Come to me.
- July 28, 2024
-
Search in People's Balita
Ang Diyaryong Pinagkakatiwalaan
Archive for January 15th, 2021
Mga atleta maaring mabakunahan sa Mayo, Hunyo – CDM Fernandez
TINATAYA ni Philippine Sports Commission (PSC) Commissioner Ramon Fernandez, na posibleng maineksiyunan na sa Mayo-Hunyo ang mga national athlete para makabalik na sa normal o regular training.
Naging reaksiyon ito ng 67-anyos, may taas na 6-4 at tubong Maasin City pagkatalaga sa kanya nitong Martes, Hunyo 12 ni Philippine Olympic Committee (POC) President Abraham Tolentino bilang Team Philippines chef-de-mission para sa para sa 31st Southeast Asian Games 2021 Hanoi, Vietnam sa Nobyembre 21-Disyembre 2.
“We will plan things out. I hope that by May or June, our athletes will be vaccinated so they can resume their regular training,’’ komento ni Fernandez, na aasistehan sa paghahanda sa national delegations ng dalawang deputy CDM buhat sa National Sports Associations (NSAs).
Itinanghal na overall champion ang Pinoy athletes sa 30th SEA Games Philippines 2019 sa nakamit na 149 gold medals laban sa 10 iba pang kalahok na bansa sa Timog-Silangang Asya.
Sanhi ng epekto ng Covid-19 ang mga manlalaro ng bansa mula pa noong Marso 2020, pinupuntirya ni Tolentino ang top three finish para sa ngayong edisyon. (REC)
3 timbog nang magtransaksyon ng shabu sa harap ng mga pulis sa Navotas
Kalaboso ang tatlong hinihinalang sangkot sa ilegal na droga matapos magtransaksyon ng shabu sa harap mismo ng mga operatiba ng Maritime Police na nagsasagawa ng surveillance operation sa Navotas city, kamakalawa ng gabi.
Kinilala ni Northern NCR Maritime Police Station (MARPSTA) head P/Major Rommel Sobrido ang mga naarestong suspek na si Albert Mejarito, ng Bulungan St.NFPC, Brgy. NBBS, Juanito Rosales, 36 ng Balot, Tondo, at Reynante Egana, 52 ng Pier 1, NBBN.
Ayon kay PSMS Nemesio “Bong” Garo, dakong 11:50 ng gabi, nagsasagawa ng surveillance operation ang mga operatiba ng MARPSTA sa pangunguna ni PLT Erwin Garcia hinggil sa natanggap na ulat na umano’y bentahan ng isda na huli sa putok sa Market 1, NFPC, Brgy. NBBS nang huminto at tumayo sa kanilang harap ang mga suspek.
Tila hindi napansin ng mga suspek ang mga pulis at nagtransaksyon ang mga ito saka nag-abutan ng plastic sachet ng hinihinalang shabu kaya’t agad silang nilapitan ng mga operatiba sabay nagpakilalang mga pulis.
Gayunman, hindi na nakapalag ang mga suspek nang agad silang arestuhin ng mga operatiba at nakumpiska sa kanila ang 21 piraso ng plastic sachets na naglalaman ng nasa 1.35 gramo ng hinihinalang shabu na tinatayang nasa P11,600.00 ang halaga.
Mahaharap ang mga naarestong suspek sa kasong paglabag sa Comprehensive Dangerous Drug Act of 2002. (Richard Mesa)