MAPAPANOOD na simula ngayong gabi, April 26, ang pagbabalik-acting ni Asia’s Pop Diva Julie Anne San Jose, sa Kapuso series na Heartful Cafe.
Maraming excited na may bagong ka-love team si Julie Anne, si Kapuso hunk actor David Licauco.
May isang eksena sa teaser ng show na naka-topless lang si David, sasabak na raw ba si Julie Anne sa more mature roles?
“Iba po ang definition ko ng mature role, yung mas may lalim na ang characters and open naman ako to do it, pero iba po iyon when it comes to daring and pa-sexy roles.” Paliwanag ni Julie Anne.
“Para sa akin, dapat pong paghandan, kasi passionate po ako about everything I do and I make sure I commit to it 100%. I love singing and acting, kaya I feel like a different person kapag iba-ibang roles ang ibinibigay sa akin.
“Pero dito po, hayaan muna ninyong magpakilig kami nina David, EA (Guzman), Ayra Mariano, Zonia Mejia, Victor Anastacio, Jamir Zabarte at iba pa naming kasama rito.”
May world premiere ang Heartful Cafe sa GMA-7 at GMA Heart of Asia, pagkatapos ng First Yaya.
Mapapanood din ito abroad sa GMA Pinoy TV.
***
THANKFUL si Asia’s Multimedia Star Alden Richards na muling nabuo ang kanyang pamilya last week, nang dumating ang kanyang Kuya RD (Richard Daniel) Faulkerson, kasama ang Tita Joan nila, sister ni Daddy Bae, mula sa San Francisco, California.
Dapat kasi, kung hindi nagkaroon ng pandemic last year, naka-schedule sana ang buong pamilya niya na sa South Korea sila magsi-celebrate ng Christmas holidays, pero hindi nga nangyari dahil mahigpit ang pagta-travel.
Bawal na rin nilang isama ang Lolo Danny at Lola Linda nila dahil sa kanilang age.
Kaya enjoy ang magkakapatid, RD, Alden, Riza at ang bunso nilang si Angel na nag-bonding kahit doon lamang sa kanilang bahay sa Nuvali, Sta. Rosa, Laguna.
Sayang nga lamang dahil kailangan ding mag-quarantine ng ilang araw sina RD at Tita Joan nila, as per requirement ng government sa mga dumarating mula sa ibang bansa, bago sila nagkita-kita.
Nagkataon pang MECQ na nang dumating sila kaya mahirap ding mamasyal.
Pinagkakaabalahan ngayon ni Alden ang TVC shoot ng isa niyang endorsement at ang script reading nila via zoom, bilang paghahanda para sa teleserye nila sa GMA Network, ang The World Between Us na muli nilang pagtatambalan ni Jasmine Curtis-Smith, na makakasama rin nila si Tom Rodriguez.
***
HINDI kataka-taka na hangaan ni Kapuso actress Alice Dixson at approved sa kanya ang baguhang actress na si Claire Castro, ang gumanap sa role niya sa remake ng 1988 Regal movie na Nagbabagang Luha.
Una itong ginampanan nina Lorna Tolentino, Gabby Concepcion at Alice.
Ngayon, iri-remake ng GMA Network ang movie na ginagampanan nina Glaiza de Castro, Rayver Cruz, at si Claire sa role ni Alice.
Si Claire ang isa sa mga new stars ng GMA, at mula siya sa showbiz family. Ang parents ni Claire ay ang mga dati ring Kapuso stars, sina Diego Castro at Raven Villanueva.
Mga lolo at lola naman ni Claire ang mga broadcasting legends na sina June Keithley at Angelo Castro, Jr (NORA V. CALDERON)
Dalawang panibagong diplomatic protest ang inihain ng Department of Foreign Affairs (DFA) laban sa China matapos na mataan ang 160 Chinese vessels sa karagtang sakop ng Pilipinas.
Dalawang dosena na ang namamatay matapos maineksyunan laban sa coronavirus disease (COVID-19) sa Pilipinas — pero wala pa rito ang napatutunayang idinulot dahil mismo sa bakuna.
Daan-daang milyong halaga na ang napipinsala ng bagyong Bising sa sektor ng agrikultura at sari-saring imprastruktura habang patuloy ang pagkilos nito papalabas ng Philippine area of responsibility, ayon sa National Disaster Risk Reduction and Management Council (NDRRMC).
Pangungunahan ni Pope Francis ang global rosary marathon para matigil na ang COVID-19 pandemic.
WALANG ipinapatupad na “cut off” o “quota system” ang tanggapan ng Local Civil Registry ng pamahalaang Lungsod ng Maynila.
Nakapagtala ang Department of Health (DOH) ng 8,719 bagong infection ng coronavirus disease Biyernes, kung kaya nasa 979,740 na sumatutal ang nahahawaan nito sa bansa.