WINAKASAN ni Yuka Saso ang laban sa pinalong two-under par 70 para 269 total upang humilera sa apat na magkakatabla sa ikaanim na puwesto kalakip ang $54,848 (P2.5M) bawat isa sa katatapos na 72nd Ladies Professional Golf Association (LPGA) Tour 2021 6th leg – $2M 10th Lotte Championship sa Kapolei Golf Club sa Hawaii.

Itinanghal na kampeon si Lydia Ko ng New Zealand na sa ikalawang sunod na araw ay may mainit na 65 para sa tournament record na 260 at kopoin ang ika-16 niyang korona sa LPGAT kaakibat ang $300K (P14.5M).

May seven strokes na panalo si Ko sa apat na mga nagbuhulan para sa sa ikalawang puwesto sa apat na araw na hambalusan nitong Abril 14-17.

Nakapanghihinayang pa rin kahit paano ang naging tapos ng edad 19 na Fil-Japanese at top Philippine pro golfer dahil siya’y naging lider ng dalawang araw sa kompetisyon.

Ang mga nakatabla niya sa katayuan ay sina Jenny Shin ng Korea na naka-64 sa final round, Wei-Ling Hsu ng Taiwan (66), at Sarah Hchmelzel ng Estados Unidos (66). (REC)

INUPAKAN din ni Samahang Basketbol ng Pilipinas Inc. president Alfredo Panlilio ang kontrobersyal na laban ng Siquijor Mystics at Lapu-Lapu City sa Visayas Leg ng 1st Pilipinas VisMin Super Cup 2021 elimination round Miyerkoles ng nakraang linggo sa sa Alcantara, Cebu.

Kinampihan din niya ang pasya nitong Linggo ng Games and Amusements Board at liga sa parusa sa Mytics na ban sa liga, at suspensiyon, multa sa players at coaches ng Lapu-Lapu kinabukasan pagkaraan ng gusot sa men’s hoopfest.

Pero mas ninanais ng opisyal na i-ban sa lahat liga sa bansa ang mga kasangkot sa alingasngas na hinihinalang may bentahan sa laro dahil sa ayaw i-shoot ng maraming player ang free throws at layups.

“Moving forward, the SBP will study how such unwanted incidents that unduly stains the integrity of the game of basketball can be prevented from happening again in the future and how those guilty of dishonestly playing the game in this deplorable fashion can be penalized, if not banned outright from engaging in the sport of basketball,” wakas na pahayag ni Panlilio.