***

 

LUMABAS ang pagka-komedyana ni Thea Tolentino sa pelikulang ‘Take Me To Banaue’ na kahit siya ay nagulat.

 

“Sobrang nagulat din ako kasi off-cam tumatawa din yung mga… yung mga nasa taping tumatawa din sila. Kaya ko palang maging funny kahit papaano,” ang nanatawang pagbabahagi ni Thea.

 

Mapapanood ang ‘Take Me To Banaue’ via streaming sa www.takemetobanauefilm.com na nagkaroon na rin ng mga special premieres at screenings sa iba-ibang bansa tulad ng Amerika.

 

Ang iba nga rito ay dinaluhan pa ni Thea, na first time makapunta sa Amerika.

 

“Yes, parang may ten screenings dun tapos dun sa ten, tatlo lang yung napuntahan ko.

 

“Sobrang saya kasi first time ko ding mag-US and iba, iba yung pagtanggap ng mga kababayan natin dun, kasi nami-miss nila ang Pilipinas.

 

“Tuwang-tuwa sila na napapanood nila sa big screen ang Pilipinas, kung gaano kaganda ‘to.”

 

At nito ngang Pebrero 10 ay unang beses na napanood ang pelikula dito mismo sa Pilipinas.

 

“Sobrang happy ako na finally napanood niyo ‘to, napanood ng family and friends ko, it’s something new for me because I always do antagonist roles, very serious characters, pero sa Take Me to Banaue nakita niyo yung puwede pala akong maging funny kahit papaano, and puwede ding malandi,” at muling tumawa si Thea na gumaganap bilang si Jinky sa movie.

 

Ang ‘Take Me To Banaue’ ay sinulat nina Jason Rogers at Danny Aguilar (na siya ring direktor ng pelikula) at line-produced naman ni Monch Bravante, mula sa Carpe Diem Pictures.

 

Bida rin sa pelikula sina Brandon Melo (bilang si Hank) at Maureen Wroblewitz (bilang si Grace) kasama sina MJ Lastimosa, Dylan Rogers at Boobay.

(ROMMEL L. GONZALES)

Puring-puri ng netizens ang pagiging mother-in-law: SYLVIA, nag-uumapaw ang saya sa engagement nina ZANJOE at RIA

Posted on: February 24th, 2024 by @peoplesbalita No Comments

NAG-POST na rin sa kanyang Instagram account ang premyadong aktres at Face ng Beautederm na si Sylvia Sanchez, tungkol sa engagement ng anak na si Ria Atayde at boyfriend na si Zanjoe Marudo na kanilang in-announce last February 20.

 

 

Nagpahayag nga si Sylvia nang labis na kaligayahan para sa kanyang anak.

 

 

“Happy ako sobra para sa iyo Potpot @ria [red heart emoji],” caption niya kasama ang video ni Ria na naka-black one piece swimsuit na umaahon sa isang beach.

 

 

Dagdag mensahe pa niya sa anak, “Deserve mo yan dahil napakabuti mong anak [red heart emoji]”

 

 

Sa next IG post naman ni Ibyang, ibinahagi niya ang photo na magkasama ang celebrity couple. Makikita rin ang photos na nag-video call sila ni Ria kasama si Zanjoe, na makikitang happy sila lahat sa magandang balita na engaged na ang magkasintahan.

 

 

Sa caption ng mahusay na aktres, damang-dama ang nag-uumapaw na kasiyahan, “My heart is overflowing with Joy [red heart emoji]

 

 

“Perfectly Matched [three ring emojis].”

 

 

Matatandaan na nag-comment ang sister ni Ria na si Gela Atayde matapos ang proposal ni Zanjoe ng, “No I’m gonna cry again. Ily both.”

 

 

At sa kanyang Instagram Story, nagbilin si Gela sa brother-in-law to be na alagaang mabuti ang kanyang kapatid.

 

 

“Please take care of her, kuya @onlyzanjoemarudo [white heart emoji],” sey ni Gela.

 

 

Sa naging interview namin kay Sylvia sa 1st anniversary ng Beautederm Headquarte sa Angeles, Pampanga, isa sa naitanong namin ay kung handa na ba ang pamilya Atayde sa isa pang bonggang kasalan.

 

 

“Hindi ko alam kay Zanjoe, kay Zanjoe yan,” sambit niya.

 

 

“Nasa kanya yun, wala sa akin. Hindi ko para pangunahan si Zanjoe, maghihintay ako, kung ano ang gusto nilang dalawa. Sila yan eh, bilang nanay o magiging mother-in-law, ayaw kong makialam, ayokong pasukin ang relasyon nila, bahala sila.

 

 

“Basta ito ang sasabihin sa inyong lahat, mahal ko Maine (Mendoza) at mahal si Zanjoe, napakabait nilang dalawa.”

 

 

At kapag naging lola na raw, sa anak man nina Ria o Arjo, ang gusto niyang itawag sa kanya ng magiging apo ay ‘Mommy La’.

 

 

Marami pa ring celebrity friends at netizens ang bumati sa engagement nina Ria at Zanjoe.

 

 

Pinuri rin ng netizens si Sylvia dahil nakikita nila ang pagiging mabait na mother-in-law.

 

 

“Kung ganito lahat ng mother-in-law, this world will be a better place [three red heart emojis].”

 

 

“Ms. Sylvia, Zanjoe is so lucky you are such a good and loving mother-in-law, congratulations.”

 

 

“Inantay ko talaga un post mo mam, you are such a loving and sweet mom to your kids.”

 

 

“Pag kagaya ni Ma’am Sylvia magiging biyenan mo napaka-suwerte mo na [heart eyes emoji] Congratulations to the newly engaged couple.”

 

 

“Congrats… Swerte ng mga anak ni madam Sylvia ang bait nyo po.”

 

 

“Parang napakasarap maging mother-in-law ni Ms. Sylvia.”

 

 

“Sana all ganito ang mother-in-law.”

 

(ROHN ROMULO)

Kaya iwas na mag-comment tungkol kay Atong Ang: SUNSHINE, ‘di na comfortable na pinag-uusapan ang lovelife

Posted on: February 24th, 2024 by @peoplesbalita No Comments

HANGGANG ngayon at kahit anong pamimilit ay iniiwasang magbigay ng anumang komento o pahayag ni Sunshine Cruz hinggil sa isyu sa kanilang dalawa ng businessman na si Atong Ang.

 

“Kuya Jimi sorry late reply. Nasabi ko sa mga past interviews na hindi ako comfortable na pinag-uusapan pa ang lovelife ko.

 

“After Macky nangako ako sa sarili ko na hindi na dapat pa nalalaman ng iba ang personal ko,“ padalang mensahe ng magaling na aktres sa amin. May mga nakarating pang balita sa amin na super tiyaga raw sa panliligaw si Atong Ang kay Shine.

 

Ang sabi pa nga ng mga netizen na huwag na raw sana siyang maging choosy at kung ibang aktres pa raw yan ay malamang sinunggaban na raw ng mga ito ang mayamang negosyante. Pero may mga malalapit naman kay Sunshine ang nagbanggit sa amin na ayaw ding magbigay ng anumang pahayag tungkol sa naturang isyu.

 

Hindi raw sila naniniwala na ang nilipatang bagong bahay ngayon ni Sunshine at mga anak niya ay bigay ni Atong Ang.

 

Sa sipag nga naman ni Sunshine at sa walang tigil na buhos ng mga biyayang ibinigay sa kanya ay walang dudang kayang-kaya ng premyadong aktres na makapagpagawa ng isang mansion, huh! At sa totoo lang din naman ay mas maliit sa una nilang bahay ang nilipatan ni Shine at ng tatlo niyang equally beautiful girls.

 

And take note, wala sa isang mamahaling subdivision ang bahay ni Sunshine ngayon na taliwas sa sinasabing kung si Atong ang magre regalo ay tiyak nasa isang kilala at mamahaling subdivision yun, huh!

 

***

 

STILL on Sunshine Cruz, siya ang ginawaran bilang Remarkable Woman of Inspiration and TV Actress of the Year ng Global Trends business leaders awards na ginanap sa Okada hotel nung Martes pero hindi siya nakarating.

 

May prior appointment na raw si Sunshine at hindi naman kaagad siya sinabihan at huli na raw niyang natanggap ang invites. “Hi Kuya Jimi, sorry kahapon lang nagsabi sakin ang management ko. May commitment na ako na natanguan tonight.”

 

Gustong-gusto raw talaga na pumunta ni Sunshine at makapagpasalamat ng personal sa mga taong namamahala ng awards, pero hindi na nagawan ng paraan. “So sorry talaga. It wasn’t sent to ALV management earlier. Sana po napuntahan at nakapag-prepare ako,” sey pa niya. “Please tell them sobrang salamat po. Too bad late na po ako nasabihan.

 

 

May prior commitment po kasi ‘di na ma-cancel,” karagdagang paliwanag pa ni Sunshine.

(JIMI C. ESCALA)

Inaming magkapangalan sana sila ng Megastar: JANICE, hiyang-hiya kay SHARON nang mag-apologize dahil kay GABBY

Posted on: February 23rd, 2024 by @peoplesbalita No Comments

SA latest YouTube vlog ni Snooky Serna, binalikan nga ni Janice de Belen ang paghingi ng tawad sa kanya noon ni Sharon Cuneta sa national television at ang pagso-sorry ni Gabby Concepcion nang muli silang magkatambal sa pelikula.

 

 

Ayon kay Janice, hinding-hindi raw niya makalilimutan ang paghingi ng paumanhin sa kanya noon si Sharon dahil kay Gabby.

 

 

Parehong ngang naging bahagi ng buhay nina Sharon at Janice si Gabby.

 

 

Aminado naman ang premyadong aktres na ‘first love’ niya si Gabby na noong 1984 ay naging asawa naman ni Sharon, nagkaroon ng anak na si KC Concepcion at alam naman ng lahat na maghiwalay din makalipas ang ilang taon.

 

 

Sa “Pick A Name” game ang unang pangalan na nabunot ni Janice ay si Sharon.

 

 

Kinuwento niya na dapat daw ang original name niya noong ipinagbubuntis pa lang siya ng mommy niya, Sharon dapat ang ipapangalan sa kanya.

 

 

“Can you imagine kung nangyari yun,” natatawang sambit niya.

 

 

“Hindi ko alam kung bakit last minute, napalitan.”

 

 

At dito na nga niya naikuwento na nagkaroon din sila ng isyu dahil kay Gabby.

 

 

“Siyempre, nagkaroon kami ng konting issue because of Gabby. Nu’ng natapos na rin kami ni Gabby, parang tapos na rin yon.

 

 

“Pero okay naman kami. I mean, we see each other, we’re fine, we’re okay, we have no problems.

 

 

“And I remember, si Sharon actually apologized on TV, na nahiya ako kasi parang feeling ko, sobrang liit na bagay para mag-apologize siya.

 

 

“But she did apologize. Na-appreciate ko yon. Pero nahiya ako doon kasi hindi ko alam kung bakit kailangan niyang mag-apologize, wala naman iyon.

 

 

“But, you know, we’re okay. We’re okay,” pagbabalik-tanaw pa ni Janice.

 

 

Hindi rin niya makalilimutan ang ginawa ni Sharon noong ipinagbubuntis niya si Luigi Muhlach, ang love child nila ni Aga Muhlach.

 

 

“When I was pregnant with Luigi, siguro dahil alam nga niya nung time na pregnant ako dun sa first ko, siyempre big deal yon.

 

 

“Laman ako ng lahat ng kuwentuhan ng mga Marites nung time na yon, pati nung church laman ako noon.

 

 

“She was very supportive. She sent me flowers and sent me a letter. So, na-appreciate ko yun,” kuwento pa niya.

 

 

Next niyang nabunot at si Maricel Soriano, at agad sinabi ni Janice na nasampal din siya ng bonggang-bongga sa movie nila na ‘Babaeng Hampaslupa’.

 

 

Pero pagbabahagi naman ni Snooky, mas malala ang sampal na inabot niya kay Marya sa ‘Inagaw Mo Ang Lahat Sa Akin’ at gumulong-gulong pa sila isang sementeryo.

 

 

After Sharon and Maricel, si Gabby ang nabunot ni Janice.

 

 

Nilinaw niya na maayos ang paghihiwalay nila at friends pa rin sila until now.

 

 

“Alam na natin yan. E, yan naman ang first love ko, di ba? It’s just nice because after all those years, Gabby and I are friends,” say ng aktres.

 

 

“Minsan pagkukuwentuhan namin ‘yung past, lolokohin ko pa siya, and, you know, game na game siya.

 

 

“So, wala akong galit whatsoever kay Gabby because we’re friends. Okay kami, yung walang drama. May closure and we’re really okay.”

 

 

Dagdag pa niya, “And you know, after what happened to us when we were doing ‘Rosenda’, he apologized to me. Sabi niya sa akin, ‘Whatever hurt I caused you, I wanted to say I’m sorry.’”

 

 

Proud na proud naman si Janice sa anak nila ni John Estrada na si Kaila Estrada, na pinupuri na rin bilang baguhang aktres, lalo na sa kanyang pagganap sa ‘Linlang’.

 

 

“I remember, minsan napanood ko siya, sabi ko sa kanya, ‘magaling ka pala anak?'”

 

 

Kuya Mayor naman ang tawag niya kay Herbert Bautista, pero hindi raw niya naramdaman na niligawan siya ni Bistek, dahil kapatid nga ang turing niya.

 

 

Marami pang napag-usapan sina Snooky at Janice na malapit nang mapanood sa ‘What’s Wrong with Secretary Kim’ starring Paulo Avelino and Kim Chiu.

 

(ROHN ROMULO)

Aminadong gumaan ang pakiramdam: POKWANG, masaya na lilisanin na ng dating asawa na si LEE ang ‘Pinas

Posted on: February 23rd, 2024 by @peoplesbalita No Comments
MASAYANG ikinuwento ng Kapuso aktres at komedyanang si Pokwang na tuloy na tuloy na raw na lilisanin na ng dating asawang si Lee 0’ Brian. 
Sey pa ni Ms. P. na sa wakas daw ay lalayasin na ng ama ng anak niya ang bansang Pilipinas.
“Well, at least gumaan ang loob ko at I’m so happy na rin kasi aalis na sIya sa susunod na buwan,” napatawang kuwento pa niya
Napatawa pang dagdag ni Pokwang na kung hindi pa raw aalis ng Pilipinas si Lee ay nakaabang na raw si Senator Tulfo at ang Violence against Women and Children (VAWC).
Kumbaga dahil sa reklamo ni Pokwang sa dating asawa ay maaari siyang damputin at ikulong ng nasabing ahensiya ng ating gobiyerno.
At kung hindi aalis si Lee ay hihimasin niya ang rehas na bakal ng kulungan.
Sa panayam kay Pokwang ay nakarating daw sa kanya na naghahanda nang umalis sa Pilipinas ang dating asawa
**”
MAGKAKAROON ng film festival sa Maynila sa taong Ito.
Ito pahayag ni Mayor Honey Lacuna sa kanyang ‘Usapang Maynila’.
Ayon kay Mayora Honey ay tatawagin itong “The Manila Film Festival 2024”.
Kasabay na ring pinanawagan ng alkalde ang lahat ng student film makers na nasa edad ng 18 years old paraan na magsumite na lumahok sa TMFF 2024.
Dagdag pang pahayag ng kasalukuyang ina ng Maynila na ang TMFF 2024 ay parte ng programa ng city government thru the Deo of Tourism Culture and the Arts (DTCAM) na kung saan pinamumunuan ni Sir Charlie Dungo na isa rin sa rin sa tumutulong sa yearly events ng Archdiocesan Shrine of Santo Niño sa Tondo.
Kay Mr. Dungo na rin iniasa ng alkalde ang muling maging aktibo at buhayin muli ang Maynila bilang isang “lively at creative hub” para sa cinema.
Inihayag pa rin ni Mayora Honey na magkaroon din ng awarding ng “Gawad Maynila” film grant para sa mapipillng promising Filipino independent filmmakers.
Para sa interesado ay i-submit agad ang kanilang short film entries hanggang Feb. 29, 2024 ang itinakdang deadline ng short films para sa TMFF.
Maaring bisitahin ang www.themanilafilmfestival.cơm .
Dagdag pahayag pa rin ni Sir Charlie ay bukas ang festival para sa mga bonafide students mula sa pribado at pampublikong state universities ng buong bansa.
Ang theme ng TMFF 2024 ay ipagdiwang ang siyudad bilang “City of Infinite Possibilities and a Thousand Tales”.
Speaking of Manila, from a source na malapit kay Sen. Imee Marcos na malamang daw iinumpirma nito sa smin ang pagtakbo bilang alkalde ng siyudad sa darating na election.
Kahit may mga pag+uusap daw sa pamamagitan ng kampo ng nakaupong city mayor at ng mga staff ni Sen. Imee ay itutuloy pa rin daw ng huli ang matagal na rin palang balak ng senadora na maupong Ina ng Maynila, huh!
Well, lalaban pa rin kaya si Isko Moreno na halos lahat ng mga nakausap namin mga taga-Maynila ay umaasang si Yorme uli na ang susunod na mayor?
(JIMI C. ESCALA)