NILANTAD na ni Max Collins ang balik-alindog ng katawan niya.

Mag-iisang taon na kasi noong sinilang niya ang baby boy nila ni Pancho Magno na si Skye.

Ngayon ay panay ang post ng aktres ng post baby bod niya sa social media.

“If you have no love for yourself or you don’t give to yourself, then you won’t have love to give to other people including your baby. Two things that I used to do before having a child para lang I can be my happy self for Skye,” diin ni Max.

Idinaraan ni Max ang kanyang self-love sa pamamagitan ng workout at pagiging healthy.

“Recently I have been doing a lot of weight training, and then yoga, the boxing. I just love doing workout with friends kasi my friends get tested regularly. So sabay kaming nagwo-workout. I think nakakatulong din yon for me to push myself.”

Kaya balik-trabaho si Max sa lock-in taping ng GMA teleserye na To Have And To Hold with Carla Abellana and Rocco Nacino.

Para hindi raw siya nangungulila kay Skye habang nasa taping siya, nagdala si Max ng ilang gamit ng baby niya na inaamoy-amoy at nayayakap-yakap niya.

“Mas lalo ko tuloy nami-miss si Skye. Pero I’m doing this for his future. Tsaka malapit na rin kaming magkita. Bilang ina, you have to do these sacrifices.”

***

EXCITED na ang pop-folk group na Ben&Ben sa posibleng collaboration nila with acclaimed Filipino-American R&B artist H.E.R. 

Si H.E.R. mismo ang nag-propose ng collab ng music nila dahil nagagalingan siya sa Ben&Ben.

“We were simply over the moon about it. Seeing someone so successful being so open and proud about his or her roots really inspires all of us. And for H.E.R. to express interest in working with us, inspires us even more to work harder and keep creating music. We admire her for how she stays true to herself and her message, and, of course, for the sheer excellence and skills she puts into all of her songs,” sey ng Ben&Ben.

Hindi raw malayong mangyari ang collab dahil ang recording labels ni H.E.R. (RCA Records) at Ben&Ben (Sony Music Philippines) ay kapwa nasa iisang kumpanya ng Sony Music Entertainment.

Sey pa ng Ben&Ben: “We would definitely want to work on a song that’s closer to having an R&B and soul vibe. It’s a genre that all of us in the group really love. And we feel we can pull that off with the help of H.E.R.’s immaculately cool vocals.”

***

SINILANG na ni Meghan Markle and second baby nila ni

Prince Harry na si Lilibet Diana Mountbatten-Windsor.

Nickname niya ay Lili. June 4 at 11:40 AM nang isilang si Baby Lili sa Santa Barbara Cottage Hospital in California.

Ayon sa statement ng Buckingham Palace: “The Queen, the Prince of Wales and the Duchess of Cornwall, and the Duke and Duchess of Cambridge have been informed and are delighted with the news of the birth of a daughter for the Duke and Duchess of Sussex.”

Sa Instagram account nina Prince William at Kate Middleton, binati nila ang Duke and Duchess of Sussex sa new member ng pamilya nila: “We are all delighted by the happy news of the arrival of baby Lili. Congratulations to Harry, Meghan and Archie.”

(RUEL J. MENDOZA)

PASOK pa rin sa Top 5 si Miss Universe 2018 Catriona Gray sa most followed Pinay celebrities on Instagram na ngayon ay umabot na sa 12 million.

Nangunguna pa rin si Anne Curtis na may 16.8M, kasunod sina Liza Soberano – 15.8M, Kathryn Bernardo – 15M at Pia Wurtzbach – 12.3M.

Kaya naman ganun na lang ang pasasalamat ni Queen Cat sa lahat ng nagpa-follow sa kanyang IG account.

Sa IG post, “12 Million? That’s crazyyyy thanks for following along with this adventure called life. Grateful for all of you!

“Glow @fentyskin #HYDRAVIZOR @fentybeauty #EAZEDROP @jellyeugenio @paulnebreshair @justine.aliman19 captured by @altaniameen video @paulnebreshair.”

Samantala, for the first time sa beauty pageant history, parehong babae ang magiging hosts sa Binibining Pilipinas 2021 Coronation Night ngayong July 11 na gaganapin sa Smart Araneta Coliseum.

Makakasama nga ni Catriona si Miss Grand International 2016 1st Runner-up Nicole Cordoves, na kung saan pinost niya ang kanilang photo sa IG at caption ito ng, “Pageantry Redefined. @binibiningnicolecordoves and I are your first all-female hosting tandem in herstory for #BinibiningPilipinas2021 @bbpilipinasofficial.

“Witness history this July 11, 2021, 9:45PM at the Smart Araneta Coliseum. Watch on A2Z or the @bbpilipinasofficial YouTube channel.

“Photography @bjpascual | beauty @jellyeugenio @paulnebreshair | styling (cat) @perrytabora (nicole) @bonitapenaranda.”

Sa naturang beauty pageant magmumula ang mananalong Miss International, Miss Grand International, Miss Intercontinental at Miss Globe na ipadadala ng Pilipinas para mag-compete sa sa iba’t-ibang bansa.

Nag-react nga ang celebrity friends ni Cat at isa nga rito si Megan Young at nag-comment ng, “Love!!!!”

Sabi naman ng netizens, kailan naman kaya magkakasamang mag-host sina Catriona at Megan, na marami pala ang nag-aabang, pati na rin ang photoshoot collab nila.

Comment nila, “who knows one di ba? They’re both MWP after all. Pero very very slim chance lang cause Cat loyalty is always with Madam Stella unless I take over ulit ni Madam Cory ang MWP Org at I-invite si Cat.”

“Who knows one day. They are two of the most well-loved beauty queens in the Philippines kaya… My top two faves!”

(ROHN ROMULO)

QUEEN of Collaborations talaga si Kapuso actress Heart Evangelista! 

Ang latest ay nang isa siya sa mga personalities tapped by Italian luxury brand Salvatore Ferragamo para sa latest collaboration.

Noong Saturday, June 5, featured na sa brand’s Instagram page si Heart as part of its #SilkYourStyle social media campaign.

May caption ito na: “Heart Evangelista is unwaveringly stylish with a classic Ferragamo foulard woven through her braid hair for a feminine flourish. How do you style your scarf?” 

Mabilis na nagpasalamat si Heart na isinama siya ng Ferragamo sa kanilang campaign: “That you @ferragamo for making me a part of your campaign. #SilkYourStyle.”

   Samantala ay naghahanda na sina Heart at new Kapuso actor Richard Yap sa nalalapit nilang pagpasok sa lock-in taping nila ng I Left My Heart In Sorsogon sa Bicol.

***

CONGRATULATIONS to Vianna Ricafranca the  first Ultimate Winner ng Bida Kids singing sensation ng GMA Network, ang Centerstage. 

Ang Grand Finale Showdown ay ginanap sa virtual stage, hosted by Asia’s Multimedia Star Alden Richards with sidestage co-host Betong Sumaya, last Sunday, June 6, sa GMA-7.

Sina Vianna at Oxy Dolorito ang tinanghal na top 2 sa four finalists kasama sina Rain Barquin at Colline Salazar.

   Nahirapan ang mga judges na sina Pops Fernandez, Aicelle Santos at Mel Villena na pumili sa mahusay na performances nina Vianna at Oxy pero mas matindi ang performance ni Vianna.

Tumanggap si Vianna ng cash prize na five hundred thousand pesos plus a brand new house from Bria. Si Oxy ay tumanggap naman ng cash prize na two hundred thousand pesos at sina Rain at Colline, one hundred thousand pesos each. Lahat sila ay may gift din para sa kanilang online education.

Bago natapos ang grand finale showdown, nag-announce si Alden na abangan ang susunod na Centerstage competition.

Kaya ngayon pa lamang maghanda na ang mga susunod na maging contestants at maging Bida Kids ng Centerstage.

***

    NAHIRAPAN si Max Collins na iwanan ang anak nila ni Pancho Magno na si Skye Anakin nang pumasok siya sa lock-in taping ng upcoming GMA drama series na To Have and To Hold, sa Bataan.

Tamang-tama naman na bago ang lock-in taping nila, ay natapos na rin ang husband niyang si Pancho ng lock-in taping nito ng romantic-comedy series na First Yaya, kaya palagay ang loob ni Max na maiwanan ang baby boy nila na malapit nang mag-one year old sa July 6.

    Sa isang interview sinabi ni Max na miss na miss na niya si baby Skye, pero napapawi ito kapag naaamoy at nayayakap niya ang ilang gamit ng anak na binaon niya sa work.

    Sa To Have and To Hold, gagampanan ni Max at ni Rocco Nacino ang role na mag-asawang Dominique at Gavin Ramirez ngunit magkakaroon ng iskandalo sa kanilang pagsasama.

Ipaglalaban ba nila ang kanilang pagmamahalan? Kasama rin nila sa serye si Carla Abellana na based sa released photo niya ay ibang-iba ang aura niya na mukhang blooming siya, malayung-malayo sa ginampanan niyang role sa katatapos na family drama na Love of My Life.

Ayon kay Carla, inaral daw niya ang character niya bilang the very young, flirty, Erica Gatchalian.

(NORA V. CALDERON)